البلورة السحرية

[السريع]

بسمه تعالى
السلام عليكم أيها الحفلُ الكريم
وبعد،،
هذي بلورة سحرية وانتبه ترى يمكن يصير لك شي إذا طلعت فيها واجد
مخترع هذا البلورة هو الساحر الهندي المعروف والذي قام بتحويل بطيخة إلى راس قدو - سبحان الله -
ما أطول عليكم المجنون هذا إسمه ( زنديقان بو عرعر)

والبلورة هذي من أعظم اختراعاته
تفضلو
عمل البلورة : هو اكتشاف ما في ضميرك - انتبه -

http://www.up07.com/blo.htm

السريع

[أنيقة]

والله جنني هالزنديقان بن عرعور
صحيح اذا قالوا لهنود ما خلوا شي
جنني ودور راسي ما ادري كيفه يعرف
كنه قاعد داخل المخ ومعمل القدو الا سواه من البطيخة هههههه ويشوفنا نفكر في ويش

صحيح عيش رجبا ترى هندي عجبا

اختك :أنيقة

[قديحي]

تعرف يالسريع ؟

اولادي عندهم هالبلورة مخزنه بالجهاز
ويبدو انهم مبهورين مثل ابوهم بحبيبنا الهندي زنديقان بن عرعر ما ادري بن رفحة
اعتقد في الأمر سر ما نعرفه , ما له علاقة بقراءة الفكر ولا الضمير
والاحتمال الاقرب ان الأشكال مرتبة بطريقة حسابية معينه تجعل دائما النتائج تظهر بشكل صحيح في بلورة عرعر

عموما
اعتبروها لعبة طريفه والشاطر فيكم يطلّع حجي زنديقان غلطان

[السريع]

أنيقة
مشكورة على المرور وهذا حال البطيخ يا إن أصله قدو يا حبة بطيخ
ترى زي ما قال قديحي المسألة مسألة رياضية بحتة ما فيها قراءة شي
بس أنا حبيت تشوفوها زي ما يريد زنديقان بن عرعر
وكنت أنتظر واحد يجي يحل هذي المسألة فننتظر أحد يجي يحلها
ترى بسيطة ما يمبى ليها شي بس شغلو البطيخة إلا داخل القدو( الراس)

ويلا نشوفكم مع بطيخة ثانية

السريع

[ميثم توفيق]

ويش هالبلورة دي
هذي مو ديك السنة سوينا مفلها مستر سريع له...؟؟!
الظاهر عرعر بن جحشان سرق براءة الإختراع
:D

[ملاذ]

ولبراءة الاختراعات سُرق واعتقادي ان ميثمووووه باق الاختراع بالتواطىء مع قديحي واولاده وباعوه لهلهندي الله يغربلة!

[السريع]

ميثمنا ، ملاذ
احنا سوينا زيها بس ويش نسوي هذا هو الحال المرير
كل ما نسوي شي يبوقوه - تحصل في العالم الأرضي بس-
هذا زنديقان عالم في السحر البلوري الأزرق هذا العلم علم جديد غير معروف ولا مشهور ولا يوجد شخص يعتقد به.. ما فيه إلاهو
.......................إلخ
على العموم بعدين باحط السر المغبى
ومشكورين على المسخرة

السريع

[ميثم توفيق]

الله يمسخرك على خير مسترنا هههههه

[السريع]

سلامٌ عليكم
هلا أبو المياثم ... ومُسخرتُم معنا.!

سر البطيخة ( البلورة )

سرها بسيط يا جماعة الخير

هذي مسوية بالرياضيات

لو كل واحد يلاحظ لمن يفتحها بيشوف الأرقام 81-72-63-54-45-36-27-18-9 إليهم نفس الصورة وهذا يدل على وجود علاقة فلابد من التفكير من هذه العلاقة والغريب الأغرب إنك أي رقم تختاره بيطلع نفس الصور فلمن إنفكر تفكير سليم راح نشتق معادلة -إستخدمها- إن أي رقم يتكون من خانتين ولما تجمع الخانتين وتنقصهم من الرقم راح يطلع لك الجواب أحد الأرقام إلا فوق لا غير فلذلك بتشوفهم بنفس الصور
الأمثلة :
الأرقام (10-19) جرب وراح يطلع الناتج =9
الأرقام (20-29) راح يطلع 18
الأرقام (30-39) راح يطلع 27
الأرقام (40-49) راح يطلع 36
الأرقام (50-59) راح يطلع 45
الأرقام (60-69) راح يطلع 54
الأرقام (70-79) راح يطلع 63
الأرقام (80-89) راح يطع 72
الأرقام (90-99) راح يطلع 81

وهذي آخر البطيخة
وجربوا وراح يطلع نفس الشي
مع السلامة
وتمنياتي لكم بحسن تفليح البطيخ

السريع

[أنيقة]

يعني طلعت السالفة هالشكل
واني افكر ان الهندي هذا ساحر
صحيح اذا عرف السبب بطل العجب

-- أنيقة --

[السريع]

أنيقة
ما فيها لا سحر ولا خرابيط وزنديقان هذا يمبى يسوي روحه عالمي ما درى إن مصير كل بطيخة هو التفليح والبلع...
على العموم شكراً على المتابعة

السريع

[أنيقة]

يالسريع
اكلنا البطيخة والا كان كان

وين حرامية الاختراع ما شفنا ليهم ذكر بعدما انكشف سرهم هههه

-- أنيقة --

[يالثارات الحسين]

واله شئ عجيب خرباطلي دماغي ما اعرف ولكن انا اعتقد انه شئ قائم علي معادلات حسابيه متقنه جدا وعلي العمومو مشكووووووووووووووور

[فاطمة محمد]

خراااااااااااااط مجمّع