مسابقة قديحية حلوة وقديمه

[قديحي]

السلام عليكم ورحمة الله وبركاته

ويش رايكم بمسابقة خفيفة عبارة عن اسئلة وأجوبة عن قديح الماضي وقديح الحاضر
الاسئلة يتكون عن أشخاص , أماكن , أعمال واي شي يختص بلقديح

يعني انا بحط سؤال وعليكم الإجابة
ونشوف من الا عنده ثقافة قديحية في ديرته
طبعا بتكون بعض الأسئلة قديمة شوي وأكثركم ما عاش في ذاك الزمن فلكم الحق انكم تسالوا الوالد او الوالده عن الإجابة والهدف هنا يس الحصول على نقاط او جوائز بقدر ما هو عبارة عن تسليط الضوء على فترة زمنية بسيطة عشناها وعاش فيها آباءنا وأجدادنا

يالله نبتدي السؤال الأول

طبعا كل واحد فيكم الحين كمبيوتره شغال على الكهرب وكل واحد قاعد والمكيف يهبهب عليه
لكن فيه احد فيكم يعرف من اول من احضر الكهرباء الى الديره
نوضح شوي
الكهرب لول تشتغل عى مواطير وكانت المواطير هذي موجوده في مكان في الديره
من يعرف مكانها ؟ ومن كان المسئول عنها ؟

بإنتظار اجاباتكم

[حسين سعيد]

تقصد كهربة علي بن رضي العلوان رحمة الله تعالى عليه.

الله يرحمة وذكرتني بإصبعه المقطوع لقيامه بأعمال الصيانة في محطة مواطيره اللي كانت تقع في الموقع أمام الكبرة الحين.

رحم الله تلك الأيام اللي كان كل بيت في لمبة صفرة وإذا زادت لمبتين

[نعناع]

والله كأني سمعت أن هناك مواطير كهرباء
عند مسجد السدرة ولا دري صحيح لو لا
لكن المدقدقين مثلكم يعرفو أكثر منا

[قديحي]

خادم آل محمد
الإجابة صحيحه والمواطير كانت للمرحوم علي بن رضي رحمه الله والا كان موقعها بجانب البلديه
وبالتحديد في المنطقة الواقعهة وسط البلديه ومطعم فرن سناك

طبعاً الكهرب ما كان بهالمستوى المتطور الا موجود الحين بس كان حد كل بيت لمبة وحده او لمبتين
وكانت المواطير تعمل بمعدل اربع ساعات في اليوم , من المغرب الى حوالي الساعة عشر

الطريف في الأمر ( وهذي معلومة من عند احد الاصدقاء )
ان المواطير كان يعمل فيها حارس من عمان وكان الناس يعتقدوا ان هذا لعماني ساحر
لأنه كان لما يزوره احد كان يجيب حلوى عمانية صاخنة توها مستويه
مع العلم انه يظل شهور كثيره ما يزور فيها عمان

[قديحي]

ابوعبدالله

صحيح احنا شياب متغلوجين لكن مهو الى هذا الحد وانا على حسب معوماتي ما كان فيه مواطير عند عين السدره , يمكن يكون مواطير ماي :p
كل الا اعرفه ان اول مواطير كانت الى علي بن رضي وموقعها كان نفسه الموجود في ردي السابق
اما اذا كان فيه مواطير عند السدرة فيالييت واحد يصحح معلوماتنا
يمكن يكون هناك بعد

[قديحي]

سؤال جديد

احد سمع ان لقديح فيها قهوة ؟
ايه قهوة لا تستغربوا :eek:
وكان يجلس فيها الشباب والشياب وشرب شاي وقهوة ونارجيله :D
وحش في خلق الله;)
احد سمع عن هالقهوة ؟
وين مكانها ؟
وكانت الى من ؟

يالله يا شياب ورونا شطارتكم
ويالله يا شباب لا يغلبوكم الشياب

[موت]

وش صاير عفر اهنا ..
أفتكرت لي مكان اهنا بس شكلنا بتطلع قبل لا يطرودونا ,كل واحد يعرف نفسة :confused:
قديحي معلومات رائعة وجميلة
ولدي الحين يسألني تفلشت كيف ارد عليه ..قلت ليه هذول اعمارها الفين سنة :D


وسلامتكم

[قديحي]

لك مكان يا موت
انا اعرف انك ما بتجاوب علشان يقولوا انك صغير :p

طيب نقرب الجواب شوي
القهوة تقريباً موقعها كان نفس موقع البلديه
عرفتها يا موت ؟

[نعناع]

قهوة العماني

[قديحي]

أي عماني :confused:
هذاك الله يا ابوعبدالله

الظاهر نجاوب على السؤال وأمرنا لله

الجواب هو : قهوة محمد علي اليماني :)

الظاهر ان أبو عبدالله أخذ منه الكبر كل مأخذ واصبح لا يفرق بين عمان واليمن :D
على طاري اليمن

هناك يماني آخر كان لديه محل في القديح بجانب المغتسل
وبالتحديد في المكان المخصص لتجمع الطالبات , مكان المظله

احد يعرف ويش كان المحل ؟

[محمد الفرج]

سلام من الله عليكم ..

يماني !!

ماله إلا فول و قلابة و شكشوكة :)

- زين زين ندري مو صح لس قلنا نشارك وياكم ..

دمتم بخير

[قديحي]

الإجابات يا ليل كلها غلط في غلط :p
على وزن الحسابات كلها غلط في غلط في مسرحية على هامان يا فرعون

الحين اقول لك من زمان , تقول فلافل وشكشوكه
ما باقي الا تقول محل بيتزا ;)

خلاص نجاوب وامرنا الى الله
المحل كان محل حداده ولحام
يعني يسوي بيبان ودرايش , مهو قبلابة يا ليل

طيب سؤال اليوم
مقابل حسينية الغزوي كان فيه محل لبيع البلاط
احد يعرف صاحب المحل ؟

[موت]

قديحي والله طلعت مغبر كح كح ,,

بخلي الا ما يعرفوا يجابوا نعطيهم فرصة واذا عجزتوا نجاوب خلينا نشوف بعض الناسات "ليل ,ابو عبدالله و تراب القديح , حبروك يلا جابوا " علشان تتعلموا على التراف القديم

[قديحي]

موت اهلا بك
لا تترجى إجابة من ليل وابوعبدالله لأنهم بعدهم صناوة ولا لحقوا على الايام الجميله
هذولا متربين على حليب نيدو يا موت ويلعبوا بلاي ستيشن
مو مثلنا لما توفى صاحب مح البلاط المذكور رحمة الله وجدنا المكان فرصة للعب
وتولد عن وجود كميات كبيرة من السيراميك لعبة جديده اسمها تكسير البلاط
يضع الأول قطعة سيراميك على الارض والآخر يضربها بقطعة سيراميك اخرى
إذا انكسرت الى تحت صار الى الضارب نقطه وهكذا
وعلى ما تخلص من اللعبة تلاقي قطعة السيراميك الكبيره الا عندك صارت متتفتفه من التكسير

تتوقع من يغلب لو لعبوا تكسير البلاط حجي موت
ليل او ابو عبدالله ؟

[محمد الفرج]

.
.
.

إنا لله ..!!

أنا عندي خبرة في محلات السراميك الحين .. إذا تبي شي حاضرين ..

أما موت و الله العالم صنو مثلنا .. ما شفناه جاوب على شي أبد !! :)

دمتم بخير

[ورقة التوت]

هااااي
شباب


المحل كان صاحبة سلمان الجنبي المشهور
بلقب (أبو سلمى )

صح لو مو صح ؟؟؟؟؟؟؟
؟؟؟؟؟؟؟؟؟؟؟

[قديحي]

أكيد صح ومعلوماتك صحيحة مئة بالمئة يا ورقة التوت
صاحب المحل هو ( أبوسلمى ) رحمه الله

طيب يا ورقة التوت خلينا نشوف معلوماتك في مكان آخر
بجانب محل ابوسلمى من جهة الشمال مباشرة مكان يسموها ( الدالية ) وهي دالية بيت الشويكي
المكان الا يتسمعوا فيه الحريم في محرم لما يقرأ الملا عبدالحميد حفظه الله
وللتعريف اكثر فإن تعريف الدالية اذا ما كنت غلطان هو ساحة صغيره مزروعة بالنخيل وتقع في وسط الديره

فيه دالية ثانيه في لقديح غير دالية الشويكي من يعرف وين مكانها
وويش كان اسمها ؟

[ورقة التوت]

فيه دالية اسمها دالية مهنا
الواقعة قرب مسجد مهنا(عند السوق يعني)
وفيه دالية عند فريق الشرقي
نخل ام سليمان

ويش أعرف ؟؟؟لو ما اعرف

[أميرة الجنة]

عجبتني المسابقة ..
بس للأسف ماكنت أعرف الأجوبة :(
سألت الوالد الله يحفظه وما قصر عطاني الجواب :p
يعني مو غش استعنت بصديق :D

الجواب



دالية المهنا , جنب مسجد المهنا

يارب يكون الجواب صحيح :confused:

[عبود القديحي]

الداليه مكانها هو المركز الصحي المعروف

[قديحي]

ما شاء الله عليكم
ورقة التوت / روزماري / عبود القديحي
كلكم جاوبتوا صح
إيه الحين الواحد له نفس يواصل بالاسئلة والحين الواحد عرف ان فيه ناس تتابع وتسأل
أما لو اعتمدنا على ابوعبدالله وعلى ليل فما بنحصل الا الهواء على قولتهم

قال ويش قال عماني :p
والا هذا الا يقول محل شكشوكه ;)

طبعا الحين عرفنا ان الدالية هي دالية لمهنا بالقرب من مسجد لمهنا ومقابلة لعين لمهنا

على طاري لعيون
فيه عين صغيرونه مشهورة ان الحريم يغسلوا لثياب فيها ( طبعاً هذا قبل الغسالات )
يعني الصبح كل وحده شايله صحفتها على راسها وصابونها في ايدها ورايحة العين
وخذ يا زرد ( يزرد الثياب يعني ينظف بالمصطلح العامي القديم ) :)
ما اطول عيكم

العين اسمها عين التوازي

احد يعرف موقعها ؟

[محمد الفرج]

سلام من الله عليكم

شكلي باحط دوبي و قديحي ..!

كلما يحط سؤال اروح للوالدة الله يقويها و ...

التوازي ..!

هل هي بمعنى الأرتوازي محرفة أو شو ؟؟!

عموما العين ذاهي غرب قريب من الفريق .. و لفترة مو بعيدة كنت اشوف بعض الصحفات " الإسحلات باللغة اللاجامية :) " تمر من جهة البيت ..!
فأكيد الشباب يعرفوا الحل و إذا ما عرفوه " معقولة ؟!! " نجاوب عليه ..!

دمتم بخير

[عبود القديحي]

قديحي ذكرتني بغبرتك الاوليه في الحجرات العتيقه

الي يتجمعوا فيها الشياب والضبعان ونسمع فيها رمسكم انت وباقي الشله ياريت ترجع ايام الماضيه

شوف ياجدي قديحي

هي فيه كم عين اتذكرها انا باقولك الي اعرفهم وانت صلح اليي زين

الاولى : مكان او قرب مطعم بوابة فاطمه الفريق الشرقي هذه حق نسون مسبح وغسيل خلاقين
الثانيه : في المقيبري ( الفريق الجنوبي ) في بيت فرحان هذي حق رجال
الثالثه : في الفريق الجنوبي قرب محطة الغانم للبنزين حقت ارجال بعد
الرابعة والخامسه : عند السد قرب نادي مضر

والباقي عليكم

وانت ياليل خفف على قديحي وافتر الى ابو عبدالله شوي صناوه ويسوو كده في جدهم العود قديحي ايه وين جدتكم عنكم ان شاء الله تعود من السفر

[السيد محمد الخضراوي]

انا الي اذكرة الحين
ان اللول كانوا الحريم يغسلوا الثياب في العين التوازي
اللي تقع جنوب عين ساداس على طول
مقابل البلاطة

[قديحي]

ما شالله عليكم
طلعتوا كل خبرتكم في لعيون

الحين هذولا كلهم اسمهم عين التوازي؟ :(
وأنا افكر بس الا في فريقنا :rolleyes:
طبعا الحين اجاباتكم كلها احسن من سؤالي
ولعيون الا يغسلوا فيها الحريم فيابهم واجد وزي ما تفضلتوا وذكرتوا اساميهم
لكن انا في الحقيقة اقصد عين التوازي الا في الفريق الغربي بجانب القرنة الغربية لنخل الشارع

وبما إنكم طلعتوا خبيرين في لعيون
خلونا نشوف خبرتكم في مواطير الماي
المواطير كانت موجوده بكثرة في لقديح حتى انه كل فريق تقريباً كان ليهم ماطور خاص
يكون واحد من الفريق مسئول عنه ويتم الإشتراك بمبلغ معين للحصول على الماء ولصيانة المواطير
طبعاً ما كان فيه الاول لا مصلحة مجاري ولا مياه وصرف صحي
كانوا يشغلوا هالماطور ساعتين الصبح وساعتين العصر وتترس البركة وكان الله غفور رحيم

المطلوب الآن
ذكر مواقع ثلاثة من مواطير الديرة
ويفضل ذكر المسئول عن كل ماطور

[محمد الفرج]

سلام من الله عليكم

تفضل اللي نعرفه .. " و على الله ما تكون المعلومات اللي عندي فرش و اللي عندك مغبرة .. "

عندك ماطور الفريق .. جنب بيت الحصار مقابل الفحال اللي في مزرعة عبدالعزيز الشيخ " اللي يقولوا مسكون بجني .. صج ؟! " المسؤول عنه و عاصرناه متردد بين أبو علي حيان و بين أبوعلي عبيد الله يرحمه برحمته ..

عندك الماطور الثاني كأنه و الله العالم محل المضخة الحين اللي جنب نخل بيت الحصار و قريبة من محل قصقوص .. إن صح فالمسؤول عنها الله يعلم !!

عندك الماطور الفالف مقابل المركز الصحي الحين و المسؤول عنه الله العالم ..

هذا إلا عندي بس ..

دمتم بخير

[قديحي]

ما شاء الله عليك حرف حالياً ( ليل سابقاً )
لا يكون انت الا تعبي المواطير ديزل :p

طبعاً اجابة صحيحة وباقي المسئول عن المواطير ؟
نعطيكم فرصو وغذا ما جاوبتوا نعطيك الجواب بكل ممنونية

سجلوا عندكم كم ماطور
ماطور جنب حسينية بنت الشيخ النسائية
ماطور جنب مسجد العباس

الا على فكرة وين ابوعبدالله ؟ :rolleyes:

[السيد محمد الخضراوي]

لا تنسوا الماطور اللي كان شرق بيت ابو حسين الجبيلي الله يعافية وجنوب بيت حجي سلمان مرار الله يرحمة
والماطور الثاني الي يقع شمال بيت المرحوم السيد مكي الخضراوي ومقابل بيت يتيم
تحياتي

[قديحي]

كلامك صحيح قطرة مطر
على طاري بيت حجي سلمان مرار

كان فيه محل قديم جداً لتصليح الساعات يا قطرة مطر
وهو مو محل بالمعنى الحقيقي للمحلات الحين , تقريباً مكان صغير داخل بيت
تعرف من كان أشهر مصلح ساعات في الديرة ؟

[سجايا الروح]

هلا والله


اشهر مصلح كان اسمة
عبد علي الشيخ

وسلامتكم :)

[قديحي]

شاطره يا سجايا الروح
اجابتك صحيحه وبدايتك ممتازه
ولمن لا يعرف عبدعلي الشيخ رحمة الله عليه فهو والد محمد وعلي وعبدالاله وزهير وسعيد
وكما قال المثل ( من خلف ما مات )
فابناء الشيخ من خيرة شباب البلد وما تواجدهم في العمل الخيري التطوعي الا خير مثال

وبما اننا بصدد الحديث عن عائلة الشيخ فإن حميد الشيخ كان أشهر حملدار في البلد بالإضافة الى الحاج حمزة الفردان ولكن حميد إشتهر بعمل آخر وهو شراء الخرده وخصوصاً لصفر
من يعرف وين كان محله ؟

[سجايا الروح]

يالله صفقولي

الاجابه جنب مسجد الشيخ في الوادي
صح او لا ؟؟

[قديحي]

تقريباً صح
في الوادي , لكن وين بالتحديد ؟
لأن الوادي كبير

اذا حددتي بنصفق لك بعدها

[موت]

ماشاءالله
أنا بس اخذت لي قيلولة,,, الاسئـــلة الا اعرفه جاوبوهم !!!:confused:
في الزاوية محل حميد الشيخ ...وكان للول كل شياب
في قبل مكتبة بيت الناصر القديمة تعرفها المكتبة قديحي لو لا !!


قديحي دمت بخير

[قديحي]

موت حبيبي
بالطبع اذكر المكتبة وأذكر ايضاً محل قصقوص بجانبها
وإذا ما خانتني الذاكره كان اشيخ محمد الشيخ يجس فيها
المكتبة الى بيت الناصر او الشيخ ؟:confused:

المهم أستاذنا موت تستاهل واحد همبرجر على هالإجابة الصحيحة
وبما إننا في صدد احديث عن الهمبرقر فبالطبع سيكون سؤالنا عن الهمبرجر

الا وهو
من اول من باع همبرقر في القديح ؟
وفي وين موقع البوفية ؟

[محمد الفرج]

سلام من الله عليكم

اتوقعه ابو سمير ..!!

بس سؤالك عن موقعه يخرب التوقع يمكن ..

بس أكي اجابة وخلاص

دمتم بخير

[ورقة التوت]

سلام

والله الظاهر الظاهر
بوفية الشباب
لان عمر البوفيه تقريباً 25 سنة

على مايبدو


يالله قديحي
اذ احد جاوب اجابة صحيحة بعطيكم سؤال اذا ممكن
(عطيني خبر اذا عادي )

طبعاً السؤال مو من عندي من عند الوالدة

[قديحي]

حرف إجابتك خاطئة
ابوسمير اول من عمل الوافر مهو الهمبرقر وعلى ما يبدو ان الكثير عرف الوافر عن طريق بوفية ابوسمير لأنه كان لا يعرفه اا موظفين ارامكو لأنه كان موجود في مطاعم وكافتيريات ارامكو

اذكر موقف طريف حصل ايام الثانوية في مطعم حي البستان , كنا كل خميس نروح ناكل هات كيك من هناك ومرة من المرات كان معنا واحد اول مره يروح المطعم , سمعنا طلبنا هات كيك قام طلب مثلنا واول ما جابوا له الهات كيك قام ياكله بخبز :p

ورقة التوت
بوفية الشباب تعتبر جديدة مقارنة بالبوفية المطلوبة وقبلها كان بوفية الحاج احمد محسن فرحان ( ابومحسن ) وكان احلى ما عنده طبق البطاطس الا عليه قطع بيض مسلوق وفوقه الكاتشب
اكله لذيذه بجد

إجابتك خاطئة ايضاً
ننتظر إجابة صحيحة من الجميع
والى أن نلقى الإجابة ليس هناك مانع من طرح اي سؤال
نحن بإنتظار سؤالك

[ورقة التوت]

بوفيه الحاج منصور قصقوص

[موت]

كنتُ أقصد القرطاسية .حق بيت الناصر والمكتبة حق بيت الشيخ في الزاوية .وكانت في بيتهم فترة من الفترات...هذا ما اعرفه ,.

تعرف منهو الا كان في قرطاسية بيت الناصر؟؟؟ ومن صاحبها ؟؟ ومنهم الذين يعملون فيها وخاصه بداية السنه الدراسية :p

..الا أعرفه أبو سمـــير ...أخوه كان عنده بوفيه .الا بيتهم عند الشرابية ربم هو اول واحد كان يبيع الهمبرجر
أبو سمـــير اول واحد على مستـــوى القطيف في الوافر كما اعرف

وسلامتكم

[نعناع]

معذره من الجميع
تعرف يا قديحي الدوام وما يسوي

بنرجع لكم

[أميرة الجنة]

سألت الوالد الله يحفظة وماقصر عطاني الأجابة :cool:
بوفية ابو فؤاد الناصر جنب الروضة
يارب تكون الأجابة صحيحة :confused:

[عبود القديحي]

الاسئله قديمه ياقديحي ومكرره

نبي شي جديد

والي يدور على الاجابه يقدر يحصل عليها هنا

http://qudaih.net/showthread.php?t=973&page=4&highlight=%E5%E3%C8%D1%DE%D1

[ورقة التوت]

مرحبا
والله يا أخ عبود اني احس عاااادي جداً
لو نقل الاخ الموضوع اللي يمكن هو كاتبه في منتدى ثاني
وبعدين مو لبقة انك تقول هالكلام
اني احس الاولاد في المنتديات عااادي عندهم يحرجوا بعض

الاعضاء نفسهم بالضبط اللي في المنتدى
طبعاً لا
واني اولهم ما ادخل منتديات القديح الثقافيه


ماعليك قديحي
كمل كمل
واللي يبي يدخل يجاوب واللي مايبي
بكيفه

الحين المواضيع تنقل بنسبة 90 % اذا ماكان كله
عاقت على هالموضوع


اختلاف الرأي لايفسد للود قضية

[محمد الفرج]

الاسئله قديمه ياقديحي ومكرره

نبي شي جديد

والي يدور على الاجابه يقدر يحصل عليها هنا

http://qudaih.net/showthread.php?t=973&page=4&highlight=%E5%E3%C8%D1%DE%D1


طيب يا عبود فيك الخير ، ليش ما تحط إنت اسئلة جديدة بدل هالحركات إل مش كويسة ذي ؟؟!

أعتقد قديحي تعب على هذي الإسئلة في ذاك الموضوع .. و أكثر من واحد يدري إن الاسئلة انحطت هناك بالموضوع و لكن قاعدين نستمتع بالموضوع و كأنه جديد ..!

اللي نعرفه من ذاك الموضوع ما انجاوبه نخلي غيرنا يجاوبه و اللي ما نعرفه نحاول نجاوبه ..!

فننتظر اسئلتك حجي عبود ..!

وشكرا على وصلة قسم التراث لأنه كان امغبى بالمنتدى ..!

دمتم بخير

[قديحي]

حبيبي عبود

اشكرك جداً جداً جداً على وصلة التراث
ترى تعبنا واحنا ندور على مواضيعنا وعلى تعبنا الا راح
انت من غير لا تدري قدمت خدمة الى الجميع وادخلت البسمة الى الجميع :p

وبمناسبة هالخدمه الحلوة يا عبود
خد هالسؤال الجديد

من اشتهر ببيع الملح في لقديح ؟
وابغى الجواب من عبود

[قديحي]

على فكرة

إجابة روزماري صحيحه واول من عمل همبرقر هو ابوفؤاد الناصر
وهو اول من سوى البطاطس لمثلج

وخذ هالطرفة يا عبود
فيه واحد راح الى ابوفؤاد وقال له عطني بريال معكرونه
كان المسكين يفتكر ان البطاطس مكرونية :p

فيه مكرونه مقلي ؟

[عبود القديحي]

الاخ حرف والاخت ورقت التوت

انا اسف جدا على وضع الوصله الي خلتكم تتضايقون مني ويمكن لاني كنت متحمس اكثر من الزوم لموضوع شايبنا قديحي وكنت من المتابعيين ( القراء فقط ) لمنتديات القديح ولمنتدى الثراث بالخصوص وانا احببت التجديد في طرح الاسئله واقدم اعتذاري لكم مره أخرى وانا متأكد ان شيبتنا قديحي فاهم ايش كان قصدي.

واخيرا رسالة اعجاب وتقدير واحترام للشيبه قديحي وباقي الاخوة والاخوات في منتدى التراث جميعهم واتمنى أن اراهم هنا جميعا

[عبود القديحي]

انت ماتدري كيف انا تعبت وانا ادور عليها هناااااااااك لاني بصراحه جمعت بعض الموضيع الي انا حبيتها وخليتها في ملف ورد وجالس ارتب فيه من فتره طويله واعمل له ابواب وفصول وترقيم صفحات وفهرسه ولكم وعد مني اذا خلص تشوفه عندكم هنا جاهز وناخذ ملاحظاتكم عليه ...... كنت اتمنى اشوف باقي عمالقه التراث هنا ايضا وبدون تحديد اسماء لا انسى احد بعدين يزعل مني

وشكرا على وصلة قسم التراث لأنه كان امغبى بالمنتدى ..!

اشكرك جداً جداً جداً على وصلة التراث
ترى تعبنا واحنا ندور على مواضيعنا وعلى تعبنا الا راح
انت من غير لا تدري قدمت خدمة الى الجميع وادخلت البسمة الى الجميع

[عبود القديحي]

ياعلي ما دورتني الا انا خلاص استسلام

عطيني فرصه ....... بسأل وباجي زين لا حد يجاوب

من اشتهر ببيع الملح في لقديح ؟
وابغى الجواب من عبود

هذا شكلي اعرفه عدل وموجد معانا هناااا ........ اكيد عارف نفسه وساكت


وخذ هالطرفة يا عبود
فيه واحد راح الى ابوفؤاد وقال له عطني بريال معكرونه
كان المسكين يفتكر ان البطاطس مكرونية

[نعناع]

بسم الله الرحمن الرحيم
اللهم صل على محمد وآل محمد

عبود قديحي شكراً لك على الوصلة الي ذكرتنا فيها عن
أيام التراث الي أتمنى من كل قلبي ترجع هنا أن شاء الله

وعن الملح بروح نسأل وبنرجع

[موت]

صبحكم الله بالخير جميعا!!!

عبود كلهم يشكروك على الوصلة بس خرب الموضوع ياولدي
ماعلينا التراث الا في الوصلة متعوب عليه كأنه بس دخلت المنتدى لان صار لي دهر ما دخلت بس ما اشوف المنتدى التراثي ...واتوقع ان يومين واذا عرفوا بيسكروه عليكم ..يريدوا ان ينسبوا كل شي لهم ...

زمن ماله امان !!

تحياتي

[قديحي]

ولا تزعل نفسك عزيزي
الا بنى بيت يبني ثاني وثالث ورابع
ولا تهتم دام الاستاذ ابوعبدالله موجود
والفراش قديحي موجود
ولمغيّل حرف موجود
والخبطة موجوده والليان موجود وكل شي موجود
بنبني لك عشة احلى احلى ما يكون على قولة جدتي ام احمد الله يحفظها

وهذا سؤال الى عبود لقديحي بعد
عطنا اسامي ثلاثة اساتذه
وثلاثة فراريش
وثلاثة مغيلين

وشنهو معنى الليان وشنهي الخبطة

وخلك بعيد عن المدرسة يا عبود :rolleyes: تجاوب صح

[نعناع]

هاه وينكم
عبود قديحي عجزت لو نصبر

ننتظر

[نعناع]

اساتده
1- علي سلمان عبيد
2- معتوق سليمان
3- عبدالله أبوشاهين

مغيلين
المرحوم أبوعبدالله جباره
شخص معروف بالقوة والخلاص في العمل
ويشتغل في الغيلة من الصباح إلى اليل في عمله

راجعين بعد ما نستكمل المعلومات

[قديحي]

يعطيك العافية ابوعبدالله

بالاضافة الى الا ذكرت

الأستاذ حسن الستري رحمه الله
الأستاذ احمد الحليلي

وهذا مغيل آخر
احمد الفرج

ولمعلوماتك يا أبوعبدالله
احمد الفرج كان يشتغل في المعبدة ( فرقة القديح للافراح )
مع المرحوم فيصل الفندي والمرحوم فارس العبيدي والحاج سلمان عبدالنبي
والكثير الكثير من الاسماء التي انمحت في الذاكره

ولكن ما لم ينمحي من ذاكرتي
هو وقوفهم بجانب بعض وهم يتمايلون مرددون وبلحن جميل إغنية
يا مسلمين ارحموني
طيري غذا من من محله
اويلاه


سأحاول تجميع بعض المعلومات عن هذه الفرقة
وربما نفتح موضوع خاص بذلك

[قديحي]

مرحبا بالجميع من جديد
اخذوا هالسؤال نقنقوا به دام تنتظروا عبود لقديحي وهو يبحث عن إجابة لسؤال الملح

فيه إثنين من الديرة إشتهروا بمسميات تقديرية لهم ولمكانتهم في البلد حتى طغى اللقب على إسمهم الاصلي

الأول : الرئيس
الثاني : الأمير

من يكونوا هالإثنين

[أميرة الجنة]

سعيد عبيدان الله يرحمه

والثاني















مابقول بعطي مجال لغيري :d

[نعناع]

الامير هوالمرحوم الحاج حسن الجعفر أبو أحمد

[نعناع]

من منكم يعرف
السفير و الملا

[قديحي]

يعطيك العافية أبوعبدالله

الملا هو المرحوم الحاج عبدالله المحمود

لست متأكد من إسم عبدالله :confused: ربما إسم آخر
ولكني أعرفه واذكره شخصاً وشكلا
فأتمنى تصحيح المعلومة اذا كنت مخطيء

السفير : سافعل مثل ما فعلت روزماري وسأعطي المجال لغيري :cool:

[قديحي]

هاه يا جماعه

نكمل ؟

[نعناع]

كمل
والسفير هو واحد من عيال عبدرب النبي شغال في الخطوط

كمل

[كليله]

ممكن اشارك بسؤال ؟
شكراً.......
من يقدر يذكر لي اسامي الشّياب الله يرحمهم
اللّي كانوا يقعدوا في دكّان حجّ عبدالله مغزوي
قبل صلاة الظهر ...
كل واحد في ايده ساعه وستن , وكل شوي
يطلّع فيها يتاني الاذان .... ولكم الشكر

[قديحي]

سؤال لطيف يا كليله
وأن كنت أعتقد بصعوبة الإجابة خصوصا لمن هم ياكنين بعيد عن البقالة

انا أذكر الدكان بكل جوانبه وأذكر لفريز الأخضر والثلاجة

سج عندك وربما اكون مخطيء
1- المرحوم ابوعبدالله دعيبل
2 - المرحوم حسن الحليلي ابوعلي وعبدالهادي وحبيب
3- الحاج رضي المحمود
4- الحاج عبدالكريم حميدي

هذوا كنت اشوفهم يجلسوا في الدكان في اوقات متفرقه
و يميز الجميع فيهم ساعة الوستن :p كما تفضلت كيلة

[كليله]

نسيت ..
ابو احمد الفرج رحمه الله
ولاستاذ اللّي يغسّل ..رحمه الله
وحج منصور محمود .. وانت الصادق ..
تبغى حج رضي يهمّل نخله ويجي يقعد
وايّاهم .. هاذي اللي مايصير عاد ..
والستري ..
الله ياقديحي ..كان ضيق بهم هالدكيكين
... اظنك ماتذكر بس الفريز .. تذكر بعد
السحّاره اللي يحط عليها ابوحسين
قرطاسة البيض وجنبها الصمول وغرشة
الصاص ... سندويجه وعليها غرشة تييييم
الله ... مايحتاج ..

[الزينبية]

عندما أرى هذه الأسئلة والذكريات الدسمة
يكون بودي لو أنني سألت ابي عن كل ما كان في زمنهم القديم
ولكن لا ينفع الندم بعد الرحيل
اتمنى اتحافنا بالمزيد

[كليله]

زين ...
هادامن اوّل عمده للقديح
واوّل مختار ...؟؟؟

[موت]

,
,
من عائلة أبو الرحي !
الاسم الكامل ما بقوله . نخلي صناوة يفكروا شويات في الاجابه:d
.
.

[قديحي]

شوي شوي علينا يا كليله
ترى بعدنا صناوة مثل ما قال موت

انا اتذكر السيد محمد ابوالرحي وهذا ما عايشناه لكن في طفولتنا كنا نسمع انه كان العمدة
بعده جاء عبدالعزيز الشيخ ( ابوطلال )
ومن بعده ابوعبدرالرؤؤف العلوان ( لا اتذكر اسمه )
والآن ابوفيصل ( عبدالعزيز كريكيش )

اول مختار ؟ :confused:
اعرف المختار حسني البرزان بس في مسرحية ضيعة تشرين :p

[دفء الاحساس]

امممممم
اول عمده السيد رضي السيد حسن ابو الرحي
وبعده علوي ابو الرحي
وبعده السيد محمد ابو الرحي
وبعده محمد سعيد الناصر
ويعده ابو طلال عبد العزيز الشيخ
وبعده عبد الله ( ابو عبد الروؤف ) العلوان
وبعده عبد العزيز الكركيش ( ابو فيصل )
واتوقع اول مختار فيصل الفندي صح ؟؟؟

[كليله]

احباب قلبي ..
موت
قديحي
دفء الاحساس ...
شكراً لكم على تفضلكم باالجابه ...
اوّل عمده للقديح السيد صالح ابوالرحي رحمه الله .. وكان ذا سطوة
وهيبه , بحيث يستطيع في كلمة واحدة ان يجمع عيال المضرذلك الزمان
حوله فهم يحترمونه ايضا ... وكان يشتهر عنه انّه قوىّ الحاسّه بل ويستطيع
ان يحدّد جهة ايّ اغارة ما على البلده ايّام اغارات البدو عن طريق حاسته ..
فقد سمع ذات مره طلق لعيار من جهة ما , واوعز لعبد له (موجودون في ذلك الوقت)
ان يسارع بتنبيه اهل البلد للاستعداد , يقول الراوي ..ماهي الا لحظات حتى (انترس)
مجلس السيد بعيال المضر الابطال, واخبرهم بالامر , فتتوجهوا على الفور ناحية النخيل
الذي صدر منه الطلق .. وفي الاثناء وجدوا شخصين من اهل القديح وسألاهما عن الامر
فكان جوابهما انّه كان احدهما يدرّب الآخر على السلاح .. فلم تكن نية لاغاره بدو .. ولكن
ذلك يدل على ماكان يتصف به ذلك السيد العمده رحمه الله ....
ثمّ خلفه ابنه السيد عبدالله ..
وبعده السيد حسن ..
وبعده السيد رضي ...
امّا المختار ... وهو كبش الفداء ... فأشهرهم ابوحس ابوشعر , وابو جعفر الصقر
وشخص من الاحساء لايحضرني اسمه يدعى (العمر) ولاننسى صاحب (دقّة البلديه)
المشهوره ,فيصل الفندي رحمه الله ,, ودقّة البلديه هذه حدثت ايام عموديّة السيد محمد
ابواالرحي رحمه الله ... وكان يوما لاينسى لاهل القديح , هم لايريدون البلديه والعمده
يريدها , فحدثت عركة عظيمه ذهب ضحيتها شاب لم يمض على زواجه سوى اسبوع واحد
وهو الشاب ياسين المسجن رحمه الله ...
وللحديث ان احببتم بقيه ..

[دفء الاحساس]

كليلة اكمل ..
<<<<<<< متابعه الموضوع ..

[موت]

فطستني قديحي من الضحك

كليلة يقول لك اول عمدة تطرح لي الف اسم :D
علشان لازم يطلع واحد صحيح :p
حاول يا بعد شبدي شوي من او مناك يمكن تحصل الاجابة

دفء الاحساس .
حجية وش الا صار الفين اسم طرحتي ..يعني صرتي زي قديحي لا حول .

تحية برتقالية

[نعناع]

كليله مشكور لك على المعلومات الحلوة
واصل خلينا نعرف تاريخنا

[كليله]

اعدكم ان شاء الله بالمزيد من المعلومات
وان نتحدّث في القادم حول تاريخ العموديه
في البلد , وعن بعض المواقف التاريخيه
سواء السيئه او الحسنه , حيث ان كل انسان
معرض للصواب او الخطأ , كما سنتحدّث عن دور
المختار وكيفية عمله والمطلوب منه ...
ولكن ..... بيحوني وابروا ذمّتي
بعد عودتي من السفر ...
عندي حاجة وباروح للسيّده عشان تعطيني
ايّاها .... نسألكم الدّعا ..
ادري بتقولوا من الحين :
قلّدناك الدّعا والزياره
كليله : علينا الدّعا وعلى الله الاجابه
ومع السلامه

[قديحي]

ما قصرت يا كليلة وفي ميزان أعمالك
قلدناك الدعاء والزيارة وتروح وتجي بالسلامة
لا تنسانا من الدعاء عند سيدتنا زينب سلام الله عليها

[ورقة التوت]

ايش فيكم
خلصت المسابقة
لو ايش
مازلنا
ننتظر السؤال الجديد

[قديحي]

أكيد ما خلصت

الحين مشي حالك بهالسؤال

في الفريق الغربي كان فيه عين إسمها عين العمارة بالتحديد خلف بيت الحاج جعفر شويهين
هالعين كانت مشهورة بشي معين
من يعرفه ؟

[سجايا الروح]

اشتهرت بصندوق المهدي
سمي بذلك
لان داخلها صندوق حديد مافي احد يقدر يفتحه
وهو داخل العين

[قديحي]

إجابة صحيحة سجايا الروح

عين العمارة كانت مشهورة بصندوق المهدي
وهو ليس صندوق حديد كما تفضلتي
جدار العين كان مصفوف بالطابوق ولسبب ما كانت طابوقة ظاهرة عن الباقي
فسار الإعتقاد انها صندوق المهدي وكان من الصعوبة ان يقترب لها احد
لسبب بسيط وهو انها داخل الماء وفي اسفل العين
الأول كنا نرمي قروش على صندوق المهدي لأننا نؤمن انها خزنة المهدي وبالتالي نحط لقروش حق تزيد الخزنه

مكان آخر ارتبط بالإمام المهدي عليه السلام ومعروف لدى الجميع
وان كان صندوق المهدي خرافة يتداولها البعض الا ان هذا المكان المقدس لأهالي القديح له قصة حقيقية ترتبط بالإمام الحجة عجل الله فرجه
فمن يعرف اسم المكان واين يقع ؟

[ورقة التوت]

اعتقد انها خطوة الامام الحجة
المكان الواقع قرب ابو صلاح
الظاهر قدام بيت الشعفي
يعني هناك ما اقدر اوصف اكثر


(اللي يروحوها الناس في الناصفة )

[قديحي]

كلام صحيح يا ورقة التوت
صحيح خربطتي شوي في الموقع لكن ما عليه

الخطوة بالضبط ملاصقة من جهة الشرق لبيت الحاج علي العرفات ( صاحب بقالة العرفات )

[قديحي]

سؤال جديد

من يعرف موقع حمام لعميرة ؟

[ورقة التوت]

سلام

الموقع قبل ما نلف على حسينية الامام السجاد فيه نخل على اليسار هنا الموقع

(كلام الوالد موكلامي طبعاً)

[قديحي]

صح ورقة التوت

حمام لعميرة موجود في نخل الحاج احمد الحصار
وكان مشهور بغسالة العروس فيه , فتلاقي الحمام يوم الثلاثه العصر مليان حريم


مقابل نخل احمد الحصار كان فيه عين
من يعرف اسمها؟

[نعناع]

العين أسمها عين لعمير
والشارع الذي يمتد من حسينية الغربية إلى
نخل أحمد الحصار أسمه شارع لعمير

[ورقة التوت]

كنت اعرف لاجابة بس تركته لغيري

الاجابة صحيحة بس لازم ننتظر قديحي
عشان ياكدها

[قديحي]

وهذا قديحي يأكد الإجابة الصحيحة
العين هي عين لعمير
لكن بصراحه لا املك معلومات عن اسم الشارع وهذه معلومة جديدة اضافها لنا الشايب ابوعبدالله

الحين وانت رايح جهة نخل احمد الحصار تخليه على يسارك وتعبر جسر الحرس
وانت متجه الى السد
وبعد ما تعدي السد تواصل اللطريق الى آخر نخل هناك تقريبا ( قبل البر )
اسمه نخل لفمامية
من يعرف لفمامية مشهور بزراعة اي نوع من الاشجار ؟

[ورقة التوت]

ليمون تين

امي تقول بقشة
اقول ليها ويش يعني بقشة
احد ما يعرف بقشة :mad:

[اوليفر]

ويني انا عن هالمسابقة من زمان
صحيح فلة
يالله يا قديحي ارمي سؤال جديد
خلنا نشوف ان كنا شياب او من صبيان هالايام


بسرعة قديحي ترى والله متحمس :)

[نعناع]

قديماً كان هناك تمثيل إلى يوم عاشوراء
نريد منكم من كان يمثل في المصيبة
نريد ولو شخص واحد