فاطمة محمد
10-12-2006, 06:38 PM
هذي القصيده للشاعر ..:.. الأستاذ حسن القرمزي
ومن حلاوتها قلنا تستاهلونها
و ان شاالله تنال على رضاكم ..،
--------------------------------------------------------
غزاله من صدد مرّت وأنا مسمّر بواديها
خذت قلبي بمشيتها وتمنيت إني أتقرّب و أحاجيها
وخفت من الفضيحه تصير في الديره وتغربلني بلاويها
وأحصّل جــم طراق وجم رفسه ويعادوني أهاليها
وتميّت أخزي الشيطان وأتعوّذ .. لكن خاطري فيها
غلبني ابليس ووسوس لي وقللي يالمدمغ لا تخليها
مثلها وين يتحصّل خساره ..وإذا فاتت ماتلاقيها
جرّب واقترب منها وتنحنح وابتسم ليها
إشاره عطها بعيونك ومو لازم تحاجيها
وهيه تفهم إذا تبغيك وتدري بيك شاريها
ترد ليك الإشاره بنوب وإذا تبسمت حاجيها
وإذا ما ليها خاطر فيك وماتبغيك خليّها
وتباعد عنها لا تبليك بلوى وانته تبليها
خزى ابليس شجعني وخلاني أجاريها
ومن زرنوق إلى زرنوق ألاحقها وأماشيها
وصممت إني أواصل واشوف شلون تاليها
أما فوز بالتفاح والجنّه ومافيها
و الاّ شتم وطراقات ومعادى أهاليها
و تم ابليس يشجعني ويخليني أدانيها
ويقل لي من ورا الغشوه حلاوه مااحلمت بيها
ولو تكشف الغشوايه حشاك اليوم ترويها
تشوف عيون خضراوات و الكحله أصل فيها
تشوف خدود تتلامع وسن الذهب حاويها
تشوف الخشم سلّة سيف والبسمة بمحاجيها
تشوف الشعر عرف الخيل يتمايل حواليها
وأتردد واخزي ابليس وأذكر غضب باريها
ويرد ابليس يوصف لي محاسنها ومحاويها
ويوم إنه ترس مخي وذابت مهجتي فيها
صرت مجبور ألاطفها ومجبور القلب فيها
ويوم وصلت الخبّاز وعيوني تباريها
وناديت بضعيف الصوت قصدي بس احاجيها
عطينا وجه يالبدره ولا جني احاجيها
قلت وشدعوى يالقاسي فداك الروح جرحيها
ولو هيه طوف جاوبني وأنا اللي لاصق فيها
ولا أسمع غير مشيتها وتهزهز تراكيها
وقلت يمكن ضعيفة سمع وأتقرّب وأناديها
دنيت منها وأنا مرعوب خايف ويش تاليها
ولا قالت لي تباعد وأنا اللي لاصق فيها
حاجيني وردي الصوت وروحي لا تعذبيها
ينجم سهيل في ظلمه وفي عتمة دياجيها
سحرتيني ذبحتيني وهذي الروح ناغيها
ورفعت لي الغشوايه قلت بنظر محاجيها
أثاريها أم العيال وأنا طايح غزل فيها
صدق من قال في الأمثال حاميها حراميها
;)
ومن حلاوتها قلنا تستاهلونها
و ان شاالله تنال على رضاكم ..،
--------------------------------------------------------
غزاله من صدد مرّت وأنا مسمّر بواديها
خذت قلبي بمشيتها وتمنيت إني أتقرّب و أحاجيها
وخفت من الفضيحه تصير في الديره وتغربلني بلاويها
وأحصّل جــم طراق وجم رفسه ويعادوني أهاليها
وتميّت أخزي الشيطان وأتعوّذ .. لكن خاطري فيها
غلبني ابليس ووسوس لي وقللي يالمدمغ لا تخليها
مثلها وين يتحصّل خساره ..وإذا فاتت ماتلاقيها
جرّب واقترب منها وتنحنح وابتسم ليها
إشاره عطها بعيونك ومو لازم تحاجيها
وهيه تفهم إذا تبغيك وتدري بيك شاريها
ترد ليك الإشاره بنوب وإذا تبسمت حاجيها
وإذا ما ليها خاطر فيك وماتبغيك خليّها
وتباعد عنها لا تبليك بلوى وانته تبليها
خزى ابليس شجعني وخلاني أجاريها
ومن زرنوق إلى زرنوق ألاحقها وأماشيها
وصممت إني أواصل واشوف شلون تاليها
أما فوز بالتفاح والجنّه ومافيها
و الاّ شتم وطراقات ومعادى أهاليها
و تم ابليس يشجعني ويخليني أدانيها
ويقل لي من ورا الغشوه حلاوه مااحلمت بيها
ولو تكشف الغشوايه حشاك اليوم ترويها
تشوف عيون خضراوات و الكحله أصل فيها
تشوف خدود تتلامع وسن الذهب حاويها
تشوف الخشم سلّة سيف والبسمة بمحاجيها
تشوف الشعر عرف الخيل يتمايل حواليها
وأتردد واخزي ابليس وأذكر غضب باريها
ويرد ابليس يوصف لي محاسنها ومحاويها
ويوم إنه ترس مخي وذابت مهجتي فيها
صرت مجبور ألاطفها ومجبور القلب فيها
ويوم وصلت الخبّاز وعيوني تباريها
وناديت بضعيف الصوت قصدي بس احاجيها
عطينا وجه يالبدره ولا جني احاجيها
قلت وشدعوى يالقاسي فداك الروح جرحيها
ولو هيه طوف جاوبني وأنا اللي لاصق فيها
ولا أسمع غير مشيتها وتهزهز تراكيها
وقلت يمكن ضعيفة سمع وأتقرّب وأناديها
دنيت منها وأنا مرعوب خايف ويش تاليها
ولا قالت لي تباعد وأنا اللي لاصق فيها
حاجيني وردي الصوت وروحي لا تعذبيها
ينجم سهيل في ظلمه وفي عتمة دياجيها
سحرتيني ذبحتيني وهذي الروح ناغيها
ورفعت لي الغشوايه قلت بنظر محاجيها
أثاريها أم العيال وأنا طايح غزل فيها
صدق من قال في الأمثال حاميها حراميها
;)