رمضانا واحنا صغار [الأرشيف] - منتدى قديحيات الثقافي

جنة الزهراء

10-08-2010, 05:40 PM

الكل يتذكررمضان قبل 15سنة اواكثراشوي كيف كان من ناحية الاكل من ناحية العادات نجي اول الاكل كل الناس ماتطبخ الاالصالونة الفريدوالشوربة اللقيمات والسوياوالخبيص مكرونة ومحلبية واداناس مطورين سووكيكة وعادالناس تبغى متى يجي شهررمضان عشان يلددوروحهم لان ميشوفواهاالاكل الاهاالشهرالفضيل وامامن ناحية العادات خسارة اغلبهاراحت وين المسحروين الزيارات حقت صلت الرحم ماكانواالناس يعبدوالتلفزيون زي الحين مايدروعن اهلهم يخافوايطلعواتالي يفوتهم حلقة من باب الحارة لوطاش لوالمسلسلات الي ماتنعدولاتنحصى في حاجات بقت الى الحين ولي هي مفرقعات لانهامزعجة فهي مخلدة الى اخرالزمان المهم الكل يتذكراول سنة صام فيهاويش سوى فاهمين قصدي ببتدي بنفسي اول سنة صمت كانواتوهم فاتحين مركزالميزان وديك السنة حرواني في ثاني ابتدائي واهلي يطرشوني اشتري خبزمن الخبازالي في السدرة واني استانس لاني اشتري الخبزواكل اطراف الخبزكنه مابيشوفوه اهلي وامرعل الميزان واشتري خرشة ماي واشربها واعود البيت ولاكاني مسوية شي اكيدكل واحديتدكراول سنة ويش سوى نستنى ذكرياتكم اتحفونا بها:drop2:

وحيـده بدنيتي

10-08-2010, 09:27 PM

ههههههههههههههههههههه

ذكرتينا بايام اووول

انا بنسبه ليي

لما صمت كنت لسى صغيره يعني مابلغت فااعطش اكييد فابوي الله يخليه كان

يقول لي اشربي ماي تشونا بس يادن ظهر وكملي للمغرب ههههه

بس اني ما ا قتنع اروح تحت درجه واشرب ماااااااي لين اشبع

وامي كااانت ماترضى افطر لكذا كنت انخش تحت الدرجه ههههههههههه

وبس يادن واشوفهم يفطرو اقول ياليتني ما شربت مااي >> عياااره

هههههه بس ولا كاني مسويه شي الوضع عاادي واقعد افطر وياااهم

مشكوووووووووره ع الموضوع الا كثر من الرائع

تقبلي مروري

تحيااتي للجميع...:hello:

فلسفة انثى

10-08-2010, 11:51 PM

قبل 15 سنة توهم جايبيني كككككك ..
أيامكم أحلى من ايامنا أكيد :)
نتابع بصمت ردود الأعضاء :)

مجرد حلم

11-08-2010, 01:16 AM

ههههههههه موقفش يشبه موقفي اني بعد اهلي يطرشوني اشتري خبز ...عفوا اني لي ادق صدر عشان اشتري خبز لغايه في نفس يعقوب
المهم كان عمري 7 سنوات يوم اصوم عدل و كانت ريحته الخبز مع الجوع شهيه يم يم طبعا انخش في زرنوق واكل الحواف وشافني ولد جيران في مثل عمري ويصرح بصوت عالي فاااااااطره :e61f268fd7: ماتسوى علينا قطعه الخبز ...
في موقف ثاني كنا نطلع من المدرسه نمر على حسينه بت الشيخ فيها فاتحه او عاده مادكر طبعا اشرب لي كاس ماي واد شفتني المراه .... اقول يو صايمه .. تقول لي المراه على نياتها الله بيكتب ليش يومش لانش ماتدري :d9176679e4:

جنة الزهراء

11-08-2010, 01:45 AM

هاوينكم مابينتوامومعقولة مانهشتواشهررمضان في اول مره تصوموافيهابصراحة اني موبس خبزساعات ربيان بفكك الكبيرلوزوروساعة اقفل الباب علي وساعات حدري البطانية لوافتح الثلاجة اول اطلع منه منه مافي احدالغرشةبكبرهافي البطن ويجي الفطورواول وحدة على السفرة ولاكاني مسوية شي:boy:يالله عاااااادعلموناعنكم مابنقول الى اهلكم

حروف النور

11-08-2010, 04:32 AM

ذكريات جميييلة ....شهر رمضان له مواقف لاتنسى ....من ناحية الطبخ كانو اغلب الامهات يتشابهو في الاطباق ...ماكان الحلى وغيرة ظاهر مثل هالايام...فكانت الاطباق الرئيسية مثل ماتفضلتي ...صالونة ...هريس...ساقو..لقيمات...ولعصائر كان الفيمتو بلا منازع...على السحور كان شئ ثاني....
كان الوالد الله يرحمة يصحينا من النوم ...والسحور ياما عيش ولبن او اللي ظل من الفطور....اما اول سنة صمنا فيها مااتذكر المواقف بالضبط..مرت سنوات كثييرة...لكن نتذكر ان الوالدة اذا غفلت عن المطبخ وطلعت شوووي نخش حنا وناخذ لقمة من العيش او حبة لقيمات ههه..تسلمي على هالموضوع الحلوو...

كليله

12-08-2010, 11:33 AM

موضوع في غاية الروعه ..
يحمل بين جوانبه عبق ذكريات عزيزه على قلوبنا جميعا ..

مستأنسون لما تتفضلون به هنا
ولنا عوده .

زهرةالليالي

16-08-2010, 08:02 AM

السلام على الجميع
اااااااااااااااه على أيام زمان وعلى ريحة الخبز العربي واحنا ميتين جوع
طبعا بلا منازع سويتها وأكلت الأطراف على نياتنا نفتكر ما أحد يكتشف
أذكر لما كنت صغيرة داك اليوم الوالد جايب فواكه في الظهر من ضمنها تفاح أحمر وأني مايته جوع مع أني ما آكل فواكه ونسيت أني كنت صايمة
وأخذتها على نياتي وكان عندنا أسياخ حقت الكباب وشك التفاحة فيها وجالسة أتفنن :013: في أكلها وبعد شوي تذكرت أني صايمة وقلت في نفسي كذا كذا أني فطرت بكملها وخلاص
وانخشيت :001ttwsd: وكملت الباقي

مشكور خيتي على موضوعش جدا رائع

كليله

20-08-2010, 08:30 PM

مشكورة اخت زهرة الليالي على هذا الموقف الجميل
بس ليش كملتي أكل التفاحه بعد ماذكرتي انّك صايمه ..؟؟

عليكم بالعافيه وشكرا للجميع .

زهرةالليالي

20-08-2010, 08:47 PM

مشكور اخوي كليلة
بس أنا كملت التفاحة علشان كنت صغيرة في صف أول ما أعرف الأحكام عدل
وش دراني:85: افتكرت اللي يفطر وهوه ما يدري خلاص يكمل الافطار لأن ما في فايدة نجوع روحنا على خراط:2S-haha:

ملاذ

21-08-2010, 02:21 PM

الحمد لله رب العالمين
صومنا كان بصدق تمام التمام ولكن اذكر بعض المواقف للآخرين ومنها انه واحد من الشباب وكن صغار نسهر ونلعب ليمن الصبح وذاك اليوم طبيت عليه ولا هو يشرب غرشة بيبسي قلت افا يافلان فاااااطر قال ايه لاني مريض!!!!:ef49dea0dc:
قلت وش امرض بك مو كانك الى قبل 5 دقايق ما بك شي مثل لحصان تلعب وترمح قال ايه بس شوف اظفوري داكوه بيقبع وفيه دم :Photographer-128x12

خادمكم سيدي يا حسين

21-08-2010, 03:46 PM

جنة الزهراء

21-08-2010, 05:23 PM

اسمعناالي يتحيجج وياه وجع راس لو بطنه يشرب ماي مسوى عطشان موبيبسي قاعديلددروحه بغرشة بيبسي ويبردافاده قال اضفوري فيه دم خوش سبب

كليله

22-08-2010, 02:55 AM

مشكورين على تفاعلكم ..
خلّيتونا نعيش جوّ رمضاني مفعم بالبراءه
مواقف متنوّعه وذكريات جميله ..
شكرا لكم متمنين تواصلكم .

ولد البلد

22-08-2010, 02:29 PM

والله ذكرتونا بالماضي أنا أول سنة أصوم فيها كنت في أول إبتدائي في أول يوم صمت عدل كانت أمي الكبيرة كل شوي تسألني إذا جعت أو عطشت تعال عندي وكل واشرب كان وأروح إلى أبوي واشتكي عليها طالع فيها الولد ما يبغى يخرب صيامه المهم ما وصل وقت الأذان إلا أنا حتى الكلام مو قادر اتكلم . هذا أول يوم اليوم الثاني رحت لأمي الكبيرة قلت ليها عطشان قالت لي أقلب وجهك أمس تشتكي علي واليوم جايني عطشان هذا الكلام كان الظهر رحت لأمي وجلست معاها في المطبخ توها ما سوت شي كان فيه مكرونة من أمس قالت لي أمي خذ هذا وده إلى الدجاج فوق لأن كان عندنا صندقة فوق السطح فيها دجاجتين وحمام أخذت الصحن وطرت به فوق واطحنه قالت دجاج ولا حبة إلى الدجاج كله في بطني ويوم المنى يوم اللي تقول لي امي أودي إلى الدجاج وفي من الأيام صادتني أمي عطتني الصحن وكالعادة رحت فوق وأنا آكل ركبت أمي تنشر ثياب طلت علي في الصندقة إلا الدجاج هم اللي صايمين وأنا الفاطر وصار هذا اليوم آخر يوم أودي شي الى الدجاج.

دمتم بود،،،

جنة الزهراء

22-08-2010, 09:12 PM

مساكين الدجاج كان اكلت شوي وشوي الى المحابيس الدجاج كله في بطنك الله يهديك سويت المثل عدل الي يبوك بيضة يبوك جمل طبقتة عدل

فتاة النور

22-08-2010, 11:26 PM

اللهم صل على محمد وآل محمد

الاكل برمضان له رونق مميز هههه
اذكر وانا في ابتدائية مرة فتحت الثلاجة واشوف فيها ماي بارد جدا وخصوصا الفترة كانت مثل الحين حر غير طبيعي وشربته من دون قصد نسيت انو انا صايمة
كان في العصر حتى اهلي يقولوا لي كملي لاتفطري لانك ماتدري
وانا ابغى الحجة اقول لانو شربت ماي لكن الله هداني مااكلت ولا شربت الا لما اذن

اما البوق مرة وحدة سويتها اذن الصباح ونسيت ماشربت ماي ولما لكل دخل ينام رحت البراد وشربت ماحد شافني غير ربي :)

اول مرة اصوم عدل خخخ
كنت في اول ابتدائي وماكنت افطر حتى لو كنت عطشانه
ورجعت من المدرسة وقالت لي عمتي صحيح صايمة مبين على وجهك شاحب واجد كل هذا منشان الصوم
اقول لها ماتشوفي المعلمة تهدر على راسنا ونجاوب نشف حلقنا خخخ
بس خسارة ماقالوا لي افطري خخخخ
بصراحة كنت ابغى الحجة علشان اشرب ماي هههه

موفقة خيه على الطرح

أنغام العشق

23-08-2010, 12:56 AM

اللهم صل على محمد وآله وعجل فرجه
رمضان كريم كل سنة وانتو سالمين
سوالفكم حلوة حدها والبراءة احلى واحلى
متابعين معكم انشاء الله واذا استطعت اكشفنا المستور

جرح القديح

23-08-2010, 01:14 AM

أذكر لما تجي وفاة امير المؤمنين الأمام علي بن أبي طالب من ليلة 19 يطلع مجموعة من الشباب ويدوروا في دواعيس القديح
ويرددوا بعض الكلمات ما اذكرها بالضبط

ملعون يا بن ملجم
ضرب علي وتندم
ضرب علي بالحيلة

علي يا نور الأسلام
رحل والناس نيام

علي قاعد يصلي
وهدموا صلاته ..

هذا إلي اذكره من ذكريات الطفولة في رمضان ..

هههههههههه ذكرتني .. هذي اني مسوية عصابه يوم كنت صغيره ..
اشيل وياي جهالات العيله واركض بالعبايه زي الطرزان في الفرقان واقولها

ماكنت مؤمنه بالعنصريه والتفرقه بين الاولاد و البنات .
بس كنت احصل طق لما ارجع :cry1:

السنه الجايه اعود بنفس العاده ما توب .. :bad_smile2:

المهند

23-08-2010, 07:29 PM

الله على ايام الاول شهر رمضان له طعم خاص وروحانيه والله اتحسر على ديك الايام يكفي القلوب على بعضها
والالعاب الشعبية يا زينها (بالطير - الي صيد يصد وياه - الشحمة واللحمة -سبيرو, وغيرها من الالعاب الحلوه) مو الحين طايحين بالسوني طيحة اعمى في ظلمه
اه لو ترجع كانت ايام حلوه

جنة الزهراء

24-08-2010, 05:40 AM

اسعدني مروركم العطروننتظرالمزيدمن ذكرياتكم الجميلة

فاطمة حسين

24-08-2010, 05:48 AM

واااو ذكرتيني بايام زمان .. على أيام الفراان اللي في الوادي قبل ماأصوم كانت أمي الظهر تخلينا نروح نشتري لنا كماج >> صمول يعني هههه مع جبن مثلثات نأكله بدل غذاء وبعدها بسنة صوموني أخوتي يروح يشترو لهم وأني أصيح أبي آكل وأمي ماترضى تقول أنتي صايمه.. وأقول لها داكو أخوي أكبر مني ويأكل تقولي هو صبي بعده ماوجب عليه‏>‏‏>‏ حتى في ذي صبي وبنيه >> ماكنت حزتها أدرك:question: إن أنا وجب علي وهو لسى.. المهم.. بدايت الأيام كنت أصوم بذمه وظمير بس على نهايت الشهر خلاص تعبت واستمليت كلهم فاطرين بس أني صايمه أخوتي فاطرين بنات عمي وأولاد عمي فاطرين والباقي يبوقو قالت لي بنت عمي انخشي واكلي زيي >> يأمرون بالمعروف هههه بعدين صرت أشوف أخوتي يشربو حليب فضيل السحور آخذه من عندهم وأشربه حليب الري أخرب حليب هههه.. وبعد مرور 3 أو 4 سنوات ع صيامي العدل أختي كانت توها تصوم بأول بس كانت مديرتهم ماترضى يصومو تقول لهم بعدكم اصغار إذا رحتو رابع صومو‏>‏‏>‏ حنونة مديرة المدرسة الرابعة.. وصارت أختي تقول لي نقلي مدرستنا عشان ماتصومي مديرتنا مابتخليش تصومي.. وقتلت روحي من الصياح:cry: أبغى أنقل‏>‏‏>‏ عشان ماأصوم.. بس كان أبوي منقهر في المديرة هم يصومو بنتهم وهي تفطرها هههه وأختي مسكينة تخاف من مديرتهم.. صارت تفطر في المدرسة وتجي البيت تكمل صيامها..:boy:

زهرةالليالي

24-08-2010, 06:32 AM

ابو طيف

06-09-2010, 10:59 PM

يسلمووووووووووووووو
الله لا يحرمنا من جديدك

رسايل شوق

28-09-2010, 12:49 PM

الله ذكرتوني وانيصغيره
الاول كنت لم اقعد من وقت اقوم اركب فوق واشرب ماي ولكني مسويه شي
واد عطوني اي شي اسويه اكل منها ضرروري لازمممممممممممممممممممممم