سوالف متخرجات

[أميرة الجنة]

مرحبا بنات
بما اني متخرجة حديثامن كلية الآداب بالدمام , مليت من الجلسة في البيت فحبيت اني اخلي
هذي الصفحة متنفس لنا نحن المتخرجات لنعبر عن همومنا والصعوبات التي تواجهنا في سبيل الحصول على وظيفة
اني قدمت في الديوان الشهر الماضي وكان عدد الممطلوبات فقط سبع وعطوني ورقة يكون فيها رقم طلب نحتفظ به , واسماء المقبولات والنتائج بتكون قبل الدراسة بعشرة ايام
ملاحظة ( الاولوية لمن عندهم فيتامين واو :confused: )
بالنسبة للمدارس الاهلية ويش رايكم فيها ؟
بالنسبة ليي ما قدمت ولا بقدم فيها لاني سمعت انها ما تسوى تعبها والمعاملة فيها سيئة جدا

آخر شي
مكتب العمل النسائي في الدمام احد منكم يا بنات قدم فيه ؟ او فيه احد توظف عن طريقه ؟
وما هي طبيعة العمل اذا كان احد توظف

يالله يا بنت خلونا نسولف ونتكلم عن همومنا ونتكلم عن تجاربنا علشان كل وحده تستفيد من الثانيه , طبعا احتمال ما يكون فيه تفاعل كبير مع الموضوع لأن المنتدى جديد وعدد ااعضاء قليل لكن الموجودين فيهم الخير والبركة فياليت الا يسمع عن اي شي جديد يخبرنا لاننا فعلا بحاجة الى هالشي

وبالتوفيق للجميع مقدما

[دفء الاحساس]

والله فكره حلوه هالموضوع
يلا نبدي السوالف والحش ههههههه
انا متخرجة من الثانوية والحين توني في الكلية
يعني لسه ماتخرجت الله المعين ...
والمشكلة ماعرف عن التوظيف ..
بس راح اتعلم منكم عشان تصير عندي خبرة ..
يعني ماتوقع اقدر اساعدك بس بحاول ..
وان شاء الله تطلع لك وظيفة وزي مايقولو كل تاخيرة فيها خيرة ...
مادري عن المدارس الاهلية بس كني سمعت زي ماقلتي ماتسوى تعبها ...
لكن بس اسمع عن وظائف راح انقل لكم الخبر ...
وبالتوفيق خيووووووووه

لي عووووودة ان شاء الله باخر الاخبار

[أميرة الجنة]

نورتي الموضوع اختي العزيزة دفء الأحساس

الله يعينك على كلية الدمام اذا كنت تدرسي فيها :rolleyes:

لاني بصراحة ماصدقت اتخرج منها , واكثر شيء يضايقني أن تقريبا جدولي في خلال الاربع سنوات الا درستها , مافي الا يوم واحد نطلع ظهر وباقي الايام كله عصر ...
على فكرة انا ادرس في قسم اللغة العربية , انتي أي قسم تدرسي :confused:
أنا الحين صالر لي سنة من تخرجت , لكن لا أخفي عليك اني الآن اشتاق للكلية وتجمع البنات وسوالفهم ..
في انتظار جديد اخبارك :o

لي عودة قريبا ان شاء الله

[الزينبية]

روز ماري
صار لي سنة من طلعت من كلية الآداب بالدمام بعد دراسة سنتين من الهم والنكد
وفي الأخير بلا فائدة طلعت قبل مايطردوني طبعا .. :D
لإن لا شرح وتدريس زي العالم وفوق كذا ظلم في التصحيح .:mad: . الله المعين
والحمدلله توفقتوا وتخرجتوا ..:rolleyes:
أني كنت أدرس لغة إنجليزية .:)

[ضوءُ شمعة]

السلام بنات
عجبني الموضوع صراحتاً
وحبيت اشارك فيه00 رغم اني بعدني ما اتخرج من الكليه
بس دحنا نحاول معاها0000
الاجواء بالكليه ملل وملل وملل:mad:
طبعاً بدون وجود الاصحاب والاصدقاء:D
وهذا الشيء الوحيد إلي مشجعني
واكيد مشجعنكم على تكملت الدراسه:rolleyes:

الله يعطيكم العافيه اخوات

[أميرة الجنة]

أهلا وسهلا بكم أخواتي
الزينبية
خسارة طلعت يماباقي عليك شي وتتخرجي :eek:
صدقتي الوضع في الكلية من سيء لأسوء
ياالله الحمدلله أنا تخرجنا وأرتحنا ;)
موفقة أن شاء الله ..
ضوء شمعة
أضأتي الموضوع بحضورك الجميل ..
لو ما صديقاتنا يمكن ماكملنا لأن كل وحدة تعطي الثانية دفعة ونشاط لأنها تكمل
لأن الوضع في الكلية كان بصراحة لا يطاق ..

قبل أسبوعين قدمت في مكتب الأشراف على بند محو الأمية , وأن شاء الله خير
وأملي بالله قوي وأن شاء الله أذاالله كاتب لنا رزق بناخذه
لكن الوضع هناك مهزلة ..
لي عودة لأصف لكم ما حدث هناك....

مع أرق واجمل التحايا :)

[ضوءُ شمعة]

إن شاء الله يكون الجاي يبشر بالخير

الله يوفقكِ

[فاطمة محمد]

سلام الله عليكم أجمعين ورحمة الله وبركاته

الله يوفقكم كلكم ويكتب لكم الخير والبركه

[أميرة الجنة]

هلا بنات
اليوم بقولكم إلي صارفي يوم التقديم ...
وصلت تقريبا على الساعة ثمان بالضبط, وكان الجوحار والرطوبة تتحدث عن نفسها, إلى جانب الفوضى وعدم التنظيم ..
المشكلة المسؤولة هناك المفروض تحترم أن البنات الموجودين طالبات جامعيات والبعض منهم حاصل على مرتبة الشرف وتكلمهم بأسلوب أرقى ...
قالوا لنا أعطوناملفاتكم مع كتابة البيانات والمناطق المرغوبة الأقرب لمنطقتكم ,وكانت المناطق المحددة لتخصصي..
(الخفجي ,النعيرية ,الصرار , الرفيعة , القرية العليا , الخبر ,رأس تنورة )
والله أني من البهدلة ألا صايرة هناك وكل وحدة تسأل الثانيةوين اقرب كتبت
( رأس تنورة , الخبر ,الخفجي )
بعدين أسأل زوجي يقولي النعيرية أقرب من الخفجي :D
وبعدين أسألهم كم عدد الوظايف المطلوبة ؟
قالوا ماندري
طبعا الملفا ت في العربات , وأتوقع بتكون في أقرب زبالة
وخسارة فيهم جلسة الصبح , لأن الوضع هناك لايبشر بخير:(
الحمدلله علىكل حال
قديحيةفي هواها وضوء شمعة
سررت لتواجدكم:cool:
موفقين جميعا

أجمل وأرق التحايا:)

[الزينبية]

السلام عليكم
ضوء شمعة الله يوفقك ان شاء الله
روز ماري .. طلعت لمشكلة حصلت لي وثانيا عشان الوضع الزفت ..
اقول لكم المشكلة
في السمستر الثاني وكنت حاملة كم مادة طبعا بسبب التصحيح النزيه من الدكتورات
العربيات والأجنبيات منهن
.. وجاية بامتحن وأنا كلي أمل أعدي السنة على خير .. وأتخلى عن لقب حاملة لمواد
المهم انصعقت ولو كان بيدي لصرخت من الظلم ..
تفاجأت إني حرمان في مادتين .. فجأة كذا حرمان وأني أترجا أتخلص من المواد اللي
على ظهري
ولمن رحت راجعت كاتبين 4 مرات حرمان مع اني عارفة اني غبت 3 أيام
وهذي كلها ايام 8 و 9 و10 من شهر محرم .فقط لا غير
وبما أن المدرج حقنا يحتوي على العشرات ممن إسمهم يشابه إسمي والمشرفة الغبية
على الحضور والغياب تذكر الإسم وغسم الب أحيانا فقط فنخربط أحيانا هذي تاخذ اسم هذي
والعكس .. ( وعادي تتحضر ناس على حساب ناس وتغيب ناس على حضور ناس )
المهم اني كنت من ضمن هالناس وانكتب اني غايبة رغم حضوري .
المهم نرجع .. حاولت مع رئيسة القسم وحاولت وهي رافضة .. وإذا قبلت بالحرمان
تكون نسبة نجاحي ضئيلة جدا جدا . اللي يمكن بيؤدي في النهاية انهم يمسكوني الملف
وباي باي ..
فانسحبت من نفسي أفضل ,, واعترف اني استسلمت وقبلت بالأمر الواقع ,,
وهذي السالفة ..

[زوزو الحلوه]

هلا بنات ....كيف الحال أنشاء الله بخير
صراحه عجبي الموضوع وحبيت أشاركم فيه لاني توني متخرجه من ثانوي
بس للأسف ماحصلت لحن ليي دراسه تعرفوا النسبه وماتسوي لأن السنه طيحوا نسب البنات في الارض
علشان مايقبلوا احد في الجامعات ..شسوي قاعده في البيت قلت أريح نصف سنه و نصف اثاني باقدم يمكن احصل مكان يقبلني ......
صار عندي في البيت روتين ممل سهر طول الليل ونوم طول النهار :a38: وأكل ونت وبس ماعندي شي اسويه...
وحين جت المدارس بذاكر الى أخوتي لصغار أضيع وقت على الاقل.............:a52:


أخليكم أحين لا أطول عليكم.........باي:a20:
بس راجعه

[بنت الولاء]

مرحبا

موضوع جميل جدا تشكرين عليه اختي الكريمة

بالنسبة الى سؤالك

مكتب العمل النسائي في الدمام احد منكم يا بنات قدم فيه ؟ او فيه احد توظف عن طريقه ؟
وما هي طبيعة العمل اذا كان احد توظف

قدمت فيه من قبل سنة تقريباً او اكثر

وفي شهر ذي القعدة بعد قدمت فيه


وماشفنا اي شيء ولاشيء

كل في الهوا .......


تحياتي ...

[ضوءُ شمعة]

ياهلاااااااااااااا بنات
زوزو الحلوه

احس انه مافي فرق بين انه الواحد مو مسجل وبين الإنتساب
خخخخخ مثلنااا
والله يعينش على الروتين هذا
بس جاي شهر الله 000 حالياً اعتدل نومي مع طالبات المدارس
(ولا الحسر)خخخخ
وإن شاء الله يظل كذا طول الشهر الكريم

كفايا علينا نوم وسهر (بس مونت)
لكن خلونا نساعد الوالده اشوي00 ماقصروا معانا
وشرايكم نريحهم هالشهر
منا الثواب ثوابين

[ضوءُ شمعة]

ياهلا ببنت الولاء
الله يعين الجميع صراحتاً

يعني تقديم ومناطط من مكان لمكان00 موكفايه عليهم

لا وبعد كل هذا
مانلاقي شيء

يالله الله كريم

[زوزو الحلوه]

مثل ماقلتي أختي ضوء شمعه جاينا شهر الله
وتعرفي لازم نساعد الوالده ونشتغل وياها

[أميرة الجنة]

ياالله دخلنا العام الثاني على التخرج والظاهر إن الدرب طويل وأحنا نستنى ..
على فكرة بنات وحدة صديقتي إتصلت ليي تبشرني إن أختها قبلوها على بند محو الأمية , وهذي صار ليها أربع سنوات من تخرجت ..
يعني يبغى لينا نجلس في البيت بعد كم سنة ..
يارب ترزقنا بالوظيفة لأنا قعدة البيت مللللللللللللللللللل .. :a48:

[ضوءُ شمعة]

الله يعينكِ يا اميرة الجنه
على الملل00 شكلك حدك ملانه

بس تصدقين رغم جلستي في البيت
إلا اني مو ملانه000
لان احاول قدر الامكان تنمية موهبتي

واكيد الله عطاكِ موهبه مثل ماعطانا
لان الله عادل 00لايظلم عباده

والله يعينك للمره الألف

[أميرة الجنة]

بس , جى على بالي أقرأ مذكراتي السابقة هنا

[فتاة النور]

اللهم صل على محمد وآل محمد وعجل فرج صاحب العصر والزمان

طرح رائع اميرتنا ومنيح انك رفعتي الموضوع
منشان نشاركم فيه
منشان نسدل ماعندنا من هم الدراسة وخصوصا بالدمام
لي عودة

موفقين

[ام الميرزا]

اكملت الثانوية وانا متزوجة وام لطفل فكنت اتمنى متى انتهي
من الدراسة
بس لما خلصت ولم اقدم في الكلية
في البداية كنت مستانسة بالجلسة في البيت وفرحانة
لكن مع دخول ابني للروضة صار الوقت طوووووويل
وملللللللل
حتى اصبت بحالة نفسية من الملل
الان اشغل وقتي بالعزية لاني شبة ملاية
لكن الان الوم نفسي لاني لم اكمل تعليمي :cry3:

[كليله]

الله يوفقكشن وينجحشن ويبلغشن امانيكن
موفقين ان شاء الله
ذكريات طيبه

[فاطمة محمد]

و أني شكلي ناويه أبسّط هنا .. ،
جايتنكم ..

[أميرة الجنة]

اللهم صل على محمد وآل محمد وعجل فرج صاحب العصر والزمان


طرح رائع اميرتنا ومنيح انك رفعتي الموضوع
منشان نشاركم فيه
منشان نسدل ماعندنا من هم الدراسة وخصوصا بالدمام
لي عودة


موفقين


اهلا بك فتاة النور , لنجعل هذا الموضوع متنفس للمتخرجات ونجعلها مساحة للفضفضة بمايجول في خواطرنا

لنرى ماعندك فتاة :idea:

[ميم!]

.

.

.



:cry2:

[أميرة الجنة]

اكملت الثانوية وانا متزوجة وام لطفل فكنت اتمنى متى انتهي

من الدراسة
بس لما خلصت ولم اقدم في الكلية
في البداية كنت مستانسة بالجلسة في البيت وفرحانة
لكن مع دخول ابني للروضة صار الوقت طوووووويل
وملللللللل
حتى اصبت بحالة نفسية من الملل
الان اشغل وقتي بالعزية لاني شبة ملاية

لكن الان الوم نفسي لاني لم اكمل تعليمي :cry3:




اهلا بأم الميرزا

نفس حالتي بالضبط و كنت أتمنى اليوم ألا أخلص فيه من هم الدراسة والمذاكرة , وجلسة الصبح :D

لكن بعد ماخلصت الحين أتمنى ترجع وخاصة أيام الكلية والمحاضرات والسوالف وقت المحاضرة خخخخخخخخ

الله يوفقك إن شاء الله

[أميرة الجنة]

الله يوفقكشن وينجحشن ويبلغشن امانيكن
موفقين ان شاء الله
ذكريات طيبه

شكرا لك أخ كليلة على دعواتك لنا
الله يحفظكم ويرعاكم

[أميرة الجنة]

و أني شكلي ناويه أبسّط هنا .. ،
جايتنكم ..


لا مانبغاش روحي دوامك أحسن :boy:

أمزح طبعا

لكن نتمنى لك الموفقية , ونيل أعلى المراتب والدرجات وأن لا تنتظري كثيرا كما أنتظرنا :lovely:

[أميرة الجنة]

.


.

.



:cry2:



خليتيني أصيح من شفت ردك , لكن الله كريم وكل واحد مايأخد ألا رزقه :hands:

[فتاة النور]

اللهم صل على محمد وآل محمد وعجل فرج صاحب العصر والزمان


مشكورة اميرة على اتاحة الفرصة لنا منشان نخفف على انفسنا من هم الدراسة
رغما هي من اجمل ايام حياتي

كل منا يحصل له مضايقات من قبل الدراسة لما كنت بمرحلة الثانوية ما كنت كسلانة بالعكس لدرجة حصلت على امتياز بالترم الاول لكن بترم الثاني قل مستواي بسبب مدرسة عندنا وتعاملها الجاف
لكن رغما تعاملها الجاف بدراسة لكن خارج الحصة مثل الاخت لنا
لكن هذا الشيء ما يخفف من المعاناة لصار لنا
وحبيت اطلع من المدرسة باي نسبة
ولحمد لله تم التخرج منها بخير وسلام
والان المصيبة الاعظم جلوس في البيت
حصلت على ملل غير طبيعي
وبعد فترة قدمت بكلية الدمام
وتم قبولي بقسم تاريخ لانو كان وقتها عندنا اقسام معينة فقط لكن انا حبيت التاريخ عن باقي الاقسام رغما انا تخصصي علمي وليس ادبي
كنت وقتها ماكنت اعرف شو الالوان لبس
ولبست تنورة جنز طبعا شافتني المراقبة وقالت لي مخالفة قلت لها ما كنت اعرف وقالت لي اخر مرة
كان تعاملهم جدا راقي معنا
لكن اثناء التصحيح الورق في الامتحانات
بصراحة احس انو حنا نظلمنا
المشكلة توقعت انجح في المواد واذا راح احمل في مادتين مش اكثر
لكن اتتضح لي العكس المواد لبنجح فيها ارسب والمواد لخاف منها انجح
وبعدها ما حبيت اكمل الدراسة عندهم وسحبت ملفي لانو ما كان عندهم ضمير
رغما التعب لشفناه نريد نحصل على نتيجة
وبعدها اتجهت الى دراسة الكمبيوتر
لكن ايام الدراسة ما تعوض حتى لو كان فيه من التعب لكن شفنا المتعة فيها
اتمنى ترجع لكن لي راح عمره ما يرجع
الله كريم
الله يرزقكم من مده وكرمه
موفقين

[ليالي الاندلس]

موضوع رائع!
امممممم من وين أبدأ؟
درست في الرياض في جامعة الملك سعود والحمد لله اتخرجنا بكلريوس أدب انجليزي , اتخرجت محرم اللي راح وطول الأشهر اللي راحت كنت قاعدة في البيت لا شغلة ولاعملة بس أكل ونوم وكمبيوتر وطبعا عشت أنواع الزهق والملل وماضل مستشفى ولا بنك ولا شركة اتصالات ولا وزارة ولا مدارس خاصة ولامعاهد الا قدمت فيها وطبعا ماطلعت لي ولا وظيفة,بس قبل شهر تقريبا دقوا علي ناس تبع لجنة أهلية في القطيف ورحت لهم وسووا لي مقابلة وعديتها والحمد لله وألحين اني موظقة(مدرسة), بس بعدني اطمح للأحسن يعني وظيفة ثابتة أومثلا أقدم على ماجستير ويقبلوني أو هيك شي , أدعو ليي، والله يوفقكم كلكم ويعطيكم اللي تبغوه0000 تحياتي

[فاطمة محمد]

كح كححح .. أميرتنا ..؟
قواكم الله ، ايه أحسن يوم مابغيتيني ، لأني وربش العالم إني زهقت من قبل مااقدم على شي .!!!

فمابالش يوخيتي إذا جهزت اوراقي وعن حساب باروح أقدِّم ؟؟
و بكامل قوايَ العقليه : هوَّنت مابغى أشتغل .!

[أم القاسم]

ولللللللللللل غبااااااار اميرة هههههههههههههه خليتيني احسب الحين صار لينا كم سنة تخرجنا ويني عنش ديك الايام هههههه
درسنا سوى وتخرجنا سوى اي الملل اخذ منا ماخذ يابت الحلال والشهاده لسه في ملف اخضر ومغبر خخخخ
رفعت الموضوع اكيد المنتدى الحين بناته المتخرجات وااااجد

[أميرة الجنة]

ياعلي ويش هالغبرة ماني قادة اشوف ههههه
هلا والله ام القاسم
زين سويتي عودتينا لذكرياتنا الجميلة وبداياتنا في التقديم الا مازالت الى الحين
على فكرة ام القاسم
كم صار لينا متخرجين اني نسيت من كثرمو قاعدين في البيت :laught2:
الله الله على ذيك الايام يا ام القاسم
تذكري جمعاتنا في المحاضرات والسوالف وجماعتي الغشاشات خخخخ
طبعال اني مو معاهم ما اجازف اخاف واصلا مو محتاجة لاني اذاكر زييييين :money:
وكله كوم ومحاضرات مفيدة كوم
تذكري لما تسأل بالأسماء وتجمع الدفاتر كأنه في المدرسة :big_smile3:
والله كانت ايام
أقول أم القاسم
اليوم ابتدأ التقديم على وظائف الديوان
قدمتي لو لا ؟
أني باستنى يومين وبعدين باقدم
وان شاء الله نتوظف مع بعض :Srisawat__200610160

[لعينيك]

كيفكم كلكم ممكن أشارك>>أسوي نفسي مؤدبه ههه
أني معاناتي طويله
في ثانوي كنت ممتازه مره حتى جبت في ثالث نسبه مرتفعه مره وكنت مخطوبه
وقررت ادخل طب
ودخلت طب بجامعة الفيصل بالدمام كان كل شي طبيعي بس ماكنت اذاكر ابدا حتى كان زواجي ليلة الجمعه والسبت اللي
بعده كان اول اختبار لي وكنت احضر بس وقت الاختبار وبقية الايام اغيب صار اسبوعين كده
وبعدها كنت حامل ومنعو عني الحركه وغبت ثلاثة اسابيع
وخفت ارسب مررره من كثر الغياب والطب صعب ويمبى ليه وفي النصف الثاني شديت على روحي
شوي مع ان حملي كان مرررره متعب ترجيع كل يوم حتى الاختبارات النهائيه كلا ترجيع وسط الاختبار
وطلعت بنسبه حلوه رغم كل هذا 4 من 5 تعتبر زينه
وبعده قلت بقعد وياولدي سنه وليتني ماقعدت حملت على ولدي وهو صغير وبدت الدراسه المفروض
سنه ثالثه لكن سنه ثانيه وبداية الوحم واول اختبار جت ليي نوبة ترجيع قويه فما قدرت اروح
وغبت وبعد فتره قررت الانسحاب والتحويل لشي ثاني واذا بموعد الانسحاب مضى فحاولنا فيهم
روحه وجيه لين وافقوا يسووا ليي تجميد بعدها قلت باقدم في قسم الحاسب الجديد اللي عندنا
في الجامعه وصارت لخبطه قالوا اتاني بداية السنه الجايه والحين يمكن انروح الرياض ولاادري
شسوي وياهالدراسه و يمكن مااكمل ولاحاجه
لمن افكر نفسيتي تصيييير زفتتت تعب على الفاضي
على الله المستعان

[حروف النور]

اميرة الجنة فعلا موضوع مغبر اني اختلعت لما شفتش كاتبة ان توش متخرجة قعدت افكر يااما انتي دارسة متاخر او صغيييرة بحيث تتزوجتي في العاشرة من العمر هههههههه ووبعدينن تكملي الدراسة والاحتمال الاول طبعا مستحييل اما الثاني فكثيير يسووها هالايام يكون عندهم اولاد بس يكملو دراسة وهذا طموح يشكر لهم ..ام القاسم زين سويتي لما رفعتي الموضوع فيه اكييييد عضوات توهم متخرجات او على وشك ويحتاجو يفضفضو<<<الا صحيييح كنتتو تغشووو...وهل كنتو تعرفوو ثلاث وردات اظن كنتو في نفس الدفعة ولا ايش ....امما بالنسسبة للعمل والدراسةة وغيرة اني ممو اختصاصي علشان كذا اخرر مررة ادخل هالموضوع ههههههه....بباالتوفيق للجميييع..

[نبضة فرح]

كيفكم
شخباركم
ويه هسالفه

اني وحده اتخرجت من الثانويه بس نسبتي مو اوكي
وكله من الانجليزي و(الرياضيات) سوه الي عقده
اوكنت اتمنى اتواصل الى الكليه
وادخل القسم الي احبه
بس مافي
كليه
ماتبغاني
والحين قاعده
ويه مواهبي

[أم القاسم]

هلولو اميره هههههههه ضحكت من جد على الايام الي في الكلية وناااااااااااسه مره خخخ وجمعاتنا في المحاضرات والدكتورات الفننننن
صحيح فتحو التقديم يعني مادريت خيوه زين انش قلتي ليي مع اني مطنشه السالفه بس ليه لا نجرب ونقدم
اهلين حروف ههههههه اي عجبني الموضوع قلت خساره ينخش فيه سوالف وفشة خلق وثلاث وردات مو نفس دفعتنا هي سابقتنا
بس التقينا وياها في الكلية العريقه
اما على سوالف التقديم بهدلونا وعلى التخرج بعد بهدلونا وعلى التوظيف بهدلونا الله يعين يا اخوات

[نهر الكوثر]

سلام
لمس هذا الموضو الجزء الحساس من مشاعري
و أعاد لي ذكريات لا تفتأ تفرض نفسها علي بين الفينة و الأخرى
نعم أنا ممن يعشق العلم و يذوب في هواه
انظممت لكلية الدمام بقسم الأدب الإنجليزي و هناك بمرأى من أعيننا رأينا الظلم و قاسينا كل كبيرة و صغيرة حتى مع المواصلات
بعد ثلاث سنوات من الدراسة و الجهد استدركت بأن جهدي المبذول سيضيع هباء واتخذت قرارا كان أصعب على قلبي من أي شيء
آخر في هذه الحياه نعم قررت الإنسحاب لأبدأ من جديد في الجامة التي حلمت بها
و دفعت ثمن هذا الحلم نصف سنة أخرى لم يكتب لي الله فيها القبول ولكن أصريت فقبلت في النصف الثاني بتوفيق من الله في جامعة
سعود لحصولي على الدرجة الكاملة في الثانوية و كانت بالنسبة لي جنة واسعة ولكن ما كان يؤرقني ما يلقاه كل شيعي مغترب
لا بأس لم يبقى الإ قليلا
قاسينا هناك مجموعات و فرادا , قاسينا من الطرف الآخر أخواتنا من أهل الرياض, و قاسينا من بعضنا حيث لم نكن متكاتفين و كان بعضنا
يغار ويحسد الآخر
تخرجت وتم حلمي لكن هل اكتمل ..للأسف لا
لم أحصل على المعدل الذي استحققته لأني ضعفت في آخر اللحظات نعم و كدت استسلم
جلست في البيت سنة ثم حصلت على وظيفة مسوقة إلكترونية لأبدأ هناك صراعا جديد و بعد أربعة شهور فقط تم الإستغناء عني لأرجع
لمواجهة ما تعانيه كل الخريجات اللاتي استحققن أن يحصلن على وظائف حكومية ولم أوفق للحصول على بعثة للخارج و كانت هذه السنة
آخر فرصة لي
أعلم بأن الله لا ينسى أحد أبدا
و لكنني أحببت بصدق المشاركة معكن و أحببت أن أقرأ للجميع كما يهمني أن يقر الجميع لبعضهن
وأتمنى أن ننظم قريب لموضو باسم معاناة الموظفات:41:
وشكرا على الموضوع و بالتوفيق :20:

[أفق السكينة]

بالتوفيق للجميع .............
أنا باقي بيني وبين التخرج مادتين
أدعو لي أنجح فيهم وأفتك .................
و دعوة المؤمن لأخيه المومن بظهر الغيب مستجابه ونحن في شهر الخير فلاتنسونا من دعواتكم الصادقة ..............

[زَهــرة ألآرجوآن]

أهلآ بكم ,,
أنآ متخرجة من ألمرحلة ألآبتدآئية >>برآآ
وشكرآ على الموضوع ..
ولربمآ تكون لي عودة ^^

[همسة حنين]

ماأحلى هذه السوالف وماأطيبها
أشعلت فينا نيران الشوق والحنين لمقاعد الدراسه
آه .. ماأجملها من أيام
أمنياتنا القلبيه لجميع الطلاب والطالبات بالتوفيق والنجاح

قد أعود بسالفه عن قريب

[الدانه]

السلام عليكم ورحمة الله وبركآته

موضوع رائع لفضفضه

انا تخرجت من الثانويه بنسبه مو حلوه اول اللعام

و سمعت عن نظام الانتسآب المطور بجامعه الملك فيصل .. نظام جديد وكنت انا من اول الدفعات فيها

سجلت وكان النظام رائع ..مريح ..عباره عن دآرسه عن بعد ..يقبل كل النسب

الحين انا رايحه سنه ثانيه و مستمتعه بالنظام ..أسمع المحاضرات عبر الانترنت و ايام الامتحانات امتحن بمكان قريييب ..اما الدمام او القطيف

التسجيل مفتوح للي تبي ..يقبل كل النسب

جدا رائع

وهذا رابط التسجيل وفيه جواب لكل استفساراتكم

http://www.kfu.edu.sa/ar/Deans/elearning/Pages/accpet-proc.aspx (http://www.kfu.edu.sa/ar/Deans/elearning/Pages/accpet-proc.aspx)

التخصصات المتاحه للكل سواء رجال او نسآء

لتخصصات والبرامج المتاحة للطلاب والطالبات:
يتم قبول الطلاب والطالبات في نظام التعليم المطوّر في أحد البرامج التالية:
أولا: بكالوريوس الاداب في أحد التخصصات التاليه:
اللغة العربية ,الدراسات الإسلامية , للغة الانجليزية ,الدراسات الاجتماعية ( جغرافيا – تاريخ – علم اجتماع ).
ثانيا: بكالوريوس التربية في تخصص: التربية الخاصة .
ثالثا: بكالوريوس إدارة أعمال: إدارة أعمال.

اتمنى من كل البنات الي نسبهم ماتدخلهم الجامعه يدرسوا انتساب مطور شهادته معتمده من وزاره التعليم

والي ماتبي تعلم بنات واولاد العائله يمكن يكون لهم نصيب يسجلوا معانا بالانتساب المطور ..بسرعه لان التسجيل بيقفل بيوم 15 رمضان

وادعوا لي بالتوفيق

[وردة نيسان]

الله يوفقكم
انا متخرجة من ابتدائي تبوني ولا لا<<هووع
تققبلي مروري

[لعينيك]

باقي شهر على الدراسة
ترقب خوف
قدمت من جديد على علوم طبيه بعد أن كنت طبا
وها أنا الان أنتظر الرد في أي قسم سأقبل
وهناك طفلين سأودعهم لأمي
وحزن هل سأقدر على البعد عنهم
دعواتكم لي بالتوفيق

[وردة نيسان]

موفقين

[همسة حنين]

الله يوفقكن يارب بحق محمد وآل محمد الطيبين الطاهرين
رجعت لكم اليوم بسالفتي وأتمنى تكون خفيفه على قلوبكن الطيبه

تخرجت من الثانويه بعد المعاناه التي عانيناها ذلك العام للمشاكل التي طرأت بمدرستنا
للنقل إلى مدرسه أخرى يقولوا عنها مدرسة الجنانوه:bomb2:
وصار إنقطاع وحوسات ولوسات وسالفة مدرستنا الكل يعرفها بدون تفصيل
علاوه على الظروف العائليه التي طرأت من فواتح ونحوه
صارت نفسيتي ذاك العام :cry2:
بدون شئ انها أخر سنه وأحاتي النسبه وكنت أطمح أنها ترتفع بس الحمد لله على كل حال
بالرغم ان ايام ثانوي ليس لها مثل وخصوصاً ثالث ثانوي جد وأجتهاد وسهر وأهتمام كان لها طعم خاص أتمنى أن أتذوقه الآن
المهم تخرجت وأنقبلت في كلية الدمام
كانت أيام حلوه بصحبة البنات
أحس البنات في الكليه غير المدرسه متكاتفين ومتعاونين وقلوبهم على بعض :hello:
كانت أيام جميله جداً خصوصاً محاضرات العملي كانت ممتعه للغايه نشاط وحماس
لكن كنت أكرهه يوم التشريح يوم أسود بالنسبه لي :cry2:
ولا تخلو الكليه عن الظلم مثل ماقالت العزيزه فتاة النور بس أحنا في علوم الظلم عندنا بشكل ثاني مو في الدرجات
يعني مثلاُ تحرمي من امتحان مع أنك مو مستحقه الحرمان
أو يكلفوش بنشاط أو بحث وبعدين يضيع تعبك هباءً منثوراً ما يعجب الست الهانم وتتشرط لش بألف شرط وشرط
ونطلع مافي إلآ كل وحده تتحرطم على الدكتوره الفلانيه والمعيده الفلانيه :001t9b5a:
لا والغريب ان نشوف بحوثنا موجوده نصياً بالحرف في أحدى فصول كتبها وما حد يقدر يتكلم :bad_egg: ألا تعتبر هذه سرقه
خلصنا الأربع سنوات وعشنا أحلى الأيام في هذه الكليه مع البنات الطيبات الحنونات
وتوظفنا والحمد لله وأنا سعيده ومرتاحه جداً جداً في وظيفتي

غفر طولت في سالفتي
طلعت هداره وانا ما دري :ed208b9bc9:
بس سيره وانفتحت وسوالف التخرج ماتخلص
أمنياتي القلبيه للجميع بالتوفيق والنجاح بحق محمد وآل محمد الطيبين الطاهرين

[زهرةالليالي]

السلام عليكم جميعا
اللي تخرجت واللي بتتخرج الله يوفق الجميع
كنت أصفح في المواضيع وبذات مسكني هالموضوع لأنه يخصني بعد
أنا صارليي تقريبا أربع سنوات متخرجة ولا فكرت حتى أروح أقدم لأن أدري إنه مافي توظيف الينا
واذا كان فيه يفلتوش في ودرة ابليس
خلنا جالسين في البيت أحسن لا حوادث مدرسات ولا مشاكل
بس ما أخفي عليكم انه الفراغ طويييييييييييييل جدا
خصوصا انه احنا ما فهمنا اللي احنا ندرس وبعدين انقطعنا مرة وحدة
اااااااااااااااااااه على ايام الدراسة
خصوصا في الكلية خمس دقايق نستمع للمحاضرة وباقي الوقت نلعب من تحت الطاولات
مرة ننكشف ومرة يسجلونا غياب ومرة طردة
بس حتى لو تهون
أفتقد كل شي مقاعد الدراسة وخصوصا ايام الامتحانات
ما أدري سبحان الله بالرغم من الكل يكرهها الا اني أحبها
البنات اللي كانوا معي كانت هذه المرحلة أروع مرحلة ليي في حياتي
لأن في هالسن تتعرف على الناس بخبرة تعرفي الحسن من الردئ


مشكورة خيتي على طرح الموضوع جدا رائع

[نسائم العرفان]

بسم الله الرحمن الرحيم
أول حاجة أني شدني موضوعكم لأن نفس المعاناة
وتقدروا تقولوا غسلت ايدي من هالموضوع
لكن دائما أرتد بقوة وأقول ( لا يأس من رحمة الله )
أول شي الحين في حاجات جديدة اسمها توظيف معلمتين براتب معلمة
طبعا الدولة فقيرة لا زم توفير
المهم كيف هذا النظام طبعاً الحين التسجيا على النت يعطيش رقم مقدم الطلب
هذا الرقم بين فترة والثانية تدخلي وزارة التعليم وتشوفي كم رصيدش من النقاط
حتى تكون ليش الأولوية لتحصلي على الوظيفة
المهم بعدين مثلا تتوظفي مع معلمة ثانية ثنتينكم براتب معلمة وحدة
مثلا راتب المعلمة خلينا نقول10000 مدة الحصص في الاسبوع 27حصة مثلا
انتون تاخذوا كل وحدة خمسة الاف والحصص اقل
اني لما سمعت قلت ماعجبني لان حرام
بس بعدين فكرت وقلت يالله احسن من مافي شي
اني من فترة شيكت على رقمي الوظيفي من قرادة الحظ
كان الرقم الي اتابعه كله طلع بس الرقم الاخير غير طبعا الرقم يمكن 12 رقم أ و عشر
بصراحة اني لكن مو مرة محترقة يعني ما قعدت فاضية مرات آخذ دورة في مجال اني احبه ومرة اشغل نفسي في نشاط اجتماعي يخدم الحبيبة القديح
والحين الفكرة الي في البال اني باخذ دبلوم رياض اطفال التابعة لجمعية سيهات
الله يوفقنا جميعا
( اللهم لا تعنني بطلب ما لم تقدر لي فيه رزقا)
:001sbk56:

[جلنار]

أول شي الحين في حاجات جديدة اسمها توظيف معلمتين براتب معلمة
طبعا الدولة فقيرة لا زم توفير



السلام عليكم أختي الكريمة ،،

أول مرة اسمع بهذا النظام ؟؟

أين موقع التسجيل وكيف !!

كل الشكر لك أخية

[نسائم العرفان]

هلا خية
هذا على موقع الوزارة والتعليم أو الخدمة المدنية
الحين مافي تقديم وهذا النظام يبدوا انه لسا ما طبق
تعرفي دراسة الموضوع يبي ليها وقت لين ما نعجز وتهرر اسنانه
بس إذا مكتوب لينا بنحصل عليه
الله يوفق الجميع

[غدير الولاية]

اه من كثر ماسمع سوالف المتخرجات ومعانتهم اتخوف واجد

وخصوصا المجاللات اللي ماتتوظفي فيها الا مدرسة واحنا خوش مايوظفو معلمات

احس الدراسات اللي تتوظفي فيها علطول الدراسات الطبية طب تمريض علوم طبية وشلتهم

الله يعنيكم ويوفقكم ويوفقنا وادعو لي من الحين عشان اجيب السنة ثالث نسبة تمام
وانقبل السنة الجاية في الجامعة


موفقين يارب
تحياتي

[بتُــول]

الله يعنيكم ويوفقكم ويوفقنا وادعو لي من الحين عشان اجيب السنة ثالث نسبة تمام
وانقبل السنة الجاية في الجامعة






ياالله
الله يسمع منش فرندتي .. و يوفقش و يوفقني و يوفق الجميع :d