عريش ابوشلّاخ ....

[كليله]

سلامٌ عليكم
مساكم الله بالخير
وصبحكم الله بالخير .. بعد ..

لوّل يالطيبين ويالطيبات , تعرفوا اهلنا ماكان عندهم تلفزيون يشاهدوا فيه ويتسلّوا ولاكانت
عندهم بعد وسائل اخبار زي الحين , فكانوا , سبحان الله ’ مبرمجين نفسهم ووقتهم على حاجات
يسوّوها وفي اوقات معيّنه , يرفهوا فيها عن نفسهم ويفضفضوا فيها عن ما في خواطرهم وبعدين
كل واحد يقوم يروح لشغله , ويتلاقوا مرّة فانية وهكذا ..

مجالسهم لوّل ياحليلها , خصوصاً المجلس قصدي العريش اللّي باخدكم اليه , فيه نخالوه من نوعيّه
غير , نخاولها يجتمعوا كل يوم في عريش واحد منهم بعد الغدا , يتقهووا عنده ويسولفوا ..
بس سوالفهم اكثرها اذا مو كلها , شلّأخ في شلّاخ ...
كل واح يقول مغامرته , وكل واحد يكذب الكذبه ويصدقها بعد ...
وحتّى ربعه لو يدروا عنه موصادق (متعودين) تشوفوهم ياخذوا ويعطوا ويّاه وكأن القصة صحيحه ..

موضوع تراثي عن شلخات اهل لوّل ...

اتمنى انه يعجبكم ..

بس انتظرونا شوّية وقت وراجعين وسوالف ابوشلّاخ ..

[ملوكة]

هههههههههههههههههههههههههههههه
متابعين
موضوع جميل

[طين]

ناطرين يا أبو شلاخ


تحيتي أيها العزيز

[حــســن]

وين راح ابو شلاخ

ننتظرك كليله

[النخلاوي]

ناطرين يا أبو شلاخ


تحيتي أيها العزيز
نعلمك سالفه البقر
التي كانت من سلاله قديمه من على ايام النبي عيسى

سنه من لسنين وحنا بعدنا جهال كان الوالد يشتغل في البحر ويطلع من الفجر ولا يرجع الا المغرب
ومخلي شغل النخل علي وعلى اخوتي وعدنا في النخل حواوين
ومفلات ماتعرفوا الحواوين يبي ليهم شغل وحنا بعدنا صناوه
بس حنا كفيرين والشغل ماهو تعبه
وديك النوبه اخوتي مارحوا وياي النخل وانا ما رحت الا لسلوم وقمت احاتي ويش الحين اسوي لحالي
وما وصلت النخل الا البقره ونسميها ام مسعود
مجوده لمحش وقاعده تجز ادخن
قلت اليها ام مسعود ويش قاعده تسوي قالت افازعك انت بلاوحدك ويش بسوي لينا
وداكم اللي في المربط كلهم يشتغلوا
ولا شفت الا العجل (الابرق) شايل هوز الماي بدنبته وقاعد يترس لدرامات
والعجاجيل لصغار كل واحد مجود الزيرج وقاعد يحلب بقره وتارسين البستوك


http://www.qudaih.com/upload//uploads/images/qudaih-d37fdf17d2.jpg (http://www.qudaih.com/upload//uploads/images/qudaih-d37fdf17d2.jpg)

قلت اليهم قواكم الله ردوا عسى الله يقويك
وين كبيرتم اسمها الوضحا
قالوا لشوار مخلص وراحت تشتري جيسين



http://www.qudaih.com/upload//uploads/images/qudaih-df331452ad.jpg (http://www.qudaih.com/upload//uploads/images/qudaih-df331452ad.jpg)


البقيه باجر
بعد ما كليله يسنع الجاي وجيب لنا تتن حار

[كليله]

حيّا الله من جانا في عريش ابوشلاّخ
عشان يسمع سوالفهم ...

دامك بديت بسالفه من سوالفهم على البقرة يابوعلي أ اجل اسمع واسمعوا انتون سالفة لشلاخ الفانيه ..

هو داك في العريش ماسمع سالفة خوّيه اللّي كلها شلاخ , عدل روحه وكان منشلق , وقال وانا امس طالع بالحمير اللّي عندي
فنعشر حمار باودّيهم السوق وفوق ضهوريّتهم نفيعة القت , وانا امشي بلفنعشر حمار على السدّ وصلت نهاية الطريق الاّ ولاقيه
مسكّر ,ويش اسوّي الحين عشان اعبر بهم من الجهة الفانية واوصّل السوق , قمت اضربهم على ضهوريّتهم بالمشّوخ كان يحولوا
في السد ويطلعوا من الصوب الفاني مافي فايده ..

هبشت لي هبشة من القّت ونطّيت السد الى الجهة الثانيه ,,,
بس قلقلت ليهم حبيبة القت اللّي في ايدي ...كان ينطّوا السد ..

ردّ واحد وقال ... عجيب
فنعشر حمار نطّوا السد , قال ايه ...
قال عجل اسمع هالسالفه ...

ابوعلي ...
اليك مايك لشلاخ
تفضّل ..

[أحمد جعفر]

موضوع جميل ورائع و نحن من المتابعين
يا ملك

[أبوعبدالله]

لطيف جدا جدا
للنخالوة خفة دم غير طبيعية وخصوصا اذا كان واحد منهم يعلق على شكل الآخر او يعلق على سوالفة او طريقته بالكلام
مرة من المرات كنت مار بالصدفة على اثنين من النخالوة وكان واحد منهم يكح , الا الثاني يضحك عليه ويقول
" كأنك عجل غاص بباغة "
ما اعرف ليش كل تعليقاتهم لها علاقة بالحواوين والغنم والبقر

احد الشلاخين شلخ شلخة لطيفة وجميلة ولا تدخل العقل , وفي عرف النخاولة بالطبع تدخل العقل
كان يرجع من نخله كل يوم حوالي الساعة ثمان الليل ,. وفي مدخل الديرة من جهة بيت الشيخ مهدي العوازم حفظه الله وبالتحديث عند المكان المسمى بـ " جسر حرس "
وهنا يوجد ثلاثة اعمدة كهرب " لمبات " ويقول يا سبحان الله , كل ليلة بمجرد عبوره عند اللمبات تنطفي اللمبة الوسطية , وصار له اسبوع على هالحال
طبعا لاحظ تماما هذا الشيء وقال اكيد فيه سر غريب في الموضوع
بعد اسبوع تقريبا وهو راجع لاحظ من بعيد ان اللمبة الوسطية مطفية , فقال اكيد احترقت
ويا سبحان الله اول ما وصلت عند اللمبات ولعت :)

للجميع الحرية بتصديق الفلاح او عدم تصديقها , فقد نقلتها حرفيا كما ذكرها :)

[كليله]

لطيف جدا جدا
للنخالوة خفة دم غير طبيعية وخصوصا اذا كان واحد منهم يعلق على شكل الآخر او يعلق على سوالفة او طريقته بالكلام
مرة من المرات كنت مار بالصدفة على اثنين من النخالوة وكان واحد منهم يكح , الا الثاني يضحك عليه ويقول
" كأنك عجل غاص بباغة "
ما اعرف ليش كل تعليقاتهم لها علاقة بالحواوين والغنم والبقر

احد الشلاخين شلخ شلخة لطيفة وجميلة ولا تدخل العقل , وفي عرف النخاولة بالطبع تدخل العقل
كان يرجع من نخله كل يوم حوالي الساعة ثمان الليل ,. وفي مدخل الديرة من جهة بيت الشيخ مهدي العوازم حفظه الله وبالتحديث عند المكان المسمى بـ " جسر حرس "
وهنا يوجد ثلاثة اعمدة كهرب " لمبات " ويقول يا سبحان الله , كل ليلة بمجرد عبوره عند اللمبات تنطفي اللمبة الوسطية , وصار له اسبوع على هالحال
طبعا لاحظ تماما هذا الشيء وقال اكيد فيه سر غريب في الموضوع
بعد اسبوع تقريبا وهو راجع لاحظ من بعيد ان اللمبة الوسطية مطفية , فقال اكيد احترقت
ويا سبحان الله اول ما وصلت عند اللمبات ولعت :)

للجميع الحرية بتصديق الفلاح او عدم تصديقها , فقد نقلتها حرفيا كما ذكرها :)




تسلم ابوعبدالله ..
وسنصدّق الشلخه ونضمذها لقائمة لشلاخ في عريش ابوشلّاخ ..

[ملاذ]

يقول ذاك النخلاوي كنت اسقي النخل في الليل لوحدي وتدرون لول والشقا في السقاية بالدور واوقات واجد الواحد يسقي لوحدة وليلة من الليالي قبل الفجر بشويات واسمع ذاك الصوت قلت انا بسم الله الرحمن الرحيم ما ادري هو عوى لو كلب بس شكله عوى!!
وما ارفع راسي الا هذولا افنعشر لو خمسطعشر عوى متلايمين عليي ويش اسوي انا هالحزة؟ قلت ما لك الا تعزمهم!! كان احط رجل وانط بالمحش في الماي وعندي ذاك العمود من وين جبته ما ادري ولا اشوف الا ريس العواوي ياشر لربعة على الماي وانا متبرّز ليهم بالمحش والعمود ما شفتهم الا متجهين يشربون ماي وراحوا عني شان اطلع وراهم بس أخ ما صطهم!!

[حسن رضي]

ههههههههههه والله يا بو محمد عليك تسميات مي طبيعيه
دحنا نقراء سوالف بو شلاخ ....

[كليله]

هلا بالشباب
ترى سماح كل واحد سمع بشلخه من اهل لوّل مافي مشكله يقولها ..
بس ترى شلاخ الجماعه اللّي في العريش شي وشلاخكم شي ثاني ..

حيهم ..

[الهاشمي]

السلام على معاشر الشلّاخين و الشلّاخات..

أما سمعتم الرواية التي يرويها أبو شليخة الشلّاخ "من شلخ شلخةً لأخيه وقع فيها"..

أكملوا أكملوا .. و هاتوا ما لديكم من شلخ فربما تحفزون الذاكرة على نثر ما بها من مخزون تتشلّخ له آذان المستمعين http://www.qudaih.com/vb/images/icons/icon7.gif

[اعذب الالحان]

اللهم صل على محمد وآل محمد
اشلخ يبو شلاخ
متابعين الى الشلاخ المعتبر

[الحبابة بنت الزهراء]

متابعين الشلاّخ
ونكاد نصدّق مانقرأ
تحية ولائية

[طال انتظارك]

من المتابعين لعلنا تنذكر شلخه ونضعها بين ايديكم


دمتم بخير

[نور آل محمد]

موضوع لطيف
متابعين الى شلاخكم
تحياتي

[طين]

نعلمك سالفه البقر
التي كانت من سلاله قديمه من على ايام النبي عيسى

سنه من لسنين وحنا بعدنا جهال كان الوالد يشتغل في البحر ويطلع من الفجر ولا يرجع الا المغرب
ومخلي شغل النخل علي وعلى اخوتي وعدنا في النخل حواوين
ومفلات ماتعرفوا الحواوين يبي ليهم شغل وحنا بعدنا صناوه
بس حنا كفيرين والشغل ماهو تعبه
وديك النوبه اخوتي مارحوا وياي النخل وانا ما رحت الا لسلوم وقمت احاتي ويش الحين اسوي لحالي
وما وصلت النخل الا البقره ونسميها ام مسعود
مجوده لمحش وقاعده تجز ادخن
قلت اليها ام مسعود ويش قاعده تسوي قالت افازعك انت بلاوحدك ويش بسوي لينا
وداكم اللي في المربط كلهم يشتغلوا
ولا شفت الا العجل (الابرق) شايل هوز الماي بدنبته وقاعد يترس لدرامات
والعجاجيل لصغار كل واحد مجود الزيرج وقاعد يحلب بقره وتارسين البستوك


http://www.qudaih.com/upload//uploads/images/qudaih-d37fdf17d2.jpg (http://www.qudaih.com/upload//uploads/images/qudaih-d37fdf17d2.jpg)

قلت اليهم قواكم الله ردوا عسى الله يقويك
وين كبيرتم اسمها الوضحا
قالوا لشوار مخلص وراحت تشتري جيسين



http://www.qudaih.com/upload//uploads/images/qudaih-df331452ad.jpg (http://www.qudaih.com/upload//uploads/images/qudaih-df331452ad.jpg)


البقيه باجر
بعد ما كليله يسنع الجاي وجيب لنا تتن حار




هههههههههههههههههههههههههههههههههههههههه هههههههههههههه

[كليله]

يقول ذاك النخلاوي كنت اسقي النخل في الليل لوحدي وتدرون لول والشقا في السقاية بالدور واوقات واجد الواحد يسقي لوحدة وليلة من الليالي قبل الفجر بشويات واسمع ذاك الصوت قلت انا بسم الله الرحمن الرحيم ما ادري هو عوى لو كلب بس شكله عوى!!
وما ارفع راسي الا هذولا افنعشر لو خمسطعشر عوى متلايمين عليي ويش اسوي انا هالحزة؟ قلت ما لك الا تعزمهم!! كان احط رجل وانط بالمحش في الماي وعندي ذاك العمود من وين جبته ما ادري ولا اشوف الا ريس العواوي ياشر لربعة على الماي وانا متبرّز ليهم بالمحش والعمود ما شفتهم الا متجهين يشربون ماي وراحوا عني شان اطلع وراهم بس أخ ما صطهم!!



ملاذ ..
عندنا مفلات هاذي واجد ..
وطبعًا لوّل الفلاّح يجي دوره في لسقاية وقت اللّيل
ولازم يسوّي روحه بطل ..
تسلم على الشلخه .

[كليله]

ههههههههههه والله يا بو محمد عليك تسميات مي طبيعيه
دحنا نقراء سوالف بو شلاخ ....

حياك معانا ابوعلي في عريش
ابوشلّاخ ..
متمنين لك وقتا ممتعا هنا .

[كليله]

السلام على معاشر الشلّاخين و الشلّاخات..

أما سمعتم الرواية التي يرويها أبو شليخة الشلّاخ "من شلخ شلخةً لأخيه وقع فيها"..

أكملوا أكملوا .. و هاتوا ما لديكم من شلخ فربما تحفزون الذاكرة على نثر ما بها من مخزون تتشلّخ له آذان المستمعين http://www.qudaih.com/vb/images/icons/icon7.gif



انت دوماً ابوهاشم تضفي بتواجدك هنا روحاً جميله على المواضيع ..
نتنظر مالديك فلا تبخل علينا .

[كليله]

اللهم صل على محمد وآل محمد
اشلخ يبو شلاخ
متابعين الى الشلاخ المعتبر

شكراً لمتابعتكم التي هي مصدر اعتزاز لنا .

[كليله]

متابعين الشلاّخ
ونكاد نصدّق مانقرأ
تحية ولائية

بالتأكيد بعضها يكاد يكون صحيحا
شكرا لتواجدكم حبابه .

[كليله]

من المتابعين لعلنا تنذكر شلخه ونضعها بين ايديكم




دمتم بخير



اهلا بكم وبما تتذكرونه ..
ودمتم بخير ايضا .

[كليله]

موضوع لطيف

متابعين الى شلاخكم

تحياتي


هذا من لطفكم ايضا
شكر لكم

[خادمة العتره]

شكرا لكم على هالمواضيع الجميلة اللي تخلينا نعيش في جو اهلنا واجدادنا الله يعطيكم العافية

[محراب العشق]

ما شاء الله
الأخ نخلاوي متى بتكمل لشلاخ ..اندمجنا وياها وافتكرناها صحيح
أخ كليلة :دائماً مواضيع مميزة تنقلنا لعالم التراث..
نتابعكم ...هنا
تحياتي

[كليله]

اهلا بكم جميعا..
خادمة العتره
محراب العشق

وسالفه جديده من سوالف عريش ابوشلاخ ...


ما ادري ويش سرّ الرقم فلطعشر عند الشلاّخين ..
من يقعد الواحد منهم يشلّخ , تسمع اكثر شي على لسانه هالرّقم ..
فلطعشر يوم
فلطعشر سنه
واذ مالقاها قال ..
فلافه وعشرين يوم ..

الحين شوي وبيجوا العريش بعد الغدا وبتسمعوا سالفتهم الجديده ..
انتظروهم .ولكم تحياتي

[كليله]

قال واحد فيهم توني عامر فلطعشر شرب وصارم فلطعشر نخله وجزّيت
فلطعشر صرّة قتّ ..
قال الثاني وانا ركبت فلطعشر حمار ..
قال له خوّيه ... ركبتهم واحد ورى الفاني ..
قال لا .. ركبتهم كلهم جميع ..
كيف ؟؟

قال ... كل حمار ركب فوق الفاني وانا صرت فوقهم ..
وبعدين كيف حوّلت (نزلت) ..واحنا الحين شفناك جيت وماعندك غير حمار واحد
وين باقي الحمير ؟؟

قال ... أنا ماحوّلت من عليهم , كل حمار قام يبلع حمار لين صاروا حمار واحد
ركبته وجيتكم ..
خخخخخ
قوّيه ...

[وحدة وجنون]

:)نحن بالإنتظار لنسمع قصص أبو شلاخ.

[النخلاوي]

يقول ابواحمد وبعد ماخذ اليه نفسين نارجيله
فيه يوم من الايام وصتي الوالده حفظها الله اجيب اليها من النخل طماط تقول عنكم نخل ويش كبره وفلاجتنا مافيها طماطيه المهم رحت النخل واشوف ديك الطماطيه كبيره انا بلاوحدي مااقدر اشيلها
رحت وجبت اكرين ونجال وقلت الى راعي لكرين يالله شيلها وحطها في صندوق النجال يوم حطاها قلت الى السواق يالله وديها البيت يوم وصلنا البيت طلعت الطماطيه ماتخش من الباب ورحت الى البناي وخليته يجي يهجم الطوف وبعد مادخلنا الطماطيه البيت عود البناي وبناء الاجدار
واذ منتو مصدقين سايلوا ابوحسن ديك السنه هو جارنا وشاف الطماطيه يوم اجيبها

[عاشقة المهدي عج]

لازلنا متابعين لكم مع عرش الشلاّخ الرائع

موفقين :strawberry_kiszy_20

[خادمة العتره]

اما شلاخ قوي صحيح نحن نتظر شلاخ جديد

[سحَابْ]

تونس سوالف الشلاخ..

متابعة..

[كليله]

شكراً لكم جميعا
لتواجدكم الرائع ..

لتشجيعكم المستمرّ ..
كلّ مافي الأمر انّنا نريد اسعادكم وادخال البهجة على قلوبكم
بهذه المواضيع التي تحمل طابعاً تراثيّا ..

ولكلّ زمان شلخة وشلاّخين ..

[طال انتظارك]

سالفة الطماطية ذكرتنا بسالفة جحة في نخل حجي حسين

يقول ديك السنه رايح النخل من غبشة با ساقي بالماي المهم
يقول عاد انا رحت وفتحت المصجر وهديت الماي ورحت العريش لبست وزاري
ورجعت للشرب والماي ماوصل وقعدت اتاني هالماي كان ايجي وماجا
قلت اكيد الساقيه منسدة من هالرمول
يقول عاد انا رحت ادور من وينه منسده والا هادي جحه ويش كبرها
واعيط على الجيران في هالنخيل وتجمعنا ما ادري افنعشر لو فلطعشر رجال وماقدرنا نشيلها

المهم يوم عجزنا قلنا مالينا الا نفلحها مكانها وقعدنا نفلح وننجلها في قواري الى صلاة المغرب
وماضل احد في الديرة الا اكل من جحتنا

[طين]

خخخخخخخ
يامحلا شلاخكم ياشلاخين
متابعين ومستانسين

[نور آل محمد]

يقول ابواحمد وبعد ماخذ اليه نفسين نارجيله
فيه يوم من الايام وصتي الوالده حفظها الله اجيب اليها من النخل طماط تقول عنكم نخل ويش كبره وفلاجتنا مافيها طماطيه المهم رحت النخل واشوف ديك الطماطيه كبيره انا بلاوحدي مااقدر اشيلها
رحت وجبت اكرين ونجال وقلت الى راعي لكرين يالله شيلها وحطها في صندوق النجال يوم حطاها قلت الى السواق يالله وديها البيت يوم وصلنا البيت طلعت الطماطيه ماتخش من الباب ورحت الى البناي وخليته يجي يهجم الطوف وبعد مادخلنا الطماطيه البيت عود البناي وبناء الاجدار
واذ منتو مصدقين سايلوا ابوحسن ديك السنه هو جارنا وشاف الطماطيه يوم اجيبها

عاد هذي قوية :drop2:

[نور آل محمد]

سالفة الطماطية ذكرتنا بسالفة جحة في نخل حجي حسين


يقول ديك السنه رايح النخل من غبشة با ساقي بالماي المهم
يقول عاد انا رحت وفتحت المصجر وهديت الماي ورحت العريش لبست وزاري
ورجعت للشرب والماي ماوصل وقعدت اتاني هالماي كان ايجي وماجا
قلت اكيد الساقيه منسدة من هالرمول
يقول عاد انا رحت ادور من وينه منسده والا هادي جحه ويش كبرها
واعيط على الجيران في هالنخيل وتجمعنا ما ادري افنعشر لو فلطعشر رجال وماقدرنا نشيلها

المهم يوم عجزنا قلنا مالينا الا نفلحها مكانها وقعدنا نفلح وننجلها في قواري الى صلاة المغرب
وماضل احد في الديرة الا اكل من جحتنا


وهذي اعظم :laught2:

لازلنا من المتابعين
مشكور كليلة على هالموضوع الظريف
والشكر موصول الى الأخوه المشاركين
تحياتي

[وحدة وجنون]

:boy:
والله خوش سوالف مبين شلاخ تخلي الواحد يضحك من جد

هههههههههههه

[كليله]

سالفة الطماطية ذكرتنا بسالفة جحة في نخل حجي حسين


يقول ديك السنه رايح النخل من غبشة با ساقي بالماي المهم
يقول عاد انا رحت وفتحت المصجر وهديت الماي ورحت العريش لبست وزاري
ورجعت للشرب والماي ماوصل وقعدت اتاني هالماي كان ايجي وماجا
قلت اكيد الساقيه منسدة من هالرمول
يقول عاد انا رحت ادور من وينه منسده والا هادي جحه ويش كبرها
واعيط على الجيران في هالنخيل وتجمعنا ما ادري افنعشر لو فلطعشر رجال وماقدرنا نشيلها

المهم يوم عجزنا قلنا مالينا الا نفلحها مكانها وقعدنا نفلح وننجلها في قواري الى صلاة المغرب
وماضل احد في الديرة الا اكل من جحتنا



حشا هاذي موجحّه
هاذي قدر جابر ..

شكرا لكم

[ابراهيم العمران]

موضوع شيق

الشكر للاخ العزيز كليله
على المواضيع المسلية


ممكن لنا رجعة

[وحدة وجنون]

وين سوالفكم والشلاخ

كليله وين راح أبو شلاخ؟؟؟



متابعين

[كليله]

موجود والسموحه على التأخير ...

ياحليلهم ويالحليل سوالفهم وان كانت ماتخلى من لشلاخ , بس ويش يسوّوا ..
مفل ماقلنا معذورين , لاتلفزيون ولا لابتوب ولا شي يشغلوا به وقت فراغهم ..
يقعدوا في العريش بعد الغدا .. ديك الضّهريّة ويسلّوا روحهم بهالشلاخ ...


اليوم التقوا على العاده ... قال ابوجابر وكان ابوجابر عنده بقرة حلوب , يقول رحت البارحه ضبّة المغرب النخيل
وانا مارّ من صوب المربط سمعت البقره تقول ... اذا ماجا ابوجابر باحلب روحي والدّهنة باحطها في البستوك
وباودّيها السوق ابيعها ...
قلت في بالي ... تسوّيها هالبقره ...كان اصفن ورى المربط للفجر ماقال الله أكبر الاّ اشوفها طالعه
وبستوك الدّهنه في معلقتنهّ في رقبته ... ووين ؟؟
سوق الجبله ؟؟ وراها وراها ...وباعت الدّهنه على نفس الرّجّال اللّي ابيعها عليه كل نوبه ..
عدل روحه ابوصالح .. وقال له .. صاحي انت صاحي ,, بقرة تبيع دهنه ,,, قال له مانت مصدّق اسال فلان
اللّي بعت عليه الدّهنه وهاذاك معروف عنه شلّاخ بعد ... راح ابوصالح وسأل فلان وقال : من اللّي باعك دهنة ابوجابر أمس ..
قال : البقره .. واذا مانتون مصدقين اسألوه ..
ولو سألتوه ويش بيقول ؟؟
اكيد بيقول ليكم مثل ماقال لابوصالح ..

[نور آل محمد]

:drop2:
عجل البقرة الا باعت الدهنه


مازلنا متابعين لهذا الطرح الظريف
تحياتي

[ابن الجبيلي]

خوووش شلاخ


اسمعوا هالشلخه هادي الي سمعتها

مرة من المرات رحت النخل من غبشه وانا اتمشى بالنخل
ماشوف الا ذاك الشلب نايم في الضاحية انكان أروح واجيب هاداك العمود وارزه في بطنه
ومشيت عنه وخليت العمود مرزوز في بطن الشلب بعد فترة احتجت للعمود وكَـعدت ادور عليه
وتذكرت بأني رزيته في الشلب وانكان اروح واشيل العمود ماشفت الا الشلب قايم يسرع ونابته فيه حشة كَـصيب

ويش رايكم في هذا لشلاخ

[كليله]

:drop2:

عجل البقرة الا باعت الدهنه


مازلنا متابعين لهذا الطرح الظريف

تحياتي

[كليله]

خوووش شلاخ


اسمعوا هالشلخه هادي الي سمعتها

مرة من المرات رحت النخل من غبشه وانا اتمشى بالنخل
ماشوف الا ذاك الشلب نايم في الضاحية انكان أروح واجيب هاداك العمود وارزه في بطنه
ومشيت عنه وخليت العمود مرزوز في بطن الشلب بعد فترة احتجت للعمود وكَـعدت ادور عليه
وتذكرت بأني رزيته في الشلب وانكان اروح واشيل العمود ماشفت الا الشلب قايم يسرع ونابته فيه حشة كَـصيب

ويش رايكم في هذا لشلاخ


اعلم انّ عيال الجبيلي لديهم الكثير من المتعه في هذا الجانب ..
فهم من اصول القديح ومفخرتها وماسرّ احتفاظهم بلهجتها الأصيلة الاّ دليل على مصداق ما اقول .
فلا تحرمنا يابن الجبيلي من هذه المتعه واهلا بك بيننا .. شرّفتنا ..

[ابن الجبيلي]

اعلم انّ عيال الجبيلي لديهم الكثير من المتعه في هذا الجانب ..
فهم من اصول القديح ومفخرتها وماسرّ احتفاظهم بلهجتها الأصيلة الاّ دليل على مصداق ما اقول .
فلا تحرمنا يابن الجبيلي من هذه المتعه واهلا بك بيننا .. شرّفتنا ..

يكفينا فخراً بأننا أبناء القديح

وبإذن الله ستكون لنا مشاركات أخرى هنا

وفقكم الله

[أحمد جعفر]

أبو محمد
الضحكات و الابتسامات تخرج من هنا من هذا الموضوع إلى جميع المنتديات
نسمع ضحكاتكم
موضوع جد رائع

[كليله]

أبو محمد

الضحكات و الابتسامات تخرج من هنا من هذا الموضوع إلى جميع المنتديات
نسمع ضحكاتكم
موضوع جد رائع


ابوجعفر ...
سرُ هذه الرّوعة هو أنتم ..
شكراً لكم .

[ابو مهدي]

خوش شلخااااات

موضوع ممتع يا ابا محمد

اكملوا فنحن من المتابعين

[جنة الزهراء]

يوم كنت صغيره اروح وي امي الكبيره الله يرحمها العين كانت موجودة اخرعين وهي عين ساداس وانام وياهامن الليل ادا حاسبه على الروحه وتقص علي عادهالقصص منها صحيح ومنها خراط ومن بينهم سالفة ابنيه غرقت في العين اوبالاحرى جرتها راعية العين ومااحد قدر يطلع هاالبنيه كل من غاص في العين بيطلعها مترضى الراعيه وضلت البنيه عند الراعيه قام واحد عاد غضنفر داك الوقت وهوغواص قال لازم اغوص في هالعين واطلع البنيه نزل العين وراح الى الراعيه وعلى قولت امي صبح باالراعيه وسايلها عن احوالها وعن اولادها وقعدوياها شويه وتقهوى بعد ويوم بغى يقوم سايلها عن البنيه قال ليها ماطاحت عدكم بنيه ماقال بعد جريتيها تالي تنقهر فيه بعد ولاترضى قالت ليه الراعيه داكي مفلوتخ على السماده بس قبل ماتاخدهاجيب لي قرطاسة بيض ومشمرزري وفياب جدد لولادي وخلصت الشلخه:001t5cdf::001w0wke::mummy::yaho:

[خادمة العتره]

ايه عاد سوالف العين اسمعنا منها واجد

[ابو مهدي]

كل هذا عشان قرطاسة بيض ومشمر زري واشوية فياب

والله حاله

[كليله]

خوش شلخااااات

موضوع ممتع يا ابا محمد

اكملوا فنحن من المتابعين


حيّا الله ابومهدي ..
لاتتباعد واجد
عندنا شلخه عن السّعف بنقولها قريّب ..
ياهلا ومرحبا بك :beauty:

[كليله]

يوم كنت صغيره اروح وي امي الكبيره الله يرحمها العين كانت موجودة اخرعين وهي عين ساداس وانام وياهامن الليل ادا حاسبه على الروحه وتقص علي عادهالقصص منها صحيح ومنها خراط ومن بينهم سالفة ابنيه غرقت في العين اوبالاحرى جرتها راعية العين ومااحد قدر يطلع هاالبنيه كل من غاص في العين بيطلعها مترضى الراعيه وضلت البنيه عند الراعيه قام واحد عاد غضنفر داك الوقت وهوغواص قال لازم اغوص في هالعين واطلع البنيه نزل العين وراح الى الراعيه وعلى قولت امي صبح باالراعيه وسايلها عن احوالها وعن اولادها وقعدوياها شويه وتقهوى بعد ويوم بغى يقوم سايلها عن البنيه قال ليها ماطاحت عدكم بنيه ماقال بعد جريتيها تالي تنقهر فيه بعد ولاترضى قالت ليه الراعيه داكي مفلوتخ على السماده بس قبل ماتاخدهاجيب لي قرطاسة بيض ومشمرزري وفياب جدد لولادي وخلصت الشلخه:001t5cdf::001w0wke::mummy::yaho:

الأخت جنّة الزهراء
شكرا على هذه الطرفة اللطيفه
تموّت ضحك ..
موفقين

[كليله]

ايه عاد سوالف العين اسمعنا منها واجد


خادمة العترة
لاتستعجلي
جايتنكم السوالف
شكرا لتواجدكم

[كليله]

كل هذا عشان قرطاسة بيض ومشمر زري واشوية فياب

والله حاله


ابومهدي
شكراً لعودتك ولاتستعجل على سالفة السّعف ..:goofy-smiley-08:

[كليله]

تغدّوا الجماعه وجاو على عادتهم العريش تقهووا وعيّنوا خير....
قال واحد أنا عندي شرب جرجير كل ّ ماجزّيته جيت يوم فاني ولقيته زي ماهوه
ماكنّه مجزوز ..
احترت ويش اسوّي ويّا هالشّرب ... قلت في نفسي ياجماعة الخير .. خلاص باجر مانا جازنّه ..
ويش بتسوّي ... قال باقلعه ..

ولاجيت الاّ داك الشّرب مافيه ولاورقة جرجير , قلت الله يستر لايكون سمعني وزعل , تالي
غيّرت نيّتي قلت خلاص ماباقلعه , باعوّد اجزّه ... ولاجيت يوم فاني الاّ داك الشرب وداك
الجرجير زي ماهو والى يومكم انا اجزّ منه اودّي السّوق .. حتّى هالبيت بنيتهكلّه من هالشّرب ..

[خادمة العتره]

مشكور اخ كليلة ونحن بانتظار سوالف العين

[وحدة وجنون]

متابعووووووووووووووووون



تحياتي

[وحدة وجنون]

وينكم؟؟؟؟؟؟؟؟؟؟؟؟؟؟؟؟؟؟؟؟؟؟؟


بلإنتظار...........

[خادمة العتره]

وينك كليلة نحن بالانتظار

[صوت الزهراء]

اللهم صلِ على محمد وآل محمد وارحمنا بهم يا كريم

ههههههههه
ماني قادرة موتوني من الضحك
شلّاخكم وحجاياكم مرة حليوة

مشكور أبو محمد على هالموضوع
من المتابعين

[وحدة وجنون]

كليلة أنحاش أبو شلاخ

[كليله]

مانحاش ولاشي
هو بس مشغول شويّ , تعرفوا هالجوّ ماخلّى جماعة الشلاّخين يتلاقوا كل واحد خايف على نخله وعلى حلاله
يباريه ويمكن لو يغيب عنه لحظه يصيبه شي ..

قال واحد من الشلّاخين في العريش , أنا ضوّي ماتنطفي , ودلّة القهوة ماتحوّل من على سجرة الضّوّ , لأنّ لضيفوف
والأصحاب ماينقطعوا ..
وفي يوم خلّص (البنّ) ولاعندي حقّ اشتري .. قلت ويش اسوّي حطّيت الدلّه على العاده فوق السجره وشوي الاّ وهذولا
جماعة جايين , اطلّع فيهم الاّ هو عمدة الديرة والمختار وحاشيته ..
خفت وبغيت اطيح غمران , الاّ انا اسمع دلّة القهوة تقول لي , لاتخاف واسقيهم قهوة ..قلت ليها .. من وين ياحسره .

قالت .. أنت حطّ ماي ولاعليك من قاصر ,على الرّيحه ..
جا العمده وجماعته وقعدوا , سلّموا ورحّبت بهم , شلت الدلّه من على السجرة عشان اصب اليهم وايادييّ تتنافض
والعمده يقول لي سلامات ويش فيك .. وانا اقول له من هيبتك الله يسلّمك ..
كان اصب له داك الفنجال وأنا مغمّض وخايف واقول الله يستر .اليوم تعليقتنا في الوادي ..
ماسمعته الاّ وهو يقول لي , قهوة طيبه .. صبّ بعد واحد

[وحدة وجنون]

ههههههههههههههههههه

شلاخ غير طبيعي

أشوا رد رجع أبو شلاخ
عشان نسمع شلاخه

[خادمة العتره]

ماشاء الله مشكور اخوي عاشلخة الجديدة

[وحدة وجنون]

وين الشلخات تراني متحمسة

نتظر....

[وحدة وجنون]

شو صار وين الشلخات وأبو شلاخ؟؟؟؟؟؟؟؟؟؟؟؟؟؟؟؟؟


جاري الإنتظار....

[صوت الزهراء]

اللهم صلِ على محمد وآل محمد وارحمنا بهم يا كريم

وينكم يا جماعة
ويش فيكم متعلمين هليام تقولوا لينا كم كلمة وتسكتوا
بالغصب إلا تجوا
في الإنتظار