فرفش قليلا مع الأكل والشرب

[الفقيرالصغير]

السلام عليكم وعلينا....

فرفش قليلا مع الأكل والشرب ........................................ .......... ........إلخ.
حبيت أثقل عليكم شوي بهذا الموضوع أتمنى إنكم تتحملونا وتشاركونا ولا تقطعونا وإذا مرة مرة حاولوا تعزمونا
الفكرة ياحبايب إن كل واحد يذكر شي ما يحب ياكله أو يشربه ويذكر لنا السبب وهل ليم ألحين ما يقدر ياكله أو تغير... واسمحوا لي إني أبدأ ...

كنت من قبل ما أحب الجوافة لا في الأكل و لا في الشرب ومرة سألني أحد الشباب إني جربته ولا ما جربته قلت له لا وقام يسأل أسئله يا هي أسئله نشف ريقي فكرت إني جالس مع محلل نفسي المهم في النهاية وصلنا الى إن السبب نفسي فقط لا غير واتفقنا إني أجربه وبعدين أحكم فصار وجربته أكل وشرب بعد ولاحظت إنه جيد يعني مو بطال والحين صار عادي بالنسبة لي والحمد لله مرت الأزمة على خير.. وسلامتكم.

يا ترى من القادم...

الدعاء نسألكم.

[قديحي]

السلام عليكم ورحمة الله وبركاته




كلامك كله صحيح استاذي
ذكرتني بشخص ما يحب الخوخ ولا يحب يلمسه الى درجة اننا طرحنا في مخباه خوخة وما قدر يطلعها

الإمور هذي نفسية وفطرية في نفس الوقت ولو تلاحظ فغالبا العائلة الواحد تشترك في أشياء ما يحبوها لأن الاب او الإم او الأخ الأكبر ما يحبوها فاكتسبوا منه هالفطرة وعلى سبيل المثال في دول معينه تجد لهم سلوك معين في الأكل وطريقة في الأكل تجدها لديهم عاديه وفي المقابل احنا ما نستسيغها ولا نقبل بها والعكس صحيح

ولدي الكبير ما يحب كثير من الاشياء والاحظ اخوه الاصغير يكتسب منه ويقلده وبعد فتره الاقيه فعلا ما يحب الشي

العامل النفسي سبب رئيسي في هذا الموضوع , أنا مثلا ما احب الحنا وما أحب رائحته :z053:
نفسيتي كذا من الصغر وكرهي للحناء ولونه ورائحته خلاني اكره كل شي مشابه للحناء لان صورة الحنا تظهر فجأة امامي بمجرد رؤية الأكل المشابه
أكره ورق العنب
أكره الملوخية
أكره السبانخ
وأكره كل شيء يأخذ من لون الحنا والأغرب ما آكل من شيء مطبوخ بيد وحده متحنيه ولهذا ام لمدام الله يخليها أصبح الحنا عندها شي في عالم الخيال ولا يمكن تحقيقه وطبعا الامر كله نفسي لا اقل ولا اكثر

اما غير ذلك فأطب فيه بايدي ورجايلي :z033:

ثانكس ايها الفقير الصغير على الموضوع الجميل وفرفشتك اللذيذه مع الأكل والشرب

[سحر رباني]

سلامٌ عليكم ..
هالموضوع لو تدري فيه الوالده كان قالت عندكم هالبنت (اني)اشياء واجد ماتحبها..
وعلى القائمة .. عصير الليمون ..
لمن كنت صغيرة مرة كنت اشربه وبعدين خلااااص لا طبيعي ولا حار ..
والسبب انه يسوي اشياء ماكويسة بداخل بطني وحلقي .. فكرهته ..:fear:
لنا عودة ..
تشكر يالفقير الصغير على الموضوع
مودتي؛
سحرٌ رباني

[ميثم توفيق]

ايش هالحركات ياعكروت
من وراننا هالمواضيع الحلوة يعني ها

(السمك المعمول بالمرقة)
فقط
ومادون ذلك يتسع له البطن

[شــوق]

مرحبا
الحليب ماحبه ولا عاد ريحت المجفف وييييييييع لا تقربوه مني
الأول اشربه مفور وبعدين كرهته من الطبقة الرقيقة اللي فوق خلاص تزول جبذي

والحين زين حليب القواطي ويا النسكافيه الله
لكن حررررر ما نقدر عليه نفوح

[أميرة الجنة]

حركات هذا الموضوع

أني ما أحب الباذنجان لا الكاتتشب ولا الملوخية ولا الهريس

يوم الأا أسوي صالونة أقسمها جزء فيه باذننجان لزوجي وجزء ليي مافيه

وكل شي أللا ما أحبه يمكن أجربه ألا الكتشب ما أحب ريحته ولا أقدر عليه أبدا

أما عصير الجوافة يوم أتزوج ما أحبه بعدين جربته مع زوجي وصار الحين أحسن عصير عندي ..:good:

[الورد كله]

اني اشياء واجد ماحبها
واولها /الربيان هذا من اسمعه يتغير شكلي ولا احب احد يقربه جنبي
وثانيا /الحليب ماشربه بس اذا صار نفسي سوي المجفف (نيدو)
مع نسكافيه اكثر من الحليب نسويها بس على شان كورن فلكس نذوبه
شوووي ولاكن ما اشربها
ولا االجوافه ولا الملوخيه والا بادنجان ولا كوسا ولا القرع ولا البيض ولا شي
الحين صرت ماحب اللحم

[شموع ذائبه]

اني وحده كل شي اكل ماافي شي مااكله
مااااعدا البيض مااقدر على ريحته تعور الراس
وكنت بعض انواع السمك مااحبهم اما اللحين اكلتي المفضله السمك
اي شي فيه سمك اكله
اااااااااه السمك وماادراك ماالسمك
صار نفسي في سمك:p

[فاطمة محمد]

وعليكم السلام والرحمه والبركه والمغفره والرضوان أيها الفقير الصغير
حيّاك الله في أي وقت لا ثقلت علينا ولا شي

نفسي في ورق عنب ... أشتهيت ملوخيه ... من زمان ماأكلنا سبانخ

وإشتهيت هريسه .. ومصقّعه بالباذنجان

أنتين ياوردة آخر وحده تتكلمي ....

[فاطمة محمد]

على طول قلت لأمي .... أماااااااااااااااااااااااااااااااااااااا اااااه
متى بتسوي لينا هريسه .؟؟؟
قالت : بكره .
هييييييييييييه
أحلى

[*دمعة شوق*]

الربيان ماأكله ابد ..

كل طبخات قديحيه ماأحبها..
ماعدا الهريس طبعا والورق عنب
الحليب ماأشربه بس حليب أبو علم مع شاي

[ميثم توفيق]

حشى حشى
هذا من وين ماتضعفوا ...!!

[ضوءُ شمعة]

عندي اخت ماتحب تسمع طاري الموز:z050:
كذا بالفطره على قولت اخ قديحي
مرة من المرات كنا في بيت خالي..جالسين عادي والكل قاعد يسولف
وفي هالأثناء شفنا خالي رايح ورى أختي ومغبي وراه شيء
هي ما انتبهت له

في لحظه مد يده وحط في بوزها موووز
:zipfile:
خلاص ماقدرت وقعدت -الله يكرمكم- تبالع وجاها وجع بطن لمدة ثلاث ايام
وهذا بعد ما دخل حلقها وكذا .. فكيف لونزل لبطنها
:z034:

[قديحي]

عدنا من جديد

انا من بيت كل الا فيه يعشقوا الهريس لحد الهيام والجنون فيه
ويوم الا تسوي الوالده هريس تلاقي الجميع مسوين حفلة
:band:
هذا يقول زيدوا الزيت
وهذا يقول عبي لي صحن من الجزء المليان لحم
والكل يتفنن في طريقة الأكل
هذا ياكل بصبعه
وهذا بملعقة
وهذاك طاريح فيه الصحن تلحيس

:z033:
اخوكم حاط ايده على ايده ويطالع بس ومو مشاركهم المتعه
لسبب بسيط وهو كرهه لشي اسمه هريس

وطبعا السبب هالمره مو فطري
لكن من موقف حصل من سنوات قدامي خلاني اكره الهريس
أفضل ما اقوله لانكم بتنسد نفسكم ويمكن ما تحبوا الهريس بعدها والسبب انا
لكن اذا مصرين تعرفوا السبب ماكو مانع نقوله

:ill:

في امريكا عزمني شخص على مطعم مأكولات بحريه لأنه يعرف اننا مسلمين وما ناكل الا دبح اسلامي اما البحري فلا خلاف في ذلك
طبعا هالمعلومه عرفها من كثر زياراته الى السعودية
انا بكل بساطه طلبت طبق مأكولات بحرية مشكله اما هو وزوجته وبنته وولده طاحوا في المحار
هم يدقوا فيه بالعشرة ونا مشمئز لكن مو مبين لهم اشمئزازي ومبين تمتعي بالطيق الا عندي
الطبث مزين والأكل مصفوف بطريقة رائعه بحيث انك تاكل شي وبعده طبقة ثانية فيها أكل آخر
كانت الطبقة الاولى شرائح هامور راااااااااااااااائعه
الطبقة الثانية جمبري وطبخة ولا اروع
لأكتشف ان الطبقة الثالثه عباره عن قباقب
:z053:

هنا ما قدرت اكمل وسويت نفسي شبعت
ولغرض الذوق لا اقل ولا اكثر ولمشاركتهم الاكل حتى ينتهوا من المحار جلست اشرب شوربه
لكن حسيت ان فيها شيء خشن ويالله ينبلع
لما سالت عن هالشي قالوا انه رجايل اخطبوط
:z010:

ومن يومها مطاعم الاكلات البحريه ما ازورها الا نادرا وما اطلب الا سمك هامور او جمبري
غيرها مستحييييييييييييييييييييييييل

[منتظر]

السلام عليكم ورحمة الله وبركاته

مرحبا قديحي ماعرفنا ويش دخل الهريس في السالفة؟؟

[flower]

فعلا ويش دخل الهريس في السالفه

[قديحي]

مرحبا

السالفة وما فيها ان انا ما احب الهريس هذي قصة
والسبب الا ما خلاني آحبه سبب مقرف ما ينقال

القصة الثانيه الخاصة بالمأكولات البحرية ما ليها علاقة بالهريس لا من قريب ولا من بعيد
بس حبيت اقول موقف صار لي وله علاقة بالاكل

كأني خبصت الدنيا
وكأني بكحلها عميتها
انا نفسي مانا فاهم ويش اقول
:36_1_50:

[منتظر]

ههههههه ضحكتني قديحي
اشتغل بس اشتغل

[فاطمة محمد]

يشتغل لو ينام ؟؟؟

[قديحي]

منتظر وقديحية

بدل هالضحك والنوم الا فالحين فيه

اذكروا قصة او موقف طريف عن الاكل
او قولوا الا تحبوه
والا ما تحبوه
ولا تكرهوه
والا ما تكرهوه

وخلكم شطار وبلا كسل والا كل واحد يشارك بموقف

[محمد الفرج]

.
.
.

مو كأني مافي شي ما أحبه ..!! - السمك بس -

رغم إني آكل همبرجر سمك احيانا على المزاج .. و اعتقد إني اقدر آكل سمك مشوي على الفحم ..

قبل كم سنة كذا كنا معزومين في بيت الشيخ محمد كاظم الجشي ..

الغذا كان دجاج و سمك ..

الشيخ يقول لواحد من الشباب اللي موجودين جنبي .. هذا من ديرتكم لقديح و شكله مستحي ياكل ..!

عاد هالطيب ماقصر .. بلّح لي من هالسمك و حطاه جنبي بالصحن ..!!

وياهي فشيلة .. أكلته و أنا خايف تلوع چبدي و اتفشل فشيله .. لكن رحمة كان فيه كاس لبن آكل اللقمة و شرب و بلع على طول عشان لا احس بطعمه .. و ماصدقت اقوم من ذيك السفرة ..!!

على سالفة المأكولات البحرية ياخوك قبل فترة كنت مع المدام بالمطعم الصيني ..

عاد طلبت ليها المدام مكرونة بالخضار و الجمبري و أنا طلبت لي جمبري عادي ..

لما وصلت المعكرونة إلا فيها حاجة كذا كأنها ذنبة ظب صغيرونة !! فقلت للمدام بها و خذ لك عاد بعدهي ما تبدي تاكل نفسها راحت .. بالغصب بعدين اكلت منه كم لقمة و اكلنا في الجمبري ..!! يوم ثاني اشتهت المكرونة الله ايهداها .. :)
طبعا أنا اول ما بديت بالذنبة قصدي بشريحة كوز الذرة الصغيرونة .. تراها لذيذة - و على سالفة الذرة مشكلة ذول سيارات الذرة ، كأنهم مصاصة تجذب حديد سيارتي الموقرة -

دمتم بخير

[الفقيرالصغير]

السلام عليكم وعلينا..

هلا وسهلا فيكم أعزائي وحياكم الله معانا في مطبخنا الغني بالأكلات الحلوة اللي محد يحبها...وأشكركم كل أبوكم على هذي الطبخات والى المزيد...

تذكرت شي كنت من قبل ما أطيق حتى ريحته ولكن من كثر ما ياكلوه قدامي بالذات مع اللومي قررت إني أجربه وفعلا جربته وكان جيد والحين آكله لكن بقلة... تدرون شنو يا حبايب ...
أكيد عجزتو ...هو ورق العنب .......
يالله وين الطبخات ورونا ...
نشوفكم على خير..

الدعاء نسألكم.

[ميثم توفيق]

ههههههه والله حالة مستر قديحي ضحكت من كل قلبي ألحين
وأنا أقرا وأقول ويش قاعد يهربد الله يغربله
ماليها دخل بالسالفة هههههههههه

اشتغل بس اشتغل

[zozoali]

اللهم صل على محمد وآل محمد .. وعجل فرجهم ..

موضوع جميل وطريف شكراً لكم
بالنسبه للمأكولات التي لا احبها فتحتاج لقائمة :D
يترأسها السمـــــك بأنواعه
و المكورنه
ورق العنب
كل خضار الصالونه
الجواف
هذا ما خطر في بالي حالياً ..

موفقين لكل خير
تحياتي :

[فاطمة محمد]

مرورش أجمل يا زوزو

إييييه كده خلينا نشوفش ................... :alp15:

ماتحبي المكرونه ... ولا خضار الصالونه .. ولا ورق العنب ...؟؟

[الفقيرالصغير]

سلام عليكم ورحمة الله وبركاته

وين الأوادم محد حضر ليما ألحين يمكن اللي يشارك نعطيه هديه ...........طبعا نمزح

راح أجيب لكم سالفة أحد الشباب الله يخليه وحنا في الرياض أيام الدراسة من زمان كان ما يحب السمك خير شر ومرة من المرات طلعنا سوى نتغذى في مطعم وأخينا بالله كان مستجد ما يعرف المطاعم فرحنا مطعم مخصوص حق السمك لا كن الرجال ما لاحظ شي المهم طلبنا فيليه طبعا شكله في الطبخ قطع مستطيلة تكون مثل الدجاج والرجال ضرب في ذاك الغذا واحنا ماسكين روحنا ما نبي نضحك بعد ما خلصنا قام الشاب اللطيف يمدح في الأكل وفي المطعم بعدين فقعناها ضحكة وقلنا له السالفة وطاح فينا ضرب لين اتعب..
وبعدها سبحان الله هو يقعد يحاول فينا عشان نروح معاه المطعم وصار يحب ياكل سمك بس مو كل الأنواع..

طبعا جبنا هذي السالفة مثل الإعلانات التجارية للموضوع والباقي ننتظركم ..

الدعاء نسألكم.

[يسرى آل سنان]

اني كنت احب اكله اسمها الفطر بالبيض بس من كثر البنات مايقولوا لي ووووووووويع ووووووووويع كرهتها صرت مااحبها ....
وشو بعد مااحب ...
ماحب الساقوا ... لأن فيه داك الاحمر ماادري ويش اسمه يمكن زعفران ...
أحب الهريس واللبن والحليب بكل انواعهم ... وبالذات لبن كووول اب ... لذييييييييذ ...
ماحب صالونة اللحم بيني وبينها عدواه من ايام الطفوله ...

[فاطمة محمد]

موصى عليه توصايه ........!


توقعوا لمن ...........................؟!




















http://www.deeiaar.org/uppicdir/uploads/86bfb098a7.jpg (http://www.deeiaar.org/uppicdir)

[الورد كله]

قديحيه
الله يغربل ابليسش
شهيتيني في الورق العنب

[فاطمة محمد]

عجبش .....؟

أقولش اليوم الصباح كانت بحر الورود تسوي بحث لصور
ومادري ويش قاعده تدور ... ومااشوفها إلا تلف لينا شاشة الكمبيوتر وهيه تصيح
جوعااااااااااانه .. مانشوف إلا ورق عنب وحركات



قمت اشتهيته إلى ....(...........)..؟

[الورد كله]

اي عجبني
وشهيتيني فيه عدل

خلاص هذا الاسبوع الف ورق عنب الى رمضان كله
تعرفي لفافه يتعب

شهيتيني فيه

[فاطمة محمد]

يقولوا شهر رمضان .. مو بس رمضان


اتاني نصيبي منه ....... موتنسي

[الورد كله]

ان شاء الله

:)

ادعي بس الف ورق العنب

[فاطمة محمد]

يـــــــــــــــــارب . وفقهـــــا .. هههههه

[شموع ذائبه]

صار نفسي في ورق عنب ...
الا بتسوي تجيب ليي:p .....
مااحب الفه لان يتعب ...
اكل على الجاهز:p ...

[الفقيرالصغير]

هلا فيكم حبايبنا في مطبخنا...

قدووحه ما قلتي شتهيتي ورق العنب لمن؟؟؟؟؟؟؟؟؟

تصدقي لكن شكله مغريييييييييييييييي يمي يمي،،

باروح او باجي...

الدعاء نسألكم.

[قديحي]

مرحبا من جديد

مواقف كثيرة تصير قدامنا تخلينا نستغرب من عادات الناس في الأكل
اليوم في الكافتيريا استغربت من حركة سواها احد الموجودين
وهو يتغذى اكتشفت انه يحط خل في الماء ويشرببه
لاول مره اشوف واحد يشرب الماي بخل او يحبه حامض

احد اخواني دائما يحط ليمون على الجح وانا استغرب تصرفه
فالجح طعمه حالي وهذا يعرفه الكل فكيف ياكلوه بالليمون

للمعلومية
اليوم انغشيت بنوع من الشوربه
افتكرته شوربة خضار ولما اخذتها اكتشفت ان فيها اندومي
الاندومي اكره شي عندي والمشكله اولادي مدمنين اندومي
ولو يفطروا اندومي
ويتغذوا اندومي
ويتعشوا اندومي
ويتسحروا اندومي
ما ملوا منه

[فاطمة محمد]

قدووحه ما قلتي شتهيتي ورق العنب لمن؟؟؟؟؟؟؟؟؟
هذا خصوصي لــ .... قديحي


احد اخواني دائما يحط ليمون على الجح وانا استغرب تصرفه << لأنه يصير ألذذ << حامض حلو



وهو يتغذى اكتشفت انه يحط خل في الماء ويشرببه
لاول مره اشوف واحد يشرب الماي بخل او يحبه حامض
ايه في مره سمعت ابويي يتكلم كده حركات واااجد
يقول انه يخفض الكوليسترول والضغط ويذييييييييييييب شحوم الجسم هههه
واللي يحسوا بآلام المفاصل يشربووووه بعد
ولأن طعم الخل ( أعوذ بالله ) فيضيفوه للماي
وتقول أمي : ريجيم بدون ريجيم<< هذا الخل يعنو
تقولك كل يوم تشرب كاس ماي وياه ملعقة خل
مو بس يوم وتهووون << يعني يصير زي دوامك بالضبط
وأيضاً ينزل الأملاح الزائدة عن حاجة الجسم



وشكراً

[قديحي]

العامل النفسي سبب رئيسي في هذا الموضوع , أنا مثلا ما احب الحنا وما أحب رائحته :z053:
نفسيتي كذا من الصغر وكرهي للحناء ولونه ورائحته خلاني اكره كل شي مشابه للحناء لان صورة الحنا تظهر فجأة امامي بمجرد رؤية الأكل المشابه
أكره ورق العنب
أكره الملوخية
أكره السبانخ
وأكره كل شيء يأخذ من لون الحنا والأغرب ما آكل من شيء مطبوخ بيد وحده متحنيه ولهذا ام لمدام الله يخليها أصبح الحنا عندها شي في عالم الخيال ولا يمكن تحقيقه وطبعا الامر كله نفسي لا اقل ولا اكثر






عرفت يلفقيرون الصغيرون
ليش قديحية تكرمت على قديحي بصفرية ورق عنب
من كرمها الزايد يعني

[فاطمة محمد]

ايه صح ........ هذي هيه السالفة

[الفقيرالصغير]

سلملم..

سين سؤال؟؟؟
شرايكم باللي يسموها (الدسمه)؟؟؟؟؟؟؟؟؟

سنعود بعدين..

الدعاء نسألكم.

[الورد كله]

بصراحه ماجربتها ولا مره
ولا ابغى اجربها
تكفي ريحتها
خلوني اكل شي حليو ريحته بعدين الدسمه

[الفقيرالصغير]

سلام وتحيه..

أهلين الورد كله..
بكرا راح أعلمكم سالفتي مع الدسمه،،،

الدعاء نسألكم.

[*دمعة شوق*]

وشو الدسمة؟؟؟
ماأعرفها اني بصراحة!!!!

[يسرى آل سنان]

اممممم الدسمه تعجبني مررررره ... احبها ... ريحتها كريهه لكن لذيذه ..

[فاطمة محمد]

سلام وتحيه..

أهلين الورد كله..
بكرا راح أعلمكم سالفتي مع الدسمه،،،

الدعاء نسألكم.

عليكم السلام والرحمه
بالإنتظار

[شموع ذائبه]

بصراااااحه مااعرفها بس اسم الاهل يتكلموا عنها


نحن بانتظارك يافقيرنا الصغير

[دفء الاحساس]

اذا بنعد اللي ماحبه بتصير عندكم لسته ..
سمك وباشا وقشطة وساقو والدهنه ماحبها ابدا الا اذا بتكون في طبخه وخفيف بعد ..وغيره وغيره
من كنت صغيرة ماحبهم بعضهم بالفطرة وبعضهم من اشوفهم يلوع شبدي وبعضهم من الريحة ..
بس ساعات يصير نفسي مثلا في سمك واذا جربت لقمه ماكملها ..
والدسمه اعتقد اللي في البقرة ويحطوها في الشوربه وريحتها مش اوكي
انا ماجربتها بس يقولو عنها لذيذة في الشوربه ..
لي عودة مرة ثانيه

[الفقيرالصغير]

سلام كبير أكبر من البحر من أخوكم الفقيرالصغير..

أنا من قبل،، يوم كنت صغير كنت أفكر إن الدسمه حالها حال اللحم ولما كبرت سألت عنها ليش هذاك اسمه لحم؟؟؟ وهذي دسمه؟؟؟ فعرفت الفرق وعرفت شنهي الدسمة بالضبط وشنو قصتها وبعدها لعنت اليوم مو بس اللي أكلتها فيه واليوم اللي شميت ريحتها فيه.. وحرمت آكلها..

ها تبون تعرفون؟؟؟؟ بس أخاف تلوع شبودكم...يخ

إذا مصرين يعني راح أشرحها بطريقة لبقه (الدسمه هي اللي يجمع فيها الوصخ حق البتاع البقره عزكم الله مادري لعجل... إلخ) افهم يا فهيم..
بس تدرو ليش ما نلاحظ لأن يغسلوها ويفركوها فرك قبل الطباخ....

اللي ما عرفها ماليه إلا ضربه بدسمه على راسه ههههههههههههههههه

أشكرم كلكم على هذي الفرفشة الأكلية و أتمنى إنكم ما تقطعونا وهم أتمنى من الجميع يدخل ويفرفش معانا.. ونلقاكم في الحلقة القادمة.. مع السلامة..

الدعاء نسألكم.

[فاطمة محمد]

:tears: ومجربنها بعد :happycrying:

وععععععععععععععععععععععععععع

وعععععععععع

:z056:





:z054:


ما أتخيييل

[يسرى آل سنان]

لوعت جبدونا فقير .... بتخلينا انصير ماطيقها

[*دمعة شوق*]

وييييييييييع..
زين أجل مانعرفها..

[الورد كله]

بصراحه الحمد لله والشكر


ووويع

ووويع


لوعت شبدنا اكثر واكثر


:z056:

[سحر رباني]

الفقير الصغير ..
زين ماجيت خربت عليك السالفة ..وظليت ساكته:z019:

ها قديحية لاعت جبدك على عمري ..:console:
احمدي ربش بس ..
:king:
انا اتذكر الوالده قبل تسويها لمن كنا صغار وتجلس تفرك فيها وهي شكلها مثل الفوطة .. نقول اليها شنو هذي تقول هذي مفيده ..لمن عرفت لعنت اليوم الي :out_cold:...... اكلتها فيه بعد ..!

[دفء الاحساس]

خخخخخخخخخخ امي قالت لي بها انها زي الفوطه وانها في البقر حق البتاع ..
الله يرحم جدتي كانت تحرفسها زي السمك عشان تنظفها وتغسلها بالصابون عشان بعد ريحتها قويه وتخليها تطبخ لحاله في ماي عفر وبعدين تحطها بالشوربه
بس بعدين تصير في الاكل مايحتاج تتحلو عليها
بس انا ماجربتها
هذا كلام امي

[فاطمة محمد]

غيروا سالفتكم لو سمحتوووووووو
كفايه اللي صار فيناااا

[فاطمة محمد]

اليوم وأني جالسه على السفره .. على الفطور المحترم
قاموا يهدروا على ديك الشوووربه
لأن أبويي ماقصّر فيها << حط فيها 3 ليمونات ( ليمون أسود )
إلا صحيح ... ليش سموووه ليمون عماني ..؟؟
عندي فضول أعرف ..



المهم وأني ساكته عنهم .. لأني ماأحبه
وماااااأحب ريحته ولا أواطنها بعيشة الله

حتى لما يسوو شاي بهالليمون
تلووع شبدتي من أشم ريحته وتتقلب مصاريني والحاله حاله
يعني لو أشوف بياااااااااااااله فيها هالحركات وماأدري .. بس أشمه وأكتش ان هذا ليمون
تتقلب أحوالي .. بما فيها مصاريني
ويش نسوي بعد .. مانقدر عليه

احممممم .. الحمد لله
ما نقول إلا : هذي نعمت الله




ماأبغى اتذكر ريحته لأني مو بس أشتمها ......... أحس انها تقعد في الحلققققق

كح كح كح كحححح

[شموع ذائبه]

والله ياقديحيه اليمون لعماني اشوه عندي من لملوخيه

اليوم من ضمن فطوورنا حاجه اسمها شوربه ملوخيه

ماادري كيف اخويي وابويي وامي يشربوها

يلا الحمد لله على النعمه غيرنا مو محصل شي ياكله

[الورد كله]

ترى اهون على الليمون العماني و الملوخيه صحيح ماكلهم بس يهونوا
على الربيان ريحته تعور الراس وتجيب وجع بطن
وخصوصا اليوم على الفطور الحمد لله والشكر
اخر مره يجيبوه على السفره :(

[موجة قصيرة]

ويش هالموضيع الجميلة والله :z028:رايقين شي هريسة وشي باذنجان وشي سفرجل الي يعور الأسنان ولولا الضرورات ما أكلناه ولكن أني في الطفوله وروحتي المدرسة كنت أمر على بياع الورد المحمدي ديك الربطات المخشوشة تحت الخيش وأخد لي كم شدة ويبيع بعد وياهم كعك مرة وحدة يترزق الله فتلوع شبدي من ريحته والحين جربته وولا أحلى وخلو عنكم هالهدرة جربوا مابين فترة وفترة وبتقولوا قالت فلانة :36_1_55[1]:

[ناصرة المهدي]

أني ما شاء الله عليي معوذه بالله والنبي وحيدر علي والزهراء ام الحسن والحسين ..
ما اتحمق على الأكل صراحة يعني ما في بالي شي ما أحبه كل شي اكله ..


بس الله يغربلكم على سالفة هالدسمة ..
كيف اكلتوها ؟؟! << الي أكلها ..!


موفقين ياجماعة ..
:)

[قديحي]

الدسمة وما ادراك ما الدسمة
لزيزة بشكل على قولة اخواننا المصريين

موجة قصيرة تقول جربوا ولا تتحمقوا وانا اقول جربوا الدسمة ولا تتحمقوا
واضمن وابصم بالعشرة انكم بتحبوها

تبغوا الدليل ؟

قبل كم شهر كنت مع ام العيال رايحت نتغذى في ملك المندي بالخبر
وجابوا داك الصحن الا عليه رجول تيس صغيرون يحبه قلبكم
ومزين بشوية سباقيتي وقطع كبدة وقطع لحم لذيذه تاكلوا اصابيعكم وراها
المهم اخذت قطعة صغيرونه وعزمت عليها المدام وتذوقتها وعجبتها مره وطاحت في هلقطع الصغيرة الى درجة انها خلت اللحم على جنب
المهم كملنا الغذاء ولما انتهينا عطيتها المفاجأة الا ما كانت تتوقعها
القطع الصغيرة هذي عبارة عن قطع دسم مقطعة شرايح وملفوفة ومربوطة بمصارين التيس والجزء الا مثل الفوطة صاير من الداخل يعني ما يبين
طبعا بعدها زاد الاشمئزاز وحرمت تدخل المطعم هذا مرة ثانيه وحرمت تاكل منه لكن بشهادتها الى اليوم تقول انها رهيبة ولذيذة وعجيبة لكن لأنها دسمة ما بتاكل

طبعا اسم الدسمة راقي شوي بالنسبة الى كلمة الكرش او المعده
يعني كل البلاوي الا تاكلها البقرة بتلاقوه في الدسمه واذا فيكم خير افركوا

المهم
الحين الكل مشمئز من الدسمه
طيب
احد جرب صالونة رجايل الدجاج ؟
هذي احلى صالونه في الدنيا
جربوها وقولوا رايكم لكن بشرط تطبخها وحدة ضبعة ومتدقدقة وما باقي الا كم يوم وتموت
مو تجيبوا وحده من زوجات هالايام وتقولوا اطبخي رجايل دجاج ؟

[الورد كله]

الله يغربلكم


قال جربوا الدسمه
لا اجربها ولا شي تكفي ريحتها
خلوني اكل الربيان وتوابعه وبعدين اكل الاشياء الباقيه

الحمد لله والشكر

[أميرة الجنة]

ويش هذا ؟؟

الدسمة

بس اسمها يكفي أته يسد النفس

ماأتخيل أني أكلها :z053:

الحمد لله والشكر

[دفء الاحساس]

هههههههههههههههههه ..
أحين ماحد بياكلها عرفوا مصدرها خخخخخ ..
اما انا مادكر عمري جربتها ..
بس يمكن وانا صغيره ..

[الفقيرالصغير]

مرحبا حبايبنا والله كلكم حركات..

الدسمة وما ادراك ما الدسمة
زين زين لا تطيح بلاعيمك مره منت قادر على الدسمه.. الخوفه بعدين تصير :z011:

طيب
احد جرب صالونة رجايل الدجاج ؟
هذي احلى صالونه في الدنيا
جربوها وقولوا رايكم لكن بشرط تطبخها وحدة ضبعة ومتدقدقة وما باقي الا كم يوم وتموت
مو تجيبوا وحده من زوجات هالايام وتقولوا اطبخي رجايل دجاج ؟

تفضل.. نخلص من الدسمة يطلع لينا برجايل دجاج،، لا وصالونه بعد هذا اللي ناقص..:nono1:

بس تدري ذكرتني بحاجه مماثله مورجايل دجاج ،،،
هذا سلمكم الله مره من المرات من زمان واحد من الربع عزمنا على عشا،،،،
المهم رحنا وجلسنا وسولفنا لين جا وقت العشا قام ابوالشباب ويا أخوه وجهزو كل شي..
شوي إلا بطقة الباب نسو شي ما جابوه!!!!!!!
قام خوينا بالله وجاب الصحن وحطاااااااااااااااااااااه قدامنا..
هيه هيه ويشو هذا مع وجهك؟؟؟؟؟؟
قال هذا ما تعرفوه؟؟؟؟؟
بعدين تدرون ويش طلع؟؟؟؟
طلع روس دجاج بالصالونه!!!!!!!!!!
استغربنا!!!!!
ولاعت شبدنا..

قعد صاحبنا ويا أخوه ياكلو ويمصمصو في روس الدجاج وكسكسو ما يخلو إلا المنقار بس واحنا محنا قادرين بطونا عورتنا وهم أبد ولا عدهم فيها بعد شفط في شفط لين قحصو الصحن تقحيص.. :z053:

حيووووووو

[الفقيرالصغير]

مافيه أحد؟؟؟؟؟؟
صاير ظلمه..

[الفقيرالصغير]

ما فيه زباين!!!!
ترى بنسكر المطعم،،،،

يا هووووووووووووو

[فاطمة محمد]

دسمه .....!
مره وحده
هذي من اسمها تلوع الشبد
ومابقرأ خرابيطكم اللي كتبتوها عنها
الخوفه تلوع شبدتنا زي داك اليوم

[Rokayah Abduallah]

[QUOTE=الفقيرالصغير;37756]مرحبا حبايبنا والله كلكم حركات..

[color=#008080]بس تدري ذكرتني بحاجه مماثله مورجايل دجاج ،،،
هذا سلمكم الله مره من المرات من زمان واحد من الربع عزمنا على عشا،،،،
المهم رحنا وجلسنا وسولفنا لين جا وقت العشا قام ابوالشباب ويا أخوه وجهزو كل شي..
شوي إلا بطقة الباب نسو شي ما جابوه!!!!!!!
قام خوينا بالله وجاب الصحن وحطاااااااااااااااااااااه قدامنا..
هيه هيه ويشو هذا مع وجهك؟؟؟؟؟؟
قال هذا ما تعرفوه؟؟؟؟؟
بعدين تدرون ويش طلع؟؟؟؟
طلع روس دجاج بالصالونه!!!!!!!!!!
استغربنا!!!!!
ولاعت شبدنا..

قعد صاحبنا ويا أخوه ياكلو ويمصمصو في روس الدجاج وكسكسو ما يخلو إلا المنقار بس واحنا محنا قادرين بطونا عورتنا وهم أبد ولا عدهم فيها بعد شفط في شفط لين قحصو الصحن تقحيص.. :z053:

أول مرة أسمع أن في ناس تأكل روس دجاج
لاعت شبدي وش هذا؟!
الحمد لله على النعمة
صحيح أنا أكل أي شيء ولا أتدلع بس ما توصل لروس دجاج

ألف الحمد لله

[كليله]

كنت اذوب في مرقة الهامور وفي يوم طرى لي واحد سالفه
وزوّع جبدي , يقول ايام الحرب الايرانيّه العراقيه جابوا هامور
في الكبره ويوم قصّبه السمّاك طلعت منه اصابع بني آدم .
هاذي السالفه خلّلتني دهر ما آكل مرقة هامور .
الى ان مّن الله عليّ بالهداية من جديد وراجعت نفسي واكتشفت
انّني واهم وقلت تعال ياولد الناس تحرم نفسك من اكله عشان
فلان قال لك كذا , فقرّرت الاعتذار لجناب الهامور الافخم بصالونة
ولا يحلم بها الهامور نفسه والى يومنا هذا لا استغني عنها .

[الفقيرالصغير]

مراحب يا حبايب

ما شاء الله أشوف فيه زباين الظاهر يبي لينا نفتح من جديد

حيوووووووووو

[يسرى آل سنان]

لا تذكروني بالدسمه امووت فيها >> واني صايره هالايام كله اكل >> على قولة الأم انتين فيش دود ياكل الاكل اللي تاكليه ... ماادري ويش فيي ..
.. رجايل دجاج ( شوربه )) >> لا لا مااقدر عليها .. من اسمها تنسد النفس

[طين]

طيب
احد جرب صالونة رجايل الدجاج ؟
هذي احلى صالونه في الدنيا
جربوها وقولوا رايكم لكن بشرط تطبخها وحدة ضبعة ومتدقدقة وما باقي الا كم يوم وتموت
مو تجيبوا وحده من زوجات هالايام وتقولوا اطبخي رجايل دجاج ؟

أكلناها وكسكسنا مابها من جلد حتى
لذيذة بوقتها ولاتقاوم
تلك الفترات كان الفقر شديد جداً حيثُ أن الرجل لايقوى على شراء دجاجة ليعيل بها بيته وأسرته
فيوصي على بائعي الدجاج على أن لايرمي تلك الأرجل حتى يتقوى بها مع عائلته من الجوع
وبعد تحسن الأحوال، استمرت هذه العادة عند بعض العوائل القديحية البسيطة الشفَّافة الروح إلى ماقبل السنوات القليلة الماضية

[أميرة الجنة]

بعد اذن أخونا الفقير الصغير بنفتح المطعم من جديد
يمكن نحصل زباين من الأعضاء الجدد يشاركونا الفرفشة

[أبو سياد]

بعد اذن أخونا الفقير الصغير بنفتح المطعم من جديد
يمكن نحصل زباين من الأعضاء الجدد يشاركونا الفرفشة



ما عندنا مشكلة, بس كفاية دسمة ..

ربكم ستر ما لحقنا على ايام الفقر, دسمة وكراعين وباشا ورجايل دجاج, والحين نسمع بروس دجاج!!

والله تكسر خاطري الذبيحة, ما يظل منها شي ما ينأكل !!

صحيح الناس اذواق, بس مو إلى هالدرجة, يعني ناكل جراد, مافيها شي, بس مشوي, ما جربنا ني, بس نسمع الجيل إلي قبلنا, يقولو يصيدوا الجرادة وفي البوز على طول, لا شوي ولا همك الله ..

أحد أكل جراد من الحاضرين؟! أتوقع معظمكم ما لحق على هالموضة!!

ننتظر ردودكم

[فتاة النور]

اللهم صل على محمد وآل محمد وعجل فرج صاحب العصر والزمان

طرح جدا رائع اخوي الفقير الصغير والكبير عند الله
مطعم رائع

اميرتنا استرجاع المطعم جميل جدا منك
وبما حنا عندكم جدد
لكن انا صرت قديمة ولكن جديدة على الموضوع
يسعدني اشارك معكم

الشيء لما احب وابعد عنه بشكل عام هو الكاتشب
والسبب رائحته مستحيل اقدر اتقبلها
مافيه سبب معينة لها
على حسب نظري هذا كله على حسب النفسية الشخص سواء كره الى الاشياء او حبه

البيض نفس الشيء انا اكل البيض لما يكون بالكيك او غيره
لكن البيض لحاله مستحيل حتى بالخبز والسبب رائحته مهما احط الابهارات مايغير شيء عندي

بما انتو تكلمتوا على الدسمة
بصراحة حلوة هي
يلا عزموني عليها
اذا راح اتكلم عن الاكل لما بحبه راح اخذا الردود كلها
لكن راح استكفي بهذا القدر من الكلام
ويمكن ارجع لكم مرة ثانية
يعطيكم الله الف عافية على الموضوع

وين الزبائن يلا خلونا نشوفكم

[الفقيرالصغير]

بل بل بل بل بل ويش هالغبره...

بعد اذن أخونا الفقير الصغير بنفتح المطعم من جديد
يمكن نحصل زباين من الأعضاء الجدد يشاركونا الفرفشة

ما يحتاج اذن أميرتنا المقدسه.. زين سويتي وفتحتيه من جديد وخصوصا هالأيام لفلاس ضارب :broke:
بس ها... النص بالنص ولاّ أقول لش... انتي جيبي لفلوس كلها وأنا بعدين أعطيش :money:

أحد أكل جراد من الحاضرين؟! أتوقع معظمكم ما لحق على هالموضة!!
ذكرتنا بسنين مضت يبوسياد... كنا نصيد الجراد وبالذات المشنه لأن أكبر من السُرح ونشويها على اللي يشوو عليه السمك وناكلها... لا ونتشابق على الفخد بعد :anger:
بس ألحين ما في أمل آكل!!!!!!! أصلا لما أتذكر إني أكلت ذيك الأيام تلوع جبدي...

طرح جدا رائع اخوي الفقير الصغير والكبير عند الله
مطعم رائع
تسلمين خيّتنا فتاة النور... رائع بوجودكم

سلام حبايب

[أميرة الجنة]

ما عندنا مشكلة, بس كفاية دسمة ..

ربكم ستر ما لحقنا على ايام الفقر, دسمة وكراعين وباشا ورجايل دجاج, والحين نسمع بروس دجاج!!

والله تكسر خاطري الذبيحة, ما يظل منها شي ما ينأكل !!

صحيح الناس اذواق, بس مو إلى هالدرجة, يعني ناكل جراد, مافيها شي, بس مشوي, ما جربنا ني, بس نسمع الجيل إلي قبلنا, يقولو يصيدوا الجرادة وفي البوز على طول, لا شوي ولا همك الله ..

أحد أكل جراد من الحاضرين؟! أتوقع معظمكم ما لحق على هالموضة!!

ننتظر ردودكم


أهلا بك أبو سياد
أول الزبائن الحاضرين , بعد أن كشفنا الغبار عن الموضوع المسلي
بالنسبة لأكل الجراد أني سمعت أمي تقول جدتي الله يرحمها كانت تأكل , وأني بس من الكلام تجيني لوعة :goofy-smiley-14:
أما أني ماأحب أشوف الخروف أو الدجاج أو أي شي خاصة أذا رحنا حديقة الحيوانات , أتخيل كيف أحنا ناكلهم , يعوروا بفادي خخخخخ:about_to_cry:
كل الشكر لحضورك هنا أخي أبو سياد

[أميرة الجنة]

اللهم صل على محمد وآل محمد وعجل فرج صاحب العصر والزمان

طرح جدا رائع اخوي الفقير الصغير والكبير عند الله
مطعم رائع

اميرتنا استرجاع المطعم جميل جدا منك
وبما حنا عندكم جدد
لكن انا صرت قديمة ولكن جديدة على الموضوع
يسعدني اشارك معكم

وأحنا أسعد بوجودش معانا :A149:

الشيء لما احب وابعد عنه بشكل عام هو الكاتشب
والسبب رائحته مستحيل اقدر اتقبلها
مافيه سبب معينة لها
على حسب نظري هذا كله على حسب النفسية الشخص سواء كره الى الاشياء او حبه

طلعتي شبيهتي في هذا الشي أني بعد ماأحب حتى ريحته , ما أتقبل طعمه , بس عندي واحد من أولادي يموت فيه ,

البيض نفس الشيء انا اكل البيض لما يكون بالكيك او غيره
لكن البيض لحاله مستحيل حتى بالخبز والسبب رائحته مهما احط الابهارات مايغير شيء عندي
أنا البيض عادي عندي بس في الكيك ماأحب أكثر فيه لأنه تطلع ريحته :d9176679e4:
بما انتو تكلمتوا على الدسمة
بصراحة حلوة هي
يلا عزموني عليها

اذا راح اتكلم عن الاكل لما بحبه راح اخذا الردود كلها
لكن راح استكفي بهذا القدر من الكلام
ويمكن ارجع لكم مرة ثانية
يعطيكم الله الف عافية على الموضوع
الله يعافيك وننتظر رجوعك هنا مرة ثانية
وين الزبائن يلا خلونا نشوفكم

[أميرة الجنة]

أهلا بمولانا المعظّم فقيرنا الصغير
أكيد أختلعت من الغبرة كحكحكحكح:A143:

رسلت لك دخل المطعم اليوم , يالله كم بتعطيني :lol:
يعني طلعت من ألا أكلوا جراد هههههه:music2:

أهم شي أنك تبت ومابتعيدها :001tppzr:

[بحار]

اللهم صل على محمد وآل محمد
السلام عليكم
موضوع رائع اما عن نفسي انا ما احب اكل الدجاج ولا البيض
وحاول عدة مرات بدون جدوى يوم من الايام صممت اكل الدجاج رحت مجوع نفسى يوم كامل ورحت شريت دجاج طازج توها مدبوحه
قلت للحرمه سوي اليوم دجاج قالت ويش صاير قلت ليها اليوم باكل دجاج صابها دوار ما صدقت وراحت المسكينه تفنن في الطبخ
ويوم جاء وقت الغداء وطرحوا السفره وجابو الدجاج ما قدرت امد ايدي في الصحن وقمت خايب الامل من اكل الدجاج


أحد أكل جراد من الحاضرين؟! أتوقع معظمكم ما لحق على هالموضة!!
ايه انا اكلت جراد

[أميرة الجنة]

اللهم صل على محمد وآل محمد
السلام عليكم
موضوع رائع اما عن نفسي انا ما احب اكل الدجاج ولا البيض
وحاول عدة مرات بدون جدوى يوم من الايام صممت اكل الدجاج رحت مجوع نفسى يوم كامل ورحت شريت دجاج طازج توها مدبوحه
قلت للحرمه سوي اليوم دجاج قالت ويش صاير قلت ليها اليوم باكل دجاج صابها دوار ما صدقت وراحت المسكينه تفنن في الطبخ
ويوم جاء وقت الغداء وطرحوا السفره وجابو الدجاج ما قدرت امد ايدي في الصحن وقمت خايب الامل من اكل الدجاج



ايه انا اكلت جراد

أهلا بك أخ بحار

حاول مرة أخرى يمكن تصيب ,:leaf: ولو أني ما أتوقع لأني الأشياء ألا ما أحبها مستحيل أجربها , بس زين أنك حاولت :mummy:

وأضفنا بحار لقائمة ألا أكلوا جراد :anger:
من يزيد خخخخخخخخ

[زهرة للوتس]

حبيتى اشارك معكم باالموضوع يمكن تستغربوا من الكلام للى راح اقول بس لاحد يسالنى ليش ان من صغرى وانى ماحب نص اكل الموجود للدرجه اصبحت اعانى من النحافه الزئد وصبح لكلا يسالنى ليش ضعيف هيك يعنى وزنى ماينسب سنى ابد وتعبت من سمع موال امى كل يوم واعطيكم بعض الاكلالت التى لاحبه منه السمك بجميع انواعه ماعد الشنعد الهريس الربيان وغيرهاكثير لايسع المجال للدكره

[ابو مهدي]

هي ياااااا هوووووووووووووووووووووووووووووووووووووو

يوم وصلت سكرتوا المطعممممممممم


افتحووووه لا نسوي اقتحاااااااااااااااااااااام


اما انا عااااااااد اللي يتابعني في الاكل يستجن


اول شي ما احبه ولا اواطنه بعيشة الله ( الجبن )



لنا عوووده