عيون القديح (مسابقة )

[يحيى البشراوي]

في عمل انتاجي قديم قام به احد المشخشين الله يحفظه وهو تصوير دقيق لعيون القديح وبيقوم بنشره ان شاء الله جواد حماد
المهم والمطلوب :
انا بطرح اسم عين في القديح وابي واحد يشرح وين موقع العين واللي يشرحها يحط اسم عين ثانية وايجي واحد ثاني ويشرحها واللي لين ما حد يعجز زي الكيلو كيلو

عين نوحيه

[قديحي]

مرحبا فرات

بصراحة الإسم مو غريب عليي , والظاهر كان لنا صولات وجولات في هالعين
اذا ما كنت غلطان
فهي موجوده على الشارع المتجه الى نخل لفمامية , يعني تطلع من الديره من جهة بيت الشيخ مهدي العوازم وتروح الى السد وتتجه مباشرة الى لفمامية وفي وسط الطريق بين السد ونخل لفمامية هي موجوده جهة اليسار
وإذا ما كنت غلطان مرة ثانية فهي عين صغيرة مساحتها ما تتعدى ثلاثة متر في ثلاثة متر

يالله فرات
ننتظر تقول الجواب صح او خطأ

[نعناع]

صح كلامك ياقديحي
مكانها في القديح على الطريق المودي إلى الفمامية وبتحديد تكون على اليسار

وين مكان عين المقيبري

[زوزو الحلوه]

عين المقيبري: جنب نخل الطرابيل من الجهه الغربيه
ا ن شاء الله تكون الاجابه صحيحه
وين موجوده عين ساداس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[موت]

أبو عبدالله
هل تقصد العين الا دفنوها جنب مدرسة البنات؟؟؟

زوزو الحلوه
عين ساداس ..جنب بيت فلاح " بيت العرفات يكون شرقهم " . في فريق الشمالي

على طاري عين ساداس ذيك الايام كنا نروح نخل جدي الله يرحمة . وكان واحد وقف جنب العين سئل اخوي الكبير "أخوك يعرف يسبح قال ليه ايه ويفلتني في العين :confused: وأنا ماكنت أعرف .وكنا بنروح فيها وأخونا الكبير مو راضي ينزل لي . بس طلعني واحد من الا كانوا في العين ..هذا الكلام قبل ما يطرحوا سور حق العين ..كانت بدون السور احلى بكثير

[نعناع]

موت عين المقيبري مع الاسف أنا ماشفتها
لكن أمس كان معي في الدوام واحد من الي كانو يسبحو فيها وعطاني الوصف بتحديد

وين بيت أبوقيس الشيخ مابعده من جهة الجنوب بيت أبو الرحي هي تكون في زاوية آخر بيت
من جهة الجنوب .
كانت هذي العين 24 ساعة تنبع دون توقف أشتهرت بقوة الماء
ولكن اليوم أصبحت بقص صغير فقط .

هذا على حسب كلام الرجال أن شاء الله مايطلع كبر في السن وخرف

[يحيى البشراوي]

سلام عليكم :
نبغى حماس اكثر ونبغى اعيون ادوخ
عليك كرت اصفر يا موت لانك عطلت اللعبة ولا عطيتنا اسم عين
وراح نسامحك هل المرة ونعطي اسم عين عنك
عين محمد سعيد

[قديحي]

فرات
هذي اسهل من هذيك
عين محمد سعيد موجودة في الفريق الغربي شمال منطقة صداع مباشرة
وبالقرب من المركز الصحي الجديد
والظاهر سموها عين محمد سعيد نسبة الى صاحب النخل محمد سعيد الناصر
طبعا عين محمد سعيد كانت محاطة بالطابوق لأن الحريم يستخدموها قديما في غسيل الملابس
والتسبوح مرة وحده

طيب الحين دروي
من يعرف موقع عين لمغيصة