قضية الزواج و المهر

[قحداوي]

السلام عليكم ورحمة الله وبركاته .
هدي أول مشاركة لي في منتداكم منتدى قديحيات الثقافي .
وهدا مرضوع للنقاش المفتوح والكل يتفضل يشارك ويبدي برأيه.
من المتعارف عندنا في مجتمعنا وباالخصوص القديح الحبيبه ان المهر من 20 الى 25 مو هدا موضوعنا .ولو اجوا الى الحق والله قليله على البنت . بس لازم تقدروا ظروف الشباب والغلاء الحاصل هل الايام
ليش البنت اللي يكون مهرها قليل ينظروا ليها الناس ويتكلموا عيها وأعوذ بالله من كلام الناس ويقول هدي البنت أكيد 100% فيها عيب ليش كان مهرها قليل مثلا 20 الف او 15 الف وكلامهم عكس كلام الرسول صلى الله عليه واله وسلم ( أفضل نساء امتي أقلهن مهرا) للأسف بعض الناس يفتكروا ان البنت الي مهرها قليل فيها عيب أو أهلها يبغوا يفتكوا منها أحيانا البنت يجي ليها شاب وعلى قد الحال يبغى ليه مهر وشبكة وشقه وتكاليف زواج وادا ماكان عنده محل في بيت اهله بيطر يتأجر شقه وغير وغير هل المصاريف اللي تكسر الظهر والكل عارف ان الحين الاسعار كلها فوق والغلاء اللي حال علينا ووظايف مافيه ولو فيه 1500 او 2000 او حتى 4000 ويش بسوي ليه في هل الايام يعني ويش فيها لوقدرت ظروف الشاب وطلبت مهر أقل وهم ماعندهم مشكله لو كان مهرهم قليل . بس كلام الناس يخوف والكل بيتكلم عليها وبيحط فيها الف عيب . أو بعض البنات يتنافسوا كل وحده تبغى مهرها يصير اكثر من صديقتها .
لو الكل حكم عقله وصارت عنده قناعه وقط كلام الناس ورى ظهره ويراعوا ظروف هالشباب من اولاد وبنات كان ماشفت رجال طخوا اعمارهم 35 وهم بلا زواج ولا بنات عوانس وطافهم القطار . يسروا الامور المجتمع مايصير صالح الا بالزواج . ( اللهم عجل لوليك الفرج ) أدركنا يا أباصالح .
تقبلو تحياتي .
قحداوي.

[الدرة الهاشمية]

خوي قحداوري
مشكور اولا على الطرح
اكيد انت تريد اجابات صريحه وبدون لف ودوران
اني دغري معاك وصريحه حدي
عشان كذا راح اقول لك
صراحه انت تشوف 25 كثيره مافكرت البنت اش كثر تصرف ايام الخطوبه ولا تجهيز الزواج
صراحه اني شفت خواتي الي تزوجوا
يعني في الاسبوع يجي الها خطيبها ثلاث اربع مرات
هل فكرت اش كثر تصرف من جيبها وتاخذ زود من عند ابوها عشان تكون بمظهر حلو
ولا تنسى الملابس والعطورات والمكياج والى آخره
وانت تجي تزورها ولا تدري اش كثر قاعده تصرف
كل هذه مصاريف البنت تتحملها
والزواج يعني الغلاء بس عليكم انتوا آدم
ترى المرأه كمان لماتجهز للزواج 25 ماتكفي نصف البنات اهاليهم يساعدوهم
تلاقي الصاله على الوالد والكوشه و ..و...
روح شوف مصاريف البنت هالايام
مو بس الغلاء عليك انت بس
الذهب روح شوف الاسعار
ناااااااااااااااااااار
البنت تروح تشتري 15000 تجي تطالعهم يادوب شئ بسيط ماتصدق
بصراحه اني مااقبل الا25 اهلي كلهم متزوجين كذا
ماراحل اقبل باقل
لان ماتكفي ابداً
عن جد ترى 25 يادوب تجيب كم غرض
يمكن انت ماحدا تزوج من عائلتك هذه الفتره فماتدري عن المصاريف الي تحتاجها البنت
بس اني شفت خواتي اش كثر تغلبوا واحتاجوا اكثر من مهرهم
مع ان خواتي مايروحن صالات واو
اعطيك اياها دغري
صالة الاقمار الخمسة
وكوشة عاديه
يعني مابقول راحوا حطوا فلوسهم بصالات وخرابيط
وعذراً على الاطاله وذا رأيي
ومشكور مره ثانيه وربي يوفقك ويرزقك الزوجه الصالحه إذا كنت لسى عزابي

[قحداوي]

شكرا أختي الدرة الهاشميه .على الصراحه ورايك على العين والراس .

والله العظيم اني مانسيتكم يالبنات ولو تلاحظي أختي اني قلت : ( ولو اجوا الى الحق والله قليله على البنت ) شوفي هدي الجملة في الموضوع.
تحياتي

[قحداوي]

موضوعي موبس مختصر على المهر بل على تسهيل الزواج.
تحياتي.

[السيد محمد الخضراوي]

طرح جميل اخي العزيز وفقت فيه
ولكن الحديث في هالموضوع بالنسبة لي من يبدأ يتشعب وما نعرف من وين تبدي ووين تختم

والان
هنالك مصاريف اضافيه تضاف من قبل الطرفين مع الايام
وكل يوم اضافه جديده نسمع بيها

الله المعين

[الدرة الهاشمية]

خوي قحداوي
شفت هذه الجمله
وبما انك تكلمت عن تسهيل الزواج
هذه 100% معاك حق
لازم يكون هناك تعاون وعدم تبذير
بصراحه في شغله اريد اقولها للشباب الخاطب او المقبل على الزواج لاتعود البنت على الهدايا
ايام الخطوبه
يعني مو كل مناسبه تروح تجيب الها هدايا بمبالغ كبيره
ولما مايصير معاك في احد المناسبات تراها تصبح الكل مضره
تصير البنت تطالبك لانها تعودت
حلو يكون مره ايه ومره لا
مو تصير بخيل ماتصدق خبر
ماتشوف شئ منك بالحسره عليها
حلو الاعتدال
وبعدين حتى بعد الزواج تصبح مشكله
كل يوم هدايا وسوالف الله يعين على المصاريف
وفي شغله كمان صاير هالايام الطلاق كثير بسبب المتطلبات
والمصاريف الي على كاهل الزوج
وبعض البنات مايتنازلون يردون شئ لازم تجيبه الهم
هذه أكبر مصيبه والله
الله يهدينا ويهدي جميع المؤمنين والمؤمنات
الرفق الرفق
شكلي صايره هذاره واجد
ماادري اش بيني
مشكور وراح اكون متابعه معاك <<<متحمسه للنقاش

[ليالي الاندلس]

اخي قحداوي مشكور على الطرح ولاكن لدي وجهة نظر تختلف عنك
انت قلت ان البنت اللي مهرها قليل الناس تتكلم عليها احب اقول ان هالشي بالمرررررررررررره مو موجود في مجتمعنا القطيفي يعني المهر المتعارف عليه من 25 الى 30 الف وادا جا اكثر او اقل او بالأحرى اقل ما حد يتكلم ولا احد يقول شي مع انها في هالأيام ماتسوي شي وبالنسبه لسالفة التفاخر ابدا انا ما أشوفها موجوده في مجتمعنا .............. اساسا زين ادا درينا كم مهر العروس ما أحد يدري يه ولاأحد يجيب طاريه....................
اتمنى اني ماثقلت عليك بطرح وجهة نظري..................... تحياتي

[كليله]

شكرا اخ قحداوي
ولكن اخي اسمح لي اذ يبدو انّه قد خانتك التعبير فأطلقت كلمة كان يجب
ان تتوقّف عندها كثيراً قبل ان تكتبها وياليتك لم تكتبها لأنها كما قالت ليلي
الاندلس ليس لها وجود في قاموسنا الاجتماعي والكلامي ولم نسمع بها الاّ
في مقالكم هذا , فهي كلمة تجرح الشعور نوعاً ما وتسيئ الى الجنس الآخر
بأي شكل من الاشكال حتّى لو كنت حسن النّيه وانا ادرك انّك ذو نيّة
حسنة ولكن كلّنا بشر يخوننا التعبير احيانا كثيره .
ثمّ انّك اردت ان توجّه الاتهام لعزوف بعض الشباب عن الزواج الى ارتفاع
المهر او المصاريف او الطلبات لدى الاخوات ولكن الا تتّفق معي ان هناك
بعض الشباب يعزفون عن الزواج لاسباب تافهة وحجج وذرائع واهية لا
ترضي الله ولا رسوله ولا حتّى المجتمع نعرفها انا وانت وغيرنا ولو ذكرناها
لرأينا انّ طلبات البنات لا تساوي شيئاص امامها ..
شكرا لك اخي على هذا الموضوع الجيّد ونسأل الله الهداية للجميع .

[قحداوي]

الى قطرة مطر والدرة الهاشمية مشكروين على التفاعل مع الموضوع.

الى ليالي الاندلس وكليليه . مشكورين على الرد وأبداء الرأي . كل انسان ليه رأي ووجهة نظر . وأنا أحترم وجهة نظر الأخرين وأقدرها . انت لك وجهة نظر ورأي ولو أجي الى أي واحد بتشوف ليه دوق ورأي ووجهة يمكن تختلف وي أقرب الناس لك . لاكن الخلاف لايفسد الود في قضية . ما تقدروا تحكم على المجتمع كله وتقوا هدي القضية مش موجودة كل شئ موجود وأنا موقاعد أخربط كلام من عندي أنا شايف هدا الشي وفيه ناس ماشغلتها الا الحش والكلام على الناس . الناس ترى مختلفين واجد . والناس أشكال وألوان .
ويمكن الي يتكلم عليك من قرايبك . أنا ماقصدي الأسائة الى اي احد وأتمنى الخير الى الجميع .
أقول ليكم مرة ثانية أنا احترم أراء الاخرين بأي شكل من الاشكال .
وأي واحد يجي يتنفضل ويتكلم لكي تعم الفائدة للجميع . نستقبله ونرحب به . ومانبغى نتكلم على المهر بس . بل على تسهيل الزواج.
تحياتي . موفقين

[طيف]

السلام عليكم ورحمة الله وبركاته،،

نقطة حساسة يستحق الوقوف عندها...,وأشكرك على طرحك لهذا الموضوع..

من خلال قراءتي استنتجت وءامنت إن المهر متوسطه(25000 ريال ) وهو فعلاً قليل بالنسبة لمصاريف المرأة في هذا الزمن.

ولكن .. لماذا لا يترك مجتمعنا عُرف التبذير والإسراف في أشياء لا تعود على الزوج والزوجة بأي نفع..!!
لماذا لا نبسط الزواج وحفل الزواج...لماذا هذا التضخيم لحفل الزواج..!!
في هذه الأيام أقلاًُ ( تكلفة الزواج 40000 تقريباً ( حفل النساء والمهر وحفل الرجال)
ألا تعتقدون معي إن هذا المبلغ لو بقى منه 30000 ريال لصالح مستقبل الزوجين أفضل لنا ..!
وخصوصاً في وضعنا الحالي من غلاء الأسعار،، وعدم وجود مستقبل آمن نضمنه لعيشنا أو عيش أبناءنا..!!
من المفترض ..كلما قل الدخل المادي لأفراد المجتمع أن تقل تكاليف حفلات الزواج وليس العكس،،، لأن أكثر الأشياء في حفلات الزواج أشياء ثانوية وليست ضرورية لإقامة الحفل..

طيف