ايليا
09-08-2010, 04:48 PM
بسم الله الرحمن الرحيم
اللهم صل على محمد وآل محمد الطيبين الطاهرين
لول في ذيك لسنين كنا نقعد عدال الريدو ، نحارس " حبّابه " في إيد كل واحد منا
قلاص لومي ، فيه فلجه نحافظ عليها ونبغى اللومي يصير بارد في نفس الوقت :drop2:
بس كانت القعده حليوه وكلها آناسه ، كنا من تبتدي حبّابه كأن على رؤسنا الطير
ما نسمع ولا نشوف ولا نتحرك أبد أبد أبد
بس هالأيام ما فيه سوق لحبّابه ولا إلى غيرها ....ما فيه سوق الا للسلسلات والأفلام والبرامج
وبنشوف إذا لحبّابه سوق لو لا عندكم :bye:
هاه متاه تمبونا نبتدي
بنحط ليكم بدايه وبنشوف تعجبكم لو لا
عاد الحجي بيصير بالعامي .....بلهجتي ........وهي بداية أول سالفه
زور من الزرزور اللي عمره ما كذب ولا حلف زور ....ذبح بقه وترس سبعة قدور ...وخلى لشحوم وللحوم على الصواني تدور ........
هذا يا محفوظين السلامة ذاك اليوم قالوا فيه فلاف بنات ...حليوات ....خوات من الأم والأبو ......وعدهم أخت
فريدتهم ....وأمهم ما تحبها ولا تشتهي مقابل ويهها .........كانت تطبخ وتنفخ وتعدل وتييب الماي من البير
وذاك اليوم في ظهر النهار مر من هناك ملا ...توه مخلص من قرايت مولد في الديره الشماليه ...وعنده ربايين نسمه وعنده عصير ابو ميل وعنده بعد في كيسه اربعة ملاليس من اللي فيهم علوج في داخلهم ، شاف لبنيه اللي في ايدها سطل الماي ، قال ليها ....
الملا :- هاه يا بتي ويش تسوي ؟؟
شيلاريلا :-با اودي الماي بيت ابويي
الملا :- ولاويش لحالش في هالنخيل القفرا
شيلاريلا :-مسوى خواتي قاعدين ما يسووا شي واني اللي اسوي كل شي
الملا :- اسم الله عليش وعلى عمرش .....وانتين بت منهوه ؟؟
شيلاريلا :-اني بت عبدالله حسنوف
الملا :- اللي ما يستحي ولا ينتخي قليل الآداب ما يحس ولا .....
شيلاريلا :-لا لا يا ملا مو هوه .....هذي مرت ابويي اللي تسوي فيي كده
الملا :- قليلة الحيا ......قليلة الآداب
شيلاريلا :- الحين خلني في حالي با اروح اودي هالماي قبل لا تطيح فيي هالنسره ضرب سنه في ساعه
وتالي بتخليني اييب الماي مره فانيه
الملا :- لا لا دانا با اعطيش ربيان نسمه وياه ملاس ......وبا اقول لش ويش تسوي فيه
شيلاريلا :- ............................
تصبحون على خير .
فمان الله
اللهم صل على محمد وآل محمد الطيبين الطاهرين
لول في ذيك لسنين كنا نقعد عدال الريدو ، نحارس " حبّابه " في إيد كل واحد منا
قلاص لومي ، فيه فلجه نحافظ عليها ونبغى اللومي يصير بارد في نفس الوقت :drop2:
بس كانت القعده حليوه وكلها آناسه ، كنا من تبتدي حبّابه كأن على رؤسنا الطير
ما نسمع ولا نشوف ولا نتحرك أبد أبد أبد
بس هالأيام ما فيه سوق لحبّابه ولا إلى غيرها ....ما فيه سوق الا للسلسلات والأفلام والبرامج
وبنشوف إذا لحبّابه سوق لو لا عندكم :bye:
هاه متاه تمبونا نبتدي
بنحط ليكم بدايه وبنشوف تعجبكم لو لا
عاد الحجي بيصير بالعامي .....بلهجتي ........وهي بداية أول سالفه
زور من الزرزور اللي عمره ما كذب ولا حلف زور ....ذبح بقه وترس سبعة قدور ...وخلى لشحوم وللحوم على الصواني تدور ........
هذا يا محفوظين السلامة ذاك اليوم قالوا فيه فلاف بنات ...حليوات ....خوات من الأم والأبو ......وعدهم أخت
فريدتهم ....وأمهم ما تحبها ولا تشتهي مقابل ويهها .........كانت تطبخ وتنفخ وتعدل وتييب الماي من البير
وذاك اليوم في ظهر النهار مر من هناك ملا ...توه مخلص من قرايت مولد في الديره الشماليه ...وعنده ربايين نسمه وعنده عصير ابو ميل وعنده بعد في كيسه اربعة ملاليس من اللي فيهم علوج في داخلهم ، شاف لبنيه اللي في ايدها سطل الماي ، قال ليها ....
الملا :- هاه يا بتي ويش تسوي ؟؟
شيلاريلا :-با اودي الماي بيت ابويي
الملا :- ولاويش لحالش في هالنخيل القفرا
شيلاريلا :-مسوى خواتي قاعدين ما يسووا شي واني اللي اسوي كل شي
الملا :- اسم الله عليش وعلى عمرش .....وانتين بت منهوه ؟؟
شيلاريلا :-اني بت عبدالله حسنوف
الملا :- اللي ما يستحي ولا ينتخي قليل الآداب ما يحس ولا .....
شيلاريلا :-لا لا يا ملا مو هوه .....هذي مرت ابويي اللي تسوي فيي كده
الملا :- قليلة الحيا ......قليلة الآداب
شيلاريلا :- الحين خلني في حالي با اروح اودي هالماي قبل لا تطيح فيي هالنسره ضرب سنه في ساعه
وتالي بتخليني اييب الماي مره فانيه
الملا :- لا لا دانا با اعطيش ربيان نسمه وياه ملاس ......وبا اقول لش ويش تسوي فيه
شيلاريلا :- ............................
تصبحون على خير .
فمان الله