هجوم كاسح على سوق السبت [الأرشيف] - منتدى قديحيات الثقافي

أمير الحب

09-07-2007, 12:40 PM

هاي شباب وشابات

اليوم جتني فكرة جهنمية وكلكم تعرفوا افكار اميروه الجهنمية

الحين في الديرة سوقين
يوم السبت ويوم الاربعاء وافنينهم محتلينهم الحريم
يعني لا نعرف نروح نشتري حاجة ولا نعرف نروح الملعب
ولا نعرف نطوف والا في داك الفريق ما يعرفوا يطلعوا من بيوتهم ولا يعرفوا يحركوا سياراتهم
والسبب كله الحريم
انا اقول اننا من لسبوع الجاي نحتل السوق يوم السبت ونخلي السبت الى لرجال وخلي ليهم الاربعاء يفرحوا به
ميثموه بنعطيه تليله وبنوقفه تحت عين ساداس واي وحده تمر مناك ما فيه الا يشلخ راسها
وقديحيوه لأنه بوارديبنعطيه قطاطة ونخليه يوقف في لمقيسم واي وحده تمر يفقع راسها عيونها
كليله نخليه يمسك مشوخ واي بنية تمر تمر من جهة دكان احمد امنصور ما فيه الا يشلوطها على ظهرها
ملاذوه بنعطيه جريده وما فيه يكسرها على رجول كل وحده تمر على الشارع رايحة السوق يوم السبت

فيالله خلونا نسوي مظاهرات من يوم السبت ونوريهم العين الحمره
لانه ما يصير ليهم يومين واحنا ما عندنا الا الشبره حق سمج ولومي وبيدجان
يالله جهزوا للحرب وشعارنا " سوق السبت للرجال فقط "

قديحي

09-07-2007, 03:28 PM

ولا يهمك يا أميرنا
القطاطة جاهزة والحاجرة جاهزة وعندي كرتون سيور احتياط لو انقطعت القطاطة
انت كمنطق يا أمير كلامك صحيح
المفروض لنا يوم ولهم يوم
لكن صدقني لو صار بيقوموا علينا البياعين بمظاهرة وبدل القطاطات والخيازرين بمسدسات ورشاشات ودبابات
لأنه لو حصل فبيصيب تجارتهم الكساد وما بيلقوا أي رجال يشتري
واحتمال كبير انه يغلق سوق السبت من الأساس لأنه أصبح بلا فائدة

تعال الحين انا عندي سؤال
اذا انا بجلالة قدري وقفت بالقطاطة وفقعت عواين الحريم بيصيروا كل الحريم عوران
ساعتها انت تقبل تتزوج وحده عوره ؟
او عرجه من جارايد ملاذ
او ظهرها مصلوخ من خيازرين كليله
اكيد ما بتقبل

لكن بشكل عام انا استحسنت الفكرة
فرصة نطلع غليلنا في الحريم وفرصة نوفر كم قرش لأن ثلاثة ارباع الراتب رايح الى السوق
المشكلة انهم يستاهلوا والله
مو بس ياخذوا كم ريال الى مصاريف السوق
يستاهلوا ياخذوا الراتب كله
ما عندنا غير حريمنا يا أميروه وبلا مظاهرات

ضوءُ شمعة

09-07-2007, 05:42 PM

اقول خلوا السوق لأهلها

ومايحتاج تسووا مظاهرات .. لانه البياعيين هم الي بسووا عليكم مظاهرات مثل ماقال أخ قديحي

يعني احنا يالله يالله نروح هالسوق بعد ماتكوي الشمس رأسنا
ارحموا بحالنا اشوي

:)

خلاص أخ امير الحب

بدل ماتشلخوا رؤوس الحريم و حمل القطاطات وتكسروا ظهورنا ورجايلنا احنا الحريم المساكين

تسووا لكم مشروع خيري
مثلاً واحد يوقف عند اول السوق وواحد في الوسط وواحد في النهايه وتوزعوا ماي -لعن الله يزيد- اي ويش فيها
يعني احنا نلف وندور ونشتري وانتوا سووا لكم سبيل ووزعوا قطيرة امياها
وبعد فكرة ثانيه بدل القطاطات مراوح ورقيه تتوزع لكل حرمه وجاهل

واخر عمل خيري تسووه طبعاً هذا على صاحب الموضوع

كل ليلة سبت وليلة اربعه يجتمعوا الأعضاء وعلى رأسهم الأخ امير الحب ويحيبوا لبن وعصيرات
واكياس نايلون

تسسووا صبعبلي من الليل وحطوا في لفريزر علشان يثلج ووزعوا يوم ثاني في السوق
واذا شفتوا ثلاث حريم لاتعطوهم بس ثلاثه.. اعطوهم اربعه
يعني مثل الأعلانات ** اشتري ثلاثه واحصل على واحد مجاناً**
بس طبعاً كل هذا تحت شعار
_ تطورع رجال قديحيات_

:)

موسى الحايك

09-07-2007, 06:36 PM

السبت :)

حلو !!.

اتفقوا وخلونا نرجع نشوف موضوعكم ....... خخخخخخخخخ

وأنا مو من الناس اللي بيشتروا من السوق :).

لكن من أنصار الرجاااااااااااااااال.

سجايا الروح

09-07-2007, 07:18 PM

والله انا مع ضوء شمعه
بس عندي فكره فانيه :)
بدل ما توزعو المراوح ورقيه
وزعو مراوح على بطاريات

وان شفت رجال في سوق السبت إلا بتشوف اميره ها :)

ورقة التوت

09-07-2007, 10:30 PM

الفكرة حلوة بس ويش رايكم

خلوها للرجال
بس بسلم مو حرب

شوفوا قديحي
يحترم المرأة
بشكل
(الخوفة المدام تدخل المنتدى وتقرأ وبعدين ....يصير اللي يصير )

موقطاطات

من حرتكم ماعندكم سوق والله حالة

بدأتوا بالافكار الجهنمية

اقول افتحوا الجيب اكثر واكثر
واحفظوا قطاطاتكم

وخلوها الى الجهال بدل مايقعدوا ملانين

اني واحدة تنازلت ليكم عن سوق السبت لانها
مافيها شيء ينشرى
الواحد ياخذ لفة كاملة
والنهاية فطاير
ودلاغلات شباصات

فاطمة محمد

09-07-2007, 11:02 PM

مجرميـــــــــــــــــن

سفير الغرام

10-07-2007, 01:43 AM

السلام عليكم ورحمة الله وبركاته
انا والله ملان بس بقول نكته والي ما بيضحك بكيفه (انتو وضميركم عادههههه)

اقولك في عجوز راحت فاتحه ولد جيرانهم المهم العجوز سالت ام المتوفي ام حمد ولدش عفر مات من ويش قالت ام حمد والله طلقو عليه رصاصه بتفق في قلبه ومات قالت العجوز اشوه لو جت الرصاصه في عيونه كان راحت عيونه خخخخخخخخخخخخخ

بيخه بس ترقبو الجديد مع

سفير الغرام

أنيقة

10-07-2007, 12:38 PM

حامض على بوزكم تاخذوا يوم السبت

سكتوا
لا تخلونا نسوي مضاهرات ونسويهم فلافة ايام
سبت واثنين واربعاء
وانتون الخسرانين خخخخخخخخخ

-- أنيقة --

أمير الحب

10-07-2007, 01:16 PM

السوق ماخذينه ماخذينه
ولا علينا من اقترحاتكم الا مهي تسنيع
ما بيحصل ليكم فلافة أيام
ولا بتحصلوا لا قطيرة مياها ولا مراوح ورقية ولا على بتاري
والا هذيك الا تقول السوق ما فيها شي ينشرى
عجل كل هالحريم ويش يسووا هناك . وهلفلوس الا تاخذوها كل سبت وين تروح

انا اقول ياشباب يالله خلكم تسنيع
ومن السبت جهز روحك ميدون وبنعطيك ساطور تشلخ روسهم خخخخخخخخخخ
وخلي الدمان الى لركب

ويش قال فلافة ايام
هذا الا ناقص وهذا الكلام الا مهو تسنيع

قديحي جهز روحك وصك على مخباك ترى والله تفلس من تابعت الحريم

كليله

10-07-2007, 02:02 PM

امير مافيك الاّ هربادك
صدّقت كلامك ورحت بمشّوخي في المكان اللّي حدّدته لي
يازعيم وما شفت الاّ الخريط ..
بعدين تعال باقولك احنا لو صار السوق لينا يوم
بنشتري مفلات النسوان .. لايكون تفكّر لرجال يصخوا يشتروا
مفل النسوان , تراك غلطان وحتّى البيّاعين ما بيرضوا .
الحل : نطالب بكبري , وهذا الكبري من النوع اللّي يتكرفس
عشان تخشّه عندك في البيت ويوم السوق تطلعه .

قديحي

10-07-2007, 03:18 PM

شوفوا قديحي
يحترم المرأة
بشكل
(الخوفة المدام تدخل المنتدى وتقرأ وبعدين ....يصير اللي يصير )

انا قلت هالكلام ؟
ما اذكر او بالأحرى ما اتوقع
لأن قديحي شجاع , أسد , هزبر , ضرغام
صحيح احيانا يخق اذا الشغله فيها ضربة مقلى على الراس او قعده في الجوع من غير غذاء
لكن في المواقف الصعبه ولا عنتر بن شداد في زمانه لكن في المواقف الا ما فيها ذكر الزوجه خخخخخخ
وترى هذا نوع من الاحترام والتقدير وليس الخوف وعلشان ابين احترامي بشكل اكبر بكره السوق والمدام تآمر وتدلل وتشتري الا تبغى من السوق وانا ادفع بطيب خاطر
لا تفكروا خايف بس انا طبيعتي كريم

كليلة
السوق يوم السبت ويش وداك اليوم ؟ أكيد ما بتشوف احد
غير كذا الشغلة كلها حق توفير مصاريف على لرجال وانت تبغانا نسوي كبري
هذا يبغى له تخطيط وفلوس واخاف الشغلة تطلع علينا قرع بصري

طيب انا عندي حل بسيط , يريحنا من المصاريف وفي نفس الوقت الحريم يتنازلوا لنا عن السوق بكل سهوله ومن غير الحاجة الى مشاشيخ وقطاطات وعصي
نجيب سلة فيران وكرتون وزغ ونهدهم في السوق
وانا اضمن لك ما توطوط وحده هناك ويومها اكشخ بالسوق بحالك واشتري على كيفك
احلق شنبي اذا شروا لرجال حاجه
مثل ما قلت يا كليلة ما يصخوا يشتروا

ميثم توفيق

10-07-2007, 07:24 PM

أنا من قريت الموضوع رحت طوَّالي عند عين ساداس ونقعت ليي داك التليل ويبَّسته
وخشيته ليوم السبت
لا وكل يومية ترى أروح أنا منَّاك أتطمن على أحوال التليل
إحنا مو علشان نبغى سوق يوم السبت لأن احنا مانطب الأسواق المتنقلة أبدا نخليها لنسوانا المحترمات ينفهوا عن نفسهم شوية بدل هالقعدة
لكن علشان تعطيل هالطريق والله
يومين في لسبوع ماااااااااااصارت هذي يتراوا ليي مافيه إلا لقديح فيها سوق متنقلة يومين في لسبوع
والله كم مرة أتعطل أنا أبغى أروح ديك الطخَّة
المشكلة الواحد يستحي والله يغفص وصطت هالآلاف من الحريم
والله إذا أضطر أروح ماأعرف ويش أسوي كله منزل راسي في الأرض زين إذا ماأصقع ليي طوف حزتها

المهم
إن وحدة وطوطت يوم السبت ماليها إلا التليل يرضرض اعضامتها :D
كفاية يوم له
هداويش

فاطمة محمد

10-07-2007, 11:34 PM

يومين في لسبوع ماااااااااااصارت هذي يتراوا ليي مافيه إلا لقديح فيها سوق متنقلة يومين في لسبوع

اذا ماخاب ظني .. الناصرة فيها سوقين بعد .. السبت والأحد

إن وحدة وطوطت يوم السبت ماليها إلا التليل يرضرض اعضامتها

بــــنشـوووووف

ميثم توفيق

11-07-2007, 05:53 AM

داكوه كلمت الجهال يرموا عليكم حجارة بالقطاطات :D
إن وحدة راحت يوم السبت مالينا شغل احنا الجنود عندهم أمر
والأوامر اح تنفد ههههههههه

بنشوووووووف

قديحي

11-07-2007, 07:55 AM

وقديحيوه لأنه بواردي بنعطيه قطاطة ونخليه يوقف في لمقيسم واي وحده تمر يفقع راسها عيونها

داكوه كلمت الجهال يرموا عليكم حجارة بالقطاطات :D

ميثموه ويش قصدك ؟
منهم الجهال ؟

الظاهر انت الا بتنفقع عيونك بالقطاطة

سجايا الروح

11-07-2007, 08:28 AM

ههههه
الله يغربل ابليسكم

يامعشر النساء يوم السبت
بنسوي حضر تجول الى الرجال في القديح
عشان ما يضايقونا
في الطريق الى السوق وبنسوي حرس في السوق
عشان حمايه لينا
واذا احتاج الامر بنجيب دبابات
وطائرات حربية

ضوءُ شمعة

11-07-2007, 08:46 AM

خلاص مالينا إلا حل واحد

بنسوي احنا معاشر النساء على قولت سجايا

استبيان فيه كم سؤال وكم كلمات
والمظمون هو هل نعطي الحقيه للرجال بخلوا جميع النساء من السوق
او محوا هذه السوق من الساس
واسئله من هالنوع

وبنوزعهم على البياعين والنسوان.. واذا فيه رجال بعد او نفس النسوان نودوا لرجالهم
اليوم الربعاء بنوزعهم ويوم الجمعه بكون فيه صندوق عند باب المدرسه يحطو فيه هالوراق

ونشوف من الفايز بالهسوق اخر شيء

مطلوب عشر نساء شيومات على وجه السرعه لتوزيع الوراق

يحيى البشراوي

11-07-2007, 11:27 AM

اكيد راح اتفوز النسوان بالاغلبية مساكين لرجال ما ايجو من العمل الا هم متدقدقين وين فيه شده ايروحو السوق وكان عنده شف جهال هذا ضارب هاد يالله حلها كيف ينام والحريم يوم السبت والاربعاء حت اصحون الغداء ما تتغسل عدل تلبس ديك العباه وطيران على السوق وفي نص الطريق اتقول ليها خويتها ترى عباتش مقلوبة من العجلة وتروح من الساعة فلاف وماتطلع الا بعد الادان اتلف ديك السوق ميه وخمسين مره واذا جت قالت راسي يعورني شي اكيد راسش ايعورش من اللف والساعة تسع عاد يبدي عندها الهوجاس عفر ضيقة-عفر لونها موعدل- داك اللون احلى -زاذا اتجمعوا ثنتين الى اذان الصبح يتكلموا عن السوق
المهم داكوه جهزت قدر وقز يوم السبت با شغله من الظهر واللي اتمر جنب البيت باصلخها زي الدجاج بالخليها تمشي وتتقشر كنها بطاطسه مفيوحه
جهزوا العدة فقد اعلنا انتفاضتنا ضدكم

ميثم توفيق

11-07-2007, 04:53 PM

هههههههههههههههههههههههه
والله رجلتها أبو ياحو
ههههههه

___________________________
أبوقدحة انت لويش تشتري الكلام لنفسك هههههه
والله ماكنت أقصد
كنت أقصد جهال عيلتنا أبوصطيف وشلته :D
شوفوا عاد ياحريم إذا شفتوا جهال واجد على سياكل يوم السبت
انتبهوا ترى هذولا جهال العايلة وعندهم الأوامر بنبل أي تحرك مشبوه
وقد أعذر من أنذر
هههههههه

ملاذ

11-07-2007, 09:44 PM

السوق والنساء
طعم لذيذ لا ينقطع
لا يمكننا ان نرشقهم بالنبال او القطاطي
عجيب ذلك الامر
نعم
عجيب
غريب ذلك المنظر
كانه الحشر سوقا
بلذة البائعين ومتعة النساء وهن يتجولن للشراء وخلافه
ودموع تتقاطر في بضع احيان من جيوب الرجال
هنا
دائما
الفوز والغلبة لهن!...

ضوءُ شمعة

12-07-2007, 01:07 AM

الأعتراف بالحق فضيله

:)

أميرة السحاب

12-07-2007, 02:53 AM

أقول خلو السوق لنسوانها واحمدوا ربكم ألف مره لا ودينا الدمام ولا الخبروفوق هذا اسعار رخيصة وعلى هذا حاسدينا يا ارهابيين0

أميرة الجنة

13-07-2007, 10:33 PM

انا قلت هالكلام ؟
ما اذكر او بالأحرى ما اتوقع
لأن قديحي شجاع , أسد , هزبر , ضرغام
صحيح احيانا يخق اذا الشغله فيها ضربة مقلى على الراس او قعده في الجوع من غير غذاء
لكن في المواقف الصعبه ولا عنتر بن شداد في زمانه لكن في المواقف الا ما فيها ذكر الزوجه خخخخخخ
وترى هذا نوع من الاحترام والتقدير وليس الخوف وعلشان ابين احترامي بشكل اكبر بكره السوق والمدام تآمر وتدلل وتشتري الا تبغى من السوق وانا ادفع بطيب خاطر
لا تفكروا خايف بس انا طبيعتي كريم

كليلة
السوق يوم السبت ويش وداك اليوم ؟ أكيد ما بتشوف احد
غير كذا الشغلة كلها حق توفير مصاريف على لرجال وانت تبغانا نسوي كبري
هذا يبغى له تخطيط وفلوس واخاف الشغلة تطلع علينا قرع بصري

طيب انا عندي حل بسيط , يريحنا من المصاريف وفي نفس الوقت الحريم يتنازلوا لنا عن السوق بكل سهوله ومن غير الحاجة الى مشاشيخ وقطاطات وعصي
نجيب سلة فيران وكرتون وزغ ونهدهم في السوق
وانا اضمن لك ما توطوط وحده هناك ويومها اكشخ بالسوق بحالك واشتري على كيفك
احلق شنبي اذا شروا لرجال حاجه
مثل ما قلت يا كليلة ما يصخوا يشتروا

أني نقطة ضعفي الوزغ والفيران لو يوم أشوف وزغة في الغرفة ما أنام ألا لما يطلعوها
كيف أشوف مجموعة وزغ وفيران مع بعض مستحيل أروح

لكن عادي مي صعبة علينا نحن النساء نقدر نتصرف يعني ماتقدروا علينا لاتحاولوا ..

والسبت والأربعاء لينا وما بنفرط فيهم خخخخخخخخ

فاطمة محمد

14-07-2007, 01:24 AM

ميثم توفيق

14-07-2007, 08:21 AM

زي ماقلت ليكم داكوه حديت جهال بيت توفيق يروحوا اليوم السوق
الله ينجيكم منهم عاد
كلهم على سياكل وعندهم قطاطات
فأي تحرك مشبوه راح يكون تحت الرَّصد
وستكون الضربة موجعة ومؤلمة

اليومْ يـوم المجزرة
جاكم قديحي ابعسكره

قديحي

14-07-2007, 08:31 AM

هذولا الارهابيين الا يستنوكم زي ما قالت اميرة السحاب

http://www.al-hurriya.com/picture/images_file/a4.jpg

كليله

14-07-2007, 01:26 PM

جهال بيت توفيق مشهورين بدقّة التصويب
يعني (( بوارديّه )) الله يعينك يالنّسوان .

حروف مبعثرة

14-07-2007, 03:06 PM

الرجال قوامون على النساء
وأنا اشوف ان كل واحد يمنه زوجته من الذهاب وتنحل بشكل سلمي ولا نحتاج الى قطاطات اولاد توفيق

قديحي

14-07-2007, 03:27 PM

أمير الحب كعاداته
يرمي الموضوع وما نشوف رقعة وجهه بعدها

فعقاباً له بتكون القطاطه اليوم الى كل رجل يقترب من السوق
وبدل ان نكون ضدهم نحن اليوم معهم

اتسوقوا يا حريم
ورفهوا عن أنفسكم بدل جلسة البيت
واذا على عيال توفيق لا تخافوا ولا تحملوا هم
اليوم آخذهم كلهم واوديهم قلعة القطيف الترفيهية وأي حرمه عندها اولاد مبتلشه بهم ومانعينها عن زيارة السوق نحن نتكفل بأطفالها برسم الخدمه ولا يهمكم

بكل صراحه
حريمنا طول عمرنا يخدمونا بطيب خاطر
فما فيه مانع لو خدمناهم لمدة ساعتين
يستاهلوا حبايبنا كل خير