لو اروح الدوادمي يعني اروح على عماها ؟؟!!

[محمد الفرج]

سلام من الله عليكم

قواكم الله يا جماعة الخير ..

الزبدة طلعت لي وظيفة حكومية بالدوادمي ..!

أنا للحين متحير اروح لو لا ..!

ابي على الاقل أحد اسأله عن الأوضاع هناك عشان اقرر اروح لو لا ..!

طيب لو رفضت هالوظيفة من الديوان بسبب إن موقع العمل ما ابيه .. ويش يصير ؟؟ اطلع من المفاضلة لو اكون موجود فيها بس يحطوا اسمي آخر شي و يفضلوا علي اللي كنت سابقنهم بالمفاضلة ..

هذا ورحم الله والدين من يدلنا على شيء ..

ودمتم في اللطف

[ولد الديرة]

الله يعينك أخوي محمد

الدوادمي مدينة تبعد عن الرياض بحوالي 300 كيلو متر وتتوفر فيها كل المرافق الحكومية بل يزداد على ذلك وجود مطار الدوادمي الداخلي.

شعب الدوادمي شعب مضياف وكريم ولكن تظل المدينة من المدن الدرجة ثالثة أو رابعة

أخيراً لا أقول سوى أعانك الله على الغربة

[موسى الحايك]

:

محمــــــــــــــــــــــد

:)


كلمة مبروك استقبلها مني بعد ما نطلع من وفاة أم البنين ،، وبعدين ويش فيك متردد ؟؟.

إذا كانت وظيفة حكومية وفيها راحة لك ولعيالك ليش ترفضها يعني ؟؟ .

يا خوك الواحد في هالأيام يبغى الفرصة حتى يعيش ويكسب الرزق اللي مقسوم له !!.

لا تخاف وأنا أخوك ،، وإذا على الروحة أنا أعطيك رقم جوال ولد عمي اللي هو زوج أختي ويعلمك بكل شي عن هالمدينة؛ ترى هو شغال هناك :).

وشوف عااااد .. أنا بعد ما أطرح الرد بطلع .. وبعد صلاة المغرب أنا نايم إلى الساعة 12:00 نص الليل :( .. بسبب الجرد .. يعني إذا أنت صاحي بعد هالوقت دق عليّ. والا تعال لي المملكة سنتر هناك استقبلك :).

[محمد الفرج]

الله يعينك أخوي محمد

الدوادمي مدينة تبعد عن الرياض بحوالي 300 كيلو متر وتتوفر فيها كل المرافق الحكومية بل يزداد على ذلك وجود مطار الدوادمي الداخلي.

شعب الدوادمي شعب مضياف وكريم ولكن تظل المدينة من المدن الدرجة ثالثة أو رابعة

أخيراً لا أقول سوى أعانك الله على الغربة

قواك الله عزيزي ولد الديرة ..

شكله لك خبرة بالدوادمي ..!

المشكلة مطارها الداخلي مافي رحلات مباشرة للشرقية .. عندهم رحلة السبت و الاربعاء بس تنتظر في مطار الرياض ساعتين .. ماعليها مشكلة ذي ..

كان معانا واحد من الشباب في العمل السابق من الدوادمي و أول ما اتصلت عليه .. خوش ابدوي من البدو الأصيلين المحترمين ، لا عنده تفريق مذهبي و لا غيره ، و هم اثنين عرفتهم اصلهم من هناك مثله ..

عموما بتكون أفضل من هجرة ما عمرنا سمعنا بها ..
رغم ذلك أنا ....
موفقين لكل خير

[محمد الفرج]

:

محمــــــــــــــــــــــد

:)


كلمة مبروك استقبلها مني بعد ما نطلع من وفاة أم البنين ،، وبعدين ويش فيك متردد ؟؟.

إذا كانت وظيفة حكومية وفيها راحة لك ولعيالك ليش ترفضها يعني ؟؟ .

يا خوك الواحد في هالأيام يبغى الفرصة حتى يعيش ويكسب الرزق اللي مقسوم له !!.

لا تخاف وأنا أخوك ،، وإذا على الروحة أنا أعطيك رقم جوال ولد عمي اللي هو زوج أختي ويعلمك بكل شي عن هالمدينة؛ ترى هو شغال هناك :).

وشوف عااااد .. أنا بعد ما أطرح الرد بطلع .. وبعد صلاة المغرب أنا نايم إلى الساعة 12:00 نص الليل :( .. بسبب الجرد .. يعني إذا أنت صاحي بعد هالوقت دق عليّ. والا تعال لي المملكة سنتر هناك استقبلك :).

قواك الله أخوي ميدون ..
مثل كلامنا بالجوال :
متردد لأن عندي بعض الظروف المؤقته تمنعني من الإبتعاد شوي .. الله يسهلها يارب
وعليها سويت خيرة .. مالينا إلا نستخير رب العالمين .. سويت خيرتين :
خيرة أولى على قبول الوظيفة : طلعت مي زينة !! و قال لي اللي سويت عنده الخيرة إن هذي الفرصة بتجيك مرة ثانية بشي أفضل ..!
خيرة ثانية على الرفض : طلعت زينة ، و قال لي إنك بتلاقي ناس بتعارضك على اتباع الخيرة و الخيرة فيما اختاره الله .. و إنت و اللي تبي تسويه ..!! - يا كثر من لاموني -

رجعت الديوان و سألتهم فيما لو رفضت الوظيفة عشان الموقع .. فقالوا تستمر في المفاضلة عادي إلا في حالة إنك رفضت الرغبة الأولى " طبعا أنا رغبتي الأولى الدمام " لو طلع لي بالدمام ورفضتها اطلع من المفاضلة لو غيرها عادي تستمر مافي مشكلة ..
كيف اسلوب المفاضلة الجديدة ؟؟! الله العالم أنا سألته فقال لي في وظايف جاية قريب بالرياض ممكن تطلع لك .. و إني ما باتأخر ..
واحد من الشباب يقول إن اسلوب المفاضلة بعد الرفض تكون إن العشرة المرتبين في المفاضلة بعدي بيطلعوا قبلي الحين .. و بيفاضلوني مع البقية وراهم ..! و الله العالم ..

فعليه دحنا جالسين بالوظيفة اللي عندنا لين ربك يكتب الرزق .. ويارب يكتب لك هني ياميدون و يفكك من الرياض .. بس عاد مو يطلع لي بالرياض و أروح و إنت تجي هني .. ترا ذي فيها قبايل .. :)
و رحم الله والديك يا ميدون ما تقصر ..
رحم الله والديك بعد يا ملاذ على رقم الرجال اللي جبته لي ..

وموفقين لكل خير

[كليله]

اقول يالجار
الصّبر زين
وماحد بيموت من الجوع
اعرف واحد مفلك استعجل واتردّد ويوم راح قعد سبع
سنين , وصاحبه تردّد وما استعجل وقعد وجاته قريبه ..
الصبر زين

[محمد الفرج]

.
.
.

قواك الله خوك كليلة ..

الصبر مفتاح الفرج ..

و الدنيا ارزاق .. و دامها مستورة من ربك الحين أحنا ننتظر على امل ..

وذاكو عندنا ناس ابتلشوا بالغربة و يبو يرجعوا هنا و لو بنص الراتب .. و الله يوزع الأرزاق بالخير

و موفقين يالجار ، نسألكم الدعاء

دمتم في اللطف

[كليله]

وخيّرت نفسي بين القديح وبين الدّوادمي فأين العمل ؟؟
فلم ارَ الاّ هواء القديح يزيل السّقام ويشفي العلل ..
موفقين يا اخ محمد المهم لاتتطّرب ولاتحزن وخلّي ايمانك بالله قوي
وسوف لن ينساك بل سيوفقك ويعطيك ويكفيك مؤنة خلقه انّه نعم المولى
والرّزاق , توكّل عليه ولكم في جاركم عبره .

[محمد الفرج]

.
.
.

فلم ارَ الاّ هواء القديح يزيل السّقام ويشفي العلل

أيه يا عمو كليلة .. الظاهر مكتوبة علينا الغربة ..

الحين رشحوني على وظيفة بالرياض ، بهيئة التحقيق و الإدعاء العام .. " الاسم يهز هاه "

شكلي و الله العالم باروح ، خايف ارفضها و بعدين يجيني شي العن منها ، خصوصا إن هذي الهيئة لها فروع واجد .. يعني حتى بالقطيف أكو لهم فرع بالمجيدية ..!

فويش قولكم يا جماعة الخير ؟!

ثانيا ابي اسأل شي ، بالنسبة من فترة الترشيح لين الواحد يداوم بالدائرة الحكومية تطول شوي لو تكون مباشرة ؟ يعني لو اروح يقولوا لي تعال داوم الاسبوع الجاي لو على الراحة ؟

دمتم في اللطف جميعا

[قديحي]

دام انها بالرياض لا تتردد
اهل الديرة هناك اكثر من الموجودين في لقديح فما بتعيش غربة على قولتك
توكل على الله وروح واستمتع بالاجازات الحكومية الكثيرة في الديرة

[كليله]

محمد
رووووووووووووووووووووووووووووووووووووووو وووووووووووووووووووووووووووووووووووووووو وووووووووووووووووووووووووووووووووووووووو وووووووووووووووووووووووووووووووووووووووو وووووووووووووووووووووووووووووووووووووووو ووووووووووووووووووووووح

[محمد الفرج]

.
.
.

قواكم الله قديحي و كليلة ..
و الغربة غربة و لو مع اهلك يا قديحي ..
بس هذا الرزق اللي ربك سهله لينا و لله الحمد و الشكر ..

فوافقنا عليها و الله المسهل ..

و بالتوفيق جميعا

دمتم في اللطف

[كليله]

الموضوع مغلق .

[موسى الحايك]

آها ..

يعني بتجي الرياض :) ؟؟.