الدُرج المناسب للطالب المناسب

[ضوءُ شمعة]

بسم الله الرحمن الرحيم

على قولتهم الكتاب مبين من عنوانه

وين تجلسوا لما كنتوا بالمدرسه؟؟
يعني بأي مقعد

هل انتم مثل ما ينطبق في هذه الصورة
http://www.9q9q.org/index.php?image=IX6vxuoNJgiege (http://www.9q9q.org/index.php?image=vxukJFUWSlj)

هههه عسى بس مو في الأخر

[أميرة الجنة]

أهلا ضوء شمعة
جميلة أيام الدراسه , ليتها تعود وتعود البراءة والطفوله ..
بالنسبة لي كنت أفضل الدرج الأول , وإذا مره مافي مجال الدرج الثاني , وأذكر مره حطتني المعلمه في الأخير لأنها تقول الشطار يقعدوا ورا علشان يكونوا الكسالى قدامي
رحت إلى أمي أصيح ما أبغي ورى وجت أمي للمدرسة وغيرت مكاني :)
وكنت ما أحب أقعد على الطرف أبغى لازم جنب لجدار :confused: لكن الحمد لله كنت من الطالبات المتميزات وخلصت الدراسة وأتمنى أحقق حلمي في التدريس ..

[أمير الحب]

ما فيه على الدرج الأخير
ضرب في الناس بالطباشير ولا احد يدري
بس هذا ما يعني ان اميروه مهو شاطر
صحيح يقعد ورى لكن عقله ومخه قدام مع الاستاذ
الا اذا حب يستشطن شوي خخخخخخخخ

[محمد الفرج]

.
.
.

سلام عليكم

طيب و اللي أخذ الطالب المثالي عشان جلس بالطولة الأخيرة ؟!

ذيك السنة واحد من الشباب مسكين ورا ونظره على قده فطلب الاستاذ احد من اللي قدام يتبرع له بتبديل المكان ..
ولأنها مي فارقة معاي ( لا أنا شاطر من أصل ، وما ابي اصير في وش الاساتذة من اصلو ) فقلت ابدل معاه و عطوني الطالب المثالي عشان صرت ورا ..!! " مالت عليهم "

بس يا أميروه الحِب ( بكسر الحاء ) ترى الطولة الأخيرة عز .. تكشف الفصل كله .. ولما يصير قدامك واحد متعافي شوي تعيّد بالنوم و لا لك أحد ..

واحد من الشباب استغل هالشي ذيك السنة و فتح له فتحة في الطولة !! قام يجيب له بيبسي و يحطه في الدرج و يدخل الميل من الفتحة و يشرب طول الوقت ... في احد يقدر يسويها في الصفوف الأولى ؟!! - عموما الله يرحمه و يحسن إليه -

والله يرحم ذيك السنة لما كنت انا ويا لحنوه في ذاك الفصل في آخر طولتين وامبادل بالاشعار .. لا دراسة و لا همك الله ..!

ودمتم في اللطف

[كليله]

ولنا مع الدرج الاخيري نصيب
لوّل تونا نشاهد تلفزيزنات وكانوا يجيبوا مسلسلات باللغة
العربيّه الفصحى , ياقوم وياقوم
كنت في صف رابع وجالس في الدرج الاوّل وفي يوم من الايام
كان استاذ (الحساب ) اللي يدرسنا زهراني واثناء ماكان يشرح
الدرس وهو يفكني انا منتبه , لكن لا انا سرحان
شوي وهو جالس على طاولتي ماشافني الاّ وانا اقول (واللاّت والعزّى)
فضّيت راسه فض .. قال تحلف باللاّت والعزّى
مسكين متأثّر بهالمسلسلات ..
المهم عاقبني وودّاني ورى آخر الصف وجلست بجوار واحد الله يرحمه ويحسن اليه
ويبيح منّا ومنه , كان يامحمد الفرج مو زي صاحبك يشرب بيبسي من ثقب الطاوله
لا ... هذا كان كل ما استبق ... بال في الطّاوله ... ولانه الله يرحمه كان اكبر منّي
كنت اخاف اتكلّم له فكان ماخذ راحته ..
حركات بلاسه ويش , بس حليوه لانها ريحة قبل مو ريحة بول
سامحوني قمت اخور