مجلس الحريم (ممنوع لقافة الرجال منعاً باتاً ) [الأرشيف]

دفء الاحساس

28-07-2006, 09:52 AM

ياحيا الله من جانا
زارتنا البركة
منورين والله
سجايا الروح
فجر الامل
نور العيون
ورقة التوت
حياكم الله اقلطو البيت بيتكم

لكن ليش مادخلت الاخت روزماري ؟؟:(
محد فيكم مر عليها ؟؟؟:rolleyes:

امممممممممم يمكن مشغولة وعشان كده مادخلت ...:confused:

لكن ماحد جاب لينا سالفة نسولف بها ..
نتعرف على بعض من خلال هالمنتدى وعلى اخبار ديرتنا ...:o

اذا الاخت فجر الامل ماتدري عن اخبار الديرة لانها ماتطلع ...

انا مادري عن اخبار الديرة لاني بعيدة عنها ...:(

ورقة التوت تراني ماشرب لا شاي ولا قهوة ...
بس جيبي لي التمر عادي ...;)
وحلاوة بعد ههههههههههه :p
يلا سولفون لنا عن ايام الدراسة مثلا .... امممممم
او مواقف محرجة صارت لكم في المدرسة و البيت خصوصا في الطبخ تصير سوالف ومواقف ...

انا بتكلم عن سوالف الدراسة بس لما تقولو اذا تبون تسولفون عن الدراسة او لا
وابغى تجاوب يلا
واللي ماترد بدز عليها عفريت يصحيها من نومها عشان ترد ههههههههه امزح

<<<<<<<<<< بالانتظار

:D

أميرة الجنة

28-07-2006, 04:18 PM

هلا والله صبايا
شلونكم شخباركم ؟
أني كنت مشغولة خلال هاليومين وما دخلت المنتدى !
بس أنتوا فيكم الخير والبركة ;)
وأحب أشكر الأخت دفء الأحساس على سؤالها عني , وعلى مشاعرها النبيلة :D
( هذي جت باالفصحى لحالها) :p
يالله يادفء الأحساس نستناك تسولفي لينا عن أيام الدراسة :rolleyes:
طبعا بنات أغلبكم كان عندهم أوتوجرافات , مأدري أذاكنتوا تحتفظوا بهم أتذكرونا ببعض ألا كنا نكتبه :confused:
طبعا مستحيل تفتحي أوتوجراف ماتشوفي فيه هالكلام :D

أكتب لك بالمقلوب لتدوم المحبة في القلوب

نظرت ألى السماء فوجدتها صافية
نظرت ألى الجبال فوجدتها عالية
نظرت ألى ........ فوجدتها غالية
هذا غير المعلمات الا ياخدوا الأوتوجراف عندهم كم شهر بس على شان بكتبوا سطرين :eek:
يالله بنات قولوا لينا ويش تذكروا ؟ وأذا في مواقف صارت ليكم ؟

ورقة التوت

28-07-2006, 05:45 PM

السلام عليكم
شخباركم بنات
ويش مسويين
ان شاء الله يخير
ولايهمك

يا دفء الاحساس

أكيد في عصيرات
وكيك على كيف كيفك
مو معقوله نخليك كذا

المهم
والله اني ما كان عندي دفتر اوتجراف بصراحة
بس عندي دفتر كانوا صديقاتي المقربين مرررة مرررة
كتبوا لي فيه بس

يالله انتوا قولوا
بصراحة ايام الدراسة ايام حلوة مرررة
ولاتنسى
وخصوصاً الثانوية والجامعة الاحلى فأحلى

بس الشي اللي مو حلو
اللي بعد الجامعة
لان مافيه وظايف
ههههههههه

يالله كل وحدة تبي تسولف عن شي تدخل وتقول

اسألكم الدعاء

اختكم
ورقة التوت

دفء الاحساس

28-07-2006, 06:10 PM

هع هع الاوتوجرفات هههههههههه
حركات للحين عندي وحتى وحده وقعت على ريال ولزقته في الاوتوجراف
والثانيه كتبت على كلينكس ورشت عليها عطر
وبطاقات وحركات كده كل وحده عندها افكار غريبة عن الثانية ...
بس ماكنت اعطية الا البنات المقربين لي ...
لان اللي مالي علاقه بهم مجرد زميلة استحي اطلب منها تكتب لي وهي ماتعرفني عدل
..............
بتكلم عن حياتي من الصباح الى الظهر بالمدرسة
طبعا انا اجلس بدري على الساعه 5 او قبل اجهز واخلص وارتب حالي 6 وربع
اكون بالمدرسة يعني الفصل مافية الا طالبة وطالبتين
كانت معي وحده اهلي يعرفو اهلها وتخاف لما تروح اول وحده بالفصل
ماتدخل توقف عند الدرجه وانا اركب معاها وافتح الفصل لانها جبانه
ووحده لعد تقعد قدامي بالفصل جبانه ماتدخل الفصل لحالها في الصباح ...
وطبعا البنات في الصباح يجو ينقشو في هالوجبات ...
انا كنت انقش الدروس لما اغيب او تعسرت معي مسئلة بمادة الرياضيات نادرا اسويها
لان ماحب اشحت من البنات واجب او شي احب اعتمد على نفسي حتى لو غلط ...
برن جرس يعلن عن الطابور وما اطلع من الفصل الا اذا جت المدرسة
لاني لأهية بالسوالف والحش هههههههه
ونبتدي في الطابور نكمل الهدره والقرقره وكنت اصف بالوسط عادة ...
والبنات اللي يصفو ورى دق مسخرة على العلمات والاذاعه وعلى نفسهم بعد ...
طابوري كان في السطح ايام الحر والبرد ... اذا صار فيه مطر الطابور ملغي
مدرستي صغيرة بيت والعدد كان كبير .. زحمه وضيق
فصلي كل 5 طالبات في 3 طاولات زحمه زحمه زحمه مانقدر نكتب على الطاولة من الزحمه
يعني 3 يكتبو على ( الرجايل ) و2 على الطاولة ..
ولما يخترب التكييف في الصيف معاناه حتى المعلمة ماتستحمل هالساعه اللي في فصلنا
كيف احنا نستحمل طول الحصص....
بس الى هنا المرة الجاية بقول لكم سوالف الطابور قريتة في منتدى
وعجبني وعندي بعد تعليقات من عندي بس اغلب اللي مكتوب عنه
في منتدى يصير صحيح في الطابور ...
تعبت من الهدر يلا روزماري معتمدة عليك تسولفي معي وورقة التوت
وفجروه وسجايا الروح اللي كتبت الموضوع تعالي خلينا نحشي على العالم ههههههههه

لي عودة قريبا

ورقة التوت

28-07-2006, 07:57 PM

السلام شخباركم

والله يا دفء الاحساس
مروقة لش طولت بال
كاتبة واااجد

مرررة
يوم حلو
الا بسألك
أي مدرسة انتين

؟؟؟؟

لا اني ماأروح المدرسة الا قبل ربع الساعة من الحصة
يعني قبل وقت الطابور بشوي
بس أني ماأحب انقل من احد خصوصاً
الرياضيات لاني أحب
احل المسائل واااجد

وجنوني المواد العلمية وخصوصاً الرياضيات

سجايا الروح

29-07-2006, 04:50 AM

يووووه ذكرتوني بالمدرسه
بس وين انساها باقسي اقل من شهرين
جهزتوا مراييل وشنط و.....

يالله ما علينا
الاوتوجارافات الى الاحين في ناس
تشتريهم والله انكم ناس فاضيه
اني مايضحكوني إلا اذا كتبوا هذي العباره

أكتب لك بالمقلوب لتدوم المحبة في القلوب

نظرت ألى السماء فوجدتها صافية
نظرت ألى الجبال فوجدتها عالية
نظرت ألى ........ فوجدتها غالية

روزماري
طلع منش غبار وانتي تقوليها
هههه

دفء الاحساس

29-07-2006, 05:41 PM

هع هع بوريكم اول موضوع قريته في منتدى عن سوالف
البنات في الطابورعلى هالرابط ....

http://www.alqudaih.org/vb/showthread.php?p=1537#post1537

اممممممم بصراحة كنت اهدر مع صديقتي هي أدبي :p
وانا علمي وطابورها جنبي بالاشارات نسولف او بحركة
الشفايف نفهم على بعض .. نادرا اذا عندنا سالفة او تلفت انتباهي
الى شي ...

اممممم في الحصص انا وصديقتي عناد مع بعض:D
وحصة الرياضيات ممتعه بالنسبه ليي ...:)
خصوصا لما تعطيني الاستاذة مسأله وتبينا نحلها كل وحده بروحها
وانا وصديقتي اجابتين مختلفين ... كل وحده تقول اجابتي صح
ونشرح لبعض المساله احاول اقنعها بأجباتي وهي تقعني باجابتها
ههههههه هالوقت هذا المعلمة تطلع بنت تحلها وتخلص
وبعدنا انا وصديقتي نتهاوش ... بس هالحركة نسويها في مادة
الرياضيات مو على طول بس اذا اختلفنا بالاجابات ...;)
اممممم حصة العربي متعه لان المعلمة تخلي الحصة حلوة
تشرح لنا وتمزح معانا ... الانجلش انا مو فلسفة انجلش
بس هالحصه الوحيدة اللي احط بالي عدل عدل
عشان استوعب شوي ومالتفت الى صديقتي ابدا ابدا ...
وبعض الحصص احسبها بالثواني ابي الفكة ونهايه الدوام اطالع في
الساعه طول الحصة الاخيرة مستعجلة ههههه
فيه حركة اكيد تعرفوها تصير في الحصص وخصوصا اذا المعلمة طيوبه
وتصير من اللي يجلس ورى بالاغلبية غير السوالف والهدره
اذا طالبتين بعيدين عن بعض وعندهم تعليق تكتب الاولى في ورقة
وترميها على الثانية ولما توصلها الثانية الورقة تكتب تعليقها وترسل الى الاولية
امممممم مو كني اطلع الفضايح هههههههه :eek:
ترى ماسويتها انا لاني جبانه واخاف ينزلوني الاداره ...

مو كني اهدر واجد
يلا له دوركم

يلا سي يا :rolleyes:

آنَآ آنْتَظرْ ..!

30-07-2006, 05:41 AM

هههههههههههه سوالفكم حلوووووووووة

لكن اني للحين في ابتدائي (هئ هئ هئ)

متى اصير قدكم؟؟؟؟؟

لكن ما عليه

يلااااااااااا مع االسلااااااااااااااااااااااااااااااااااا ااااااااااااااااامة

دفء الاحساس

01-08-2006, 06:06 PM

أغلى البشر ...
اتسندي بس .. اتقهوي ويانا واحجي معنا ..:p
مقبول كل الاعمار هنا ..

اقول روزماري ..
ورقة التوت ..
فجر الامل ..
سجايا الروح ..
نور العيون ..

هااا وينكم ؟ ؟ ؟:confused:

ويش نمتو ؟ ؟:eek:

يلا سلام ..

أميرة الجنة

02-08-2006, 02:11 AM

اهلين صبايا
أخباركم .. ان شاء الله تمام
صحيح زي ماقلت دفء الأحساس الظاهر البنات نايمين ؟
عاد اني أكثر مرحلة عجبتني في الدراسة المرحلة الثانوية وخاصة ثاني ثانوي ..
كنت أحب مادة علم النفس بشكل غير طبيعي وكنت أتمنى أدرسها في الجامعة..
طبعا مو موجود هذا التخصص في الدمام فأضطريت أدخل مجال ثاني ..
أما عن ألكلية فلي فيها ذكريات جميلة ..
طبعا سوالف الحضور والغياب مع المشرفات وكل وحدة تحضر الثانية :D
أذكر في مادة الثقافة الصحية ماحضرت ألا ثلاث محاضرات :p
أني والشلة كل أسبوع وحدة تجي وتحضر البنات ( تكتب أسمائنا في الكشف ) :eek:
طبعا بس هالمحاضرة لاتفكروا كل المحاضرات :eek:
لأن هي المحاضرة في المسرح وكونوا جامعين ثلاث أقسام .. يعني يمدينا واحنا مانصدق يجي هذا اليوم علشان نغيب ;)
وأحلى شي أن المحاضرة كانت يوم السبت يعني أجازة ثلاث أيام :D
خلاص باروح أذا ذكرت شِى بقول لكم :rolleyes:

دفء الاحساس

02-08-2006, 01:25 PM

وااااال ذكرتيني بالهروب من الحصص ياروزماري ..
انا عمري ماهربت ..
بس مرة طلعت من الفصل لان ماعلينا احد ورحت اتمشى
ولما رجعت لقيت معلمة الفيزياء دخلت علينا واستحيت ادخل
وظليت واقفة قريب الى الفصل ماني عارفة ادخل اخاف اتهزأ واتفشل ..
وكنت احب الرياضيات والكمياء وخاطري اتخصص كمياء بس النسبة ماتساعد
لهذا دخلت مجال ثاني .. اممممممم لكن ماهربت من محاظرة في الكلية ولا شي
لكن كنت اطنش اذا كانت علي محاظرتين وحده الصباح والثانية الظهر
وتكون المحاظرة الثانية فيها اختبار اطنش المحاظرة الاولى واقعد اذاكر في البيت حق الاختبار ..
واداوم قبل المحاظرة الثانية بنص ساعه تقريبا ..
ماطنشت الا على اخر الايام .. لاني اول سنة وجبانة شوي .. السميستر الثاني بس طنشت ..
والتحضير والغياب تصير سوالف علية نحضر بنات غايبة لما نصير مجموعتينا مع بعض نبدع ...

بانتظار سوالفك روزماري ...

ورقة التوت

04-08-2006, 03:01 PM

هاااي
صبايا
كيفكم

اخباركم ان شاء الله بخير ؟؟؟

وحشتوني مررررة
سوي تأخرت عليكم
بس احس مايمديني
ادخل النت واااجد

بس اتابع سوالفكم اول بأول

حبي الوحيد هو التسوق
امس رحت مجمع الظهران
ما حسيت فيه شيء ينشرى ابد كل شي مخلص من التخفيضات
والبضاعة الجديدة ابد موحلوة
مررررة
استمتعت في شراء الاكسسوارات لاني من عشاقها
اليوم باروح ستي بالازا

يالله كملوا كملوا سوالف الدراسة
لاتطولوا فيها واااجد

عشان لايصير كله موضوع وااحد

مع السلامة
اشوفكم على خير

الزينبية

05-08-2006, 03:39 AM

السلام عليكم
ماشاء الله وعاملين مجلس للهدرة بعد .!
وسوالف الدراسة اللي ماتخلص ..:cool:
مستمتعين معاكم راجعيــــــــــن

أميرة الجنة

05-08-2006, 04:28 AM

أهلا وسهلا بك أختي الزينبية
تفضلي معنا البيت بيتك ...
أنا اليوم رحت مجمع الظهران
هالمرة ورقة التوت روحي يوم الجمعة علشان نشوفك :d
لأني مخصصة يوم الجمعة أروح هناك كل أسبوع
طبعا يوم الجمعة مايفتح ألا الساعة 12:30
أحنا نطلع الساعة وحدة ونتغدى هناك طبعا المطاعم ماشاء الله هناك ..
بس أحنا مانأخد ألا المأكولات البحرية من عندهم ,,
يعجبني فيه المكان المخصص للعوائل ..
طبعا جيان لازم ندخله ونقضي أغراض البيت من عنده ...
أحسه كبير وكل شيء متوفر عنده .. والحلو فيه أنه عنده عروض خاصة , وكل مابين فترة تتغير
يعني بالمختصر أحسه روعة

دفء الاحساس

05-08-2006, 08:20 PM

ورقة التوت ..
ذكرتيني قبل يومين رحت اتسوق ويا اختي اشتري كم حاجة ..
وبعدين رحت مجمع الخنيزي شريت ليي اكسسورات بالوان مختلفة ..
وبالليل لبست كم حاجة منهم ورحت حفلة ..
وصار لي موقف محرج جدا جدا ..
انشدخت اول مادخلت الحسينية مدري كيف :eek: :eek:
مانتبهت الى نفسي الا انا طايحة طيحة قوية ..
كل وحده تدخل بهدوء الا انا دخولي الحسينية بالفن شدخة قوية :(
اشوى ماحد انتبه لي ولا كان فشيلتي فشيلة ..
بس بنت عمي انتبهت لي وضحكت علي صار وجهي طماطه ..
وكل شوي اختي تذكر الموقف وتضحك عليي ..
اتعورت شوي بس من الفشلة قعدت اضحك ..:p
ولما رجعت البيت قلت الى امي انا اتعورت :(
------------------------
ذكرت بعد موقف قبل كم سنة وانا في متوسط رحت اودي اوراق الى المديرة
وقبل ما اطلع من غرفة المديرة اتعرقلت من العتبة وطحت ..
عاد المديرة قالت لي اسم الله عليك استحيت حدي :p
------------------------
يلا نرجع وقت ثاني .. <<<<<< بلا قرقرة واتوكلي :cool:

شموع ذائبه

06-08-2006, 05:28 AM

اهلين
اني ضيفه جديده ممكن اجلس معاكم

تحياتي
شمـــــــــــــــ ذائبه ــــــــــــــــوع

دفء الاحساس

08-08-2006, 01:32 AM

http://1234l.jeeran.com/hla-w-gla.gif

ياهلا ويامرحبا بك اختي شموع ذائبة ..
حياك الله ويانا ..

متباركين بنات بمولد الليلة ..

مولد الامام علي عليه السلام ..

الا وين الحلاوة ؟؟

منهي بتقرا المولد .!

يالله اني بابدي بقرأ ..

نبارك الليلة كل نبي وكل وصي ومرسول ..
ونقدم ايات الفرح للهادي ونقول ..
مولد علي مولد علي مولد علي الليلة ..
بين الاصلاب الشامخة اسم الوصي يلوح ..
وتسجل بساق العرش وبجبهة اللوح ..
عايش بفرحة مولده وعن فكري مايروح ..
بهالفرحة جنات الخلد مسروره وتفوح ..
وبتهجت بمولد علي كل نفس كل روح ..
بهجة الميلاد ابتدت من ادم ونوح ..
كل نبي ومرسل بالحفل هالليلة مشمول ..
ونقدم ايات الفرح للهادي ونقول ..
مولد علي مولد علي مولد علي الليلة ..

*****************************
وهذي احبها بس ماهي عندي حالياً بعد مافرمت الجهاز صار فاضي

شيل لله شيل لله
شيل لله يا با الحسن شيل لله
الشمس ردت لعلي عقب الصلاة
الشمس ردت ردها المولى الى علي
شيل لله يا با الحسن شيل لله
مكسر الأصنام سيدي يا علي
شيل لله يا باالحسن شيل لله
قاتل الأنـذال سيدي يا علي
شيل لله يا با الحسن شيل لله
فارس الفرسان سيدي يا علي
شيل لله يا با الحسن شيل لله

*****************************
يبالكعبة مولود ..
يالشرفت لوجود ..
باسمك نظل نهتف ياعلي ونشكر المعبود ..
علي يابسمة شفاهي ..
علي ياقرة العين ..
مثيلك يلتقي وين ..
علي يا اغلى كل غالي ..
علي بابلسم جراحي ويابا الحسن وحسين ..

*********************************
ومتبارررررررررركين وعساه السنة وكل سنه

وهذي احلى يبابه بمناسبة المولد
كللللللللللللللللللووووووووووووووووووش

<<<<<<<<<<<<< مستانسة ورايقة حدها عشان المولد

سجايا الروح

09-08-2006, 03:55 PM

مشكوره دفء الاحساس على المولد
اني من زمان ما دخلت المنتدى
اصلاً نسيت اني مسجله فيه خخخ

حبيت اسلم عليكم
شكلكم نمتو :rolleyes:
بس بنقرا الوفاه
يالله من تعرف تقرا
العزيه
اني ما اعرف :D

تحياتي ..,,....

ورقة التوت

09-08-2006, 09:24 PM

السلام
شحالكم ؟؟؟ شخباركم
ان شاء بخير
دوووووم يارب

وحشتوني مررررة
احس مايمديني
ادخل النت واااجد
عشان اني ادرس دورة حالياً
عصر
احس الوقت يروح كله

المهم
الظاهر سجاياالروح بتسوي عزية
بس تحتاج ملايات
حتى قارئات مبتدئات ؟؟؟؟
ههههههه
يعني
اني
ترى امي ملاية زين واني الحين قاعدة اتعلم كيف يقرون العزية

ترى مرررة حلو ومتعة ولك اجر وثواب كبير
وانتي تذكرين مصيبة الامام الحسين عليه السلام

بصراحة اني امي كل تقول تبينا نتعلم
بس اني ما أرضى
تعرفوني خجولة

مرة
واضح !!!!!!!

المهم بديت اتعلم وصرت اقرأ واحسه روعة كون انك تذكرين المصيبة
والاحلى من ذا كله ان سيدة العالمين فاطمة الزهراء عليها السلام تكون حاضرة في المجلس

خلاص احس اني دموعي شوي وتطيح
شرايكم بنات
يالله تفضلوا
يوم عزية الوالدة
حياكم
حياكم

ووووول
هدرت وااااجد
مع السلامة

شموع ذائبه

12-08-2006, 05:00 AM

هلا
اني وحده اعرف اقرا مولد ووفاه
بس طبعا في بيتنا لحالي اقرا لان استحي

المهم باقول اليكم موقف صار الي في المدرسه
لما كنت في متوسط كنت رايحه الى معلمه الفقه تشرح الي درس لان الفقه في ثاني متوسط كان لازم شرح لو ماتفهمي ويش مكتوب بعد ماطلعت من غرفه المعلمات ومعاي المعلمه اني باروح الفصل وهي بتروح حصه كان على الوجه انشدخ على الدرج واقعد اضحك من الفشله طبعا قدام المعلمه والبنات لان البنات مايلحق يدق الجرس هم برا <<<<<<والله فشله
اني مااقاوم دي المواقف على طول <<<لو عرض<<<اضحك :D

يلا باي
مره ثانيه باجي

تحياتي
شمـــــــــــــــــــ ذائبه ـــــــــــــوع

دفء الاحساس

12-08-2006, 11:49 PM

هلا وغلا شموع
اني اعرف اقرا لكن لو اروح اقرا وفاة اخليهم يموتو من الضحك ;)
مرة رحت مع امي و اختي .. امي ملاية وعماتي بعد .. المهم عطو اختي الكتاب مدري شيسموه يمكن المجموع
كان اقعد اضحك ولا اسكت وكانو يقروا وفاة .. المرة الثانية اختي راحت وقرات بدون ماتاخذني وياها .. :p
المرة الوحيدة اللي قريت فيها كان مولد الزهراء سلام الله عليها كنت في سوريا و كنت مع نسباتي في مشهد السيدة زينب سلام الله عليها .. العام الماضي :rolleyes:
قعدنا في الصحن وسوينا دائرة و قمنا نقرا و الايرانيات و الحساويات و البحرينيات و القطيفيات اتجمعو علينا والابتسامه تعلو وجوههم والتصفيق بهذا المناسبة كان روعه قرينا مولد واناشيد على اهل البيت من اناشيد باسم الكربلائي والاغاني الشعبية كان وناسة مرررررررة قريناه بعد صلاة الصبح و وزعنا الحلاوة وكل وحده تجي ترمي الحلاوة و كانو فيه بعد هنود بس مشكلة مافهم شي من اللي يقولوه بس وقفت اطالع فيهم .. :D
بس بعدين اجى رجال سوري و منعنا نحتفل و قال لنا ماتدرو ان عند دخول السيدة زينب سلام الله عليها الشام كانت الناس تستقبلها بالتصفيق و انتو الحين تتشبهو بهم طبعا احنا ماردينا عليه لان ندري انه ممنوع نقرا وفاة او مولد مدري ليش مايرضو ؟؟ يوم شفنا الناس اتفرقت قمنا اخذنا كشنا ( كتبنا وعفستنا ) ومشينا:)
عسى الله يكتب لنا زيارتها مرة ثانية وفي هالمناسبات نحتفل عندها .. جميعا ان شاء الله:o

و بالنسبة للشدخات و الطيحات قدام المجتمع العربي و الغربي و الاسلامي ههههههه تصير لي واجد:cool:
مرة كنت بالسوق ويايي اهلي كنت اطالع شي يعجبني و اتباعدت عن اهلي كان يجي داك الطرام بسرعه و العروة حقته تمسك شنطتي مدري كيفة يمكن ناوي يبوقها :eek: و انسحب انا واطيح
بعدين الرجال وقف بطرامه و انا منقهرة حدي عفسني عفاس و بكل ادب قال لي الشنطة ياحجية طاحت وراك بس انا حاقرتنه و لا كني اسمعه ههههه اخذت شنطتي وقمت رحت الى اهلي و قلت لهم .. صارت في ايدي اثار الطيحة:( وبعدين اختفت ..

ورقة التوت

14-08-2006, 12:15 AM

يوه اجل يمكن شفتك
اني كنت هناك في السيدة الاعام الماضي في سوريا
وفي المولد لما نخلص من الزيارة
نطلع بره في الساحة الخارجية
عشان نسمع اهل البلد
ونجلس مع ناس يقرون ونسمع وياهم

وبعدين نروح السكن ونقرأ المولد مع الجماعة اللي تبعنا من القديح

الله يودينا هناك جميعاً
ترى اني مرررة مشتاقة اروح الى السيدة
مرررررة

لا عاى سالفة الطيحة
في مرة شريت لي نعال وانتو بكرامة
زين كعب عالي مرة
بشكل مو طبيعي

الحين لما رجعت البيت كل بيتنا علقوا عليه وابوي بالتحديد
يقول موحرام تخسر فلوس على شيء مو صحي
بس اني طبعا
عاطتنهم اذن الصمخة على قولتهم

المهم
قلت لازم البسه واحلل قيمته
وكنا رايحين زيارة الى ناس
قلت لازم اكشخ والبس النعال الجديد عشان هو ماركة

وتونيطالعة بعدني ما أركب السيارة
الا
طرررااااااخ
على وجهي
والحمد لله الله ستر ما صار شيء في وجهي
عشان لا اتفشل مع الناس

والى اليوم وبيتنا يقولوا
تذكروا يوم
فلانة
تطيح بالكعب العالي
ويظلوا يسخرون بشكل مو طبيعي

بس اني اسكت واقول لهم كما تدين تدان
والتاريخ يعود نفسه

الزينبية

20-08-2006, 08:46 AM

السلام عليكم
أقدامي نالت النصيب الأكبر من الكدمات والجروح من ( الشدخات )
وهذا نتيجة للسرعة والإستعجال حتى إن إحدى مدرساتي في المرحلة المتوسطة
قالت يا فلانة أنتي متأكدة تمشي واني بكل برائة قلت ( إيــــــه ) :rolleyes:
قالت لا شكلش تجري في ماراثون .. :eek: وتفشلت .. :o
ولكن هذا فيما مضى أما الآن صار لي كم سنة ما طحت الله يستر ..:D

ورقة التوت

21-08-2006, 03:44 AM

اخباركم بنات
متباركين بالليلة مقدماً لان بكرة يمكن ما ادخل النت
قلت ابارك ليكم الحين

المهم ويانا في مجلسنا (الزينبية)
عضوة جديدة لازم نرحب فيها واااااجد
لان اكيد انتو تعرفوها باسم آخر
(هذا الكلام الى البنات اللي بالملتقى القديح الثقافي )

مابقول اسمها لان يمكن ماتحب احد يدري
المهم اني ارحب فيها من كل قلبي
وحياك يالزينبية
ترى الشاي والقهوة
والبيبسي
وياهلا فيك
نورتي
الملتقى والموضوع (المجلس يعني)

:) :) :) :) :) :)

الزينبية

21-08-2006, 03:54 AM

السلام عليكم
مشكورة عزيزتي ورقة التوت ومافي مانع من ذكر لقب يالقديم
( زهرة العمر )
أما إذا تبغيني أجلس وياكم بعدي الشاي والقهوة والبيبسي
وبدليهم بميرنداااا :rolleyes:

http://www.smileycentral.com/sig.jsp?pc=ZSzeb096&pp=ZNxdm824YYSA (http://smiley.smileycentral.com/download/index.jhtml?partner=ZSzeb096_ZNxdm824YYS A&utm_id=7924)

ورقة التوت

21-08-2006, 04:32 AM

العفو
;)

حبيبتي
مايصير خاطرش الا طيب

بس مادري وين البنات صار ليهم يومين ما أشوفهم
عسى المانع خير
ان شاء الله

الزينبية

21-08-2006, 06:40 AM

السلا عليكم
http://www.gonomad.com/globalroam/uploaded_images/Mirinda,%20Hoi%20An-763737.jpg
يالله على منظره يجنــــــن والله شاربة واحد على الريق اليوم الصباح
بعد صلاة الفجر
أما على البنات يا توتة .,. لا تخافي عليهم تلاقيهم يعافسوا في الأسواق
لأغراض الدراسة ..

نجمة ليل

21-08-2006, 11:16 PM

مساكم الله بالخير
أجلس معاكم لو لا
ادري عنكم ما بتقولوا لا
كنت متردده اشارك
المهم متباركين بالليلة وكل عام وأنتم بألف خير

قربت المدراس تفتح و أيامها مستحيل أحد ينساها

في أول يوم دائما تهزيء على الأظافر يجمعوا بنات واااااااااااااجد علشان أظافرهم طوال<<<< اكيد جايين من إجازة

اول ما دخلت الثانوية في أول يوم عطوني تعهد وصاروا المعلمات تقريبا كلهم يعرفوني على أني
طلعت تعليق على المديرة أول ما شفتها قلت إلى البنات شفوا مو كأنها تشبه جازورا
عاد البنات فقعوها ضحك وجت لهم وقالت ليش تتضحكوا موقفين وتضحكوا بعد
وهددتهم بأنها تنقلهم إلى مدرسة ثانية اذا ما قالوا ليش يضحكوا ومن الا ضحكهم
فعلى طول خافوا الجبانين و قالوا اللي قلته عصبت و واخذتني معاها الى الإدارة ومن غير ما تتكلم طلعت ورقة و ما ادري وش كتبت فيها وقالت لي وقعي وقعت وقالت خلاص اطلعي
لكن ندمت بعدها على اللي سويته لأنها ما كملت لها شهر و غيروها وجابوا مديرة ثانية

لكم أي معلمة ما تسلم من الألقاب
عندنا
باربي وماروكو وأم الخضر واليف وغيرهم واجد

نشوفكم على خير

الزينبية

22-08-2006, 04:06 AM

يالله أحلى شي التجهيز للمدرسة
بس الأسوء أول يوم من الإزعاج وعدم التنظيم والنعاس القاتل طبعا
أما تفتيش الأظافر يا ما تهزئنا بس آخر سنة حصلنا واسطة
وقاموا يتجاوزوني .. :cool: :rolleyes:
وطبعا ألوان الربطات كانت محددة ومرة من المرات لبست صفراء والله بالغلط
ومرت على خير بس توني باتعدى وأدخل الساحة نادتني المديرة بعالي الصوت
_ يام لصفررررررررر يام لصفررررررر
وسويت نفسي مو المقصودة وكملت طريقي :D وعدت على خير
رغم اني كنت أرتجف :(

دفء الاحساس

22-08-2006, 09:02 AM

هاااااااااااااااااااي بنوتات كلكم ..:p
شلونكم ؟؟ وحشتووووووووووني ..
متباركين بالاسراء والمعراج وكل عام وانتو بالف خير وصحة وسلامة ..:rolleyes:
صار لي كم يوم ماجيت اسولف معاكم ..
الزينبية ماتحتاج ترحيب لانها مو ضيفة وحياش الله معنا ..;)
هلا بك نجمه الليل .. وبالنسبة الى الاظافر انا ما اخليهم اصلا يوم الجمعه ضروري اقصهم .. :)
بس الحين لما دخلت الكلية اعدلهم لكن ما اقص من طولهم واجد ارتبهم بس ..
وبالنسبة الى ربطات الشعر ماطلعوني الا مرة وكانت نص المدرسة مخالفة في الربطات الشعر عدد البنات صار كبير فسامحونا ..:cool:
اذكر مرة رحت زيارة مدرسة اختي والمريول كانت فيه فتحة وانا امشي وحده من الادرايات قالت ليي تعالي رحت ليها قالت ليي فتحة المريول اللي تحت كبيرة ليش كده .. انا كنت ساكته قالت ليي وليش لابسة تراكي شيليهم ولما جيت بشيل قال ليي وليش اظافرك بهالطول روحي الادارة ورحت وانا متوترة شوي لاني انا زائرة للمدرسة مو طالبة وخايفة يكشفوني .. جابت ليي مقص حق اظافري قلت لها قصار كيف اقصهم المهم قصيت كم واحد تالي قالت من اي صف انتي قلت لها ثالث ثانوي مشت عليها مع اني مو في ثالث بس عشان بروح الى اختي فصلها وبعدين قال ليي شكلك مؤدبة لازم تغيري مريولك وكده قلت لها طيب ومشيت ورحت الى اختي قلت لها بالسالفة اليوم الثاني الادارية شافت اختي وقالت ليها انا قلت شكلك مؤدبة .. لان الشبه بيني وبين اختي كبير لدرجة انها مافرقت بينا افتكرتنا واحد وكانت توبة واخرة مرة اروح مع اختي ..

يلا ارجع في وقت ثاني اسولف ..

ضوءُ شمعة

24-08-2006, 08:20 AM

السلام عليكم
مرحبا بنوتات

ممكن تدفوني معاكم في الموضوع:rolleyes:
ولا على طول ادخل بدون مقدمات
:D

ورقة التوت

25-08-2006, 01:39 AM

هلا وغلا بك
وبكل الاخوات
والله اني نظامية تمام التمام
الحمد لله
ماعندي سوبق في الادارة
هههههههه

آنَآ آنْتَظرْ ..!

07-09-2006, 12:08 AM

هلاااااااااااااااااااا

وحشتوووووووووووووووووووووووووووووووووووو ووني

من زمان ما دخلت المنتدى

كل عام وانتوا بخير وصحة وسلامة

متبااااااااااااركين بالمولد

+

ضوءُ شمعة

07-09-2006, 08:07 PM

ياهلااااا بنوتات

كل عام وانتم بالف خير مقدماً

وحشتنا سوالفكم

زوزو الحلوه

08-09-2006, 01:49 AM

هلا أخباكم بنات أني ضيفه جديده انشاء الله ترحب ابي
ومتباركين بمولد الحجه المنتظر (عج) والله يعودنا عليه سنه وكل سنه انشاء الله :a13:

عاد أني في المدرسه ماحد زيي كانوا يعرفوني كل المعلمات والادرايات الاني كنت مشاغبه شويه
كانت أسميني المديره أم عدسات لاني كنت ألبس عدسات ملونه لأني مأشوف وكانت كله تكتبني تعهد
أني عادي أكتب ولا جايبه أليها خبر ....وكنت سنة الي باعيد فيها ثالث عد مايحتاج أهمال وهروب من الحصص
والبس كعب وكحل وغيره.. وكانت معلمة الرياضيات تشرح واني حصص حاطه راسي على الطاوله و الحصه الثانيه
امسك دفتري وكتب ذكرياتي وابغى متى تخلص الحصه.......
الحمد لله السنه تخرجت وفتكيت من المعلمات وتحكمهم فينا ،صحيح قاعده في البيت ماحصلت لي دراسه بس شسوي النسبه ونحاستها....وشو نسوي خلوها على الله ........

وعلى سالفة الطيحات أني مره رايحه مجمع وكان باب المجمع زجاج نظيف حده وأني جايه مستانسه كان
طراااااااااااااااااااج في الزجاجه كان من الفشله :a01: أفتح الباب وأدخل وناس طلع فيي وأخوي أقول بصوت عالي
عميه ماتشوفي ههههههههههههههههههههه:a09: :a28:

أخليكم أحين لا أطول عليم
هدرت واجد بــــــــــــــــــاي :a20:

خسرانه

10-09-2006, 07:58 AM

حلوه هذه ممنوع ( لقافة الرجال )
الرجال ملاقيف بطبيعتهم فكيف نمنع هذه اللقافــــــــــــــه

دفء الاحساس

10-09-2006, 05:58 PM

اهلا بك اختي خسرانه ..
تبي شاي او قهوة او حلاوة او ايسكريم
كل شي موجود
متباركه بالمولد .. بس وين ناصفتي ؟؟!
بخيلة ماجابت الحلاوة ..
هههههههههه المهم شلونك شخبارك ويش اخبارك بالعودة الى المدارس ؟!؟
بصراحة انا ما اتفق وياش في ان الرجال ملاقيف ..
لاني للحين ماشفت حرف واحد كاتبة احد الاعضاء من الرجال في هالموضوع
مو بس هالموضوع
بشكل عام القسم كله
احسبي كم رد للاعضاء الرجال
بتلاحظي المواضيع قليلة جدا اللي فيها رد احد الرجال

احترامي لك

زوزو الحلوه

10-09-2006, 08:29 PM

هلا بنات اخباركم مع المدارس؟؟؟؟
وينكم احسكم ماترحب فيي ليش ماتبوني؟؟
وااااااااااااااااااااااااالله اني من لقديح الحبيبه :a27:

بنت الولاء

10-09-2006, 09:21 PM

هلا كيفكم

خبورني عن المدارس بنات

متشوقة اسمع سوالف اول الايام تضحك احسها

مراااااااااااييل جدد والمدرسة مغبرة وحركات ......

رحت المكتبة وبغيت اموت من الضحك بنات وصبيان كل على الدفااااااااااااااتر

واني بس اتفرررررررررج ..

دفء الاحساس

11-09-2006, 07:28 PM

http://1234l.jeeran.com/hla-w-gla.gif

هلا والله اختي زوزو الحلوة

شلونك ؟؟ عساك طيبة ان شاء الله ماتعورتي بعد ماصدمتي الباب الزجاج هههههه

زوزو حتى لو مو من القديح بتكوني على العين والراس ..

يلا نتنظر سوالفش ...:a05:

بنت الولاء

http://www.dortalawjam.info/upload/upload/wh_349284000.gif

انا بخير والحمد لله .. انتي شخبارك ؟؟

ههههههههههه اجل ليش انتي رايحة المكتبة ياحظي مو عشان الدفاتر او بس متفرجة :104:

وبعدين تراني للحين ماشريت شي للكلية ..

اممممم
تذكرت سالفة صارت لي العام اول سنة لي بالكلية وكل شي جديد طبعا بلايز وتنانير ولازم اللون الوردي او الازرق او الابيض او البيج على البني بدرجاته والحين اخضر بس الغامق مو الاخضر الفسفوري
المهم طبعا انا صرت كل يوم البس لي بلوزة جديدة
ومرة بالغلط ماشلت الورقة اللي في البلوزة واروح الكلية اوصل قبل المحاظرة بخمس دقايق
وبعد ما تخلص المحاظرة اتمشيت في الكلية ماخليت ممر مارحت فية ولا وحده من صديقاتي انتبهت الى الورقة
اشوي اشوف وحده تجي تكلمني تقول لي بقول لك حاجة ولاتزعلي
استغربت قلت لاتعرفني ولا اعرفها ليش ازعل ؟؟؟
المهم قلت لها قولي اشوفها تحط ايدها عند رقبتي قريب الى كتفي وتقطع الورقة من البلوزة عاد فشلتي فشيلة
استحيت وجهي صار طماطه قلت لها مشكورة وراحت وانا رحت اهزأ صديقاتي اقول لهم ماحد انتبه الحين الناس ويش بتقول عني بلوزتها جديدة وماشالت الورقة عشان تعلمنا انها جديدة ههههههه

ارجع وقت ثاني واعلمكم على هالسوالف

سي يا

زوزو الحلوه

11-09-2006, 09:18 PM

مشكووووووووووره أختي دفء الاحساس على ترحيبش والله ما قصرتي الله يعطيش العافيه
:a16:

سجايا الروح

13-09-2006, 07:57 PM

هلا بنات شخباركم
:a59:
ما وحشتكم ولا سألتون عني حتى :a27:

بس ماعليه لان انا ما اخل المنتدى واجد
على طاري المدرسة واول يوم
حصلت لي تهزيء من المديره :a001:
على مريولي كان طويل واجد
وماني عارفة امشي به
وما صار في وقت عشان اقصره
وعلى الكحل بعد.....
بس فشيله مو ....:a37:

عدت على خير :a05:

----------------------------------------------

هلا والله باللبنات الجدد
نور الموضوع بوجودكم

زوزو الحلوه

13-09-2006, 10:32 PM

هلا أختي سجايا الروح....:a16:
معروفه نحاسة المديرات أني كنت مثلش لازم أول يوم أحصل على تهزيه من المديره على الكحل و المريول و العدسات ماتخلي شي فيي الا مخالف حتى الشعر عنده مخالف مادري ويش أنسوي:a37:

سجايا الروح

16-09-2006, 04:55 PM

هاااي بنات
كيفكم ؟؟؟؟؟

شخبااركم ؟؟؟؟؟؟؟

بس حبيت اسلم عليكم

تحياااتي ............

ضوءُ شمعة

17-09-2006, 08:22 AM

ياهلا بدفء الإحساس00
لا تقولي 00صحيح صارت لكِ هذي السالفه
بس اللوم على صديقاتكِ الي ماقالوا لك

ماتخلوا الكليه كل يوم تصير سالفه

الله يعطيكِ ألف عافيه
ننتظر سوالفكِ

ضوءُ شمعة

17-09-2006, 08:24 AM

ياهلا سجايا روح
معقوله وين هالغيبه

المديرات كل كذا
لازم يبرزوا شخصيتهم في نظرهم
بتهزيء البنات

الله يعطيكِ العافيه

ضوءُ شمعة

17-09-2006, 08:26 AM

ياهلا زوزو الحلوه

إلا العدسات لازم يتكلموا عليها
وحتى لوجبتي ليهم تقرير طبي انهم نظر

الله يعينكم

دفء الاحساس

03-10-2006, 07:37 PM

وينكم يابنات
صخه هنيه
متباركين بالشهر >>>>> تو الناس بدري
المهم شخباركم وشخبار رمضان وياكم
يلا شفيكم نايمين
كل وحده تقول لنا شتسوي برمضان

يلا سلام

*دمعة شوق*

04-10-2006, 11:54 PM

هلا والله دفء الإحساس :a42:
احنا زينين انتي شلونش
هذي الأيام قلت دخلاتي على المنتدى
تعرفي شهر رمضان الوقت كله ضايع
والكلية ماخذة الوقت كلة مافي وقت انسوي شي اليوم بسرعة يخلص
تعرفي معظم الأيام مانوصل البيت الا الساعة ثلاث وهذا الوقت
انكون ميتين من التعب من محاضر الى محاضرة ثانية
والله الكلية ملل وزهق
وقعدة النوع في شهر رمضان واجد ثقيلة
نفسي ارجع الى أيام المدرسة

على فكرة دفء الأحساس انتي في المدرسة او الكلية؟؟
اذا قلتي في المدرسة بحسدش
واذا قلتي في الكلية بصرحة الله يعينش :a31:

ضوءُ شمعة

06-10-2006, 07:24 AM

السلااام بنات
لكم وحشه00

متباركين بالشهر الفضيل
والله يعينك يا *دمعة شوق* على دوام الكليه
وخلينا احنا مرتاحين ويا الأنتساب خخخ

ضوءُ شمعة

06-10-2006, 07:27 AM

سوالف متخرجااات0000
ليش ماتتحول إلا جمعة متخرجات :a08:

حنين

08-10-2006, 11:42 PM

متباركين بل مولد
وكل عام وانتم بخير
والله سوالف المدرسه ماتخلص

سجايا الروح

21-10-2006, 12:36 AM

وينكم بنات
وحشتوني موووت
سمسويين في رمضان
اشتريتوا ثياب الى العيد ؟؟؟؟؟
>>>>> امس اشتريت لي خخخخ

ورقة التوت

21-10-2006, 08:31 PM

وااااال
توك شاره
اني شريت من قبل الوفاة بليلة
شاطرة هاا

وحشتوني مرررة مررة

*دمعة شوق*

21-10-2006, 11:25 PM

هلا بنات كيفكم اخباركم
متباركين بالعيد
لاتنسو عيديتي

أنوار الزهراء

24-10-2006, 08:57 PM

السلام عليكم ورحمة الله وبركاته

مراااااااااااحب بنات
أنا أختكم أنوار مشتركة معاكم من فترة بس الظروف خلتني ما أدخل هنا :105:
بس ألحين إن شاء الله أقدر أدخل مثل الأول :103:
أووو نسيت أقول لكم
كـل عام وأنتوا بألف خير وصحة سلامة
أتمنى ما أكون ثقيلة دم عليكم

أسألكم الدعاء
:a20:

تحياتي ..

*دمعة شوق*

25-10-2006, 04:07 PM

انوار الزهراء:a23:
هلا ومرحبا بك وبعودتك من جديد
وكل عام وانتي بخير

كليله

26-10-2006, 09:30 PM

احم احم يالله
نابله حصاره
هذا لو واحد يبغى ياخذ مرته بروح البيت
يحاصر عليكم ..

ورقة التوت

26-10-2006, 10:29 PM

ويش جابك ويه النسوان

ما قريت العنوان

تبغى مرتك
اتصل على الجوال

ما في دخول
زين ؟!

للنساء فقط

كليله

27-10-2006, 02:04 AM

مو,انتون قاعدين في قبو
والقبو مافيه ارسال ...
على العموم آسف ومابادخل مرّه ثانيه .
بعد..

ورقة التوت

27-10-2006, 08:23 PM

ايه زين كذا تعجبنا

واذا تبغى المدام دق الجرس

هالمرة سامحناك لان احنا طيبين
بس مرة ثانية
لا

شخباركم بنات

ان شاء الله زينين
وبنات المدارس اخبار نفسيتكم
اكيد ضايق خلقكم

اجازة شوي

يالله الحمد لله
على كل شيء

ضوءُ شمعة

29-10-2006, 07:18 AM

مرحبااااااااااا بنات
وحشتوني

كل سنه وانتم سالمين
وحشتنا سوالفكم0000 وضحكتكم

وينكم متغبيين في الزحمه خخخخ

سجايا الروح

31-10-2006, 07:59 PM

ويش هالحالة كلكم نايمين

خسرانه

01-11-2006, 07:06 AM

وهل الرجال ملاقيف لهذا الحـد

*دمعة شوق*

02-11-2006, 10:57 AM

هلا والله
كيففففففففففففففكم

دفء الاحساس

02-11-2006, 12:38 PM

دمعة شوق
هلا وغلا
انا الحمد لله كيفك انتي ؟

شخباركم يابنات
وال من زمان ماجيت اسولف وياكم
من زحمه الدراسه اسمحو لي
حتى بالاجازة كله زحمه اعراس وغفصه
وساعات اجلس ارسم وما كملت الرسمات بعد
عندي حاليا رسمتين اليوم او بكرة او خلال هالسبوع ان شاء الله اخلص رسمه لاني نويت اكملها صار لها اسبوعين مرميه
والرسمه الثانيه الى لاعب ريال مدريد >>>> متغير حده اللاعب برسمتي مايشبه نفسه
بس بحاول اعدل الرسمه واخليه يشبه نفسه بالصورة
اممممممم ..
والدراسه بدينا بالاختبارات
عندي من السبوع الجاي اختبارات

اوووووه صح ارحب بالعضوة اللي متغبيه عنا
انوار الزهراء
واتمنى تتواصل معانا

ادعو ليي عندي اختبار 3 مواد English و
Visual Basic.Net (برمجه) و
Software Engineering (هندسة برمجيات)

اكيد بشبك انا السبوع الجاي وبطل عليكم
دعواتكم :a02: