آه على زمان أول آه

[نعناع]

بسم الله الرحمن الرحيم
رسل لي أخ عزيز الله يذكره بالف خير هذي الصورة
الي رجعنا فيها إلى حنين قوي
ما راح أطول عليكم نخليكم مع الصورة

http://www.upload2world.com/pic6/upload2world_e98aa.jpg

[قديحي]

ليش هالفضايح يا نعناع
هذا كأنه عجل السيد اذا ما خاب ضني
وأكتفي بهذا القدر من التعليق

[كليله]

صدقت يانعناع كل شي من الماضي جميل , ناس على نيّاتهم
لا يعيبهم العمل ايّا كان نوعه مو احسن من اللّي يسال النّاس
شوفوا هالسيّد الفلفل الله يرحمه من التوبي واللّي كان من اشهر
مربين المواشي من الابقار ان لم يكن اشهرهم على الاطلاق
فما ان ياتي للنخيل لول وقت لقاح البقر الا وتشوفنا وراه او نستقبله
واحنا نقول جا عجل السيد , ما نقول جا السيد ,تدرون ليش , لان هالعجل
اللي يجيبه معاه يسرق الاضواء منه , لكن سبحان الله على ضخامته
ومخيف الاّ انّ السيد المبروك مروضنّه وقادر يمشيّه على كيفه ويطوعه حسب
ما يريد , كيف لا والصورة بعد تشهد كيف يمشي معاه بكل اريحيّه
وكأنّه صديقه الودود , عجل السيد ياشباب مهنة يسترزق منها السيد وغير
السيد وهنا كان عندنا في القديح بيت القايد مشهورين بهالتسميه وبهالمهنة .
ولوّل يقولوا او يسمّوا مرور لعجل على نخيل عشان عمليّة اللقاح (درب)
يعني يقولوا سوّى درب او قام بدربه , كما انّ العائد من ورى هالمهنة ليس
بالقليل حتّى يقال عن فلان من الناس كان يشتغل هالشغله , بنى له بيت من
لعجل .. الله يرحمهم برحمته , ويرحم هالشغله اللّي اختفت ولم يبق منها
غير الصّورة اللّي تكرّم علينا بها نعناع .

[نعناع]

قديحي وانا ويش مدريني
أنا عجبتني الصورة وحيته هنا

وكليله صار أشطر منك عطانا نبدة عن هذا السيد الله يرحمه
ماقصرت يا كليله

[كليله]

لاشكر على واجب نعناع
وانت قديحي باسألكم سؤال وكأن مافيه في هالعشّة اليتيمه
غيري وغيركما .
ما تلاحظوا ان كلّ عجل يسمّوه او يرتبط
بصاحبه ( عجل السيّد , عجل القايد )
ليش وكيف , ترى فيه تسميات واجد تتشابه وموضوعنا
الموضوع ياجماعة له علاقة بالارث التاريخي ..