الــــعاب ذهبت في ادراج الرياح

[النخلاوي]

صبحكم الله بالخير جميعاً
قبل كم يوم وبتحديد راكي صدح البيت
وسمعت وحده من الجهال وهي تقول

بٌنياتي بنياتي
ويردوا البقيه
نعم يمه نعم يمه
وترد عليهم
بزوجكم بزوجكم
وهذا اللي حفظته منهم
هذه اللعبه الظاهر انها مختصه بالبنات
ما اضكر لعبناها
من الهابه ريح تعلمنا وياها
وليها شرحه بمبر هديه
:f23b187f83:

[الحبابة بنت الزهراء]

خلف الله عليك يالنخلاوي هاللعبة مي تراثية لعبناها في المدرسة والحين بناتي يلعبوها بعدهم
شوف كلماتها أول
بنياتي بنياتي
ويردوا : نعم يمه نعم يمه
بزوجكم بزوجكم
ويردوا : لمن يمه لمن يمة
للأبطال للأبطال
ماأريدوه ماأريدوه
عزت راحت
راحت فين
تشرب ميه
مية إيه
مية طرشي
طرشي إيه
طرشي عبيطة
عبيطة إيه
أأولوه ذي ( وهي تشير على البنات )
لا مش دي
أأولوه ذي أيوه ذي
من ويت تراث يالنخلاوي كلها على بعض مصرية

جايتنك يالنخلاوي بالألعاب التراثية
وأولها طاق طاق طاقية
أكيد لعبتها أو لعبوها الآباء والأجداد

تحية ولائية

[قديحي]

مرحبا نخلاوي باشا

الحين هذي مهي اغنية
آلو
بابا هنا
بابا فين
أأللو مين

ما احس انها قديحية تراثية اصلية خصوصا انها باللهجة المصرية

شكلي لما اجيب اولاد من زوجتي المصرية بخليهم يغنوها :001ttwsd:
لأنها إندماج بين تراث القديح العريق وتراث مصر الفرعوني الجميل :)

[الهاشمي]

أقول يا قديحي و النخلاوي.. صراحة فشلتونا ويا الحبابة:goofy-smiley-08: ألحين هذي تراثية؟


شكلي لما اجيب اولاد من زوجتي المصرية بخليهم يغنوها


أقول يا قديحي.. هدرة فاضية منت قدها.. إنزل لا تطيح بس http://66.197.160.181/~alqudaih/vb/images/icons/icon10.gif

قال ويش قال أتزوج مصرية..

[كليله]

يالحبابة استري على ماواجهتي
رحم الله والديش ..

النخلاوي انت موكانّك قلت بتروح سوريا له ..كان قلت عجل ..
جدّي جدّي عندو حمار
عم ينهق في الفجريّه
ويش جابك للمصري ..

اقول تركوا عنكم الخربطه يالمفهّين وخلّوا الحبابه تسنّع الشغل ..
تفضلي حبابتنا ..

[ام الميرزا]

اني ناسية اليوم اللعاب اللي فيها زي الاناشيد
اذا ذكرتها بجيبها ليكم بس عندي هالصورة
اللعبة خاصة بالاولاد
واترك ليكم حرية التعبير عنها



http://www.deeiaar.org/upload/uploads/images/deeiaar-64bd4fda18.jpg (http://www.deeiaar.org/upload/uploads/images/deeiaar-64bd4fda18.jpg)

نترك لكم حرية التعبير و التذكر ...!!!

[السيد محمد الخضراوي]

ههههههههههههههه
طلعت مصرية بس قبل عشرين سنة كنا نسمعها واجد

دانا باحارس الحبابة علشان
طاق طاق طاقية يانخلة الماجيه
رن رن يا جرس <<<<<<<< جيبوا الحبابة رن الجرس

الظاهر تبغونا نعود اولاد خمس سنين ونشيل العشرين سنة الباقي
ونرجع ذكريات بيت اهلي داخل الديرة

[ملاذ]

وانت الصادق يا سيد رجعنا الى
انا في الروضة....
جمال ويعود واحنا وياكم نعود
وين الحبابة ؟

[فتاة النور]

اللهم صل على محمد وآل محمد وعجل فرجهم

ذكريات مابعدها ذكريات
الحين الواحد محتاج يرجع ايام شبابه
راجعين معكم علشان نقول واياكم اذا ماتبخرت
موفقين

[اعذب الالحان]

اللهم صل على محمد وآل محمد وعجل فرجهم ياكريم
مرة حليوة هدرتكم
عجبتني النشيدة المصرية
ولا نشيدة كليلة جدّي جدّي عندو حمار
عم ينهق في الفجريّه
روعه
ماشاء الله ذكرتونا بالزمن الماضي
يالله حبابة منتظرين وياش طاق طاق طقية

[النخلاوي]

وانا اقول مالعبنا هالعبه
طلعت من التراث الفرعوني
اشوف الجماعه قاموا علي
زين خذوا هاللعبه
لعبة ويش ادور ام احمد
ابنيه تسوي روحها مره ضبعه وقاعده ادور ابراه ضايعه منعدها
ويقولوا ليها ويش اتدوري يم احمد
وتقول ادور ابرتي
ويردوا عليها ويش فيها
وتقول فيها الخيط احمر
ويقعدوا يدوروا وبها
وبعدين يسألوها
وين غدائي يم احمد
وترد داكوا معلق فوق الملاله
ويردوا كلهم بصوت واحد
اكله السنور يم احمد
اكله السنور يم احمد
وتلحقهم واللي تصيدها تصير هي الضبعه ام احمد

[السيد محمد الخضراوي]

هههههههههه
حلوه اللعبة يا نخلاوينا
بس الي اعرفه ان الملاله يعلقوا فيها الاكل عن السنانير لول
مازلنا هنا نستمتع معكم

[أوراد الجُلنار]

تبغوا من العاب البنات
افا عليكم
خل نسطر ليكم اللي نذكره..

..................
آمينة
أمينتوه
أبو الشيبوه
سنادوه
كسرا سينا سينا واي <<<< لحد يومكم مافهم شي فيها :ft:
ماما شرت لي شنطة جديدة ونيمتني على السرير
و السرير طبعا طبعا
مايرضى احد ينام
الا صلاح وامراتو
هذي الجنة وهذي النار
و اللي واقف هوه حمار
واللي قاعد ياكل فار
:bad_smile:

أيام اول ..عجب عجاب

............
سلام سلام سلام
تحية الاسلام
الو الو الو
شراب البرتقال
<<<< ماذكر الباقي..

.........
<<<< نسيانة بداية هالشيئة
نلعبها بالايادي طبعا
قبعة يمين
وقبعة شمال
تعالَ تعالَ تعالَ
أنتِ يامديحة ديحة
لو كنتي صريحة ريحة
احنا مش حنأول لك
خلي العمدة يقول لك
:dda765bdff:
و لا افهم شي بعد

........
ماسكين ايادي بعض نقول:
سين سين سين
ميم ميم ميم
العب ياسمير
لاعبيني والاعبش
لا اكسر صوابعش
صوابعش ذلوني
بالطبع ملوني
ونكمل وياها ماما شرت لي شنطة جديدة عفر :eeb398af00:

.................
بنتين واقفين ونأرجح ايادينا ونفتحهم وندخل وحدة ونطلع وحدة :bad_smile:
هول هول هولندا
يابياع الميرندا
من يدخل؟؟؟

..........
<<< اشهر من نار على علم
:boss:
الله يصبحكم بالخير ياعمار العمارية
جينا نخطب بنتكم الحلوة الذكية
مانعطيكم اياها الا بالف ومية
نوقف على بابكم
ونكسر بيبانكم
وهذي عروستنا

.......
:goofy-smiley-21: بنوتية بحتة هاللعبة
مالك ياسوسن
بتبكي ليه؟؟
عروستي ضايعة
شكلها ايه؟
حلوة وجميلة
اسمها ايه؟؟
اسمها اسمها اسمها .. والبنية تدور وهي مغمضة وتختار ليها وحدة :)


:de51e59f7e:
كل يوم تعالوا

[الحبابة بنت الزهراء]

صح يانخلاوي هذي الألعاب التراثية ( مو بنياتي )
شكلك لاطشنها من الوالدة الله يحفظها
إيه هذا اللطاش السنع
سلمت يانخلاوي

أوراد الجلنار عفوا عزيزتي
الأناشيد التي وضعتيها ليست تراثية نحن هنا بصدد الألعاب التي لعبها الآباء والأجداد وليست الألعاب التي لعبناها نحن
عندك لعبة واحدة تراثية ( مساكم الله بالخير ياعمار العمارية )
وهذه اللعبة تتكون من فريقين
الفريق الأول يقول للفريق الثاني : مساكم الله بالخير ياعمارالعمارية .. جينا نخطب بنتكم ياعمارالعمارية
يرد الفريق الثاني : مانعطيكم إياها إلا بألفين أو ميه
الفريق الأول : نوقف على بابكم ونكسر أعتابكم والشمع ذوابكم
ويختاروا عروسة / أو هذي عروستنا
وياخذوا البنت وتعاد اللعبة من جديد

تحية ولائية

[الحبابة بنت الزهراء]

لعبة طاق طاق طاقية
يجلس الأطفال من 6 إلى 10 أطفال على الأرض بشكل حلقة ويدور عليهم أحد الأطفال وبيده طاقية وهو يقول : طاق طاق طاقية
الجالسين : يانخلة الماجية
الطفل : رن رن ياجرس
الجالسين : حول وركب على الفرس
الطفل : دياجة حمرة
الجالسين : كلوها
الطفل : إشلون كلوها
الجالسين : كلوها
وهكذا يعدد بعض الألوان ثم خلسة يضع الطاقية وراء أحد الجالسين بعدما يطلب منهم إغماض عيونهم بعدها يلف الأطفال خلفهم ومن يجد الطاقية خلفه يأخذها ويحاول إصطياد الولد الواقف بعدها يجلس الول لتبدأ اللعبة من جديد

تحية ولائية

[النخلاوي]

حبابه ام علوي متباركين بالليله
ما اجدب عليش هناك من قام بتغشيشي
ويش ليي انا بالعبه البنات
اللي لعبناه
الصيده
الطير
الشحمه والحمه
اتيل
دواميم
مخطه
وغيرها من لا يحصى
واحلى لعبه فيهم احماره العرجه
ونلعبها في العين
حجي قديحي ضاق الويل منها
:ef49dea0dc:

[متيمة القديح]

اللول نقول احنا
1/بسمة اليوم زعلانة
تمبى تلعب معانا
جا الشرطي واخدنا
كلا منش يابسمة
كلا امنش يابسمة(وانأشر على البنت اللي في وسط الدائرةوكأنها مسوية جريمة)
2/احنا ثلاثة وامنا الرابعة (الأم)
ومرت أبونا في البحر طابعة
خذتنا مرت أبو
حطتنا في العريش
عساها ماتعيش
على الباب جني
يرقص ويغني
على الباب حية
تراقص بنية
على الباب دختور
يعالج السنور
3/نسوي بعد دائرة وحنا ندور ونقول وردة مفتحة هي(بصوت حماسي)وننفتح الدائرة
وبعدين وردة مسكرة هي ونسكر الدائرة
4/ عقرة مقرة
قلي ربي :عد للعشرة واحد اتنين تلاتة ..................للعشرة
5/عقر مقر تسع عشر أم عليوي تمبى جل طول لعجل
6/واحد وحيدة اتنين فريدة تلاتة مثلث اربعة مربع خمسة مخمس ستة مسدس ............عشرة معشر صبعي مقشر
7/ واحد اتنين عمي احسين تلاتة اربعة..............ما أعرف الباقي
8/لاعبني والاعبك واكسر صوابعك
9/تيتي يتتي اعطيني زبدة والزبدة في الكيكة والكيكة في المخزن والمخزن ماليه مفتاح والمفتاح عند الخحداد والحداد يبغي فلوس والفلوس عند العروس والعروس تبغى رجل والرجل يبغى ولد ولول يبغى حليب والحليب من البقر والبقر يبغى حشيش والحشيش يبغى مطر والمطر من عند الله لا إله إلا الله محمد رسول الله
10/ عمي ضربني اهنا (نأشرعلى جبهتنا)
سيل الدم إلى هنا (نأشر على لحيتنا)
منا حبة حلاوة
منه حبة شكلاطه
منا سرير الماما
منا سرير البابا
منا سرير الدادو
11/ شبت حريقة
في بيت امريكه
قومي يصافي
طفي المطافي

وإذا دكرت الباقي باقول

[أوراد الجُلنار]

:boy:
تراثي على قدي
هذا اللي عرفته من ايام اول

:ekk:
فيما عدا ذلك..اشياء واجد ماسمعت بها


:explain:
بس حتى العابنا اندثرت ماشوف يلعبوها جهال هالايام الا ماندر

[الحبابة بنت الزهراء]

نخلاوي ياليت تشرح لينا طريقة ألعابكم
لعبة خوصة موصة
تجلس خمس إلى فمان بنات ممددة رجايلهم وتجي وحدة أو تمشي عليهم وتقول
خوصة موصة تسبح في الماي جندل جندلين على باب عروسين تحني تبني زري عني يابت عمي
وإللي تطلع عليها آخر كلمة تطلع وآخر وحدة إللي مايطلع عليها تقوم بإصطياد وحدة حتى تقوم بالدور خوصة موصة

تحية ولائية

[النخلاوي]

خوصة موصة تسبح في الماي جندل جندلين على باب عروسين تحني تبني زري عني يابت عمي

ونقول
تحقرص تمقرص بضب ضباب الليل بدغش اد بوش
ويش يطلع هالكلام ما دري
ولنا عوده بالعاب الاولاد

[الحبابة بنت الزهراء]

فقط تعديل
تحقرص تمقرص
بالضب
ضباب الليل
ماقام
بالدغش دابوش
شكرا ياالنخلاوي ذكرتنا بالذي مضى
تحية ولائية

[ام الميرزا]

كانت عندنا لعبة يجلس طفلين متقابلين
ويلعبو بالايدي
999876665433321
عشرة وبس نأكل خس
نعبد الله وحده وبس
عاشت ماما
وعاش البابا
وعاش الكف ,,,وطبعا اللي يسبق الكف على خذ الثاني هههههههههه

[الحبابة بنت الزهراء]

تسلمي ياأم الميرزا
ترى ألعابنا للحين ماصارت تراث بعدنا صغار والله ويش رايش ؟؟
نحن هنا بصدد ألعاب الأجداد والآباء الألعاب التي نسيناها
نريد أن نترك ولو شيء بسيط لأولادنا
تحيةولائية

[متيمة القديح]

عمي في الطيارة
اياكل ححجارة
قلت ليه أبغى تشه
قال بعد ساعة
جت لينا الفلاحة
عطتني تفاحة
يمه عطيني بخنقي وردايي وردايي
باروح يمه بشتري حنايي حنايي
بتحنى به طرقين
آنه وخويه حسين
مشكور أخوي النخلاوي على الموضوع

[الحبابة بنت الزهراء]

شويط شويط
تمسك الأم طفلها من يده وتبدأ الأرجحة مع طفلها وهي تنشد
شويط شويط العيدي .. وحملي وزيدي
واقفي عليه المشخل .. أو خلي رأسه يشخل
شخل شخل يالمشخل
ثم تدور به دورتين وتكمل
وأمي تناديني تبغى تحنيني
في إغضارة الصيني صيني على صيني
أمي تحنيني
ثم تدغدغه في راحة يده وتقول
يارب تعطيني .. وأحج بيت الله
وأزور نبي الله يارب تعطيني

تحية ولائية

[جرح القديح]

في لعبه قديمة بالحصى
انا ماذكرها بس اشوف الوالده تلعب بها لين حنت ليها

اربع حصوات >> عدل الجمع ؟
تاخذ وحده منهم وتقطها على فوق وتلم الي بقوو وتلقف الي قطتها قبل لا طيح الارض .
بعدين اظاهر يزيد عدد الحصا الي تقطه على فوق .
>> مو ذاكره احد يقدر يجيب تفاصيلها

وهاللعبه حاولت العبها بس الضحيه كانت كفي

[رجل من الغربة]

موضوع جميل للغاية وممتع
أتذكر لعبة مادري هل هي مصنفة تبع التراث أو لا

كنا نلعبها الأولاد والبنات

ألا وهي

طق طق طق
من في الباب
أنا الدب
ويش تمبى
أمبى بيضة
ويش لونها


الخ...

:)

لنا متعة هنا بإستمرار واصلوا أعزائي
تحياتي لكمـ

[النحيل]

المخطّـّــــــــــــــــــــــــــــــــ ـــه

نسيتوها؟

لا بعد مخطة لبنيات

تختلف عن مخطة لصبيان

[مآيميزني لقب]

مشكور النخلاوي ع الموضوع
الرآئع
عاد انا للحين اسمع امي تقول لاخوي الصغنن
ياعمري هالولد يركب ويعمّر البلد
وياخذ ليه ذيك المدام ويريوس بها بالسياره لقدام
وان شاء الله تعجبكم
دمتـم

[الحبابة بنت الزهراء]

فيه لعبة خاصة للأولاد وهي لعبة مكاسر البيض
ممكن تشرحوها لنا ؟؟

تحية ولائية