الرطــــــوبة

[موت]

هل فكرت
اذا انقطعت الكهرباء في الحر والرطوية

ماذا سوف تفعل في يوم بدون مكيف ؟ مع حرارة شديدة ورطــــــوبة شديدة

هل خطر في بالك ماذا سوف تعمل ؟

يلا يلا يلا ...

نراكم

[قديحي]

عزيزي موت

إحنا الشياب عاصرنا هذي المواقف بشكل كبير ,
قبل أكثر من عشرين سنه كانت الكهرباء تنقطع بشكل اسبوعي , غالباً يكون السبب زيادة الأحمال
او بسبب تغيير لفيوزات لأنها الظاهر كانت صنع تايوان :p فكل يوم تنقطع

الغريب ان الإنقطاع دائما يكون في الليل بعد السعه عشر
ولأن الناس ما كنت تسهر مثل الحين فالجميع يكون هاللحظة متجهز للنوم وبمجرد انقطاع الكهرباء
يخرج جميع اهالي الفريق الى الخارج في انتظار سيارة سكيكو والمرحوم عبدالصاحب الشيخ
لأنه كان المسئول عن اعمال الصيانه في القديح

هاللحظة تعتبر من اجمل اللحظات لأن الجميع موجود لا كبير ولا صغير الا يكون موجود واجمل السوالف تكون في تلك الاوقات , الجو اكثر من رائع والهدوء يعم المكان بسبب عدم وجود ازعاج لا من مكيفات ولا لمبات ولا حتى اصوات سيارات

بصراحه انا احن الى تلك اللحظات واتمنى انها تعود على الاقل مرة كل سته شهور لأن تطور الكهرباء وعدم انقطاع التيار حرمنا من متعة التجميع مع كل افراد الفريق وتواجدهم في وقت واحد

الآن لو حصل وانقطع التيار في عز النهار فأفضل حل هو انك تاخذ المداوم والاولاد وتركب السياره وتطق المكيف وعلى اقرب مجمع من المجمعات وساعتها يولع وقت الا يولع لكن لو صار مثل ما صار الى دبي قبل سنه والكهرب انقطع عن كل المدينه فما فيه الا نعود امجاد الأول

وزار :confused:
وفانيلة ام سير :confused:
وقحفية :p
ونعال زنوبه ;)
وشيل سلّتك وعلى عين الصوبيه طوالي :cool:

[نعناع]

أنت وين والرطوبة وين يا موت

حالتنا حالة مع هالرطوبة لا والحين الشباب ما يحددو الزوج الا في الحر وفي وقت الرطوبة
عجبني واحد من الشباب بيزوج هو مع أخوه قاله شوف إذا يتحدد الزوج في الصيف والله أهون

من بعض الاشياء التي تحدث بين الشباب في الرطوبة
1- إذا واحد دخل المجلس ونسي الباب مفتوح ينعلو أبو ! ! ! :)
2- اللمس والمزح والغفصة ممنوعة وبشدة
3- الملل الذي ليس له نهاية في الرطوبة بسبب تلاشي الخروج والدخول للمكيف

هذا غير الزهق والطفش الي يضرب أفيوز الواحد

قريب أن شاء الله نشوف الرطوبة تضرب بعض الناس :rolleyes:

يقولك واحد من الشباب عنده عمال واحد العمال وصل من الهند في عز الرطوبة
العامل تمنى الموت ولم يكن يعرف أو يتخيل أن في هذا العالم جو مثل جونا أو رطوبة مثلنا

الله يرحم والديك يلي صنعت المكيف رحمتنا من الشتات

وأفضل مكان في وقت أنقطات عالتيار الكهربائي
هو العيون وأن لم يحصل المجمعات وأن لم يحصل عليك أن تتمنى الموت أفضل لك

[سحر رباني]

سلامٌ عليكم ..

هل فكرت
اذا انقطعت الكهرباء في الحر والرطوية

ماذا سوف تفعل في يوم بدون مكيف ؟ مع حرارة شديدة ورطــــــوبة شديدة

هل خطر في بالك ماذا سوف تعمل ؟

فكرنا فيها ياموت وعاصرناها اوقات في نص الليل
اتذكر الاول اذا انقطع الكهرب في البيت، يكون بارد في البداية، شوي شوي يتحول الى حار جداً حتى مانقدر نتحمل فكل واحد يمسك في ايده ورقة قوية ويتمروح بها .

بس اني الي استغرب منهم هالايام والرطوبة بهالشكل
كبار السن النسوان ، يجلسوا برى ويشربوا قدو وعادي عندهم الوضع، وكأن شيئاً لم يكن .
وهدرة وسوالف ومروقين لآخر درجة بس مايدخلوا داخل البيت الا حالتهم حالة ويسبحوا من العرق

انت موت ، ماقلت لينا ويش تسوي اذا انقطع من بيتكم الكهرب ؟
ننتظر سوالفك
:)
مودتي؛
زينب

[نعناع]

أهمشي لا جيب طاري النوم في الرطوبة
لو نسيت النوم في رحلة الرطوبة
صحيح غريبة وإلى الحين مو عارف كيف جاه النوم

[اوليفر]

والله انكم دلاليع بزيادة
الا يقول ما ينام في الرطوبة
والا يقول يشرب قدو

انا اعرف شايب من صفوى طول عمره ما قعد في مكان فيه مكيف
ولا عمره نام في مكيف وداكو ما شاء الله عليه
عمره ثمانين سنه وبصحه وعافية وسلامه ولا تقول شباب عمره ثلاثين
ترى يا شباب احنا ما هد بدننا الا المكيفات ولا عفس صحتنا الا المكيف
تقول كنا دياج كحطوطين في فريز

خلكم في هالرطوبة شوي , خل الجسم يتخلص من المواد السامة الا فيه
وخلوا مسامات الجسم تنفتح شوي بدل ما هيه مقفله

[الزينبية]

ليش يعني ماصارت ..؟!
في منتصف شهر جمادى الأخر انقطع مرتين
مرة على أذان صلاة المغرب .. اضطرينا نصلي على شموووع ..
والثانية بعد منتصف الليل .. شغلنا كم شمعة وتتالت المكالمات الهاتفية مابين الأهل ..
اللي انقطع عندهم واللي ماانقطع .. وضرب هدرة ..
وانقطع أيضا السنة اللي راحت من الساعة 6.45 إلى بعد أذان الظهر
وطبعا الفترة جدا طويلة وفي عز الحر انصهرنا والكل نام ماعدا أني
وأولاد أختي وإخوتي الصغار جمعناهم وقضيناها ذكريات وثرثرة وتصفح ألبومات الصور
من الطفولة ..
لامن الله فرجها ..
وبعدين مافي مكيف عندنا مهفة .. المصنوعة من الخوص .. تماااام ولا مكيف ..

[فاطمة]

http://www.karzakan.com/montada/style_emoticons/smi/i018.gif

اذا تعبانة أنام في الفرن ..
مو في الرطوبة بس !

بس عاد هي نومة ..!!!

كانت أيام الإمتحانات أيام إنقطاعات كهربية .. خلوني أنعل وزارة الكهربا .. و أسبهم من القهر ....
لازم ننام .. لأن توجيهي ... و المذاكرة يامحلاها بالحر .. تتبخر المعلومات بسرعة !

بس الحمد لله .. عدت على خير ..

خاطري اعرف .. وش يسوي موت في الحر !؟

[قديحي]

في منتصف شهر جمادى الأخر انقطع مرتين
مرة على أذان صلاة المغرب .. اضطرينا نصلي على شموووع ..
..

لو طاحت عليكم هيئة الامر بالمنكر ذاك اليوم
كان قالوا عنكم مسيحيين وتهموكم انكم قالبين البيت كنيسة :p
ويمكن تكبر السالفة ويقولوا انكم السبب في انقطاع الكهرباء عن الفريق
شفتوا كيف الرطوبه ممكن تودي في داهية ؟

موت مو مهتم بالحر مثلنا الحين
تلاقوه متسدح في الماي الحين كنه احد تماسيح المسيسيبي ;)

[محمد الفرج]

.
.
.


اسعد الله اوقاتكم بالمكيفات ..

اي ذكرنا قديحي بطلعات الشياب آخر ليل .. لحقنا على آخرها ..!!

و السالفة إن كنا مجموعة دشّار ، رئيسنا المجرم الفلاني و ممول الشلة سرقةً من بقالتهم ..!
انطفى الكهرب و جا لينا الرئيس بليت يدوي ابو البطاريات ..
و عرنا زرانيق الفريق و صادف أن وجدنا " ريال " ..! :)
منها دقت جنية الرئيس إن ليلة ينطفي فيها الكهرب = ليلة تدوير اريل
واحنا مساكين ندوّر و لكن بمتعة ما بعدها متعة ، بالطبع لم نحصل على غيره ...

بس للحين ما اتذكر إن كان يفرق معانا برد حر رطوبة وقتها ..!

الحين لو يطفي الكهرب اروح القهوة و اشغل لي راس باعشن .. لما تشرب ما تبي هوا يضرب فيك و تفضل الرطوبة على الهويات " شفتو كيف ؟! "

تمام الواحد يخربط بين الفصحى و العامية :)
يالله فتّكو بعافية

[موت]

وأحنا هم عصرنا هذي الفترات
من حر ورطوبة مو زي اولاد اليوم وبنات اليوم "ياي"
اذا انقطعت الكهرباء كنا نطلع بره البيت ونجلس على العتبة حق المجلس والفريق كلهم يطلعوا وسوالف وخلاص حتى يشتغل بس طبعاً ملابس "وزار فانيلة ,ابو رحلة

قديحي عين الصوبية في البرد غير شكل تجلس لك خمس ساعات ما تملل وتمشي زي الحلاوة
بس ماقلت اي وحده تروح الاولى او الثانية ..الثانية احسن مو زحمة لا شوي ابعد بس راحوا ياقديحي منهو يرجعهم .

.
أبوعبدالله احلى زواج يكون في الرطوبة علشان ماحد يجي :D وبدون وجع راس .

طيب واذا مسك واحد فوبك في الرطوبة كيف يصير:p ويعفسه فوق تحت
وأنت ماتفكر الا بس في النوم حياتك كلة نوم الله يساعد اهلك عليك
.

النسوان الكبار يشربوا قدو على لو جهنم :confused: مايصير السوالف والحش الا في الرطوبة والحر ,
الاشائعات الا يطلعوها ;) من الطراز الاولى
وعندهم مهفة اذا استملوا من الهدرة كل وحدة تهف الى نفسها يطيروا الزهق
.
قديحي على سالفة الشموع والكنيسة , قبل كنت ادخل بعضهم ..ونشوف وش يسووا على الطاير .من يشوفونا طلعنا على طول الكل يطالع لان ما نجلس كثير وفي ونقطع حديثهم . ويبخروك بمبخرهم ...وهذي بدعة وضلالة...
.
.
اوليفر
صدقت هذول دلاليع اولاد اليوم وش تسوي معهم "ياي" اتكيت مايقدروا على الحر والرطوبة ع عمري ..أنت تتكلم عن جيل يبغى ينام بس ويأكل ويشرب
.
.
فاطمة
يعني أنا طلعتي زي أبو عبدالله في النوم من قروب ناموا 12 ساعة .الله يساعد اهلكم عليكم
جيل مافيه فيده بس نوم واكل . احلى شي المذاكر في الحر والرطوبة واذا العرق صار ينقط على الكتاب يا حلاوه علشان يقولوا عندك مجتهد :D
.
.
حرفوه
اريال في الحر والرطوبة والله رئيسكم كان مجنون ,أكيد كنت حافي وأنت تعر في الزرانيق.. عجبتني الفكرة.
يقولون المعسل في الحر زين ولطيف :p .


نسيت احد مااادري

[قديحي]

ايه يا موت
كأنك تدري
البارحه صار عندنا مشكلة في الكهرباء 220 وانطفت المكيفات
فما كان من حرف الا ان شمر عن ساعديه واتصل الى شكرة الكهرباء
وما قصروا بصراحه
جو وقطعوا الكهرباء عن كل الفريق حوالي الساعه 2 ونص
ولك ان تتخيل شكل الناس
الا طالع بوزاره
والا طالع واسنج مال لمخده متلزق في شعره :a37:
والا طالع ما يدري وين الطريق

والجهال فرحانين بالظلمه :a32:
والحريم تزغرت :019:

لكن الحلو في الموضوع ان شباب الفريق كانوا مجتمعين واحلى سوالف
ووحتى ان بعضهم صار لي اكثر من سنتين ما تكلمت وياه
مع انه جار
شفتوا فوائد انقطاع الكهرب

[موت]

حرفوه
يعني حلصت لك كم لعنة البارحة .
اذا مسائلة قطع الكهرباء بتسوي كذا.
وش رايك يا قديحي أنك تقطع الكهرباء كل اسبوع عن فريقكم علشان تشوف جيرانكم ؟
وحرف هو الوكيل الا يتصل حق الشركة ..؟
طيب وش كان شعور الاخرين قديحي ؟ مع الرطوبة ؟

[محمد الفرج]

سلام من الله عليكم

ايه على بارحة أول ..
عاد اول ما طفوه انتبهت مع إني كنت منخمد " يسموها مرحلة الحركة السريعة للعين ؟! ذي إلا مافي نملة تمشي إلا تخليك توتعي ليها "
طرااااخ في كرسي الكمبيوتر ..!

طلعت إلا واحد من الفريق مع شباب سكيكو رحم الله والديهم

تجمعنا كالعادة و كل دقيقة يطلع لينا واحد من زرنوق .. واللي فاتح دريشة بيتهم يقول ما خلص الفلم بعده ..! واللي واللي ..

كلما يطلع نفر يفتقوها ضحكة الجماعة ..

قلنا السالفة عشر دقايق طلع فيوز ذايب و الشباب الله ايهديهم ماعندهم إلا فيوز نوع ثاني .. وكذا طالت السالفة وطالت السوالف عندنا ..

الشي الغريب إن ماكو إلا شايب واحد بيّن الله يحفظه .. اختربوا شيابنا صارو مال نوووووم الحين !!

بعد ما طولوا زيادة قلت اروح انخمد حر لو موت " مو موت انت ، طبعا الجو كان حلو البارحة ماكو رطوبة ياموت "
رحت نمت و توها جايتني الغفوة إلا قديحي طاب علي ومنبهني " يعني طفوه عن الفريق كله ؟؟!! "
توه منتبه من نومه الرجال !! طلع ليهم و انا كملت نومي لين قال الله اكبر اشتغلت الكهربا بالصلاة على محمد وآله ..
عموما اول ما تجمعنا على طول تذكرنا هالموضوع ..

كان الفرق بين لول والحين إن الكل نايمين بينما الحين الكل سهران ..
كانوا كلهم متجمعين يسولفو الحين كل اثنين ثلاثة مع بعض ..
اللي ظل زي ماهو إن بيت جيرانا عندهم كهرب بينما كل لبيوت لمحاوطينه مافيه .. مو قهر ؟! :)

وختاما لو أنا مجهز لي راس معسل قبل ما يطفوه مو كانت خوش ليلة ؟! أو اقلها رحت القهوة !!

تنامو و تشوفوا غيرها

دمتم بخير