خــــــــولــــــــــــــــنج وين المراخين

[نعناع]

سلام
اليوم الصباح أتصل فيني قديحي ويقول لي أنه عنده خولنج
ماسك ضهره الرجال موقادر مسكين يصيح من قمة راسه
نصحته يروح إلى مراخ سألني كم مراخ عندنا في البلد
قلت له عدنا مراخين ما شاء الله وجلست أعدد له

1- الحاج علي جبيلي
2-الدعيبل
4- الفردان
5- ولد مهدي من سلمان
6- عباس الحساوي
7- الشاب سعيد جعفر جبيلي
8- أم سيد طاهر الشميمي
9- أم عبد رب الرسول شهاب
10- أم حسن جبلي

بس مادري هو الحين وين راح
قديحي نبغى نعر رحت لمن من المراخين الشياب
ويش عمل لك حتى نأخذ خبرة وحتى تصير عدنا
شجاعة ولانخاف إذا صار لن خولنج لو رض

ننتظرك

[قديحي]

ما تجوز عني يا ابوعبدالله
سويته خولنج مرة وحده ؟ هو كان شد عضلي خلا ظهري اعوج
سويت له جمود ما فاد
حطيت عليه واسلين ما فاد
فقلت ما فيه الا مراخ من هالمراخين الطيبين يمصع في ظهرنا تمصيع

لكن بقول لك سر يا ابوعبدالله

شفت هناك موت ومعاه واحد وياه ابوصفار
قالوا بيجووه قال ما عليه اهم شي ابوصفار يروح
سمع صوت الدافور قال ما عليه
كل هالكلام صار واحنا جالسين بره المجلس
لما اخذوه وشاف الحديده حمرا خاف وطلع من المجلس وهو يقول ( أشرب حيج احسن ) :p

رد على السريع ولي عوده بعد ان يخف الشد العضلي

[موت]

خولنج ,,
البارحة ما نمت كل من ظهري ..
يعني ما نقول لك شي يا ابوعبدالله الا طرحته في المنتدى:rolleyes:
ع طاري المراخين
فيه فئة من الشباب ,,,لو كل شياب ؟؟
مالك الا تتعلم هذي المهنة يا ابوعبدالله ..والله يسلمك ايديك مو كبيرة بعد !! كأنهم ...

[محمد الفرج]

سلام من الله عليكم

في طريقة للمراخ مجربة و ناس واجد يسووها ما ادري تدرو بها لو لا ..!

وهي إن يروحوا ماتم حسيني يكون فيه غذا لو عشا و يكون المراخ فيه .. و يستخدموا زهومة عيش لحسين للمراخ " طيب لو كانت الوليمة صالونة ؟ http://www.qudaih.com/music/new2/pics/smile/06.gif "

ففي أحد يسويها هني ؟!

الله يقويك يا عباس الحساوي ذيك السنة عفرتنا اتعفرت على ذاك المراخ ..!

الله يعافيك و يعافي المراخين

دمتم بخير

[ورقة التوت]

والله اني أحس في هالايام اللي يروح الى المراخين
هذا واحد بايع عمره



الاذا كان عن جد خبير
مرررة
مرررة

[نعناع]

قديحي من وين تبغى يخف الخولنج
وأنت نايم في وجه المكيف مايصر كذا

عزيزي موت عساك على القوة
شكلك بعدك تنام نوم متقطع
هذا يجيب لك شد عضلي

المراخين كلهم شياب الله يحفظهم
بس عندك سعيد جبيلي أحس أنه عنده طموح كبير
خصوصاً أنه يتجه نحو العلاج بالابر الصينية
http://www.qudaih.info/news/news.php?action=view&id=17

المراخ يبغى له يد كبيرة زي الي في بالك
يبغى أقنع صاحبي يصير مراخ مادام يده
كبيرة بس الله يستر ما يقتل الناس لنا

حرف يعطيك العافية
يقولك النفسية نصف العلاج
فكيف إذا كانت النفس مرتبطة بالحسين عليه السلام
ترى شيابنا تمشي معاهم صالونة و حتى سمك إذا ماي القدو علاج عندهم

أختي ورقة التوت
والله جارنا مراخ وعنده زحمة واجد
وشكلي أنا بفتح لي محل وبكسر الذنيا
ويش يبغى ليها كوطي فازلين وأنتهت
نشتغل فيها أحسن من الدوام الحكومة
بلا قومة من الصبح بلا هم

بنسبة إلى النساء المراخين فالقديح تفتخر بقوة
فهي تملك خبرة وقد أستفاد الكثير من النساء منهم
فالكثير من النساء الذين يتأخرون في الحمل أستطاعو
أن يحملو بعد المرخ الطبيعي لهم الله يعطيهم الصحة والعافية ويحفظهم يارب

[محمد الفرج]

.
.
.

ايدي يابو عبدالله ..!

ماجلست امس إلا هي متنفخة !! من ويش الله العالم !!

ذاهي امنقعة في ماي بارد لين تفضي يا ابوعبدالله و تمر تروح ويايي لمراخ من اصحابك :)

فرات يقول عنده مراخين بعد ما انذكروا هنا !! وينهو ؟

الله يستر من هالأيد !!

دمتم بخير

[يحيى البشراوي]

:) كان عندي مراخ ومراخة
ود سيد رضي الظاهر اسمه السيد هاشم عمره تقريبا 39 سنة بس هذا مراخ خاص ويقولون عنه شاطر
وام هاشم (هاشم الصفار ) اللي بيتهم مقابل البراحة الي يبسطون فيها يوم السبت والاربعاء الله يعطيها الصحة والعافية
اما انت يا حرف :
ما ينفع لك الا واحد من الخيلان ( عباس _ابو حبيب _ نوحوه ) يمرخهه لك مراخ ما بعده مراخ
ما راح اتحس بالوجع لين ما تموت اختار لك واحد وباجيبه وياي اذا ما مر عليك ابو عبدالله:) :p

[محمد الفرج]

.
.
.

خذ لك عاد من امس لليوم أچمدها بماي بارد و اليوم بنت اختي تقول لي المفروض ماي حار !!

وأنت تبيني يافرات امرخ ايدي عند واحد من خيلانك ؟!

مشكلة خيلانك ما يقدرو يتعامل مع ايدي !! لأنها تتغوى في اياديهم ..

ثانيا إلا يبي يمرخك بمطرقة واللي بچزل واللي بريزة !!

فخلنا بعيدين افضل و عساها القطع وهو اهون من مراخهم :)

دمتم بخير

[نعناع]

ياحرف كان أتصلت خليناك تحصل بركه من
يد حجي علي أو ولد ولده سعيد

الماي البارد خبري هو الزين
لاني مره حطيت ماي حار وصار عندي أنتفاخ زايد
وجت امي هدرت علي هدرة طويلة عريطة

وصحيح حطت على الانتفاخ ماي بارد وصار زين

[قديحي]

.

ثانيا إلا يبي يمرخك بمطرقة واللي بچزل واللي بريزة !!
فخلنا بعيدين افضل و عساها القطع وهو اهون من مراخهم :)

دمتم بخير

شفت شباب هالأيام يا ابوعبدالله
يخافوا من المراخ

ايه راحوا رجال لول
الا الواحد اذا حط المراخ الجبيرة على ايده وما ركب الكسر عدل
يمد ايده الى المراخ ويقول له خذ عدلها
ومسيكين هالمراخ يتعب والله
كلها ضربة بهاون ويكسرها مرة ثانيه علشان يركبها عدل
بهاوَن يا ابوعبدالله
وحرف خايف من چزل

ايه ويش الا خلى سوق المراخين ما يمشي
غير شباب هالايام؟

الحين بس ذكرت هالموقف
مرة من المرات رحت مع واحد الى المراخ المشهدي حق يمرخه
وصلنا وجلسنا شوي وكان هناك واحد وياه ابوصفار
فقالوا له ان علاجه الكي
وافق الرجال المسكين لأنه واضح ان ابوصفار لاعب بحسبته
طبعا كنا جالسين بره والمراخ وعدته داخل غرفة صغيره
شبوا ديك الدافور الحنانة داخل الغرفه وطلع صوتها , والمريض يقول نتحمل الكي عادي اهم شي يروح ابوصفار
ومن يسمع كلامه يقول هذا مستعد يطب جهنم اهم شي يبرأ

ما اطول عليكم
دخلوا المريض الغرفة وكلها خمس ثواني الا طالع
قال ابوصفار ولا تقرب لي هالحديده الحمراء :p

[نعناع]

قديحي أنت فيك حرقة في رقبتك من الخلف
إذا فيك حرقة يعني أنت في صغرك مريض بريري
وحرقوك عشان توقف الريري

[اوليفر]

انا سمعت ان قديحي وياه لقزوزو :p

[كليله]

الظاهر افضل مرّاخ واشهرهم
هو المشهدي من العليوات الله يرحمه
وهذا له قصه مؤثره مع عمي صار ليها
اكثر من ثلاثين سنه ...
تخبروا اوّل ما فتحوا سبيتر لسويكه
صاب عمي كسرفي ايده وراح عشان يجبره
وجبّسوه له بالغلط , وصارت ايد عمي عوجه
المهم ولا اطوّل عليكم .. ندبوا له المشهدي
واللي ماصدّق وجا وصار اتذكر يسولف مع
عمي ويلاطفه , وعلى غفله مسك ايده وكسرها
وصرخ عمي صرخه زلزلت لقديح ديك السنه
حتى صالونة بيت ادعيبل اندفكت , وسيد حميد
كان يحلب بقرته داخل الحجره ومن شدّة الصرخه
اجبّت عليه الحليبه ...
المهم انّه جبّسها له من جديد والّحمت وصارت
بعد مايحتاج ....

[نعناع]

ايه والله يا كليه
يأخذك بسوالف والهدرة لينا تحس أنك مابجيك شي
وماتشوف الا الضربة تفلقع أيدك وتخليك تصرخ من
قمة راسك من شدة الضربة

كليه لوصار لك نفس الي صار إلى عمك تروح لو تخليها ركبة عوجه

[كليله]

ابوعبدالله ...
اروح الكلّيه ...
مو انت ماسك علييّ ,كليه وانا كليله
الظاهر جتك نفضيه من كسار الايد
وصرت تغلط املائيا ..:mad:

[نعناع]

:d
خلاص كليله

[قديحي]

صادوه :p

ابوعبدالله على هالاغلاط يبغى له ضربة هاون على راسه من المشهدي

طيب يا كليلة ياليت تعطينا معلومات عن الجبيرة الا كانوا يسووها
انا اذكر ان جدي الله يرحمه كان يسوي جبيرات
اذكر شكلها لكن ما اعرف مكوناتها
اعتقد انها أخشاب مقطعة بشكل طولي ومربوطة على بحبل وملفوفة على مكان الكسر
صحح معلوماتنا يا كليلة اذا كنت غلطان

[كليله]

قديحي
ماخللّيت لي شي اقوله ...
والله يرحم جدّك ..

[احمد مهدي]

رمضان علبكم مبارك وانا اول مره اشارك اللي عنده خولنج يجرب مره واحده على طول راح يقرب مجانا بس دعوه للرب

[كليله]

رمضان علبكم مبارك وانا اول مره اشارك اللي عنده خولنج يجرب مره واحده على طول راح يقرب مجانا بس دعوه للرب

اهلا وسهلا فيك احمد مهدي
شكرا لمرورك ومتباركين برمضان .