متغوي دلوني ..!!

[محمد الفرج]

سلام من الله عليكم

قواكم الله ..

عاد سبحان الله ايام الواحد يطلع وما يدل شي بس يبي يوصل المحل الفلاني في الوقت الفلاني لموعد ما لمقابلة ما ، ل ل ل ..!

يوكل امره لرب العباد ولا يلقي نفسه إلا هو في المكان اللي يبيه ..!

يا كثر ما يصير لي هالشي و آخرها يوم الخميس اللي راح هذا ..!!

المهم .. لما يكون الشي مو ضروري عاد تتيه !! تمر على المكان أكثر من مرة و لا تلاقيه ..!!

وأنا مقدم على طريق أعد للتغوي من الحين http://www.qudaih.com/music/new2/pics/smile/06.gif

فهالموضوع للي مثلي و شرواي .. للمتغويين اللي يبو يدلوا مكان يجوا يسألوا و الجماعة ما أعتقد يقصروا ..!

فأنا بابديها الحين و باسأل و على الله ..!

ابي شارع الملك خالد بالخبر " ما أدل عدل بالخبر خصوصا الشوارع .. ابي معالم مو شوارع "

و اللي ابيها بالضبط وكيل ال JVC الظاهر هو سعيد العجو ..!

فكيف الوصول ؟؟

دمتم بخير

[موت]

مالي خلق اضحك بس ضحكتني بهذا الموضوع ,:p

اسمع الا اعرفه انا كبري بن خلدون ,تطلع على الخط السريع ,,بعد النابية حق سيهات ..
بتشوف لوحة مكتوب على بن خلدون ...
وبتوصل على خير ..

حتى الخريطة مافيه الا المنتدى :confused:

روح عن الراشد وسئل اي واحد قول له ابغى اعرف شارع خالد بن عبدالعزيز ال سعود حفظة الله ورعاة


ان شاءالله الشرح بسيط:D

[محمد الفرج]

.
.


قوة موت ..!

طيب كيف اعود ؟!! http://www.qudaih.com/music/new2/pics/smile/08.gif

الله يغربلك يا موت .. الظاهر إنك من الجماعة اللي يتغووا بعد مثلي http://www.qudaih.com/music/new2/pics/smile/10.gif

عاد ذيك السنة على ايام التقاديم للجامعة بالحسا وقفنا لأثنين نسألهم وين طريق الجامعة ؟!

واحد قال لينا يمين و الثاني يسار ..!! سوينا روحنا مهتمين و ما صدقنا يسكتو ومشينا ..!

فما ابي اوصل و اسأل ابي أعرف الطريق من هني و اروح ..

الشرح بسيط واجد .. لكن يجيك يوم ..

دمتم بخير

[قديحي]

أي عجو يا حرف الله يهديك
عاد تصدق؟
انا اعرف الخبر طريق طريق وزرنوق زرنوق لكن أسماء شوارع ما أعرف

لكن ولا يهمك
بكرة من غبشة الغباش يكون الوصف عندك
وصف ولا حتى خرائط الفارسي توصف مثله :cool:

[محمد الفرج]

قوة قديحي ..

لا و عاد في شوارع معروفة باسامي و يقوموا يجددوها و شارع الملك فلان و شارع الأمير فلان ..!

قبل فترة بشارع الظهران بالدمام عندي شغلة ، وقالوا لي إنه بشارع فلان بن فلان و بعد جهد عرفت إنه نفسه شارع الظهران !! اللي هو في الأصل جنب العمل و أنا أدور لين انهد ظهري !!

ما أعرف أوقف أقول يا فلان وين المكان الفلاني !!!

المهم .. شارع الملك خالد ..

يقول لك وين مجمع الشعلة اللي احترق ذيك السنة ؟! جنبه يصير ..!!

و أيام مجمع الشعلة مالي بهالحوايج !!

يعني هو مو يصير في نفس الشارع اللي فيه فؤاد سنتر لو شو ؟!!

قالوا لي بتشوف مجمع الرحمانية هناك ..

ننتظر و نشوف يا قديحي

الله يعينكم .. هذي اولها

دمتم بخير

[قديحي]

سجل عندك يا حرف

وانت داخل الخبر من جهة الراشد تمشي الى آخر اشاره الا توديك الى الكورنيش
طبعاً قبل الاشارة هذي بيكون سوق العيسى وبلدية الخبر
تدور في الاشارة كأنك راجع الى مجمع الراشد
اول ما تدور بتلاقي على يمينك موقع الشعلة سابقاً والآن ارض فاضية
بعده بيجي مركز الرحمانية التجاري
بعد الرحمانية تمشي تقريباً خمسين متر الى من تجيك إشارة مرور
في الإشارة لف يمين بتكون في شارع الملك خالد
وعلى حسب علمي ان اكثر الوكالات في بداية الشارع ومنها السانيو والسوني والسامسونج
فإحتمال كبير تكون Jvc معاهم

[محمد الفرج]

.
.
.


قوة قديحي ..!

ترى صدق كسرت على خرايط الفارسي ..

ماشاء الله الوصف فوق الزين .. و أعتقد اجتزنا لتغوي في هذا الموقف .. ولنا عودة لتسجيل رحلتنا المكوكية ومعرفة مدى " التأبيد " من عدمه :)

فلكم جميعا جزيل الشكر

دمتم بخير

[موت]

يا حظي فشلتنا ..
فؤاد سنتر في وين ...والشعلة في وين :p !! صحيح طلعوا اصناوه عندنا في المنتدى ..فؤاد سنتر على الكرنيش ياحجي ,,,واسم الشارع الكورنيش ,,


الله يعينك ياقديحي على اصناوه :D

وسلامتكم

[محمد الفرج]

قواك الله موت ..

مو أحنا لازم نسوي روحنا اصناوة كرمى لعيونكن ..!

مو إذا شاركنا على العادي بتطلع عليكم بالرادي و بتكون الفشيلة للشيبان .. http://www.qudaih.com/music/new2/pics/smile/10.gif

فهو دور أخذناه و راضيين به ياموت ..

دمتم بخير

[موت]

الله يقويك عيوني "حرف"
مكان ما اسكن...صرت خبيراً في الامكان اكثر من هناك بكثير
ربما بسبب الاسماء الموجودة ...يعني الحين هناك تضحك عليي لو تقول لي روح مكان معين


وسلامتكم

[محمد الفرج]

.
.
.

ويقويك عمو موت ..!

الأمكان حبها بالقلب ساكن ..

و الخبر ما أدري ليش استثقل روحتها ..!! ممكن لأن مرة اتعطلت بي السيارة على طريق الخبر وانلطعت في صهجة الشمس حوالي ساعة ماكو طيب وقف لي إلا بعد ما مشيت مسافة زينة ..

عموما ياموت عسى الله ما يغويك دنيا وآخرة و مهدي على طريق الولاية دايم


المهم الخبر مرة أخرى ..


الخالدية الأولى ... عاد في خالدية ثانية ؟؟

هي تصير الظاهر على طريق الخبر ..

بس بالضبط وين ؟!

الله يرحم والديكم عاد قبل السبت لا تغوونا يوم السبت :)

دمتم بخير

[محمد الفرج]

.
.
.


سبحان الله ..!

أنا طالع احلق قلت اتصل لواحد من الشباب اسأله عن الخالدية الأولى ..!

وقفت قبل ما ادخل الحلاق اكلمه إلا هو يشتكي لي إنه ما يدل بالخبر و لا الدمام شي و إنه خايف يخطب هاليومين و يتورط http://www.qudaih.com/music/new2/pics/smile/06.gif

وأنا اكلمه مني و مني مر واحد من الشباب بسيارته عنده دسك يبي يطبع منه ورقة .. تعال اطبعه لك مو مشكلة " أنا اصلا ماعندي طابعة http://www.qudaih.com/music/new2/pics/smile/11.gif "

نزل من سيارته و جاني و اسمع الخالدية الأولى و قال لي وصلت خلاص ..!!

شفتوا كيف إن رب العباد في الأشياء الضرورية ما يغووي ؟!

بقي أن الخالدية الأولى هي المكان المقابل للصناعية الأولى على طريق الخبر الدمام السريع ..!

وكذلك نسألكم الدعاء بالتوفيق جميعا

دمتم بخير

[موت]

شلونكم عيوني .
وينك ؟؟
ضعت ؟:d
راحت عليك

[محمد الفرج]

.
.


قوة عمي موت ..

خلاص انا ضعت و انتهيت :d

كان يمدينا نسألكم عن شي هنا .. عن الرياض ما نقدر ..!

قبل ثلاث سنين مع تقاديم الوظايف المفروض نوصل الرياض على الساعة 1 الليل تقريبا !! وواحد من الشباب ينتظرنا عشان بنجلس معاهم بالشقة ..

وصلنا بالسلامة و الأخ نايم و مقفل الجوال .. !

مشكلة في هالوقت ما تقدر تتصل لأحد تخاف تزعجه ... و لا تدل مكان أصلا ..!!

كل اللي نعرفه حي النخيل و الأخ بينتظرنا مكان ما يوقف الباص !!

اشوي و قلنا خلاص مافيها إلا الإزعاج ، اتصل لصاحبي " صاحب قصة الجني بموضوع قديحي " و جلسناه من النوم و قال تعالوا لينا الزكري !!

المشكلة انتظرنا ليموزين و لا لقينا مع العلم ان وين ما اتحط رجلك بالرياض تلاقي !!

اتصل و قلنا ليه ننتظر ليموزين و صرنا على اتصال .. اللي يلاقي قبل يكلم الثاني ..

ما وصلنا الشقة تقريبا إلا في حدود الساعة ثلاث ...

وقتها كرهت الرياض كره العمى ..!!

فـ إلى الرياض غدا و مالت علي !!

نراكم نهاية الاسبوع


المغوي حرف ;)

[رضا]

فكرة موضوع تستحق الرفع

شكرا محمد الفرج

[طين]

ويش هلغبار اللي طيرته يارضا :gro1:
بالله أحد يوصف لي بيت فرج بروح أزنط حمدوه

[صوت]

أسمع يا طين

خلك عند إشارة لبحاري وانت متجه الى شارع العدله يعني لبحاري اتصير على يمينك تاخذ الاشاره وتبتل سيده بعد تقريبا 83 متر تجيك محطة بنزين على يمينك تخليها وتبتل سيده بعد حوالى 83 متر يجيك لفه على اليمين تاخذها وتبتل سيده بعد تقريبا 83 مثر يجيك تقاطع طرق على يمينك مدرسة سلمان الفارسي

وعلى شمالك يصير نخل الشاعر وقدامك مكتبة العبيدان وبوفية الشباب والسعاده عفر جنبها .. تقوم تآخذ يمين واتصير البوفيه على يسارك بعد تقريبا 83 متر تجيك لفه على اليسار تآخذها وأتروح سيده بعد تقريبا 83 متر يجيك محل العتره على يمينك والميزان على شمالك وتفصل بينهم مطبه

المهم تبتل سيده بعد تقريبا 83 متر تجيك على يمينك مغسلة المنتظر تكمل سيده بعد تقريبا 83 تجيك بقالة الحمدان على يمينك لف يسار تاخذها مباشرة وابتل سيده بعد تقريبا 83 متر بجي على يسارك محل الربح وعلى يمينك محل حركات للشوكولاته المهم تبتل سيده بعد تقريبا 83 متر بتصير مغسلة الشراع على يمينك تكمل سيده بعد تقريبا 83

متر بقالة عباس مرار بتصير على يسارك بعد تقريبا 83 متر راح يجي لك على اليمين حلاق البناي ابتل سيده اشوي تقربا 38 متر تاخذ بعدها يسار وتبتل سيده بعد تقريبا 83 متر بجيك بيت على اليسار مو مبني كامل يعني اعمده بس من يوم كان عمري اربع عفر او خمس سنوات الموهم تبتل سيده بعد تقريبا 83 متر بجيك مكتبة الخيال تمشي سيده اول لفه على يسارك تاخذها

بعد تقريبا 83 متر راح يجي على يسارك بقالة العلو .. من جهة اليسار احسب البيت الثاني بعد بقالة العلو من جهة اليسار

واذا مازبط معاك الوصف لا يردك الا لسانك :d