مسابقة أمثال [الأرشيف] - منتدى قديحيات الثقافي

الحبابة بنت الزهراء

18-07-2009, 10:10 AM

السلام عليكم
امسابقة تتلخص في الآتي
سأكتب مثل إللي يعرف متى يقال ولمن أو يشرح المثل وتكون إجابته صحيحة صاحب المثل يعطي صاحب الإجابة الصحيحة إذن في وضع مثل وهكذا
أول مثل نفتتح به هو
بخورة صدوح
متى يضرب هذا المثل ولمن من الناس ؟

تحية ولائية

الهاشمي

18-07-2009, 10:59 AM

شكراً لك يا حبابة على طرح هذا الموضوع و أتمنى أن يكون قديماً متجدداً..

صراحة أول مرة أسمع بهذا المثل و لكن أعتقد أن هذا المثل يضرب للشخص الذي لا يكتم سراً بل يذيعه لكل أحد و بسرعة..

أتمنى يكون المعنى قريب و منكم نستفيد..

الحبابة بنت الزهراء

18-07-2009, 11:12 AM

سيد شاطئ
معقولة شاطئ أبو لمثال أول مرة يسمع هالمثل
إجابتكم صحيحة
بإنتظار مثلكم
تحية ولائية

الهاشمي

18-07-2009, 11:19 AM

فيه مثل أسمعه واجد بس أكيد أنتِ يا بنت الزهراء خبيرة في هالأمثال لكن شبابنا لصغار (جيل حليب نيدو و بلايستيشن) ما يعرفوه فخلنا نختبرهم و نشوف:

يقال أحيانا لشخص:

ما دورت من لنجوم إلا اسهيل؟!!

فماذا يعني؟

أتوقع أن عندي في البيت موسوعة للأمثال الخليجية إن شاء الله ألقاه و نجيب منه كم مثل..

موفقين.

كليله

18-07-2009, 11:21 AM

:kisses:

اعذرينا يالحبابه على التأخير
والأسباب تعرفيها ..

اوَلاً شغلتينا في الرد عليش في موضوع سيد الغواري
والسبب الثاني قاعد ادوّر على ايقونه حليوه لشاطئ الحلو
دوّرت الأيقونه اللّي تجفّخ وماشفتها وحطّيت هادي بدالها ,,

شاطئ ..يالله ترى ان متحمّس

كليله

18-07-2009, 11:24 AM

مادوّرت من لنجوم الاّ سهيل ..

يُضرب للشئ الصعب المنال والذي يتكبّد الحصول عليه عناء ومشقّه ..

زين يالحبابه اسمحي لي واعطيني الدوّر ..

تفرّغت حسنه من صلواتها ..

الهاشمي

18-07-2009, 11:31 AM

يا سلام عليك يا أبو محمد.. هذا المثل بسيط :goofy-smiley-14:

هذا المثل: تفرغت حسنة من صلواتها يضرب لمن أتى متأخراً عن أمرٍ ما أو فاته شئٍ ما.. صح؟

زين إذا الجواب صح أنا باجيب مثل آخر.. و شكلها المسابقة مفتوحة للكل يا بنت الزهراء و خلي الشباب يتعلموا لأن شكلهم ما يعرفوا أغلب هالأمثال..

يقال أحيانا:

أقول له تيس يقولي احلبه

العنكبوت

18-07-2009, 11:39 AM

ههههه
اقول له تيس يقول لي حلبه
يمكن يقال لما انت تتكلم في موضوع ويجي شخص يسوي روحه فهيم ويتكلم في موضوع خارج عن الموضوع الأساسي ولا يمت له بصله
يعني هو تيس وهو يصر ويقول احلبه
انت اول استوعب عن ويش اتكلم
بعدين احشر روحك
اتمنى جوابي صح
لكن اني ما اعرف امثال عتيييقة خخخ عشان احطها يعني اللي وده يحط بعدي يحط

كليله

18-07-2009, 11:42 AM

مولانا شاطئ
ابداية نجيب امثال بسيطه وبعدين مافيه الاّ لشط
عموما هالمفل قريب نوعاص ما من وين أدونك ياحبشي
يعني هالمفل وهذا وغيره يضربوا في الغباء ويقصد بها دائما الشخص القليل الفهم
الخفيف العمل , واللّي مايفهم بسرعه معنى الكلام اللّي ينقال له او العمل الذي وجّه اليه ..

ان شاء الله اجابه صحيحه , والضاهر أكلنا الجو على الحبابه خخخخخخخخ
اذا صحّ انا اطالبها بأن تضع هي المثل التالي .
كما نرحب بانضمام العنكبوت الينا ويبدو انّني كنت اكتب الرّد اثناء وجودها .

الهاشمي

18-07-2009, 11:57 AM

إجابتكما صحيحة بالطبع..

أنا معك يا أبا محمد.. نعطي المايك للحبابة لتستلم دفة القيادة فهي قالت (مسابقة) بس ما قالت ويش الجوائز؟ أتوقع الجائزة خصفة أو مهفة خوص ملونة أو فوب هاشمي أو صروال مدرسة..

يالله يالحبابة نتانيش تجيبي لينا مثل جديد..

ام الميرزا

18-07-2009, 12:18 PM

والله هالحبابة مررررة حركااااااااااات
كل شي تعرفة سوالف وامثال
داني جبت لش مفل ان شاء الله تعرفوه

((عفر يوم مات سووله عصيده ))

الحبابة بنت الزهراء

18-07-2009, 12:39 PM

ماشاء الله عليكم
كل من يضع مثل يعطي المايك إللي إجابته صحيحة
أو بعدين كل شي تبغوا وراه شي
مافيه لاجوائز ولا حم بصيص
يالله أحد يجاوب على أم الميرزا

تحية ولائية

كليله

18-07-2009, 12:43 PM

زين يالحبابه وهادي ام محمد عدالي شرحتي لي معنى المفل
بس دام قلتي مافيه جوائز ولاحم بصيص ماباجاوب ..

وأنا وشاطئ متفقين على ان تكون الأجابة عليكم .
تحية ولائيه

الحبابة بنت الزهراء

18-07-2009, 12:58 PM

يعني تتحدوني ؟؟؟
ويش أسوي في روحي ويا هالشياب كله كله تحدي قلنا بتتحدوني ويا الشيفة الغوري لمدحن قلت ماعليه طلعتوا ليي حتى هنا ( جنانوه )
يالله قابلة التحدي
بسم الله نبتدي ...
( عفر يوم مات سووا ليه عصيدة )
هالمفل يضرب للناس الحزج إللي مايعطوا أولادهم شي إلا إذا إعتفروا أو ماتوا وستماتوا يالله يالله يبو لهبيل إلا يعطوهم
أم الميرزا تعالي شوفي إجابتي
ولا تشمتي الشياب فينا توصي فيني عدل
تحية ولائية

السيد محمد الخضراوي

18-07-2009, 01:20 PM

طرح جميل جدا تشكروا عليه
بنتابعكم ونستمتع بما نقرأ مما يخط هنا
بس
لا يغركم القارئ وفي ايده مسباح :)

ام الميرزا

18-07-2009, 02:10 PM

والله شاطرة هالحبابة مسقفة ماشاء الله عليها
لا يغركم القارئ وفي ايده مسباح
يضرب للانسان اللي مظهره يدل على شي مهم
ولكن هو في الحقيقة إخرطي
إن شاء الله اجابتي صحيحة سيد !!
تمشي بلا صروال جيفه مصرولة !!

اعذب الالحان

18-07-2009, 02:38 PM

اللهم صل على محمد وآل محمد وعجل فرجهم ياكريم
ماشاء الله موضوع مرة حليو
وماشاء الله تفاعل ولا أحلى وصلوا الردود 15 والموضوع ماصار له كم ساعه

يمكن يقال للشخص اللي يخرط بسالفة ومن دون سالفة يعني هو من اصله يمشي ويخرط بعد كيف ادا صارت عنده سالفة مايسكت ابدا

ام الميرزا

18-07-2009, 03:40 PM

تمشي بلا صروال جيفه مصرولة
يضرب للمرأة المغرورة بكل شي عندها حتى لو ما يسوى
كيف لو صار عندها شي يستاهل تغتر به
يعني مثلاً ولد حليو لو بيت إحليو

خذو عدكم مثل جديد ((الطير الفصيح من البيضة يصيح))

متيمة القديح

18-07-2009, 04:10 PM

الطير الفصيح من البيضة يصيح
يمكن معناه إن الواحد ينعرف من صغره إذا عنده موهبة معينة مثل الديش يزعك من بيضته
خدو المثل
الأعور على العميان باشا(يضرب في ويش)

الحبابة بنت الزهراء

19-07-2009, 11:00 AM

مرحبا متيمة القديح
أعور على العميان باشا
إللي يعرف شيء بسيط أمام جهال يتعنتر عليهم ويسوي روحه مافيه زيه
زي إلا يتهجى كلمات أمام ناس ماتقرأ يسوي روحه لالك ولا لي أو مافيه أعلم منه
أو زي إللي يحكي أقلينزي قدام عواجيز يسوي روحه بالك عني أرطن بالأوكي أو هوه خلف الله عليه على قده

إليكم المثل
لابس فياب الهيبة قرشين مافي جيبة

ملاحظة الهدف من هالمسابقة معرفة المثل أو حفظه أو قد ماتقدروا خل كلامكم كله أمثال ( مين قدكم كلامكم درر )

تحية ولائية

الهاشمي

19-07-2009, 11:23 AM

إليكم المثل
لابس فياب الهيبة قرشين مافي جيبة

ملاحظة الهدف من هالمسابقة معرفة المثل أو حفظه أو قد ماتقدروا خل كلامكم كله أمثال ( مين قدكم كلامكم درر )

تحية ولائية

الظاهر و الله أعلم أن هذا المثل يساوي في معناه (الراس عالي و الجيب خالي).. صح؟ يا أم علوي..

و يطلق على الواحد اللي مسوي نفسه بالك بالك (شايف نفسه) و هو في الحقيقة ما عنده شئ..

هذا المثل حضرني الآن:

المجانين في لذة

كليله

19-07-2009, 12:44 PM

ابوالساده
صدتك , وحده بوحده , الحين طلعت أنت بعد مانت شايب

(المجانين في لذّه)
وقبل ان اشرح معناه
اترك الحكم لحبابتنا بنت الزهراء ..
تحياتي لك ابوالشواطئ .. وشرفنا عاد ..

الحبابة بنت الزهراء

19-07-2009, 12:50 PM

علمي
المجانين في نعيم
بس العلم عند حجي شاطئ

ابراهيم ناجي

19-07-2009, 01:24 PM

موضوع جميل وممتع وفيه تفاعل كبيرة وشكلي تأخرت واجد ... تسلمي حبابتنا على هالموضوع .. يلا من يعرف متى يضرب هذا المثل ((مو كل من طب البحر سباح))

الهاشمي

19-07-2009, 01:28 PM

قالوا جُننتَ بمن تهوى فقلتُ لهم ... ما لذةُ العيشِ إلا للمجانينِ

زين هذا واحد بديل لهالمثل:

الناس في دندرة (أو جلجلة مانا متأكد) و المرة تبغا رجل

كليله

19-07-2009, 01:32 PM

معذرة العزيز شاطئ
والأخت بنت الزهراء

بس بغيت ارحب بالأخ ابراهيم ناجي وبقية الأخوة واتمنى عليهم
ان يراعوا الترتيب في طرح الأمثال .. واقول للجميع من عيوننا
كلنا في خدمتكم وعلى استعداد للتفاعل ما تطرحونه ..

وشكراً .

النخلاوي

19-07-2009, 03:44 PM

الناس في دندرة (أو جلجلة مانا متأكد) و المرة تبغا رجل

ويقولوا
الناس في فلك عظيم والعجوز تبغى رجل

ولكم هدا المفل
صيح بالرخص يجيك الطماع

ملاذ

19-07-2009, 03:52 PM

صيح بالرخص يجيك الطماع

كل شي بلاش ربحه بيِّنْ

يمكن يركب!

الحبابة بنت الزهراء

19-07-2009, 11:42 PM

أخي شاطئ
الفل هاللون الناس في حنجلة والعروس تبغى رجل
أو هالمفل ينضرب إذا مجموعة من الناس مشغولة بأمر ما ويجي واحد يبغى منهم شي خارج أو بعيد عن شغلهم
مثلاً إستنفار في البيت بيطلعوا نزهة هذا يشيل أوهذا يعدل أو داك مايندرى ويش يسوي يجي واحد أماه سوي ليي شي أأكله طيب الجماعة بيطلعوا الحين لو هالأم المصقوعة تدش المطبخ

أخينا النخلاوي
قالها سيد شاطئ من حطيت هالصورة وأحوالك متغيرة
المفل ( الناس في فلك عظيم ) بس ماليها تكملة

ونعطي الجماعة فرصة للإجابة على مفل النخلاوي
صيح بالرخيص يجيك الطماع
وإللي بيجي يشرح المفل ويعلمنا متى نقوله ولا يحط مفل إلا إذا أذن له النخلاوي وأعطاه الأمان وهكذا مع كل من يضع لنا مثل
حتى نستفيد جميعا
وإسمحوا لي
تحية ولائية

النخلاوي

20-07-2009, 12:19 AM

حبابتنا
اختلف وياش على المفل

المفل ( الناس في فلك عظيم ) بس ماليها تكملة

الناس في فلك عظيم
تعتبر جمله ماتفي بالغرض واذ اضفنا ليها التكمله تكون مكمله
وشرحها مفلات ماتفضلتي
هالمفل ينضرب إذا مجموعة من الناس مشغولة بأمر ما ويجي واحد يبغى منهم شي خارج أو بعيد عن شغلهم
مثلاً إستنفار في البيت بيطلعوا نزهة هذا يشيل أوهذا يعدل أو داك مايندرى ويش يسوي يجي واحد أماه سوي ليي شي أأكله طيب الجماعة بيطلعوا الحين لو هالأم المصقوعة تدش المطبخ

وهنا الاثبات
http://www.qudaiheyat.com/vb/attachment.php?attachmentid=22893&stc=1&d=1248038281

ام علوي الظاهر يبي لش اقطيره جاي من سيدالغواري
يعدل ذاكرتش
:goofy-smiley-12:

السيد محمد الخضراوي

20-07-2009, 12:31 AM

جا ببالي مثل وانا اقرأ امثالكم فبكتبه
لان انا بالعادة ما اتذكر الامثال الا بوقتها لكن سرد ما يجي ببالي

يقولوا
رزق الهبلان على المجانين

النخلاوي

20-07-2009, 12:44 AM

جا ببالي مثل وانا اقرأ امثالكم فبكتبه
لان انا بالعادة ما اتذكر الامثال الا بوقتها لكن سرد ما يجي ببالي

يقولوا
رزق الهبلان على المجانين

سيدنا شوف ويش تقول الحبابه ترى نخليها تنتفك بالعسو
ونعطي الجماعة فرصة للإجابة على مفل النخلاوي
صيح بالرخيص يجيك الطماع
وإللي بيجي يشرح المفل ويعلمنا متى نقوله ولا يحط مفل إلا إذا أذن له النخلاوي وأعطاه الأمان وهكذا مع كل من يضع لنا مثل
حتى نستفيد جميعا
وإسمحوا لي

السيد محمد الخضراوي

20-07-2009, 12:56 AM

صيحنا بالرخيص
جوا الطماعين بينتفونا بالعساوه

اصلا ما تقدر ترفع عليي العسو مو تنتفني بعد
اسمحوا لنا اذا خربنا سياق الموضوع
سنتابعكم ومتى ما كانت لنا اضافة شاركناكم :)

الحبابة بنت الزهراء

20-07-2009, 01:03 AM

صبحكم الله بالخير
والله يانخلاوي طول عمري أسمع المفل الناس في فلك عظيم
والمفل الفاني الناس في جنجلة والعروس تبغا رجل
أوهالمفل أول مرة أشوفه وأسمعه
شكرا على المعلومة
أو شوف شرح السيد وأعطيه الأذن
تحيةولائية

كليله

20-07-2009, 02:12 AM

مادام تأخر السيد
صيحنا بالرخيص جو الطماعين
المفل يشرح نفسه بنفسه
يُضرب للسلعه اذا بارت أوخاست وماليها زباين
صارت مطمع الكلذ وخصوصاص الطماعين اللذي يتربصّوا ..

ممكن مفل ماقال ملاذ ..

النخلاوي

20-07-2009, 02:36 AM

يالله يابومحمد
عليك المفل

نعناع

20-07-2009, 03:01 AM

سلام عليكم
مشكورة على الموضوع ياريت صار من زمان قبل لا يعملو صيانة الى الانترنت على قولتهم
في العمل ويعدمونا
المهم بنشارك معاكم شاطي انت ضعيف سويي ليي محل ابومحمد مايقدر يفاسح نفسه

المثل

طرش فيران ولا هالجيران

اظهار بداء التحدي

الحبابة بنت الزهراء

20-07-2009, 02:22 PM

الحين عندنا مثلين
الأول من السيد محمد الخضراوي
رزق الهبلان على المجانين
والمثل الثاني من نعناع طرش فيران ولا هالجيران
الإجابة راح تكون على مثل السيد
رزق الهبلان على المجانين وإللي يرد لا يضع لنا مثل لأن فيه مثل وضعه نعناع
أرجو من الجميع التقيد بنظام المسابقة حتى تعم الفائدة للجميع
تحية ولائية

الهاشمي

20-07-2009, 03:26 PM

رزق الهبلان على المجانين..

في رأي سماحتي: أن المثل يقال عندما يوجد شخص يقوم بتصرفات غير لائقة أو يقول كلام غير صحيح و يلاقي ناس ثانيين يصدقوه و يسايروه و يشتروا بضاعته و الجميع خرّاطين و يصدقوا بعض..

سالمين و سلموا..

نعناع

21-07-2009, 02:10 AM

وين حلابين البقر

طرش فيران ولا هالجيران

الحبابة بنت الزهراء

21-07-2009, 02:03 PM

طرش فيران ولا هالجيران
هذا المفل ياطويل العمر شرحه هاللون
إذا عندك شي تبغى توديه لأحد يعني تطرشه لأحد لاتعطيه الجهال يودوه تراهم يمرمروك يمكن يفلتوا إلا عطيتهم وياه أو يمكن ينزمق من أياديهم عاد إنت إذا صارت لك هالحالة طرش فيران ولا تطرش جيران

هاه صح ؟؟؟

تحية ولائية

أميرة الجنة

21-07-2009, 02:29 PM

ويش جيبني هنا :A141:
بس بغيت أشارك معاكم وأستعنت بكتاب خخخخخ :a8d42daa02:

متى يقال هذا المثل ولمن ؟؟
( لو كل من جا نجر ماتم في الوادي شجر )

:goofy-smiley-09:

كليله

22-07-2009, 01:38 AM

نعناع معذره
ماشفنا مفلك الاّ متأخرين ..

زهرة الجنّه (لو كل من نجر مابقى في الوادي شجر)

يُراد به الشخص الذي يحاول القيام بأمر ثمَ يعجز عنه , فتركه افضل ..

زين ..هذا المفل يُقال لمن ..

( خذها دراع ومروحتها وراها)

نعناع

22-07-2009, 01:51 AM

سلام
الحبابة بنت الزهراء
مع الاسف شرح المثل خطا

وصح هو ان المثل يقال الى
طر ش فيران ولا هالجيران الى الدي عند بيتهم جيران اباليس وشياطين
ويفضل انه يكون عنده طرش فيران

الطرش يعني نوع من الوزن او الكيل اذا مو غلطان

كليله خلي مثلك ياخذ فرته وجاينك

أميرة الجنة

22-07-2009, 02:04 AM

وافشلتـــــاه

طلع المثل غلط:D
لكن أني كتبته بنفس الصيغة إلا مكتوبه في الكتاب :2S-hehe:

مشكور كليلة على تصحيح المثل :Srisawat__200610160

مـوفقين

الحبابة بنت الزهراء

22-07-2009, 01:32 PM

مرحبا أخ نعناع
إفتكرت ( طرًش ) بشد الراء
عموما لك أخي ألف شكر على توضيح المفل

أميرة الجنة
ويش فيش متقلهزة في معلوماتش
مفلش صحيح أو كليلة ناسي كلمة

والمفل إلا عندنا الحين إلا من عند أبو محمد
خدها دراع أو مروحتها رواها

أخ كليلة أعرف غطو
تمشي أو مصارينها وراها
أما خدها دراع أو مروحتها وراها فننتظر فتاوى المجتهدين في التراث أمثال شاطئ والنخلاوي ونعناع

كليله

22-07-2009, 02:26 PM

صاحبة السماحه حبّابتنا العظمى حفظها الله
اللّي كلتيه ميجود بعد ..
بس مفل ماكلتي .. نتاني اصحاب السماحة يجوا ويفتونا في هالمفل
ومتى يُضرب أو يُقال لمن وفي ايّ موقف ؟؟ يعني وضحنا شوي ..

تحية حامضيّه ..(ولائيّه)

الهاشمي

22-07-2009, 05:22 PM

أما خدها دراع أو مروحتها وراها فننتظر فتاوى المجتهدين في التراث أمثال شاطئ والنخلاوي ونعناع

هذي الحمارة أنثى الحمار (أجلكم الله).. و يقولها بعض الشياب سابقاً على سبيل المداعبة: الله يعرسك على وحدة خدها دراع أو مروحتها وراها..

ويش أجيب فل أنا؟ يالله بالنيابة عنكم الجواب إيه :goofy-smiley-10:

فيه مفل نقولها دائمًا و شهور:

كويتي و شايف خلالة

فمن يشرح المفل و متى يقال و لمن؟

سالمين و سلمو.

نعناع

22-07-2009, 07:04 PM

كويتي وشايف خلالة
كويتي لو بدوي

على العموم هذا يقال الى الشخص الي مو شايف خير

اذا صح قو لنا عشان نحط مفل صعب اوسهل

كليله

24-07-2009, 02:43 AM

كويتي وشايف خلالة
كويتي لو بدوي

على العموم هذا يقال الى الشخص الي مو شايف خير

اذا صح قو لنا عشان نحط مفل صعب اوسهل

:music2:صح يانعناع
وبانتظارك .

نعناع

24-07-2009, 08:10 AM

سلام
اظهار مافي تحدي في الموضوع
ماعلينا
نجرب مرة ثانية ونحط مفل
المثل هو

الحق التعب بتعب

الحبابة بنت الزهراء

24-07-2009, 12:25 PM

إلحق التعب بالتعب
يعني إذا كانت عندك شغلات كفيرة أو ياذوب خلصتها وإنت منهلك نجيك شغلة فانية يقول لوا لك إلحق التعب بالتعب ولا تأجل الشغلة الجديدة زي إذا إنت في العمرة أو خلصت أو باقي عليك طواف النساء يقولوا لك إلحق التعب بالتعب أو طوف أو خلص مع إنه بالإمكان التأجيل
ننتظر من سماحة نعناع الإفتاء في إجابتنا
تحية ولائية

ام الميرزا

24-07-2009, 12:27 PM

تقال للأنسان اللي توه مخلص من شغله
ويجي بيته الا السلندر مخلص والمرة تقول له إلحق التعب بالتعب وروح غيره :D170:
والله مافيه غداء :belial:
هذا بس تمثيل للصورة
المثل يضرب للانسان اللي مخلص من عمل متعب ويتبعه بعمل متعب اكثر منه
فهو تعب في تعب ((مو كأني فسرت الماء بالماء :gro1:))

خذو عندكم

ثوبه زري يرطخ وماعنده قدر يطبخ

نعناع

25-07-2009, 12:56 PM

سلام عليكم

الحبابة بنت الزهراء
التفسير صح وشكرا لك

ام الميرزا
ثوبه زري يرطخ وماعنده قدر يطبخ

هذا المثل يقال الى شخص الي طالع فيه فخفخة وهو حالته حاله
مو قادر حتى ياكل

نعناع

25-07-2009, 12:59 PM

المفل الجديد شاطي حاول يمكن تعرف

خاويني واخاويش واخد رجلش وخليش

الحبابة بنت الزهراء

25-07-2009, 01:12 PM

هالمفل ياأخ نعناع يضرب للصداقات القائمة على المصلحة
أو هالمفل صار في الفترة الأخيرة بكثرة كل فترة نسمع فلانة تزوجت زوج صديقتها

تحية ولائية

نعناع

25-07-2009, 01:22 PM

صح يا الحبابة

اظهار بنتقلط الموضوع

المفل الجديد

حزن عجم

الهاشمي

25-07-2009, 01:25 PM

هذا أعرفه :goofy-smiley-20:

هذا المفل يطلقوه على الشخص إلا ما ينسى مصيبته مهما مضى عليها الزمان..

هاه صح؟ أجيب مفل؟

تحية..

نعناع

25-07-2009, 01:36 PM

صح ياشاطي

حطو أمثال ليكون ماعندكم

المفل الجديد

يروح ويجي ويده على خده يعشق بنات الناس وافلوس ماعنده

الحبابة بنت الزهراء

25-07-2009, 04:27 PM

يعبر المفل عن الهم الذي يحمله الشاب أثناء عزمه على الزواج كل يوم يجي يبغى وحده أو هو لايشتغل ولا هوه أبو مكده

تحية ولائية

النخلاوي

25-07-2009, 04:42 PM

اشوف حجي نعناع متخوي بالموضوع
:d9176679e4:

الحبابة بنت الزهراء

25-07-2009, 06:28 PM

أخ نعناع أنتظر الإجابة صح لو غلط
هاه نخلاوي إذا تبغى تتخوى وياه يالله
تحية ولائية

نعناع

26-07-2009, 10:22 AM

اختي الحبابة بنت الزهراء التفسير صح

المفل بما انه مافي احد يحط مفل

الاسم شايع والبطن جايع

كليله

26-07-2009, 12:27 PM

[QUOTE][الاسم شايع والبطن جايع/QUOTE]

زي .. خيرهم خير ويتحلوقوا على كل شي ..

يعني هالمثل يُضرب في البخل .

انتظر رد نعناع حول الأجابه ..

الهاشمي

26-07-2009, 02:41 PM

نعناع إمسك أبريك ... نعناع عطنا بس شيك
نعناع خلّص الكيك
:goofy-smiley-08:

نعنان مو كأنك زاغيت علينا؟!! إتفقنا أن اللي يعرف معنى المفل هوه يجيب مفل جديد فأنا ماسك السرا من الصبح و ما جا دوري هداواه ...:big_smile3:

المهم ويش الفرق الدقيق في المعنى يا شياب بين هالمثلين؟

أقرع و متشيرط (زي كليلة)

و

محمول و يرفس

أفتونا مأجورين..

الحبابة بنت الزهراء

26-07-2009, 03:07 PM

أقرع أو متشيرط
زي يوم جاها رجل قالت عنه أقرع
( صح سيد شاطئ )

محمول ويرفس
يعني محمول ويرفس

نعطي الإخوة والأخوات مجال للإجابة وإذا عجزوا إحنا حاضرين مانقصر
( إحنا ) نعناع والنخلاوي

تحية ولائية

نعناع

26-07-2009, 05:55 PM

زين

كليه ز بط امورك
الاسم شايع والبطن جايع

يعني زي واحد الناس تعتقد انه غني بس هو في الحقيقة فقير
زي اهل سوريا يقولو في كل بيت بير بترول الى كل سعودي
احنا ويش نرد عليهم ....الاسم شايع والبطن جايع

نعنان مو كأنك زاغيت علينا؟!! إتفقنا أن اللي يعرف معنى المفل هوه يجيب مفل جديد فأنا ماسك السرا من الصبح و ما جا دوري هداواه

الموضوع صار مغبر

الحبابة بنت الزهراء

26-07-2009, 08:33 PM

المهم ويش الفرق الدقيق في المعنى يا شياب بين هالمثلين؟

أقرع و متشيرط (زي كليلة)

و

محمول و يرفس

كليله

27-07-2009, 02:57 AM

شاطئ
الحبابة

لادقيق ولاطحين ..
من وجهة نظري ما اشوف فرق في المعنى بين المثلين ..
الأختلاف فقط في اللّفظ ..
اقرع في المثل الأوّل ,, ومحمول في المثل الثاني
فهذا رغم قرعته وهي ربّما كناية عن افلاسه وحاجته فهو يتشيرط
كذلك في المقابل , نجد أن ذلك رغم حاجته لمن يحمله ويقوم على خدمته فهو يرفّس
اي مو عاجبنّه الحمال ..

ما ابغى اطوّل عليكم ولكم تحياتي .

الحبابة بنت الزهراء

27-07-2009, 03:44 PM

بإنتظار مفلكم ياكليلة

كليله

28-07-2009, 02:55 AM

تكرمين يالحبّابه ..
خلّونا نقول هالمفل ..

ناس تضجّج على العواكب
وناس على العواكب حسيره

الحبابة بنت الزهراء

28-07-2009, 08:02 AM

معنى المفل
إن ناس تعمل موانع علشان ( يقطعوا عاقبتهم ) مايجيبوا عيال أو ناس مو مخليين مكان يبغوهم ربي مو كاتب إليهم ... متحسرين على ريحة الضنى
أو ناس تضجج على العواقب أو ناس على العواقب حسيرة
صح؟؟؟
تحية ولائية

محمد الفرج

28-07-2009, 09:01 AM

.
.
.

قواكم الله كلكم يالتراثيين

بالنسبة للأقرع المتشيرط كناية عن عدم الجمال .. زي " شين وقوي عين " مو كذا ؟! ... وفيه مثل مصري يقول " أأرع ونُزهي " ..!

في شغلة ثانية بالنسبة للمثل " لو كل من جا ونجر ماظل بالوادي شجر " تنقل في اللي يتخذ مهنة هو مو قدها وإن كل مهنة تتطلب صفات جسمية ونفسية للي يتخذها ، ومو كل من يقدر يصير نجار ولو كل من يقدر كان ماظلت شجرة .. زي حسينوه في درب الزلق يوم يبي يبيع " نِعِل " أكرمكم الله قال له اقحطة لو كل من ....

ويالله ضبطوا اموركم " زين يانعناعوه ؟! " عشان نجي نلحق على شي ..

دمتم بخير

الهاشمي

28-07-2009, 09:53 AM

المهم ويش الفرق الدقيق في المعنى يا شياب بين هالمثلين؟

أقرع و متشيرط (زي كليلة)

و

محمول و يرفس

أفتونا مأجورين..

إجاباتكم كلها صحيحة و تدور حول نفس المعنى بس كما أتذكر أن كلًا (التنوين على اللام) من المثلين يطلق في وضع معين يعني نستخدم الأول (أقرع و متشيرط) لو إنسان يعرض على إنسان ثاني خدماته و تبرعه لعمل شئ معين و مبادرته لها و الثاني يتشيرط و يتحمّق و مو عاجبنه العجب و هذا كله قبل تنفيذ العمل..

المثل الثاني نفس المعنى بس ينضرب إذا تحمّق الثاني و (تحرطم) و عاب الفعل و المعروف اللي ينصنع له و كأننا حاملينه و فاعلين فيه خير و هو يرفسنا و يضربنا..

و الله أعلم..

كليله

28-07-2009, 12:32 PM

مشكور ابومهدي الفرج
على اضفاءاتك الجميله وتشريفك السفرة متمنين ان لانحسد
انفسنا عليك وأن تستمر ..

حبابتنا الكريمه ,, ما اقدر اقول شي بالنسبة لجوابش ..

صح ..
وننتظر مفل من امفالكم .

الحبابة بنت الزهراء

28-07-2009, 02:27 PM

طاولوني المقرفون
المفل مررررررة بسييييييط يقول لمنفل :
عاش أبو سلة أو عاش أبو قلة
يالله ننتظر إجاباتكم

الهاشمي

28-07-2009, 03:23 PM

آها :lol: شكلي أعرف هذا المثل .. أنا أول مرة أسمعه بس هوه ينفهم من السياق..

معناه أن الكل عايش و راضي بعيشته فأبو السلة (اللي حمله خفيف) عايش و مستانس و ممشي الحال و أبو القلة (الحمل الثقيل) و المسئوليات و الهموم بعد نفس الشئ عايش و ماشية الحياة..

صح المثل حبابة؟ إذا صح قولي لي حتى أدور مفل أصعب ما تعرفوه...

سالمين و سلمو..

الحبابة بنت الزهراء

28-07-2009, 05:10 PM

سيد شاطئ
الشرح مو صحيح
فكر فيه شوي
تحية ولائية

الحبابة بنت الزهراء

29-07-2009, 04:14 PM

شكلكم عجزتوا
عاش أبو سلة / المقصود به الغني .. الثري .. الهامور
أو عاش أبو قلة // المقصود به الفقير .. النعدم .. إلا جيوبه فاضيه
الكل بيعيش سواء كان غني أو فقير
وإنتظروني في مثل جديد
تحية ولائية

الحبابة بنت الزهراء

29-07-2009, 04:15 PM

المفل يقول
خيره إلى الغير ومكّد الشقي ليه

بإنتظاركم

تحية ولائية

نعناع

30-07-2009, 01:19 AM

خير الى الغيره يعني واحد حلاله يكون مو له الى غيره اصحابه اخوانه اهله
وما يحصل غير التعب وقل الراحه ويمكن لا مشكور ولا محمود

هذا الي فهمته من المثل

الحبابة بنت الزهراء

30-07-2009, 01:46 AM

نعناع
الإجابة صحيحة
لكنها بلسان الزوجة أحيانا وبلسان الأم أحيانا
خير الزوج للغير
والشيء اليسير من المكدة لها

بإنتظار مثلكم

تحية ولائية

كليله

30-07-2009, 11:04 AM

سلامٌ عليكم

وساعات حتّى لولاد يقولوا عن ابوهم هالجديه (خيره لغيره)
في البيت يابخله وسوء اخلاقه , وتعالوا شوفوه برّه ويّا الناس لو يبغوا روحه عطاهم .

المهم اذا تسمحوا لي احط هالمفل ..

الجراده تموت تموت وعيونها في السبوت (السبوت ؟؟؟!!!)

نعناع

31-07-2009, 03:49 AM

سلام كليله

هذا المثل الى الي يتمنى ويتحلم في شي لكن مايحصل شي
منه ابد

المثل الجديد..... شاطي افادي اشوفك هنا

لو علي اقلاده بانت لي شهادة

كليله

31-07-2009, 04:12 AM

عليكم السلام نعناع
جوابك صح وواثق من نفسك وحطيت هالمثل ..

اتصوّر انّ معناه زي اللّي يقولوا عن روحهم لمّا احد يستنقصهم مفلاً (احنا اولاد البطّه السوده)
يعني , لو لي قيمة او كلمة أو أنا ولد ناس كان صارت كلمتي مسموعه وصيت واحترام بين الناس ..

اتمنى ان يكون الشرح الارتجالي السريع قريب من المعنى .

نعناع

31-07-2009, 12:44 PM

ابومحمد الجوابك اشوي قريب
خذ لك ساعة صفا مع سيد الغاوري
ومارلبور من عند النخلاوي

يمكن تحصل الجواب

الحبابة بنت الزهراء

31-07-2009, 02:05 PM

الظاهر المعنى كذا
لو كنت غنية وألبس القلادة كان حتى كذبي صدقوه
بس الفقير المسكين صدقه مو مأخوذ به

تحية ولائية

كليله

31-07-2009, 02:41 PM

يالله عاد يانعناعوه
لاتصير مرّه عسر لا أخلّي سيد الغواري يشوّر فيك
ويقلبك استكانه .
نبغى شرحك وترشيحك لمن سيضع المثل .

نعناع

01-08-2009, 12:40 AM

المثل هذا زي اذا واحد يتكلم عن شي والي جنبه عطس
الناس ويش يقولو بشاهده ........يعني سالفتي صحيح

هنا بصيغ غير بدل مايقولو بشاهده يقولو ..... هاه لو علي اقلاده بانت عليي شهادة

خلاص استبينا لوبعد

الحبابة بنت الزهراء

01-08-2009, 01:30 PM

والحين ننتظر مفلكم ياحجي نعناع

تحية ولائية

نعناع

01-08-2009, 02:05 PM

زين هذا هو المفل

لو في شمس كان من امس

ننتظر الاجابة

الهاشمي

01-08-2009, 02:09 PM

مساكم الله بالخير يا أجاويد..

يمكن يقال هذا المثل للشخص ليدل على أنه لو كان عنده حل أو رأي لمشكلةٍ ما كان بيّن من زمان..

صح؟ لا تقول مو صح لا يصيبني إحباط و أكتشف أني ما عندي خبرة في الأمثال..

فمان الله..

نعناع

01-08-2009, 02:14 PM

صح يا سيد

وننتظر دورك تحط لينا مفل

الحبابة بنت الزهراء

04-08-2009, 06:33 PM

ليش ياسيد هالتأخير
مفل بالنيابة وإسمحوا ليي
يامن شرى له من حلاله علّه
تحية ولائية

الهاشمي

04-08-2009, 09:10 PM

مساكم الله بالخيرات يا أجاويد..

أعتذر للتأخير فلم أنتبه للموضوع إلا الآن..

وشكراً للحبابة أم علوي فقد كفّت ووفّت وجابت مفل بالنيابة عني.. و المفل بسيط (يامن شرى له من حلاله علّه) بس مانا مجاوب لأن المثل يعتبر من عندي :goofy-smiley-09: و نترك المجال للشباب أكيد بعضهم يعرفوه.

فمان الله.

نعناع

05-08-2009, 06:17 PM

يامن شرى له من حلاله علّه

يعني انت شاري لك سيارة وسيارة هذي اطلعك من مشكلة وداخلك في مشكلة
وطبعاً السيارة من حلالك ...وانت شاريت من حلالك عله

الحبابة بنت الزهراء

05-08-2009, 07:17 PM

بإنتظار مفلكم أخ نعناع
تحية ولائية

الحبابة بنت الزهراء

06-08-2009, 01:02 PM

وينكم حجي نعناع

تحية ولائية

الهاشمي

06-08-2009, 02:44 PM

كريكشون ناصفة حلاوة :goofy-smiley-13:

شكله نعناعوه راح يخيط له كيس الليلة ناوي يقرقش و يمكن يصير (أم عويس).. فنيابة عنه أنا بتبرع بهالمفل:

أطرش في الزفّة

أو

ضايع في الطوشة

و أعتقد أنهم إثنينهم نفس المعنى أو متقارب جداً..

كل عام و أنتم بخير و عافية يا موالين..

كليله

06-08-2009, 04:35 PM

هالمفل ياحج شاطئ يقوله عن روحه البني آدم اللّي داش بين ناس
يتكلّموا في خبر يعنيه سواءً من قريب اوبعيد ويُفترض أنه اوّل الناس يدري به
ولكنّه آخر من يعلم به فيقول عن نفسه ..
ضايع في الطوشه او أطرش في الزفّه .

يعطيك العافيه حجي شاطئ والجميع تحياتي

الهاشمي

06-08-2009, 10:54 PM

أكيد صح يا أبو محمد .. يالله جيب المفل اللي بعده..

تفضل إلك المايك..

متباركين بهالليلة يا موالين..

نعناع

07-08-2009, 01:03 AM

سلام متباركين جميعا

معذره

المفل الجديد

الله ينعل الضعف وقل المعرفة

كليله

07-08-2009, 04:07 PM

نعناعوه متبارك بهالمولد الشريف ..

الظاهر الصوم مأفر عليك اليوم وجايب لينا مجرد حجي او حكمه ..

يبى احنا نبغى مثل

بانتظار المفل يانعناع وعذرا لك شاطئ

الحبابة بنت الزهراء

07-08-2009, 04:16 PM

الله يلعن الضعف أو قلة المعرفة
الظاهر عندما يحتاج مفلا كبير السن لحاجة من شاب أو هالشاب كل يوم يتحجج بشي ولا يسويه ليه يقول هالمفل
تحية ولائية

كليله

07-08-2009, 04:46 PM

الظاهر الصوم مأفر على الجميع .
تحيه ولائيه ..

الحبابة بنت الزهراء

07-08-2009, 05:17 PM

حجي كليلة
شكلك موبس متأفر من الصوم إلا مو قادر تفبّت على شي
تحية ولائية

نعناع

08-08-2009, 01:05 AM

ابو محمد
الله يخليك اذا ماتقدر الصوم لا تصوم
هذا مثل يستخدموه اكثر شي الشياب
وتلاقيه عند الخضاريين وانخلاويين

الحبابة بنت الزهراء
الشرح صح

بس الرجال صايم

المفل الجديد
بعد ما رطبت ماترجع خلال

كليله

08-08-2009, 01:12 AM

الحبابة الفاضله والأخ نعناع ..
اذا كانت لديكما قناعة بأن (الله يلعن الضعف وقلّة المعرفة ) مثل فأحترم وجهة
نظريكما .. ولكن اين المعنى المبطّن في ذلك , اليست الأمثال تحتاج الى شرح .
وبالتالي فأنّ المثل الذي اورده نعناع .. لايحتاج الى شرح فمعناه ظاهر ولايحتاج الى شرح ..

تقبلا تحياتي ..ومنكما نستفيد .

الحبابة بنت الزهراء

08-08-2009, 03:20 PM

أخ نعناع
دوام الحال من المحال
أو بعد مارطبت ماترجع خلال
أو ردّك الله ياشايب شباب ... قال هذي دعوة ماتستجاب
والتمرة ماترجع بسرة
صح ؟؟

تحية ولائية

الهاشمي

08-08-2009, 03:36 PM

شكلنا هنا بينكم يا شياب

ضايعين في الطوشة
طرشان في الزّفة
ما ندري وين الله حاشرنا
:asking:

هالكم مفل اللا حافظينهم جبناهم.. و منكم نستفيد..

فمان الله..

الحبابة بنت الزهراء

09-08-2009, 01:23 PM

وينكم حجي نعناع

تحية ولائية

نعناع

09-08-2009, 02:55 PM

معذره

الحبابة كلامك صح

شاطي انت رطبت خلاص

ننتظر مثل جديد

الحبابة بنت الزهراء

09-08-2009, 03:09 PM

المفل يقول
كل ناس وليهم ناس أو كل ثوب إليه لبّاس

تحية ولائية

النخلاوي

10-08-2009, 08:00 PM

من زمان ما مريت هالصوب
ولفت انتباهي مداخله ابومحمد
حول
الله ينعل الضعف وقل المعرفة
حالها حال
الله يلعن هذه حاله
:goofy-smiley-24:

الحبابة بنت الزهراء

11-08-2009, 12:51 PM

من جديد
المفل يقول
كل ناس وليهم ناس أو كل ثوب وإليه لبّاس

معقوله ماسمعتوه بعد؟؟؟
بإنتظاركم
تحية ولائية

كليله

11-08-2009, 01:33 PM

من جديد
المفل يقول
كل ناس وليهم ناس أو كل ثوب وإليه لبّاس

معقوله ماسمعتوه بعد؟؟؟
بإنتظاركم
تحية ولائية

المعنى ان شاء الله واضح وباشرحه باختصار
متمنيا ان تكون اجابتي صحيحه ومرضيه ..

هذا المثل يُراد به التكافؤ ..
أي أن لكل شئ كفؤه ونظيره فليس معنى انّ ..وكل ثوب وله لبّاس , المراد به
الثوب الذي نلبسه , لا , بل المقصود هنا انّك لاتتصدّى لشئ اذا لم تكن كفؤا
لأن تقوم به .

الحبابة بنت الزهراء

11-08-2009, 04:14 PM

صح ياحجي كليلة
بإنتظار مفلكم
تحية ولائية

كليله

12-08-2009, 01:35 AM

رحم الله والديش حبابتنا الكريمه ..

خلّك مع المجنون لايجيك الأجنّ منّه .
وسلامتكم .

الحبابة بنت الزهراء

12-08-2009, 02:12 AM

الظاهر أن المفل ياحجي كليلة
خلك على مجنونك لا يجيك إلاجن منه
تحية ولائية

الهاشمي

12-08-2009, 08:55 AM

هالمفل معناه:

أن الواحد أحياناً يكون عنده شئ معين أو عايش وضع معين بس يطمح أن يغير هذا الشئ أو الوضع باعتقاده أن الجديد سوف يكون أفضل و لكن يتفاجأ بأن الجديد أسوأ فيقول لنفسه أو يقول له غيره:

خلك على مجنونك لا يجيك إلاجن منه

صح المفل؟

يالله أعطونا فرصة هالمرة نجيب مفل يحيّرني في معناه:

ما ياكلك إلا دود بطنك

فمان الله..

كليله

12-08-2009, 11:41 AM

حبابه ..
احسنتِ على التصحيح
وشكرا لمولانا المعظم شاطئ على شرحه ..
ومادام نعناع اشوفه متواجد معانا في الصفحه نترك شرح المثل عليه .

كليله

14-08-2009, 05:11 PM

نعناع لايكون بتصير لي ضو ليف
يالله وينك ..

الحبابة بنت الزهراء

15-08-2009, 02:14 AM

المفل
ماياكلك إلا دود بطنك
عاد هالمثل له شرح طويل
المعروف إن الإنسان لما يموت بعد فلافة أيام ينفتق بطنه ويدوّد ويقوم الدود بأكل جسد الميت ........ زين

في دار الدنيا
لما يغدر بك واحد قريب جدا مفل صديق أو أخ يشبهوه بداك الدود

صح ياسيد شاطئ؟؟؟؟؟؟؟؟

تحية ولائية

كليله

15-08-2009, 03:12 AM

صحيحين ياحبابه ..
يالله تشيطروا وجيبوا لينا مفل جديد

الهاشمي

15-08-2009, 08:11 AM

أكيد صح يا أم علوي .. و أنتم أهل الخبرة..

ننتظر منك مفل جديد..

سالمين و سلمو..

كليله

15-08-2009, 01:37 PM

يالله دامكم نعستوا نجيب ليكم مفل بسيط نتسلّى فيه ..

ابوطبيع مايجوز عن طبعه ..

الهاشمي

15-08-2009, 01:57 PM

ابوطبيع مايجوز عن طبعه ..

هذا يا أبو محمد يشبه هالمفل:

عوّدت (رجعت) حليمة لعادتها القديمة..

و يطلق على الشخص الذي مهما تحاول تغييره أو تغيير طبائعه أو تصرفاته ما يفيد و يمكن يبدأ يتغير بس بعد فترة بسيطة يرجع لطبعه القديم لأنه خلاص استحكم فيه و ما يهده..

يالله على قولتك يا أبو محمد نجيب مفل بسيط نتسلى فيه:

اللي هذا أوله لا بارك الله في تاليه

كليله

16-08-2009, 02:54 PM

أحسنت مولانا شاطئ ..

واللّي هذا اوله لابارك الله في تاليه ..
يُضرب لمن لايرتجى منه خير مستقبلاً فأذا كانت بدايته شقاء
فآخره شقاء وعناء ..
اتمنى ان يكون صحيحا ولو بعض الشّئ .

الحبابة بنت الزهراء

17-08-2009, 05:10 PM

بالنيابة عن السيد شاطئ
إجابتكم صح
ومفلنا اليوم يقول
بت المشّاطة قرعة

تحية ولائية

ام الميرزا

20-08-2009, 11:50 AM

الحبابة بنت الزهراء

30-09-2009, 08:49 AM

رغم خبرت امها في تمشيط شعر البنات

الا انها لا تستفيد منها بسبب
انها قرعة مثل ((باب النجار مخلع)) رغم انه نجار
الا انه لم يتمكن من اصلاح بابه
((كأني فسرت الما بالماء:ekk:))
المثل الجديد
******** الفقر دكدكني والتين ماخليه

الظاهر من كثرة الشغل إلا عند المشاطة تحسن بتها عشان ماتمشطها :music2:

ومثلنا زي ما قالت الأخت أم الميرزا

الفقر دكدكني والتين ماخليه
بإنتظار إجاباتكم

تحية ولائية

الحبابة بنت الزهراء

06-10-2009, 02:05 AM

المفل يقول
الفقر دكدكني والتين ما أخليه

وينكم يارواد التراث
بإنتظاركم

تحية ولائية

الحبابة بنت الزهراء

08-10-2009, 05:18 AM

إذا المفل صعب فيه مساعدة
بس آمروا
تحية ولائية

الهاشمي

08-10-2009, 09:36 PM

أنا صراحة أول مرة أسمعه بس أتوقع أنه يضرب للشخص الذي يكون فقيرًا جدًا و محتاجًا للأمور الأساسية و رغم ذلك يأكل التين الذي هو من أغلى الفاكهة..

أتمنى يكون إجتهادي لتفسير المثل في محله :goofy-smiley-15:

سالمين و سلمو.

ام الميرزا

11-10-2009, 06:04 PM

اخي شاطئ تفسيركم صاب عين الحقيقة
يا الله تعال حط مثل ثاني

الهاشمي

12-10-2009, 02:31 PM

:music2:
أعتذر للتأخير و ما كنت أدري أني طلعت مجتهد في الأمثال و أنا ما أدري..

المهم مثلنا الجديد سهل و يقول:

مال البخيل ياكله العيار

الحبابة بنت الزهراء

15-10-2009, 12:20 AM

مال البخيل ياكله العيّار

وينكم ياأهل الأمثال تعالوا سيد شاطئ ينتظركم
لو المفل غِلك

تحية ولائية

السيد محمد الخضراوي

15-10-2009, 12:34 AM

اي والله مال البخيل ياكله العيار
يضرب في اوقات كثيره للبخيلين الي يخافوا على الشي وبعدين يجي الغير بارده مبرده ياخذوه
خصوصا المورث البطران ويموت وهو حالته حاله كانه فقير ومايستانسوا الا الوراث

ردي لتسجيل الحضور معكم :)

وفي ببالي مثل ما ادري قلتوه لو لا :)

الهاشمي

15-10-2009, 03:42 PM

أحسنت يا سيد و المفل شرحه صحيح و ما عليه غبار.. يالله جيب لينا مفل و خلنا نجرب حظنا..

لا تقطعنا يا سيد و كل يوم تعال.

سالم و سلم.

السيد محمد الخضراوي

15-10-2009, 03:44 PM

ابو سيد هاشم قال جيب مفل فما بنرده ولا ضنتي الحبابة بتقول شي لو ضفنا من ذاكرتنا الخربانه شي :)

المفل يقول

أدهن وجه العبد وقول حليو :)

يلا الباقي عليكم
وفي غيره بالبال بعد :)

السيد محمد الخضراوي

16-10-2009, 12:46 PM

شكلنا يا سيد شاطئ
حكمنا على الموضوع بوقوف مؤقت بهالعبد مدهون الوجه

نغيره يعني :)

الحبابة بنت الزهراء

16-10-2009, 02:54 PM

الظاهر زي لما واحد يقعد ضرب مديحة فيك ويصبغك صباغ
صح ؟؟
يعني بعد زي كذّب كذبة أو صدقها
هذي كيف تنشرح
شوفوا
شرح المفل
يضرب للقبيح إلا تحتاج تجميله
على رواية أبو علوي الله يحفظه

تحية ولائية

كليله

16-10-2009, 08:30 PM

هالسيّد يالحبابه
يجيب امثال صعبه زيّه ..
قال ويش قال ادهن وجه العبد وقول حليو
دهنك عبد ان شاالله ..خخخخخ
زي القرد في عيون امّه غزال
هذا اللّي عندنا
وكلام الحبابه يمكن اقرب ..

السيد محمد الخضراوي

16-10-2009, 08:37 PM

هههههههههههه
صح عليكم يا اساتذتنا هنا

المثل يستخدم في مواقف عديدة
زي لما تشوف واحد قاعد يزقرت حاجه منتهيه خلاص وهو مهتم بالمظهر
في مثل قريب له بعد
من برا هالله هالله ومن داخل يعلم الله

تحياتي

الهاشمي

16-10-2009, 10:48 PM

شكلهم الجماعة كفوا و وفوا و ما قصروا ..

يعني اللي أفهمه من المفل أن الواحد اللي يسوي شئ و يصدق أنه عدل و ما عليه كلام بس لأنه هوه اللي سواه و يقعد يمدح فيه أمصدق أنه حليو.. يعني هذا اللي دهن وجه العبد صار يكشمر نفسه بأن وجهه صار حليو .. يعني كذب كذبة و صدقها و يعيش على أحلام هو مختلقنها.. هذا ما في جعبتنا :goofy-smiley-14:

يالله جيبوا لنا المفل اللي بعدها..

أبو محمد.. خليتوا لينا ذرة مشوي لو الشباب ما قصروا؟

كليله

21-10-2009, 02:55 PM

أبو محمد.. خليتوا لينا ذرة مشوي لو الشباب ما قصروا؟

اهلا ابوهاشم ..وماعليش مرة ثانيه
والمثل يقول ..
مالك في الطيب نصيب

الحبابة بنت الزهراء

22-10-2009, 01:14 PM

مالك في الطيب نصيب
زي ماحصل للسيد شاطئ
غاب عنكم وأكلتوا عنه الذرة ولا أحد منكم تنغّص عليه

تحية ولائية

كليله

25-10-2009, 07:44 PM

تنغّصنا عليه يالحبّابه
وابوهاشم بعد صاير يتغلّى هالأيّام ..

واذا يثبت لينا انّه مايتغلّى علينا ,,,
يجيب المثل ..

الهاشمي

26-10-2009, 08:14 AM

تنغّصنا عليه يالحبّابه
وابوهاشم بعد صاير يتغلّى هالأيّام ..

واذا يثبت لينا انّه مايتغلّى علينا ,,,
يجيب المثل ..

غالي و الطلب رخيص يا أبو محمد بس شوية مشاغل شغلتنا و كل ليلة أقول الليلة بامر و ننشغل أو نتكيسل بس إن شاء الله الجايات أكثر من الرايحات..

المثل الجديد:

اتكل مويس على عويس وضاعت البقرة

كليله

27-10-2009, 02:39 PM

هلا ابوالهواشم ..

هالمفل لافيه لا بقره ولاحماره ..
هو بس يضرب للشخصين اللّي يعتمد كلاّ منهما على الآخر في رعاية
أمر ما او قيام بواجب , ظنّا من هذا انّ ذا سيقوم بأنجازه بينما الأثنان
ونتيجة اتّكال كلٌ منهما على الآخر يضيع كلّ شئ ولايحصلان على فائده ..

وياليت واحد يجي ويحطّ مثل بدالنا .

النخلاوي

27-10-2009, 03:29 PM

يقولوا
بقره الحله

كليله

30-10-2009, 02:10 PM

ابوعلي ..
هاذي ليها قصّة طريفه جدّا ومناسبة لطيفه واجد, كانت السبب في هذا المثل .
ياليت تذكرها لينا ابوعلي لأني انا نسيتها بسبب الجوال .

الحبابة بنت الزهراء

01-11-2009, 05:36 PM

يسلموووو

واتمنى تسمحين لي

باني احط لغز بسيط

الطول طول نخله والعقل عقل صخله

وعندي بعد

الحقران يقطع المصران

خخخخخخ بخـ:laught2:

مرحبا غاليتي
للموضوع قانون كل من يجاوب على المثل يضع مثل آخر

مازلنا ننتظر النخلاوي وقصة المثل
تحية ولائية

الحبابة بنت الزهراء

03-12-2009, 10:53 PM

يقولوا
بقره الحله
وين القصة يالنخلاوي ؟؟؟؟؟؟؟؟
بإنتظاركم
تحية ولائية

الحبابة بنت الزهراء

09-12-2009, 12:48 PM

شكل النخلاوي مسافر
سأحرك الموضوع لحين عودته

لمن يضرب وما معنى المثل
إلا ماهي نيته يخطب ويشاور مرته

تحية ولائية

الحبابة بنت الزهراء

14-12-2009, 05:47 PM

عجزتوا؟؟؟؟؟؟؟؟؟؟؟؟؟

الهاشمي

15-12-2009, 07:25 AM

أنا اللي أفهمه من كلمات المفل أن الواحد اللي ما عنده عزيمة قوية لعمل شئ ما أو إتخاذ قرار معين فنراه يشاور من يثبط عزيمته و ما يشجعه و يخليه يتردد و يهون ..

هذا باختصار و هذا المفل يشبه لحدٍ ما المفل اللي يقول: دزني با طيح

هذا ما لدينا و الله أعلم.

كليله

15-12-2009, 04:08 PM

في كتاب طوق الدّجاجه لأبن خفاجه القديحي رحمه الله ..
أن المعنى مقارب لما تفضّل به الأخ شاطئ
فهذا المثل يُضرب لمن عجز عن القيام بأمر او فقد الأمل في حصوله فيقعد عنه .

خادمة العتره

16-12-2009, 04:17 AM

اقدم تحية وشكر لكل من ساهم في هذا الموضوع وتحية خاصة للحبابة لطرح الموضوع مشكورين لجهودكم في حفظ التراث في بعض الامثال كنت اعرفها وبعضها اول مرة اسمعها نحن بانتظار جديدكم تحياتي لكم

كليله

21-12-2009, 12:06 PM

مثل له مغازي وابعاد كثيره آمل الأنغماس في توضيحه ..

اللّي يعزّي واالّي مايعزّي ياكل عيش لحسين ..

النخلاوي

30-12-2009, 07:10 PM

وين القصة يالنخلاوي ؟؟؟؟؟؟؟؟
بإنتظاركم
تحية ولائية

مساكم الله بالخير
كان فيه حريق وهذه البقره منحاشه وتغصغصت في الدروازه فمنعت الفارين من الحريق
ومنعت الداخلين لاطفاء الحريق
هذا والله اعلم
وهذا اقتباس من مشاركه ابوطالب رحمه الله بواسع رحمته
عندما شرحت هذا المثل
ما تتورط يا أبو علي وكلامك صحيح هذه القصة أحدى القصتين التي سمعت بها أما القصة الثانية فهي بأن هناك فلاح أشتهر بأن له بقرة لاتتحرك من مكانها حتى أنه حاول أن يضربها بالفحل فجلست مكانها وأبت التحرك يعني أكسل منها ما فيه وحتى لما حاول بيعها لم تتحرك من مكانها

ويضرب المثل للأشخاص الكسولين الذين يجنون على أنفسهم بالكسل كما في القصة الثانية أو على الآخرين كما في القصة الأولى والقصة الأولى التي رواها أبو علي أرها هي الأقوى حسب نظري والله أعلم

كليله

05-01-2010, 11:52 AM

رحمك الله اباطالب ..
وشكرا لك ابوعلي..
وبالفعل مثل عجيب وقصة غريبه .

الحبابة بنت الزهراء

21-01-2010, 08:09 AM

المفل يقول
الوجه بنتي والقفا مرت ولدي

بإنتظاركم

الحبابة بنت الزهراء

12-06-2010, 06:56 PM

مازلنا ننتظر إجابة المثل إلا يقول :
الوجه بنت والقفا مرت ولدي

تحية ولائية

خادمة العتره

13-06-2010, 08:10 AM

اعتقد انه معناه ان العمة تتكلم عن مرت ولدها قدامها اتصير بتها وتحبها وتعزها
لكن من وراها تصير مرت ولدها وتتكلم عليها بالسوء
والله اعلم

كليله

14-06-2010, 01:49 PM

ايه عدل ..
وينش حبّابوه
يالله نبغى شغل عدل
حركوا هالموضوع .

آحـآسيـس آنثى

15-06-2010, 11:02 AM

وين المثل؟؟؟

صبري روح الله

19-06-2010, 05:17 PM

شفت هالمثل المغبر في احد المنتديات

شنب شناب وشن يجيب لاهله البلاوي

ويش يعني هالمثل ؟

جـنة ونـار

19-06-2010, 10:41 PM

ويش هالمثال دا ؟؟

شكله المثل يقول من شنب شناب رجال وشن شين عليهم ويجيب لأهله البلاوي معروفه دي
يدوخ أصلًا,

موفقين..

جنة الزهراء

20-06-2010, 04:18 AM

اول مرة في حياتي اسمعه اتمنى افهمه فههههههههههههههههههههههموناوياه

العنكبوت

20-06-2010, 06:03 AM

وانا ايضا لاول مرة في حياتي اسمعه
ننتظر شياب المنتدى يفكوه لينا

فدك

20-06-2010, 10:39 AM

اول مره اسمعه ويش معناه؟

أبوعبدالله

20-06-2010, 10:52 AM

هذا يا حجي صبري نفس الا يقول لك

شنب ما تحته فلوس يحتاج له موس :big_smile3:

على حسب ما فهمت من المثل فهو يضرب للرجولة والقوة , يعني باللهجة المحلية هذا رجال شنب كله رجولة واحترام
وهذا شنب على جاهل ما وراه الا البلاوي

احس نفسي خبطت :big_smile3:

كليله

20-06-2010, 01:12 PM

حيّا الله اخونا صبري ..
كيفك ويّا الغربه .
بس انت ماشاء الله عليك هناك ماتحتاج الى مثل هالأمثال ..
الله يتمّ عليك الحة والعافيه ..
تراني اخوك توني اقول للنخلاوي ننقل هالمثل لموضوع موجود في السفره خاص بالأمثال
بس قبل لاننقله بغيت اقول لك ياخوك ..انّ فيه امثال تفسّر نفسها بنفسها , سواءً بالمعنى الضاهر
او الباطن وهالمثل تفسيره مو في ضاهره بس , لا حتّى في باطنه , لأنذ مو شرط ينقال لواحد عليه
شنب .. حتّى لو أملط بس كفو ورجّال , ينقال له ايه حيّا الله هااشّوارب .. وواحد شواربه منّيه لدكّان العلو
بس من يسمع شي ينخشّ .. يقولوا له هالشنب مو على رجّال .. ولا يمكن مايجي من وراه غير البلاوي
مثل ماقلت .. لأنه ماحضر وانخش وكانت النتيجه بلاوي ..

شكراً لك وعفيا على شواربك عزيزي ..وتحمّل بروحك .

ساداس

05-07-2010, 01:36 PM

زين هذا المثل يمكن ماتعرفوه ههههه
[الكبير مدلع والصغير مشلع]

ابو طيف

06-09-2010, 11:05 PM

يسلمووووووووووووووو
الله لا يحرمنا من جديدك
بس ما اعرف امثال

ابو طيف

06-09-2010, 11:06 PM

يسلمووووووووووووووو
الله لا يحرمنا من جديدك

مجرد حلم

21-09-2010, 05:42 AM

زين هذا المثل يمكن ماتعرفوه ههههه
[الكبير مدلع والصغير مشلع]

الولد الكبير كل شي اليه جديد ولكل يحبه و يدلعه ام صغير (زي)كل شي على الفضيل يلبس فضيل اخوته :001tppzr:

الموضوع مغبر. بس مره حليو.. مو حليو ينزل تحت ماعليكم امر .. نبغى بعد امثال اد عندكم :o

كليله

21-09-2010, 01:23 PM

كلّ الشكر لك اخت مجرد حلم على هذه اللفته الكريمه ..
في السفرة العزيزة علينا جميعا الكثير من المواضيع التي تستحقّ الأهتمام والمتابعه والتجديد
وهذا لايكون الاّ بجهد الجميع , اتنمّى أن نتعاون كلّنا بقدر المستطاع لكي تعود السفرة متألقة كما كانت في شتّى المواضيع ..

مجرد حلم

21-09-2010, 07:29 PM

اليوم سمعت مثل من امي الله يطول في عمرها وحبيت انقله لكم ..

((اذا استغنيت طبر .واذا استفقرت دبر)) حلو المثل ما .

ديما

22-09-2010, 02:07 AM

بسمه تعالى ابدا ..

اي حلو مجرد .. خلف الله على امي الا ما تعرف من التراث شي .. من اسالها عن سالفة لو مثل قالت ماتعرف شدتها التكنلوجيا عفر ...

بس بتها محروسة من العين وفية لتراث الاجداد والدليل هلمثل ..

حرامي لا تبوق البيت ترى المفتاح في الطرة ..

اتكل عويس على مويس وضاعت البقرة ..

الناس في جلجلة والعروس تبغى رجل ..

مصفعة وتروي ماتدري وش تسوي << خخخ

عاد ترجموهم مع ترجمه مثل مجرد حلم ..

لكم مني لقاء

مجرد حلم

22-09-2010, 03:15 AM

أحمد جعفر

22-09-2010, 06:25 AM

حرامي لا تبوق البيت ترى المفتاح في الطرة ..

يضرب للسخرية من شخص يدل الآخرين أو يحثهم على النيل منه أو سرقته بإعلامهم بنقاط ضعفه .

أحمد جعفر

22-09-2010, 06:27 AM

عندي مثل بيقنه هههها

أقرع و يأكل حب قال من كيسي .

رسايل شوق

28-09-2010, 01:09 AM

المثل اني ماأعرف معناه عدل بس اتوقع
يضرب الا يلبس ثياب حليوه بس اهو ماعنده فلوس وايد
والا عندها المعنى الافضل يكتبها
واليكم المثل

(أم الروزان غنوها ما استغنت)
والا يبي اكثر اني موجوده

تراتيل السحر

28-09-2010, 09:16 AM

مازلنا ننتظر إجابة المثل إلا يقول :

الوجه بنت والقفا مرت ولدي

تحية ولائية

أولا أحب أشكرك كثيرا الحبابة على الطرح الأكثر من رائع

أحب الأمثال والتعرف على مغزاها

والمثل اللي وضعتيه الحين جميل

خلني أفكر اممممم يمكن على ماأعتقد

ان العمة تجامل مرت الولد في وجهها وقدامها تعاملها مثل بنتها

ومن وراها عدوتها هههههه

طيب بعطيكم مثل

(ابشري ياحليمه بجنة النعيمه)

الحبابة بنت الزهراء

03-05-2011, 07:00 AM

أولا أحب أشكرك كثيرا الحبابة على الطرح الأكثر من رائع

أحب الأمثال والتعرف على مغزاها

والمثل اللي وضعتيه الحين جميل

خلني أفكر اممممم يمكن على ماأعتقد

ان العمة تجامل مرت الولد في وجهها وقدامها تعاملها مثل بنتها

ومن وراها عدوتها هههههه

طيب بعطيكم مثل

(ابشري ياحليمه بجنة النعيمه)

شرح المثل خاطئ
ومازلنا على المثل
الوجه بنتي والقفا مرت ولدي

وأتمنى من الجميع عدم تغيير مسار الموضوع

تحية ولائية

تراتيل السحر

03-05-2011, 09:17 AM

عفوا أختي الحبابة اتبعت اللي قبلي

لم اشأ أن أغير مسار الموضوع

وبالنسبة للمثل الآن الذي ذكرتيه ماعندي فكرة

موفقين ويعطيكم العافية

فتاة النور

03-05-2011, 12:01 PM

ومازلنا على المثل
الوجه بنتي والقفا مرت ولدي

معناها الوجه مثل بنتي بس لها معاملة تختلف
تخليها تشتغل وماترحمها
مش مثل بنتها تخاف عليها
او

يعني البنت احلى من مرة الولد في شكلها
حتى لو البنت مش حلوة :36_1_39:
اجابتي صحيحة حبابة ؟؟

الحبابة بنت الزهراء

03-05-2011, 02:29 PM

عفوا أختي الحبابة اتبعت اللي قبلي

لم اشأ أن أغير مسار الموضوع

وبالنسبة للمثل الآن الذي ذكرتيه ماعندي فكرة

موفقين ويعطيكم العافية

عزيزتي ورود الشوق
لم أقصد أحد في تغيير المسار
لكن ولحتى تعم الفائدة نأخذ شرح المثل الصحيح وننتقل لآخر
وأعتقد بأن من وضعوا أمثال لم يلتفتوا إلى طريقة مسار الموضوع
ودمت موفقة
ننتظر إجابة على المثل منك أيتها الغالية

تحية ولائية

الحبابة بنت الزهراء

03-05-2011, 02:31 PM

معناها الوجه مثل بنتي بس لها معاملة تختلف
تخليها تشتغل وماترحمها
مش مثل بنتها تخاف عليها
او

يعني البنت احلى من مرة الولد في شكلها
حتى لو البنت مش حلوة :36_1_39:

اجابتي صحيحة حبابة ؟؟

للأسف إجابة خاطئة
بإنتظار إجابة صحيحة
بالإمكان الإستعانة بالوالدة

تحية ولائية

تراتيل السحر

03-05-2011, 06:16 PM

الوجه بنتي والقفا مرت ولدي

هذا المثل يستخدم لذو الوجهين أو المنافق الذي يتحدث أمامك بحديث طيب عنك أما عندما يبتعد عنك فيظهر وجهه القبيح الآخر

ويش رايش حبابة صح ولا :36_1_24:

الحبابة بنت الزهراء

03-05-2011, 08:22 PM

الوجه بنتي والقفا مرت ولدي

هذا المثل يستخدم لذو الوجهين أو المنافق الذي يتحدث أمامك بحديث طيب عنك أما عندما يبتعد عنك فيظهر وجهه القبيح الآخر

ويش رايش حبابة صح ولا :36_1_24:

ماشاء الله
الإجابة 100% صحيحة :go0o0oer:

بإنتظار مثلكم

تحية ولائية

تراتيل السحر

03-05-2011, 10:00 PM

اللهم صل على محمد و آل محمد

تفضلوا هذا المثل :36_1_33:

من صفعني نفعني

موفقين

شهربان

03-05-2011, 10:57 PM

اللهم صل على محمد وآل محمد
يضرب هذا المثل إذا كان الضرب من شخص يحب ويريد الخير لشخص آخر
مثلاً الأم والأب أحياناً يضطروا لضرب الأولاد ولكن ذلك لمصلحتهم وتعليمهم الصح من الخطأ .
وإن شاء الله يكون صح ^^

تراتيل السحر

04-05-2011, 12:56 PM

شهربان جوابك نعم جميل ^ ^

ولكني أحببت أن أرى أجوبة البقية ماذا يقولون ؟

كليله

04-05-2011, 01:41 PM

اشكر تواصلكم الدائم في هذا الموضوع القيم
ونعدكم بالتواجد معكم .

الحبابة بنت الزهراء

04-05-2011, 10:52 PM

بإنتظار مثلكم ياشهربان
تحية ولائية

تراتيل السحر

05-05-2011, 03:19 AM

شهربان هذه اجابة بمعنى مشابه للمعنى الذي ذكرتيه

معنى المثل : من صفعني نفعني .

معناه يكون عض اللوم والنقد قاس ومؤلم ولكنه ربما يكون نافعا لمن يوجه اليه

بانتظار مثلك شهربان وعذرا على الاطالة

شهربان

05-05-2011, 11:24 AM

خذوا هالمثل السهل
وإن شاء الله ماحد كتبه في الفحات السابقة لأني صراحة ماقرأت كل الصفحات
من جاب راس البصل ماصلى .

شهربان

05-05-2011, 11:24 AM

الحبابة بنت الزهراء

06-05-2011, 05:57 PM

خذوا هالمثل السهل
وإن شاء الله ماحد كتبه في الفحات السابقة لأني صراحة ماقرأت كل الصفحات
من جاب راس البصل ماصلى .

ماورد هالمثل في الصفحات السابقة بدليل إني أول مرة أسمعه

يالله ياروّاد التراث همتكم

تحية ولائية

كليله

07-05-2011, 12:49 AM

من جاب راس البصل ماصلّى ...

كأنه يشير الى أمر لاخير فيه ..

عطونا فرصة لباجر ترى الداكره مصديه هالأيام
وياحبابتنا همتكم انتون بعد .

شهربان

07-05-2011, 09:59 AM

اللهم صل على محمد وآل محمد
ماتوقعت إنه غير معروف
أني عرفته من الوالدة الله يحفظها ويعطيها الصحة والعافية
واسمع بعض النساء الكبار يقولوه ..
يالله ننتظر ونشوف الأعضاء ..

شهربان

09-05-2011, 12:37 PM

وين الناس ؟؟
وإلا تبغوني أجاوب ^ ^

النخلاوي

09-05-2011, 06:27 PM

ماورد هالمثل في الصفحات السابقة بدليل إني أول مرة أسمعه

يالله ياروّاد التراث همتكم

تحية ولائية

اول مره نسمع هالمفل
اعتقد كلام ابومحمد صحيح
ننتظر الاجابه

همس الحرآير

09-05-2011, 06:35 PM

سألت أمي كآن سمعته تقول مآسمعته = )
موضوع رووووعه يَ الحبآبه . .

الحبابة بنت الزهراء

11-05-2011, 07:37 AM

من جاب راس البصل ماصلى
أتوقع يضرب لمن يستعظم عمله حتى لو كان بسيط

تحية ولائية

شهربان

13-05-2011, 01:18 AM

اللهم صل على محمد وآل محمد
تقريباً صح جوابش حبابة
من جاب راس البصل ماصلى
يضرب المثل في حال معاناة الوالدين بمولودهم البكر غالباً أو مولود جديد خصوصاً عندما يكون كثير البكاء ..
فكما نسمع من الأم بداية تعودها على الطفل تشتكي لأمها أوأم زوجها مايخليني أنام ولاأعرف أسوي شي وحتى الصلاة مايخليني أصلي ..
ويكون رد هم عليها لاتابعيه في كل وقت طبيعة الجهال كدا جى من جاب راس البصل ماصلى .

شهربان

13-05-2011, 01:24 AM

همس الحرآير

13-05-2011, 03:10 AM

يعني كذآ , لكن صعب خخخ

الحبابة بنت الزهراء

13-05-2011, 11:47 AM

إنتظروني مع مثل جديد

تحية ولائية

همس الحرآير

13-05-2011, 02:57 PM

يلـه هآتي المثل
ننتظر ..

كليله

13-05-2011, 02:57 PM

ننتظر ....

الحبابة بنت الزهراء

14-05-2011, 01:32 PM

خذوا هالمثل البسييييييييييييط

باعد اللحم عن اللحم لا يخيس

تحية ولائية

همس الحرآير

14-05-2011, 04:30 PM

بل هذآ بسيط , خلآص بسأل أمي لو أبوي خخخ

تراتيل السحر

14-05-2011, 06:32 PM

باعد اللحم عن اللحم لا يخيس

يضرب في الأقارب عندما يتجاورون أو يشتركون في مهمة معينة فقد يؤدي ذلك إلى التنافر

كليله

15-05-2011, 01:01 AM

باعد اللحم عن اللحم لا يخيس

يضرب في الأقارب عندما يتجاورون أو يشتركون في مهمة معينة فقد يؤدي ذلك إلى التنافر

وفي رواية اخرى
اذا جيت بتعرّس لاتاخذ وحده من نسباتك
لأنّ ماوراها غير لخياس والمشاكل .

همس الحرآير

15-05-2011, 03:32 PM

تبَآعَدُوآ تحَآبَبُوآ تَقَآرَبُوآ تبَآغَضُوآ
يعني إذآ الرجَآل تزوج وحده بعيده عن عآيلته تحآببوآ ولآ فيه خنآق
وإذآ الرجّآل تزوج قريبته تبآغضوآ وكرهوآ بعض
< كمآن من عند أمي = )

الحبابة بنت الزهراء

31-05-2011, 01:37 AM

وفي رواية اخرى
اذا جيت بتعرّس لاتاخذ وحده من نسباتك
لأنّ ماوراها غير لخياس والمشاكل .

الجواب مية بالمية صح

تحية ولائية

الحبابة بنت الزهراء

14-06-2011, 06:37 AM

الجواب مية بالمية صح

تحية ولائية

عذرا
طالما الأخ كليلة تأخر علينا بالمثل خذوا هالمثل لين مايحصل مثل

ياطالع الروح من الروح أو ياطالع الخلالة من الشمروخ

تحية ولائية

الحبابة بنت الزهراء

14-06-2011, 06:39 AM

بإنتظار إجاباتكم

تحية ولائية

خادمة العتره

15-06-2011, 02:31 AM

اللهمصل على محمد وال محمد
اتوقع انها تقال للمراة عند الولادة والله اعلم

الحبابة بنت الزهراء

15-06-2011, 05:20 AM

المثل بحاجة لشرح

تحية ولائية

الأطهار

15-06-2011, 11:10 AM

يمكن هذا المثل الى الشي الصعب الي مايستوي الا بعد اللتيا والتي
لاكن الله سبحانه مايعسره شيء الله يطلع الروح من الروح بس احنا ؟
اذا بغينا مثلا نستخرج شي من الارض او نطلع الشي من النخله يبغى لنا اول شي نتعب